Новости за 30.01.2025

امریکايي چارواکي وايي، د رونالډ ریګن هوايي ډګر ته څیرمه د مسافروړونکې الوتکې او پوځي هلېکوپټر د ټکر په پېښه کې اټکل کیږي د دواړو الوتکو ټوله عمله وژل شوي وي. د چارواکو په خبره، تراوسه ۲۸ جسدونه د پوتومک له سینده رایستل شوي دي. د امریکن ایرلاینر یوه الوتکه چې ۶۰ مسافر په کې سپاره وو، د چهارشنبې په شپه واشنګټن ډي سي ته نژدې په داسې حال چې غوښتل یې د ریګن په هوايي ډګر کې ښکته شي له یوې پوځي هلېکوپټر سره ټکر شوه. په هلېکوپټر کې چې ظاهرا د پوځي تمریناتو په موخه یې پرواز کاوه، درې کسان سپاره وو. Читать дальше...

د ایران د بهرنیو چارو وزیر عباس عراقچي قطر ته د سفر په ترڅ کې د حماس ډلې له مشرانو سره کتلي دي. د فرانسې خبري اژانس لیکلي، دا کتنه د پنجشنبې په ورځ شوې ده. امریکا متحده ایالاتونه او اروپايي ټولنه حماس وسله واله ډله ترهګریز سازمان بولي. حماس چې د قطر په پلازمینه دوحه کې سیاسي دفتر لري په یو بیان کې ویلي، د دې ډلې مشرانو له عراقچي سره د غزې د بیارغونې په اړه خبرې اترې کړي دي. د بیان پر بنسټ، په دې خبرو اترو کې د حماس لوړپوړې مشران له هغې ډلې محمد درویش او خلیل الحیه ګډون درلودل. د بیان... Читать дальше...

په لغمان کې په یوې ترافیکي پېښه کې یو کس وژل شوی او درې نور ټپیان دي. د طالبانو تر واک لاندې باختر خبري اژانس د لغمان د امنیې قومندانۍ ویاند یونس یوسفزي په حواله پر ایکس پاڼې/پخواني ټویټر لیکلي، " پېښه د پنجشنبې په ورځ د لغمان په قرغه ولسوالۍ کې هغه مهال رامنځته شوه چې یو موټر له سړک وواښت او د برق پر یوې پایې وربرابر شو ". یوسفزي ویلي، په پېښه کې یوه ښځه او دوه ماشومان ټپیان دي. په دې وروستیو کې په افغانستان کې ترافیکي پېښې زیاتې شوي دي. د طالبانو د ترافیکو ریاست د معلوماتو له مخې په روان کال کې څلور زره ترافیکي پېښې ثبت شوي دي.

ایران په تیره نژدې یوه میاشت کې لس افغانان اعدام کړي دي. د ایران د بشري حقونو د سازمان مشر محمود امیري مقدم د پنجشنبې په ماښام ازادي راډیو سره په خبرو کې وویل ، " د هغوو شمیرو له مخې چې موږ یې لرو، د ۲۰۲۵ کال د جنورۍ په میاشت کې لس افغانان، شپږ یې د قتل او څلور یې د مخدره مواد قاچاق په تور اعدام شوي دي ". د مقدم په خبره، ایران په ۲۰۲۴ کال کې په بیلابیلو تورونو ۵۳ افغانان اعدام کړي دي. د طالبانو د سترې محکمې یوه پلاوي په تیرې جدي میاشت کې تهران ته د یو سفر په ترڅ کې  له ایرانه غوښتي وو چې... Читать дальше...

د طالبانو په بند کې د ملا محمود حسن ورور وايي، "حسن شکنجه کیږي او روغتیايي وضعیت یې ښه نه دی ". هغه د پنجشبې په ورځ ازادي راډیو ته په رالیږي غږیز پیغام کې د بشري حقونو له سازمانونو غوښتي چې د حسن د راخوشي کولو لپاره اقدام وکړي. " هغه (محمود حسن) تر شکنجې لاندې دی، فزیکي حالت یې ښه نه دی ځکه د زړه ناروغي لري. د بشري حقونو، د بښنې نړیوالو سازمانونو او ټولو نورو هغوو سازمانونو چې په دې برخه کې کار کوي غواړم چې د حسن د راخوشي کیدو لپاره عاجل اقدام وکړي ". د حسن د کورنۍ دا غړی وايي، هغه د بیان... Читать дальше...

