Дипломатҳои баландпояи Озарбойҷону Арманистон дар Женева бо ширкати миёнҷиҳои байналмилалӣ ба баррасии шарту шароити созиши нави сулҳ пардохтанд, дар ҳоле, ки даргириҳо дар минтақаи ҷудоиталаби Қаробоғи Кӯҳӣ идома дорад ва се созиши қаблии оташбас бенатиҷа анҷомид. Ҷаласаи рӯзи 30-юми октябрро дар чаҳорчӯби Гурӯҳи Мински САҲА вазири хориҷаи Арманистон Зоҳраб Мнатсаканян шурӯъ кард. Ба ин гурӯҳ ИМА, Фаронса ва Русия шомил ҳастанд. Қарор аст баъди ин Ҷейҳун Байрамов, вазири хориҷаи Озарбойҷон бо дипломатҳои... Читать дальше...
Эмомалӣ Раҳмон, ки рӯзи 30-юми октябр бори панҷум ҳамчун президенти Тоҷикистон савганд ёд кард, ҳайати ҳукуматро ба истеъфо фиристод ва 378 зиндониро афв кард. Шахсияти маҳбусоне, ки афв шудаанд, ҳанӯз маълум нест.
Эмомалӣ Раҳмон, президенти Тоҷикистон пас аз маросими ёд кардани савганди президентӣ бо фармоне ҳайати ҳукумати кишварро ба истеъфо фиристод ва 378 зиндониро афв кард.
Дар Тоҷикистон нигоҳҳо ба интихоботи раиси ҷумҳури Амрико мухталиф буда, бархе таҳлилгарон натиҷаи ин маъракаи сиёсиро барои кишвар муҳим арзёбӣ мекунанд.
Коршиносони тоҷик мегӯянд, интихоботи раёсати ҷумҳурии Амрико ва пирӯзии ҳар кадоме аз номзадҳо, раиси ҷумҳур Доналд Трамп ва ё рақиби демократаш Ҷо Байден ба Тоҷикистон ҳам таъсир мерасонад. Чӣ гуна таъсир? Худатон бубинед:
Дар Бангладеш даҳҳо ҳазор мусалмонон дар намоиши эътирозӣ иштирок карда, президенти Фаронса Эммануэл Макронро “террористи калонтарини ҷаҳон” номиданд. Ин дар ҳолест, ки ҳимояти ҳукумати Фаронса аз карикатураҳои Муҳаммад Пайғамбар мояи нигаронии дигар ҷомеаҳои мусалмонӣ дар ҷаҳон шудааст. Фаронса, ки макони зисти як ҷомеаи калони мусалмонон мебошад, рӯзи 30-юми октябр дар ҳолати омодабоши амниятӣ қарор гирифт. Ин тасмим баъди он гирифта шуд, ки марде дар шаҳри Ниси Фаронса ба як калисо ҳамла кард ва бо зарби корд се нафарро кушт. Читать дальше...
“Сомонӣ”, пули миллӣ дар Тоҷикистон 20 сол пеш дар ҳоле нашр шуд, ки то он замон дар ин кишвари шӯравии собиқ, “рубли тоҷикӣ”, монанд ба рубли русӣ истифода мешуд.
Адахон Мадумаров, раиси ҳизби оппозитсионии “Бутун Қирғизистон” гуфт, ки номзадиашро ба интихоботи президентии кишвар пешбарӣ хоҳад кард. Дар як нишасти матбуотии рӯзи 30-юми октябр Мадумаров таъкид кард, ки номзадии ӯро на ҳизбаш, балки худаш пешбарӣ мекунад. “Ман аз роҳи худпешбарӣ иштирок хоҳам кард. Президенти Қирғизистон бояд номзадии ҳама қишрҳои аҳолӣ, гурӯҳҳои сиёсӣ ва иҷтимоии ҷомеаро намояндагӣ кунад. Ин чиз барои ҳифзи мустақилият аз гурӯҳҳои дигари сиёсӣ мусоидат мекунад”, гуфт Мадумаров. Читать дальше...
