Вазорати тандурустии Тоҷикистон хабар дод, ки 37 ҳолати нави гирифторӣ ба COVID-19 дар кишвар сабт шудааст. Ба иттилои расмӣ, аз 30-юми апрел (замони эътирофи мавҷудияти вирус дар кишвар) то кунун коронавирус ба 10 ҳазору 297 кас сироят кардааст. Бештар аз 9177 нафари онҳо шифо ёфтаанд. Мақомот рӯзи 12-уми октябр хабар дода буданд, ки то имрӯз 79 нафар аз коронавируси нав дар Тоҷикистон ҷон бохтаанд. Аммо дар хабарномаи ҳаррӯзаи Вазорати тандурустӣ рӯзи 13-уми октябр дар бораи теъдоди фавтидагон рақаме зикр нашудааст. Читать дальше...
Пулиси вилояти Ҷиззахи Узбекистон хабар дод, ки дар ноҳияи Галлаарали вилоят бо гумони истихроҷи ғайриқонунии тило чанд одам боздошт шудааст. Аз боздоштшудаҳо василаҳои тилоҷӯӣ мусодира шудааст. Ба иттилои пулис, аз рӯи ҳодисаи тилоҷӯӣ тафтишот идома дорад. Моҳи августи соли ҷорӣ расонаҳо хабар дода буданд, ки чанд одам бо гумони ғорати санги тилое боздошт шуданд, ки наздики 23 ҳазор доллар арзиш дошт.
Ҳамсари Ҳикматулло Сайфуллозода, узви зиндонии ҳизби фаъолияташ дар Тоҷикистон мамнӯи наҳзати исломӣ иддао дорад, ки вазъи саломати шавҳараш пас аз гирифторӣ ба коронавирус хуб нест ва хонаводааш низ бинобар вазъи иқтисодӣ наметавонанд ба ӯ кумак кунанд.
Мавлуда Рафиева, хабарнигори гуруҳи расонаҳои "Азия-Плюс" дар синни 56-солагӣ даргузашт. Сабаби марги ӯ ҳанӯз дақиқ нест, аммо дӯстонаш мегӯянд, Рафиева чанд рӯзи ахир аз сулфа ва ҳарорати баланд шикоят дошт. Мавлуда Рафиева аз хабарнигорони фаъол дар вилояти Суғд буд ва барои гуруҳи расонаҳои "Азия-Плюс" мавод менавишт. Ин хабарнигори тоҷик то рӯзи 8-уми октябр дар шабакаи Фейсбук фаъол буд ва ба гуфтаи наздиконаш баъд аз он рӯз дар беморхона бистарӣ шуд. Рафиева аз фаъолтарин хабарнигорони тоҷик буд... Читать дальше...
Чанд тан аз фаъолони шаҳри Алматои Қазоқистон шоми 12-уми октябр хабар доданд, ки ҳукумати шаҳри Алмато ба баргузории гирдиҳамоии ислоҳоти сиёсӣ иҷозат дод. Ҳукумати шаҳри Алмато гуфтааст, дар гирдиҳамоӣ на бештар аз 500 кас ҷамъ шавад. Фаъолон тасмим доранд, бо талаби ислоҳоти сиёсӣ ва қатъи таъқибҳои сиёсӣ гирди ҳам оянд. Ҳамчунин аз сокинон талаб шудааст, ки ҳангоми гирдиҳамоӣ меъёрҳои беҳдоштиро риоя кунанд. Қарор аст, ин гирдиҳамоӣ аз соати 12 то 15 рӯзи 31-уми октябр баргузор шавад. Ин дар ҳолест... Читать дальше...
Дар Туркманистон вазъи иқтисодии аҳолӣ ҳамарӯза бад мешавад. Сокинони вилояти Марий дар нақдсозии пул мушкил доранд. “Имрӯзҳо дар назди банкоматҳои вилоят сокинон дар навбат ҳастанд, то музди маош, нафақа, ёрдампулӣ барои маъюбият ва нигоҳубини кӯдаконро, ки 3-4 моҳ боз нагирифтаанд, дарёфт кунанд”, - иттилоъ медиҳад хабарнигори бахши туркмании Радиои Озодӣ. Ба гуфтаи ӯ, бо ҳадафи ба тартиб даровардани навбатпойӣ дар назди банкоматҳо бонкҳо чипта ё талонҳо роҳандозӣ кардаанд, аммо ба иттилои сокинон он ҳеч натиҷаи мусбате надодааст. Читать дальше...
12-уми октябр вазири умури хориҷии Қирғизистон Чингиз Айдарбеков бо намояндаи вижаи дабири кулли СММ дар Осиёи Марказӣ Наталия Герман суҳбати телефонӣ анҷом дод. Бино ба иттилои дафтари матбуоти ВКХ, Герман таъкид кардааст, ки СММ ҳамеша шарики боэътимоди Қирғизистон аст ва ҷонибҳоро ба ҳалли босуботи вазъи баамаломада даъват мекунад. Герман бар ин аст, ки феълан маҳз Сооронбой Ҷеенбеков раисҷумҳури қонунӣ, намояндаи ҳокимияти конститутсионӣ дар кишвар ба шумор меравад. "Изҳори умед карда шуд... Читать дальше...