تازه رسمي سفر؛ د قطر د امیر او د سوریې د نوي واکمنو د اړیکو پراختیا د قطر امیر شیخ تمیم بن حمد ال ثاني سوریې ته تللی دی. د سوریې نوي واکمن احمد الشرع او د کابینې وزیرانو یې د دمشق په هوايي ډګر کې د قطر د امیر هرکلی وکړ. په سوریه کې د بشارالاسد د حکومت له پرځېدو وروسته دا لومړی ځل دی چې د قطر امیر دې هېواد ته سفر کوي. د قطر د امیر دفتر د پنجشنبې په ورځ د (جنورۍ ۳۰مه) د یوې خبرپاڼې په خپرولو سره ویلي، د دغه هېواد امیر شیخ تمیم بن حمد ال ثاني د سوریې پلازمېنې دمشق ته رسېدلی دی. په سوریه کې د بشارالاسد... Читать дальше...

د ملګروملتونو د بشري چارو د همغږۍ اداره اوچا وایي، روان ۲۰۲۵ کال یې شریکان په افغانستان کې اوبو، حفظ الصحې او روغتیايي خدماتو ته د لومړیتوب ورکولو لپاره ۲۶۴ میلیون ډالرو ته اړتیا لري خو تر اوسه پورې یې یوازې ۸،۴ میلیون ډالر ترلاسه کړي دي. د اوچا د افغانستان څانګې نن پنجشنبې په خپله ایکسپاڼه یا پخواني ټویټر کې لیکلي چې په افغانستان کې ۳۹ سلنه کورنۍ د اوبو د سرچینو د وچیدو له امله د اوبو له کمښت سره مخامخ دي، ۲۳ سلنه یې د اوبو په غیر اصلاح شویو سرچینو تکیه کوي او ۲۸ سلنه کورنۍ هم غیر اصلاح شوي تشنابونه کاروي.

په اسلام اباد کې د افغان کډوال شورا وايي، په دې ښار کې د افغان کډوال د نیولو لړ بیا تیزه شوې ده. د دې شورا مشر ازادي راډیو سره خبرو کې ویلي، پولیسو په تیرو دوو ورځو کې د ماشومانو په ګډون په لسهاوو افغانان نیولي دي. خو د پاکستان حکومت وايي، یوازې هغه کډوال نېسې چې په دې هېواد کې د پاتې کیدو قانوني اسناد نه لري. خو بیا کډوال د پاکستاني چارواکو دا خبره ردوي. "که چیرته د دوی مقصد د بې اسناده افغانانو نیول وي، نو ولې د دوی په کورونو کې المارۍ او بکسونه تلاشي کوي او د کور سامانونه یې ورته ګډوډوي ". Читать дальше...

واشنګټن ډي سي ته نژدې رونالډ ریګن هوايي ډګر ته څیرمه د یوې مسافروړونکې الوتکې او یوې پوځي څرخکې له ټکر وروسته په سیمه کې د لټون او ژغورنې پراخ عملیات روان دي.   د امریکا د فدرالي هوايي چلند ادارې (FAA) وویل چې دا پیښه تیره شپه په سیمه ییز وخت شاوخوا نهه بجې شوې او مسافروړونکې الوتکه په پوټامیک سیند کې راغورځیدلې. امیریکن آیرلاینز وویل چې په راغورځیدلې الوتکه کې ۶۰ مسافر او ۴ عمله سپاره و. چارواکو ویلي چې په بلک هاک هیلي کوپتر کې درې پوځیان سپاره وو. تر اوسه د دې پیښې د مرګ ژوبلې کره شمېر معلوم... Читать дальше...

په نورستان کې د کرنې، مالدارۍ او اوبو لګولو ریاست مسولان وايي، د یاد ولایت په دریو ولسوالیو کې يې کڼ شمېر شنې خونې جوړې کړې دي.

