Вазорати тандурустии Тоҷикистон рӯзи 1-уми октябр хабар дод, ки шумораи умумии фавтидагон аз оғози хуруҷи коронавируси нав ба 77 нафар расид. Бино ба омори вазорат, аз оғози шурӯи пандемия 9769 ба бемории COVID-19 гирифтор шуда, дар шабонарӯзи охир 42 мавриди беморӣ тасдиқ шудааст. Ба иттилои расмӣ, дар маҷмуъ, аз охири моҳи апрел то 1-уми октябр 8611 шифо ёфтаанд. Бисёре аз мутахассисон мегӯянд, омори расмии мақомот миқёси воқеии сирояти беморӣ ва талафот дар Тоҷикистонро нишон намедиҳад ва теъдоди беморону фавтидагон бештар аз он аст... Читать дальше...
Раисони шаҳру ноҳияҳои Тоҷикистонро аз ҳаққи таъин ва барканор кардани мудирони идораҳои маориф маҳрум карданд ва дубора ин масъулиятро ба ихтиёри Вазорати маориф ва илм доданд. Бо вуҷуди мухолифати бархе аз вакилони Маҷлиси Намояндагон, ин қарор рӯзи 1-уми октябр дар порлумон қабул шуд.
Эълони кушода шудани марзҳои Узбекистон, рӯзи 1-уми октябр, даҳҳо нафарро дар сарҳади Тоҷикистону Узбекистон ҷамъ овард.
Дар Тоҷикистон 7 хонаи пиронсолон ҳаст, ки дар онҷо беш аз ҳазор шахси маъюбу солманд зиндагӣ мекунанд. Бархе аз онҳоро наздиконашон дар айёми пириву дастнигарӣ танҳо гузоштаанд, бархеи дигар бехонаву дар мондаанд.
1-уми октябр бо қарори Маҷмаи умумии Созмони Милали Муттаҳид аз соли 1990 Рӯзи байналмилалии мардуми солдида эълон шудааст. Хабарнигорони Радиои Озодӣ дар ин рӯз ба хонаи пиронсолон дар деҳаи Батоши шаҳри Турсунзода рафтанд ва зиндагии танҳо яке аз онҳоро ба тасвир кашиданд.
Марз бо Узбекистон боз шуд ,вале бо шароити муайян .
Мақомоти Тоҷикистон рӯзи 30-юми сентябр гуфтанд, ки ҳанӯз мунтазири натиҷаҳои озмоиши ваксинаи Русия ба зидди COVID-19 ҳастанд. Дар ҳамин ҳол, дар Русия баъзе аз тоҷикон ба ин ваксина дастрасӣ пайдо кардаанд. Муҳоҷирон дар вилояти Амур мегӯянд, ваксинае, ки 13 ҳазор рубл нарх дорад, барои онҳо ройгон гузаронида мешавад. Тафсилотро дар гузориши видеоӣ бинед.
Номзадҳои мақоми Президенти Тоҷикистон ба Истаравшан сафар карданд.
Владимир Путин, президенти Русия ва Эммануэл Макрон, ҳамтои фаронсавии ӯ, ба қатъи даргирӣ миёни нирӯҳои Озарбойҷон ва Арманистон дар минтақаи баҳсии Қарабоғи Кӯҳӣ даъват карданд. Рӯзи 1-уми октябр Кремлин изҳор дошт, ки ду раисҷумҳур дар як суҳбати телефонӣ талошҳои дипломатиро барои ба эътидол овардани низои шадид, ки дар ин минтақа дар солҳои охир собиқа надошт, баррасӣ кардаанд. “Владимир Путин ва Эммануэл Макрон аз ҷонибҳои даргир даъват карданд, ки оташкушоиро пурра ва бе таъхир бас карда... Читать дальше...
Тоҷикистон мақомоти Русияро дар бораи парвози ҳавопаймоҳои ширкати нави “Флай Юнион” байни Бохтар (Қӯрғонтеппаи собиқ) ва шаҳрҳои Русия огоҳ кардааст. Елена Михеева, сухангӯи “Росавиатсия”, идораи масъули танзими нақлиёти ҳавоӣ дар Русия, 1-уми октябр дар суҳбат бо Радиои Озодӣ гуфт, ин кор мувофиқи шартномаи дуҷониба сурат мегирад. Ба гуфтаи ӯ, қарор аст, парвозҳо дар масири Бохтар-Маскав, Бохтар- Санкт-Петербург ва Бохтар-Екатеринбург анҷом шаванд. “Ин ширкати Тоҷикистон аст ва вақте ки парвозҳои мунтазам миёни ду кишвар оғоз мешаванд... Читать дальше...
Раҳбарони кишварҳои узви Иттиҳоди Аврупо рӯзи 1-уми октябр дар Брюссел ҷамъ мешаванд. Нишасти онҳо дар пасманзари ихтилофҳои дохилӣ сурат мегирад, ки ба қабул шудани бастаи барномаи барқарорсозӣ пас аз короновирус таҳдид мекунад ва қобилияти вокуниши Иттиҳодро ба буҳрони Белорус ва Туркия маҳдуд месозад. Шаби аввали ҳамоиши дурӯзаи Иттиҳоди Аврупо ба таниш миёни Туркия ва Қибрису Юнон – ду кишвари узви Иттиҳод бахшида шудааст, ки бар сари марзҳои баҳрӣ ва сарватҳои зеризаминӣ дар баҳри Миёназамин баҳс доранд. Читать дальше...