Сокинони деҳоти офатзадаи Тоҷикистон аз кумаки нокифоя шикоят доранд.
Варзишгарони тоҷик дар мусобиқаи қаҳрамонии ҷаҳон оид ба гуштии кураш, ки дар шаҳри Қазони Тотористони Русия баргузор шуд, панҷ медал (1 нуқра ва 4 биринҷӣ) ба даст оварданд. Чунонки сомонаи расмии Федератсияи кураши Русия - russiakoresh.ru хабар додааст, дар ин мусобиқаи ҷаҳонӣ 130 варзишгар аз 26 кишвар аз рӯи даҳ вазн рақобат карданд. Дар ҳамаи вазнҳо мизбонон – гуштигирони русиягӣ - ғолиб шуданд. Дар гурӯҳи бонуфузтарин - дар вазни беш аз 130 кило Сергей Павлик, паҳлавони вазнаш 192 кило аз Маскав... Читать дальше...
Ҷавонони рус дар Маскав як зани зодаи Тоҷикистонро аз корди ҷинояткор наҷот додаанд, Суғд аз Узбекистон гази табиӣ ворид мекунад, бознишастаҳои беларусӣ бар зидди Лукашенко қиём намуданд ва матолиби дигар.
Ширкати Johnson & Johnson, ки бо истеҳсоли маҳсулоти беҳдорӣ маъруф аст, бо сабаби ошкор шудани бемории номуайяне дар як ихтиёрӣ санҷиши воксинаро боздошт. Ширкати азими амрикоӣ яке аз рақибони ҷиддӣ дар заминаи коркарди воксинаи зидди COVID-19 ба шумор мерафт. Ширкат дар ин бора дар як изҳороти рӯзи 12-уми октябр хабар дода гуфт, ки таҳқиқот дар давраи сеюми озмоишҳо бо сабаби бемор шудани як ихтиёрӣ муваққатан боздошта мешавад. Johnson & Johnson гуфт, ки чунин танаффусҳо дар ҷараёни озмоишҳое... Читать дальше...
Нирӯҳои амрикоӣ дар вилояти ҷанубии Ҳилманд ба кӯмаки артиши Афғонистон рафта, ҷангҷӯёни Толибонро, ки чанд рӯзи ахир ба нирӯҳои ҳукуматӣ ҳамла мекунанд, ҳадаф қарор доданд. Ин ҳамла бо тақозои хатми ҷангҳо карда шуд. Полковник Сонни Леггетт, сухангӯи нирӯҳои амрикоӣ рӯзи 12-уми октябр гуфт, ки ҳамлаҳои ду рӯзи ахир бар хилофи созиши сулҳи ИМА ва Толибон нест, ки моҳи феврали имсол имзо шуд. Феълан дар Қатар музокироти сулҳи миёни ҳукумати Афғонистон ва Толибон идома дорад. Леггетт гуфт, ки дар... Читать дальше...
Узбекистон баъд аз солҳо дигарбора интиқоли газ ба шимоли Тоҷикистонро оғоз мекунад. Мақомот гуфтанд, то як моҳи дигар ва бо таъмири қубурҳо манзили сокинон бо гази табиӣ таъмин мешавад. Тақрибан даҳ соли пеш дар аҳди Ислом Каримов, президенти пешинаи Узбекистон, бинобар қиммат будани нархи газ Тоҷикистон воридоти онро қатъ карда буд. Сокинон ҳоло бо набуди гази табиӣ манзилҳояшонро бо барқ ва ё оташи бобоӣ гарм мекунанд, вале акнун ба қубурҳои бекорхобидаи онҳо буйи газ меояд. Корхонаи хусусии "Сомон-Cуғд Газ" муваззаф шудааст... Читать дальше...
Дар паи гузоришҳои нав дар бораи хуруҷи коронавирус, мақомот дар шаҳри бандарии Чингдау дар шарқи Чин ният доранд то охири ҳафтаи ҷорӣ 9 миллион сокини маҳаллиро аз санҷиши коронавирус гузаронанд. Ин нахустин мавриди хуруҷи вируси нав дар ду моҳи охир мебошад. Барномаи тестии ҳамагонӣ дар ин минтақа дар ҳоле ҷорӣ мешавад, ки баъди моҳи декабри порсол ошкор шудани вируси нав дар Вуҳани Чин ва чандин моҳи муқобила бо паҳншавии он, дар кишвар ҳодисаҳои олудагӣ ба вирус шадидан коҳиш ёфт ва мақомот аз моҳи август мегуфтанд... Читать дальше...