Вебсайти "Фонтанка" бо такя ба санадҳои як крематорий – идораи масъули сӯзондани ҷаноза дар шаҳри Санкт-Петербург менависад, ки аз 14-уми апрел то 27-уми октябр дар ин ҷо 5868 ҷасади афроди даргузашта аз СOVID-19-ро оташ задаанд. Бар асоси омори расмии ситоди фавқулодда, то ин рӯз дар шаҳри Санкт-Петербург шумори фавтидаҳо бар асари коронавирус 3674 нафар ҳисоб шудааст ва тафовут дар омор 2194 нафарро ташкил медиҳад. Вебсайти хабарӣ бо такя ба дафтари қайди нобудкунии ҷасадҳо мегӯяд, ки омори сӯзондани... Читать дальше...
Вазорати умури дохилии Тотористон як навраси 16-соларо, ки ба қавли ин сохтор, ба як идораи полиси шаҳри ивоқеъ дар марзи Тотористону вилояти Киров ҳамла кард, тир холӣ намуд. Вазорат дар изҳороте гуфт, ки ҳодиса соати 00:30-и шаби 30-юми октябр рух дод. Наврас гӯё ба сӯи таваққуфгоҳи мошинҳои идораи полиси ВКД-и Тотористон дар ноҳияи Кукмор ду шишаи дорои “эҳтимолан маҳлули тарканда” партофт. “Вақте ходимони полис ба хомӯш кардани оташ шурӯъ карданд, ба самти онҳо як шишаи дигар партофта шуд”. Ходимони... Читать дальше...
Озарбойҷон ба ҷониби Арманистон ҷасади 29 низомии куштшуда дар ҷангҳои Қаробоғи Кӯҳиро таслим кард. Дар паи мавҷи нави задухӯрдҳо дар ин минтақаи ҷудоиталаб талафоти инсонӣ афзоиш меёбад. Интиқоли ҷасадҳоро ҳам Боку ва ҳам Ереван тасдиқ карда баробар бо ин бори дигар ҳамдигарро дар нақзи оташбаси бо миёнҷигии ИМА ҳосилшуда гунаҳгор карданд. Шушан Степанян, сухангӯи вазорати дифои Арманистон гуфт, ки интиқоли ҷасадҳо бо миёнҷигии Федератсияи Русия ва бо кӯмаки кормандони САҲА ва Кумитаи байналмилалии Салиби Сурх имконпазир шуд. Читать дальше...
Александр Лукашенко, ки баъди дуюним моҳ эътирозҳои мардумӣ алайҳи натиҷаҳои баҳсбарангези интихоботи президентӣ дар фикри хатми ин ҳама намоишҳову раҳпаймоиҳо аст, ахиран ба ҷуз Русия, марзҳои Беларусро бо дигар ҳамсояҳояш баст. Кумитаи марзбонии Беларус рӯзи 29-уми октябр гуфт, ки бастани марзҳо бо Латвия, Литва, Полша ва Украина ба “вазъи эпидемиологӣ” ва паҳншавии пандемияи коронавирус бастагӣ дорад. Ин изҳорот дар ҳоле нашр мешавад, ки мақомоти Беларус давоми моҳҳои зиёд хатари пандемияро кам нишон дода иддао кардаанд... Читать дальше...
Дар ИМА рекорди нави олудашавӣ ба коронавирус дар як рӯз ба қайд гирифта шудааст. Гурӯҳи муқобила бо COVID-19 дар Кохи Сафед баъди эълони ин ки дар 24 соати гузашта дар ИМА беш аз 91 ҳазор ҳодисаи нави олудашавӣ ба қайд гирифта шуд, гуфт, кишвар дар баробари хатари “эҳёи муҷаддади" вируси нав қарор дорад. Рекорди қаблии якрӯза, ки 23-юми октябр сабт шуда буд, 84,169 ҳодисаро ташкил дод. Аз замони шурӯи пандемия дар ИМА то ҳол 8,9 миллион сокини кишвар ба вируси нав олуда шуда, 228 ҳазор нафар ҷон додаанд. Читать дальше...