د افغانستان د کرکټ ملي لوبډلې لوبغاړي شاه پور ځدراڼ نن پنجشنبه د جنورۍ په ۳۰مه نېټه په خپلې فیسبوکپاڼې کې له نړیوال کرکټ څخه تقاعد اعلان کړی دی. نوموړي ویلي دي چې ۲۲ کاله یې د افغانستان لپاره کرکټ وکړ، خو بالاخره هغه ورځ را ورسېده چې له نړیوال کرکټ سره مخه ښه وکړي. ښاغلی ځدراڼ چې اوس ۳۷ کلن دی، د افغانستان کرکټ ملي لوبډلې له لومړنیو لوبغاړو څخه دی او د نړیوال کرکټ پیل یې په ۲۰۰۹ ز کال د سکاټلنډ خلاف کړی و. هغه د افغانستان لپاره ټولټال ۸۰ نړیوالې شل اوریزې او یو ورځنۍ سیالۍ کړي دي چې په دواړو فارمټونو کې یې ۸۰ وېکټې اخستي دي. Читать дальше...

د ایران ځینو امنیتي چارواکو له طالبانو سره د سرحدي کرښو د ټاکلو پر سر د اختلاف خبر ورکړی دی.

د دې اونۍ د "هارون باچا هنري ګړۍ" خپرونې مېلمه شاعر او سندرغاړی، خورشيد عالم صابر دی. نوموړی د خيبر پښتونخوا د مردان دی، خو ۱۵ کاله يې په سعودي عرب کې مساپري کړې او اوسمهال د متحده عربي اماراتو په شارجه کې کار روزګار کوي. صابر زياتره خپل شعرونه سندره کړي چې ځينې يې مشهور شوي هم دي. نوموړی وايي چې شعر او موسيقي يو انسان ته د يوه معتدل ژوند تېرولو لارې چارې ښيي. د خورشيد عالم صابر دا خبرې او ځينې سندرې يې په خپرونه کې اورېدای شئ، چې کوربه يې هارون باچا دی.

د امریکا د کانګرس ځینو دیموکراتو غړو دې هیواد ته د افغان کډوالو د انتقال پروګرام د بیا پیلېدو غوښتنه کړې ده.

د افغانستان د دولتي ادارو یو شمېر کارکوونکي ادعا کوي چې د طالبانو د حکومت له خوا د دوی معاشونه ځنډول شوي دي.

د سویډن پولیسو پنځه تنه د یوه عراقي، چې د اسلام پر ضد یې کمپاین کاوه، د وژلو په تور نیولي دي. څو ساعته مخکې تر دې چې محکمه د قران کریم د سوځولو په تور عراقی محاکمه کړي، هغه په خپل اپارتمان کی په ډزو وژل شوی دی. د سویډن د پولیسو په وینا، دغه پنځه کسان نن (د جنورۍ ۳۰مه) د څارنوال په امر، پر دغه عراقي کډوال د ډزو په تړاو نیول شوي دي. خو پولیسو دا نه دي ویلي چې ایا په نیول شویو کسانو کې وسله وال تورن هم شته او که نه.   عراقی مهاجر او د اسلام ضد کمپاینر سلوان مومیکا، د چهار شنبې په ورځ (د جنورۍ... Читать дальше...

وروسته له هغه چې د امریکا په پلازمېنه واشنګټن ډي سي کې یوه مسافر وړونکې الوتکه له یوې پوځي بلک هاک څرخکې سره ټکر شوه، د رونالډ ریګن هوايي ډګر ته څېرمه د لټون او ژغورنې عملیات پیل شول.

د امریکا په پلازمېنه واشنګټن ډي سي کې یوه مسافر وړونکې الوتکه له یوه پوځي بلک هاک هلي کاپټر سره تر ټکر وروسته سقوط شوې او سین ته لوېدلې ده. دغه الوتکه چې ویل کیږي ۶۰ سپرلۍ او ۴ عمله په کې وو، د ریګن هوایي ډګر کې د کیناستو پر مهال له هلي کاپټرې سره ټکر شوه. چارواکو ویلي چې بلک هاک هلي کاپټر کې درې پوځیان سپاره وو. تراوسه د دغې پیښې د مرګ ژوبلې کره شمېر معلوم نه دی، خو نړیوالو خبري اژانسونو لیکلي چې لږ تر لږه ۱۸ مړي له پوتامیک سیند څخه را ایستل شوي دي.