Кумитаи миллии олимпӣ мегӯяд, бозии ниҳоии Ҷоми Тоҷикистон-2020 миёни ду дастаи вилояти Хатлон – “Равшан”-и Кӯлоб ва “Хатлон”-и Бохтар 18-уми октябр баргузор мегардад
Иттиҳоди Аврупо ба қабули таҳримҳои нав алайҳи Беларус ва Русия барои поймолкунии ҳуқуқи инсон ва арзишҳои демократӣ омода мешавад. Дар ҷаласаи 27 вазири хориҷаи узви Иттиҳоди Аврупо бори дигар таъкид шуд, ки интихоботи моҳи августи Беларус “озоду одилона набуд” ва таҳдид шуд, ки нисбати Александр Лукашенко, раҳбари худкомаи кишвар, ки ба гуфтаашон, “ҳеҷ салоҳияти қонунӣ надорад”, тадбирҳои маҳдудкунанда ҷорӣ мешавад. Дар ҷаласаи вазирон ҳамчунин пешниҳоди Париж ва Берлин дар заминаи таҳрими шаҳрвандони... Читать дальше...
Доналд Трамп, президенти ИМА, ки ахиран аз коронавирус муолиҷа гирифт, ба маъракаи таблиғи номзадиаш дар интихоботи президентӣ баргашт. Рӯзи 12-уми октябр ӯ дар Санфорди Флорида буд. Интихоботи президентии ИМА рӯзи 3-юми ноябр барпо мешавад ва дар интихобот Трамп дар муқобили рақиби демократаш Ҷо Байден қарор мегирад. Трамп ин навбат фурсатро истифода карда, тадбирҳои Кохи Сафедро дар қиболи пандемияи коронавирус ва ҳам шифо ёфтани худро аз беморӣ бар асоси давоҳои таҷрибавӣ ҳимоят кард. Трамп хитоб ба мардуми ҷамъшуда... Читать дальше...
Дар шаҳри Душанбе конфронси ғайринавбатии ҳисоботию интихобии Федератсияи ҷудои Тоҷикистон баргузор шуд
Ба бовари коршиносон, таҳаввулоти ахир дар Қирғизистон ба ин ё он шева ба шуури сиёсии аҳолии минтақа таъсир мегузорад.
Федератсияи футболи Тоҷикистон санаи рақобати даври финалии Ҷоми Тоҷикистон-2020-ро эълон кард
Президенти Кумитаи байналмилалии олимпӣ (КБО) Томас Бах ба раҳбарони дастаҳо дар Олимпиадаи Токио-2020 итминон дод, ки варзишгаронашон метавонанд орзуи олимпии худро соли оянда амалӣ кунанд. Дар ин бора сомонаи расмии Кумитаи миллии олимпии Тоҷикистон хабар додааст. Ба иттилои манбаъ, Бах зимни суханрониаш дар ҷаласаи онлайнии раҳбарони дастаҳо дар Олимпиадаи Токио-2020 ваъда дод, ки ташкилот бо тамоми имконот фаъолият дорад, то Бозиҳоро ба давраи баъд аз коронавирус мутобиқ созад. Дар истинод... Читать дальше...
Коршиносон натиҷаи интихоботи президентӣ дар Тоҷикистонро пешгӯишаванда арзёбӣ карда, мегӯянд, ки баъд аз ҳодисаҳои интихоботи раиси ҷумҳури Белоруссия интизор доштанд, ки омори тарафдорони Эмомалӣ Раҳмон камтар эълон мешавад. Ҳамзамон коршиносони тоҷик мегӯянд, ки то ҳафт соли дигар ҷаноби Раҳмон вазифаи раиси ҷумҳурро иҷро карда, сипас мавзӯи интиқоли қудрат баррасӣ хоҳад шуд. Комиссияи маркази интихобот ва ҳамапурсии Тоҷикистон 12-уми октябр натиҷаҳои муқаддамотии интихоботи президентиро ҷумҳуриро... Читать дальше...
Дар Туркманистон таъқиби сигоркашҳо ва шахсоне идома дорад, ки ба тамоку муътод шудаанд. Ба иттилои хабарнигори бахши туркмании Радиои Озодӣ, дар ҳоли ҳозир пулиси Туркманистон онҳоеро таъқиб ва боздошт мекунад, ки нос истифода мебаранд. Ба гуфтаи хабарнигор, дар пасманзари камчин ва гарон шудани сигор сокинони ин кишвар рӯ ба нос овардаанд, ки истеҳсол ва истифодаи он дар Туркманистон манъ аст. Дар ҳоли ҳозир дар Туркманистон як қуттии арзонтарин сигор 230-240 манат фурӯхта мешавад (қурби расмии 1 доллар 3,5 манат аст). Читать дальше...
Дар вилояти Қазоқистони Шимолии Қазоқистон шаҳри Мамлютка ва шаҳраки Явленка, маркази маъмурии ноҳияи Есилро карантин карданд. Бино ба хабарҳо, рӯзҳои ахир дар миёни сокинони ин минтақаҳо даҳҳо ҳолати мубталошавӣ ба коронавирус ошкор шудааст. Дар роҳҳои баромаду даромад аз минтақаҳои аҳолинишини мазкур постгоҳҳо ташкил шудааст. Сокинон аз соати 22:00 то соати 6 иҷозат надоранд, ки аз хонаҳояшон берун бароянд. Дар шаҳри Мамлютка, ки бо Русия ҳаммарз аст, макони карантин барои 100 нафар ташкил шудааст. Читать дальше...