То интихоботи президентӣ дар Тоҷикистон даҳ рӯзи дигар мондааст. Мисли интихоботҳои гузашта имсол низ ҳеч зан номзад ба мақоми раиси ҷумҳурӣ нест.
То интихоботи президентӣ камтар аз ду ҳафтаи дигар мондааст. Мисли интихоботҳои гузашта имсол зане номзад ба мақоми раиси ҷумҳури Тоҷикистон нест. Бонувон чӣ камӣ доранд, ки касе аз онҳоро ба мақоми раҳбар пешбарӣ накардаанд?
Ваколати Бахтовар Сафарзода, узви Маҷлиси Намояндагони Тоҷикистон, пеш аз муҳлат қатъ карда шуд. Мақомот рӯзи 1-уми октябр гуфтанд, ки Сафарзода намояндаи комилҳуқуқи порлумони Тоҷикистон дар Ассамблеяи байнипорлумонии кишварҳои Иттиҳоди Давлатҳои Мустақил таъин гардид ва бинобар ин ҷояш дар Маҷлиси Намояндагон холӣ шуд. То ин дам дар ин мақом Ибодулло Раҳимов кор мекард. Бахтовар Сафарзода ҳамчун номзад аз Ҳизби ҳокими халқии демократии Тоҷикистон дар интихоботҳои солҳои 2015 ва 2020 вакили Маҷлиси Намояндагон интихоб шудааст. Читать дальше...
Баъзе аз кормандони ниҳодҳои давлатӣ дар ноҳияи Рӯдакӣ мегӯянд, аз онҳо барои сохтани пайкараи Исмоилӣ Сомонӣ, асосгузори давлати Сомониён аз 50 то 500 сомонӣ гирифтаанд.
Даври понздаҳуми мавқуфгузоштаи мусобиқаи қаҳрамонии футболи Тоҷикистон миёни дастаҳои лигаи олӣ ба анҷом расид. Дастаи «Истаравшан»-и шаҳри Истаравшан, ки дар майдони худ бар тими «Файзканд»-и Восеъ бо ҳисоби бузурги 5:2 ғолиб омад, дар ҷадвали мусобиқа бо касби 16 имтиёз ба зинаи ҳафтум баромад ва мавқеашро дар Лигаи олӣ нигаҳ дошт. Бозӣ миёни дастаҳои «Истаравшан» ва «Файзканд» рӯзи сешанбе, 29-уми сентябр, дар Варзишгоҳи марказии шаҳри Истаравшан баргузор шуд. Ҳамаи панҷ голи мизбононро... Читать дальше...
Владимир Путин ва Эммануэл Макрон, президентҳои Русия ва Фаронса хостори қатъи фаврии даргириҳои низомӣ байни Озарбойҷон ва Арманистон бар сари минтақаи Қаробоғи Кӯҳӣ шуданд. Дафтари раёсати ҷумҳури Русия рӯзи панҷшанбеи 1-уми октябр хабар дод, ки Путин ва Макрон ҳамчунин зимни ин гуфтугӯ ба зарурати ҳаллу фасли ин муноқиша аз роҳҳои дипломатӣ таъкид карданд. Ин дар ҳоле аст, ки бо вуҷуди сахттар шудани даргириҳо дар Қаробоғи Кӯҳӣ, Озарбойҷон ва Арманистон дархостҳои байналмилалӣ барои оташбас ва оғози музокиротро рад карданд. Читать дальше...
Дар Қазоқистон ду кӯдаки 2-сола ва 3-сола аз бемории монанд ба "синдроми Кавасакӣ" фавтиданд. Дар ин бора раиси "Маркази илмии педиатрӣ ва ҷарроҳии кӯдакон" Риза Боронбоева хабар дод. Ба гуфтаи вай, волидон кӯдакони беморро саривақт ба беморхона наовардаанд ва пизишкон натавонистанд, онҳоро наҷот диҳанд. Пизишкон мегӯянд, синдроми илтиҳобовар, ки ба рагҳои хунгард зиён мерасонад ва монанди "синдроми Кавасакӣ" аст, айни замон ба кӯдаконе бештар таъсир дорад, ки гирифтори вабои коронавирус шудаанд. Читать дальше...
Дар Қалмиқи Русия шаш фирорӣ аз зиндони Доғистонро боздошт карданд. Дар ин бора раёсати корҳои дохилии Доғистони Русия хабар дод. Фирориҳоро дар деҳаи Улан-Холи Қалмиқ пайдо карданд. Ин зиндониҳо рӯзи 23 сентябр тавассути нақбе фирор карданд, ки худи онҳо канда буданд. Мақомоти зиндонҳои Русия баъдтар хабар доданд, ки фирориҳо бо айбҳои куштору фурӯши маводи мухаддир аз 10 то 14 сол зиндонӣ шуда буданд. Миёни фирориён ду тан тоҷикистонӣ - Шомил Бойматов ва Маҳмадрасул Машрабов низ буданд. Барои... Читать дальше...
Қурби рубли русӣ дар Тоҷикистон тайи як ҳафтаи охир дигарбора поин рафта, боис ба нигаронии хонаводаи муҳоҷирони корӣ шудааст. Рӯзи 30-юми сентябр бонкҳои Тоҷикистон арзиши 1000 рубли русиро 129-131 сомонӣ муқаррар карданд, ки дар муқоиса ба як ҳафтаи пеш 7-8 сомонӣ камтар аст.