Қонунгузорон дар Қирғизистон ба Радиои Озодӣ гуфтанд, ки аъзои парлумон рӯзи 10 октябр дар қароргоҳи президент дар беруни Бишкек барои баррасии даъвати президент Сооронбой Ҷеенбеков дар заминаи даъвати вазъи фавқулодда дар пойтахт ва овоздиҳӣ барои интихоби нахуствазири нави кишвар ҷамъ мешаванд. Ҷаласа баъди он даъват шуд, ки Ҷеенбеков рӯзи 9-уми октябр дар шаҳр вазъи фавқулодда ҷорӣ кард ва дар пойтахт миёни гурӯҳҳои рақибе, ки дар талоши ғасби қудрат аст, задухӯрдҳо ба амал омад. Дар ҳамин ҳол гузоришҳо хабар медиҳанд... Читать дальше...
Дар Тоҷикистон ба зудӣ филми наве бо номи "Бачаи обӣ" ба намоиш медарояд, ки доир ба як фалокати эҳтимолии умумибашарӣ нақл мекунад. Филмро дар соҳили Қайроққум ба навор гирифтаанд.
Ҷӯрахон Кабиров, сокини 69-солаи шаҳри Кӯлоб, ки ҳамчун фаъоли ҷамъиятӣ аз камбудҳои шаҳр доим ба мақомот муроҷиат мекунад, дар арафаи интихобот аввал тасмим дошт, ба ин маъракаи сиёсӣ намеравад. Мегӯяд, ноадолатиҳои иҷтимоӣ ӯро водор кард, ки тасмимашро дигар кунад.
Ҷӯрахон Кабиров, сокини 69-солаи шаҳри Кӯлоб, ки ҳамчун фаъоли ҷамъиятӣ аз камбудҳои шаҳр доим ба мақомот муроҷиат мекунад, дар арафаи интихобот аввал тасмим дошт, ба ин маъракаи сиёсӣ намеравад. Мегӯяд, ноадолатиҳои иҷтимоӣ ӯро водор кард, ки тасмимашро дигар кунад.
Дар шаҳри Бишкек, пойтахти Қирғизистон, то 21-уми октябр вазъи фавқулода эълон шуд. Дар ин бора 9-уми октябр фармони раиси ҷумҳури ин кишвар Сооронбой Ҷеенбеков содир гардид. Вазъият дар Қирғизистон баъди он печида шуд, ки мухолифон ба натиҷаҳои интихоботи порлумонии 4-уми октябр дар он кишвар эътироз карданд. Онҳо гуфтанд, дар интихобот тақаллуби зиёд сурат гирифт ва асосан ҳизбҳои рӯ ба ҳукумат вориди порлумон шуданд. Кумисюни марказии интихоботи Қирғизистон рӯзи 6-уми октябр натиҷаҳои интихоботро бекор кард ва раиси ҷумҳур низ гуфт... Читать дальше...
Маъракаи пешазинтихоботии номзадҳо ба мақоми президенти Тоҷикистон ба поён расид. 10-уми октябр "рӯзи хомӯшӣ" аст ва ҳизбҳо ҳақ надоранд, номзадҳояшонро таблиғ кунанд.
Федератсияи байналмилалии ҷудо баъди 7 моҳи таъхир баргузории мусобиқаи Гранд слами Венгрияро охири моҳи октябр дар шаҳри Будапешт тасдиқ кард
Пас аз нашри гузориши Радиои Озодӣ дар бораи аз кор мондани корхонаи нави дӯзандагӣ дар ноҳияи Рӯдакӣ, ки ҳангоми сафари президент Эмомалӣ Раҳмон кушода шуд, масъулони ноҳия гуфтанд, “корхона ҳоло фаъол аст”.
Гузориши Радиои Озодӣ дар бораи аз кор мондани корхонаи нави дӯзандагӣ дар ноҳияи Рӯдакӣ пас аз боз шудани он бо ширкати президент Эмомалӣ Раҳмон на танҳо посухи расмии ҳокимияти ноҳия, балки талошҳои дубора ба кор андохтани корхонаро сабаб гашт.
Агар ман президент шавам, ба донишу фарҳангу субот аҳамият медиҳам, саноатро мебардорам, ҳеҷ касро пеш аз артиш ба донишгоҳ роҳ намедиҳам. Чанд посухест, ки хабарнигори Радиои Озодӣ ба суоли "Агар президент шавед, чӣ кор мекунед" гирифт. Шумо чӣ кор мекунед? Видеоро бубинеду дар зераш бинависед.