Баъди куштори се нафар дар як калисои шаҳри Нис рӯзи 30-юми октябр ходимони амниятӣ дар Фаронса ба ҳолати омодабош оварда шудаанд. Президент Эммануэл Макрон ҳодисаи рӯзи 29-уми октябрро “як ҳамлаи террористи исломгаро” номид. Нахуствазири Фаронса Жан Кастекс ҳолати омодабош дар кишварро боло бурд ва ходимони полис атрофи калисои Нисро, ки рӯзе пеш мавриди ҳамла қарор гирифт, иҳота карданд. Вазорати хориҷаи Бразилия гуфт, ки яке аз қурбониҳо – модари 44-солаи се кӯдак буд ва дар Фаронса зиндагӣ мекард. Читать дальше...
Президенти ИМА Доналд Трамп ва номзад аз ҳизби демократ Ҷо Байден дар маъракаҳои интихоботӣ, ки рӯзи 29-уми октябр дар Флорида доир шуд дар бораи пандемияи короновирус паёмҳои комилан мухолифи ҳам доданд. Ҳазорон нафар аз ҷонибдорони Доналд Трамп дар шаҳри Тампаи Флорида дар маъракаи тарғиботӣ, ки дар фазои бозе ташкил шуда буд, ҷамъ омаданд ва аксари онҳо ниқоб надоштанд. Чанд соат баъд Байден ҳам дар ин шаҳр маъракаи пешазинтихоботии худро доир кард, ки дар он одамон аз дохил ва ё назди дари мошинҳои... Читать дальше...
Дастаи мунтахаби миллии футболи Тоҷикистон бо раҳбарии Усмон Тошев омодагиро ба бозиҳои дӯстона бо тимҳои миллии Баҳрайн ва Имороти Муттаҳидаи Арабӣ рӯзи панҷшанбе, 29-уми октябр, шуруъ кард. Барои омодагӣ ба бозиҳои дӯстона 26 бозигар – 3 дарвозабон, 8 ҳимоятгар, 10 нимҳимоятгар ва 5 ҳамлагар – ҷалб гардидаанд. Ба ҷои нимҳимоятгари «Истиқлол»-и Душанбе Алишер Ҷалилов, ки осеб дидааст ва ҳамлагари «Хуҷанд» Ҷаҳонгир Эргашеви бемор ба дастаи мунтахаб Шервонӣ Мабатшоев (ССКА-и Душанбе) ва Хуршед Абдуллоев («Душанбе-83») даъват шудаанд. Читать дальше...
Як сокини шаҳри Ваҳдат ба иттиҳоми ба оташ кашидани ду автомашинаи борбар боздошт шудааст. Дафтари матбуоти Вазорати умури дохилии Тоҷикистон рӯзи 30-юми октябр хабар дод, ки ҳодиса шаби гузашта дар ҷамоати деҳоти Раҷаб Исмоилов рух додааст. Ба иттилои манбаъ, Ҳамроҳиддин Раҷабови 50-сола дар ҳолати мастӣ бинобар 9 моҳ напардохтани маблағи таваққуфгоҳи "Пахта", ду мошини борбари тамғаи "Дулан" ва "Мерседес"-и Илҳом Зеваровро ба оташ кашидааст. Манбаъ мегӯяд, ки ба ин ду мошини борбар зарари техникӣ расидааст. Читать дальше...
Душанбе, 30 октября. Инаугурация президента Эмомали Рахмона состоялась в Таджикистане.
Читать дальше...Дар маросими савгандёдкунии Эмомалӣ Раҳмон зиёда аз 7 ҳазор нафар сарбозон ва кормандони ниҳодҳои қудратӣ иштирок мекунанд. Раҳмон рӯзи 30-юми октябр савганд ёд мекунад ва даври панҷуми президентиашро оғоз хоҳад кард. Маросими савгандёдкунии оқои Раҳмон дар "Қасри Миллат" шуруъ шуд. Дар инҷо Бахтиёр Худоёрзода, раиси Комиссияи марказии интихобот ва раъйпурсӣ ба Эмомалӣ Раҳмон шаҳодатномаи президенти Тоҷикистон супорид. Ҳамчунин Раиси Додгоҳи конститутсионӣ ба Эмомалӣ Раҳмон рамзи президенти Тоҷикистонро... Читать дальше...