کور په کور، پوله په پوله، په دفترونو او هم په موټرو کې ستاسې ملګرې راډیو، ازادي راډیو ۲۳ کلنه شوه.

دا د طالبانو تر بیا واکمنۍ وروسته د افغانستان د ښځینه کرکټ لوبډلې لومړۍ لوبه وه. په استرلیا کې د افغان کډوالو د ښځو د کرکټ لوبډلې د ۷ ویکټو په توپیر ماته وخوړه.

د افغانستان د خوست په علي شيرو ولسوالۍ کې د يوې کورنۍ د وژل شويو ۱۰ کسانو جنازې د جنورۍ پر ۲۹مه وشوې. طالب چارواکي وايي چې د وژنو په تور يې دوه کسان نيولي دي. د بخښنې نړیوال سازمان (اېمنسټي انټرنيشنل) په وروستيو کې يو رپورټ خپور کړی وو چې پکې ويل شوي ول چې د طالبانو تر بيا واکمنېدو وروسته، په افغانستان کې د جګړې اړوند تاوتریخوالی او وژنې کمې شوي خو د شخصي دښمنیو له کبله اوس هم ځینې وخت بې ګناه کسان وژل کېږي.

د پاکستان د بهرنيو چارو وزارت زياتوي چې په کابل کې یې د طالبانو له حکومت سره خپلې اندېښنې وخت په وخت شریکې کړې دي او ورڅخه يې غوښتي چې د امریکايي وسلو د ورانکارو لاسونو ته د رسېدو د مخنیوي لپاره دې موثر اقدامات وکړي.

د طالبانو حکومت د دولتي مامورینو د معاشونو د ځنډېدو په تړاو خپرې شوې ګنګوسې رد کړې. د طالبانو حکومت ویاند ذبیح الله مجاهد نن پر خپله ایکسپاڼه یا پخوانې ټویټر ليکلي چې د ماليې وزارت مقام ډاډ ورکړی چې د روانې سلواغې/ دلوې میاشتې په ترڅ کې به د ټولو یو میلیون او ۴۰ زره دولتي کارکوونکو معاشونه ورکړل شي او هېڅوک دې په دې اړه تشویش نه کوي. هغه زیاته کړې چې د هېواد بودیجه داخلي بنسټ لري، په بهرنیو مرستو پورې اړه نه لري.  دا په داسې حال کې ده چې په تیرو دوو اوونیو کې د امریکایي ډالر په وړاندې... Читать дальше...

په افغانستان کې له امریکا څخه د پاتې وسلو په اړه د پاکستان له اندېښنې وروسته د طالبانو حکومت په افغانستان کې د شته وسلو په اړه اندېښنې بې ځایه وبللې. د طالبانو د حکومت مرستیال ویاند حمدالله فطرت کورنیو رسنیو ته په استول شوي پیغام کې ویلي چې په افغانستان کې ټولې وسلې خوندي دي او هیچا ته یې د ناسمې کارونې اجازه نه ورکول کېږي. ښاغلي فطرت په داسې حال کې دا یادونه کړي ده چې د پاکستان د بهرنیو چارو وزارت ویاند د چهارشنبې په ورځ وویل چې په افغانستان کې عصري وسلو د پاکستان امنیت او خلکو ته مستقیم ګواښ پېښ کړی دی. Читать дальше...

حماس د پنجشنبې په ورځ د دریو نورو اسراییلي برمته شویو او پنځه تایلنډي بندیانو د خوشې کولو پروسه پیل کړه، دا د دې میاشتې په پیل کې په غزه کې د اوربند له پیل راهیسې درېیم ځل دی چې بندیان په دې ډول خوشي کېږي. اسراییل تمه لري چې نور ۱۱۰ فلسطینیان هم خوشې کړي. دا په داسې حال کې ده چې څو ورځې وړاندي د څلورو ښځینه اسراییلي برمته پوځیانو په بدل کې د اسراییل له خوا ۲۰۰ فلسطیني بندیان خوشې شول. په دې ډله کې هغه ۱۲۰ وسله وال هم شامل وو چې د وژونکو حملو په تور په دایمي حبس محکوم شوي وو. فلسطیني او اسراییلي... Читать дальше...