Раиси ҷумҳури Қирғизистон Сооронбек Ҷеенбеков гуфтааст, "ҳар вақте кишвараш ба масири қонунӣ баргардад", омодааст аз мақоми худ истеъфо диҳад. Сооронбой Ҷеенбеков пас аз оғози эътирозҳо ба натиҷаҳои интихоботи порлумонӣ, дар макони номаълум ба сар мебарад.
Аз замони соҳибистиқлолӣ дар Тоҷикистон чанд дафъа интихоботи президентиву порлумонӣ баргузаор шудааст ва ҷараёни онро садҳо нозири миллӣ ва байнулмилалӣ назорат кардаанд.
Матбуоти расмии Тоҷикистон ва расонаҳои мустақил доир ба тазоҳурот ва буҳрони сиёсӣ дар Қирғизистон чизе намегуянд. Сабаб чист? Дастури мақомот ва ё бетаваҷҷуҳии хабарнигорон. Худатон дар ин видео бубинед?
Раҳбарони Тоҷикистону Қазоқистон, Узбекистон ва Туркманистон бо нашри баёнияи расмӣ аз таҳаввулоти Қирғизистон изҳори нигаронии амиқ карданд.
Кумитаи тадорукоти Олимпиадаи тобистонаи Токио тасмим гирифт, ки хароҷоти баргузории мусобиқотро 284 миллион доллар кам кунад. Дар ин бора ТАСС бо такя ба роҳбари кумитаи тадорукоти Бозиҳо Тоширо Муто хабар додааст. Ба гуфтаи ин мансабдор, аз ҳисоби кам кардани шумораи шахсони расмии дигар кишварҳо ва намояндагони Кумитаи байналмилалии олимпӣ (КБО) дар Бозиҳо сарфа намудани маблағ пешбинӣ шудааст. Ғайр аз ин, истифодаи равшании иншооти варзишӣ сарфакортар хоҳад буд. Муто афзуд, ки 284 миллион рақами охирин нест. Читать дальше...
Рустам Раҳматзода, вакили порлумон ва раиси Ҳизби ислоҳоти иқтисодӣ, пешбарӣ шудани номзадиашро ба мансаби президенти Тоҷикистон "тақозои замон" ва “насибу тақдир" донист.
Созмони ҷаҳонии ғизо (World Food Program) - барандаи имсолаи ҷоизаи сулҳи Нобел шуд. Кумитаи Норвежии Нобел рӯзи 9-уми октябр эълон кард, ки ин созмон барои талошҳояш дар амри мубориза бо гуруснагӣ ба ин ҷоиза мушарраф мешавад. Ин созмон як ниҳоди вобаста ба СММ мебошад Раиси Кумитаи норвежии Нобел Берит Рейсс-Андерсен зимни эълони ин қарор дар шаҳри Осло гуфт: «Эҳтиёҷ ба ҳамраъйии байналмилаливу ҳамкории бисёрҷониба назар ба ҳар вақти дигар имрӯз бештар зери шубҳа аст. Кумитаи Норвежии Нобел қарор кард... Читать дальше...
Бар асоси тарҳи як санади мақомоти аврупоӣ, ки ба Радиои Озодӣ дастрас шуд, Иттиҳоди Аврупо омода шудааст, ки Александр Лукашенкоро ба рӯйхати сиёҳи мақомоти беларусии масъули тақаллубҳои интихоботӣ ва саркӯби бераҳмонаи эътирозгарону аъзои мухолифон ворид кунад. Интизор меравад, ки ин санад рӯзи 12-уми октябр дар ҷаласаи 27 вазири хориҷии узви ИА дар Брюссел қабул шавад. Қаблан мақомоти аврупоӣ 40 мақомдори беларусиро таҳрим карданд. Ин тасмим дар посух ба тақаллуби интихоботи президентӣ ва саркӯби хушунатбори эътирозгарон гирифта шуд... Читать дальше...