Эммануэл Макрон, раиси ҷумҳури Фаронса ҳамла ба корд дар шаҳри Нисро "ҳамлаи террористии исломгароён" хонд ва гуфт, Фаронса дар дифоъ аз арзишҳои худ ҳаргиз таслими террор нахоҳад шуд. Макрон сипас аз пайравони ҳамаи динҳо хост, ки ба ихтилоф ва ҷудоиандозӣ тан надиҳанд. Дар ҳамлаи рӯзи панҷшанбе ба калисое дар шаҳри Нис се нафар кушта шуданд ва шахси ҳамлавар сари яке аз қурбониёнро бурид. Шаҳрдори Нис гуфт, шахси ҳамлакунанда аз тири пулис захмӣ ва сипас боздошт шудааст. Ҳанӯз сабабҳои ин ҳамла дақиқан маълум нашудааст... Читать дальше...
Вазири корҳои хориҷии Қирғизистон Руслан Казакбоев аз Қазоқистон дархост кард, ки вазорати тандурустии Қирғизистонро бо дору ва васоили муҳофизатӣ таъмин кунад. Дар ин бора аз вазорати корҳои хориҷии Қирғизистон хабар доданд. Руслан Казакбоев рӯзи 29 октябр бо ҳамтои қазоқи худ Мухтор Тлеубердӣ дар шаҳри Нурсултони Қазоқистон мулоқот кард. Ду вазир дар бораи ҳамкориҳои сиёсӣ, иқтисодиву тиҷорӣ, фарҳангиву башарӣ ва бахши муҳоҷират гуфтугӯ карданд. Вазирон ҳамчунин муборизаи муштарак зидди вабои коронавирусро баррасӣ карданд. Читать дальше...
Дар назди меҳмонсарои "Grand Sherdor"-и шаҳри Намангони Узбекистон дар эътироз ба изҳороти президент Эммануэл Макрон парчами Фаронсаро даронданд. Фаъоли ҷамъиятии Намангон, ки дар ин бора дар шабакаи иҷтимоии Фейсбук хабар дод, навишт, "парчами Фаронса ба нишони эътироз канда шуд ва барои парчами ин кишвар дар шаҳри мо ҷой нест". Ахиран дар шабакаҳои иҷтимоӣ видеое паҳн шуд, ки дар он марде бо номи Муҳаммад Икром аз шаҳри Намангон дар болои расми президенти Фаронса ва ҳамсараш рост истодааст. Читать дальше...
Белорус бидуни огоҳии қаблӣ марзашро бо Латвия, Литва, Лаҳистон ва Украина баст. Дар Кумитаи давлатии марзбонии Белорус баста шудани марзҳоро ба вабои коронавирус рабт доданд. Як рӯз пеш аз баста шудани марзҳо Александр Лукашенко гуфт, артиши Белорус омода аст, дар сурати ҳамла аз ин кишварҳо онро пас гардонад. Расонаҳо менависанд, дар гузаргоҳҳо бо марзҳои кишварҳои зикршуда ҷамъшавии мошинҳо мушоҳида мешавад. Белорусиҳо шикоят доранд, ки наметавонанд, ба кишварашрон баргарданд. Айни замон танҳо... Читать дальше...
Дар дорухонаҳои шаҳри Хуҷанд овезаи сарисинагии муҳофизатӣ (бейҷик) ё ба истилоҳ “тумор” аз коронавирус бо номи “Virus Shut Out” ба фуруш баромадааст.
Муҳиддин Кабирӣ, раиси Паймони миллии Тоҷикистон, як эътилофи созмонҳои мухолиф, ки фаъолияташ дар Тоҷикистон мамнуъст, рӯзи 29-уми октябр дар як паёми видеоӣ куштори омӯзгори фаронсавиро барои нишон додани карикатураҳои масхараомези зидди паёмбари ислом ҳангоми дарс дар мактаб, ҳамлаи рӯзи панҷшанбе ба калисои Нотр-Дами шаҳри Ниси Фаронса ва қатли се нафари дигарро дар ин ҷо маҳкум кард ва таҳқиру тавҳини арзишҳои диниро як амали ғайри қобили қабули номид. Вай густариши ҳамлаҳои лафзӣ ва хушунатҳои... Читать дальше...