Дар қораи Аврупо ҳодисаҳои ошкоршавии бештари олудагӣ ба коронавирус мушоҳида мешавад, бархе ҳукуматҳо аз паи сахттар кардани меъёрҳои маҳдудкунанда мешаванд, вале айни замон мақомот дар фикри дубора масдуд кардани иқтисод нестанд. Дар Украина бо 42 миллион аҳолӣ дар як моҳи гузашта шумори олудашудаҳо ба COVID-19 ду баробар зиёд шуд ва рӯзи 8-уми октябр омори олудашудаҳо ба наздики 245 ҳазор нафар, аз ҷумла 4690 ҳодисаи марг баробар шуд. Дар ин кишвар 20 ҳазор нафар дар беморхонаҳо бистарӣ шудаанд. Читать дальше...
Сооронбой Ҷеенбеков, президенти Қирғизистон, фармони истеъфои сарвазир ва ҳукумати кишварашро имзо кард. Дар ин бора аз маркази матбуотии президенти он кишвар хабар доданд. "Дар робита ба фармони президент, касоне, ки дар мақоми сарвазир, ноиб-аввали сарвазир, ноиб-сарвазир, аъзои ҳукумат кор мекарданд, ба истеъфо рафта, то ташкили ҳукумати нав дар мақоми иҷрокунандаи вазифа боқӣ мемонанд", - хабар доданд аз маркази матбуотии президент. Эъломи натиҷаҳои интихоботи порлумонии рӯзи 4 октябр ва... Читать дальше...
Шон Конли, табиби Кохи Сафед гуфт, ки президенти ИМА Доналд Трамп муолиҷаи коронавирусро анҷом дода, аз 10-уми октябр метавонад ба ширкат дар маъракаҳои ҷамъиятӣ баргардаад. Конли рӯзи 8-уми октябр гуфт, ки аз замони ташхис шудани бемории Трамп 10 рӯз гузашт ва тими машваратии тиббӣ ба ин фикр аст, ки президент метавонад пурра ба фаъолиятҳои ҷамъиятӣ баргардад. Трамп се рӯз дар беморхона муолиҷа гирифт ва рӯзи 5-уми октябр ба Кохи Сафед баргашт. Энтони Фаучи, сироятшиноси аршади ҳукумати ИМА гуфт... Читать дальше...
Вазорати хориҷаи Русия гуфт, ки вазирони хориҷаи Арманистону Озарбойҷон ризоият доданд, ки рӯзи 9-уми октябр барои ширкат дар як ҷаласаи машваратӣ бо даъвати президент Владимир Путин ба Маскав мераванд ва роҳҳои хатми амалиёти низомӣ дар Қаробоғи Кӯҳиро баррасӣ хоҳанд кард. Қаблан сафири Арманистон дар Русия ба ТАСС тасдиқ кард, ки вазири хориҷаи ин кишвар Зоҳраб Мнатсаканян ният дорад рӯзи 9-уми октябр вориди Маскав шавад. Ҷузъиёти марбут ба сафари вазири хориҷаи Озарбойҷон Ҷейҳан Баҳрамов феълан дар даст нест. Читать дальше...
Аз 9-ум то 31-уми октябри имсол барои бозгашти шаҳрвандони Тоҷикистон аз Русия 107 парвози чартерӣ ё ғайринақшавӣ ташкил шудааст.
Дар вилояти Урузгони Афғонистон гуристоне ҳаст, бо номи "Қабристони Шуҳадо". Онҷо се бародар зери хок хобидаанд, якеро Толибон куштаанд, дигарӣ Толиб будааст ва аз дасти маъмурони пулис зоҳиран кушта шудааст.
Рӯзҳои 7-8-уми октябр бозиҳои даври бистуми мусобиқаи Лигаи аввали футболи Тоҷикистон баргузор шуд. Дар се бозӣ меҳмонон, дар ду вохӯрӣ мизбонон ғолиб шуданд, як дидор бо натиҷаи мусовӣ хотима ёфт. Дастаи “Равшан”-и Кӯлоб, ки ҳадди ақал кафолати гирифтани медалҳои нуқра ва ҳаққи ширкат дар Лигаи олиро дар мавсими соли 2021 ба даст овардааст, рӯзи 7-уми октябр дар даври бистум дар меҳмонӣ тими “Ваҳдат”-и шаҳри Ваҳдатро бо 2:0 шикаст дод. “Равшан”, ки дар 19 бозӣ 48 имтиёз гирифтааст, дар ҷадвали мусобиқа дар зинаи аввал ҷойгир шудааст. Читать дальше...