اوومه ورځ له سعید شینواري سره
اوومه ورځ له سعید شینواري سره
اوومه ورځ له سعید شینواري سره
د دې غونډې ګډونوال وایي پر کرېکټ د بندیز غوښتنه افغانستان کې پر ښځو لګېدلي بندیزونه نه لرې کوي او نه هم د طالبانو پر پرېکړو کوم اغېز لرلی شي. د انګلستان د پارلمان ۱۶۰ غړو تېره اونۍ د هغه هیواد له کرېکټ بورډ غوښتي وو چې د اتلان جام راتلونکو سیالیو کې دې افغانستان سره لوبه نه کوي، خو غوښتنه یې د بورډ له لوري رد شوې ده.
د پاکستان تحریک انصاف غړو او پلویانو د ګوند بنسټګر عمران خان او د هغه ښځې بشرا بي بي ته د القادر ټرسټ په نوم د درغلۍ په قضیه کې د بند او جرمانې سزا اورولو پرضد په پېښور کې مظاهره کړې. مظاهرچیانو د خیبر پښتونخوا اسمبلۍ مخې ته په نعرو کې له حکومته د خان د خوشې کولو غوښتنه کوله. احتساب عدالت د جنورۍ پر ۱۷مه په القادر ټرسټ قضیه کې خان ته د ۱۴ او د هغه ښځې ته د اووه کلونو د بند سزا واوروله. تحریک انصاف وايي، د پرېکړې پرضد اعلا عدالت ته ځي. ویډیويي رپورټ.
د ملګرو ملتونو د بشري چارو د همغږۍ دفتر وايي د روان ۲۰۲۵ کال په اوږدو کې به په افغانستان کې پنځه میلیونه کسان له روغتیايي خدمتونو بې برخې شي. "اوچا" په یو راپور کې چې پرون یې خپور کړی ویلي در روغتیا په برخه کې د خدمتونو چمتو کولو لپاره ۲۷۹ میلیونه ډالرو ته اړتیا لري.
دغه بانک تازه په خپل یوه راپور کې ویلي چې په افغانستان کې د بې کارۍ لوړې کچې او د توکو لوړو بیو د خوړو نه خوندیتوب سربیره د بې وزلۍ کچه هم زیاته کړې ده. په ورته وخت کې یو شمېر بې وزله کورنۍ هم وايي چې د بې کارۍ او د توکو د لوړو بیو له کبله یې ژوند له کړاونو سره مخ دی.
د اسراییلو د صدراعظم بنیامین نتانیاهو د دفتر د اعلامیې له مخې امنیتي کابینې د جمعې په ورځ مازیګر مهال په غزه کې د اوربند او د فلسطیني بندیانو د ازادۍ په بدل کې د حماس په لاس د یرغمل شویو کسانو د خلاصون تړون تصویب کړ.
د ايران د سیستان او بلوچستان د مرکز زاهدان ښار د پولیسو قوماندان، ويلي په تېره يوه اونۍ کې دوی نږدې " ٥٠٠" بې اسناده افغان کډوال نیولي دي. شاه پور فلاحي د پنجشنبې په ورځ ايراني رسنيو له دې ډلې ایرنا خبري اژانس ته ويلي چې دا نيونې د "ټولنیز امنیت د سطحې لوړولو" طرحې د پلي کولو په ترڅ کې شوې دي.
په پاکستان کې د احتساب یو عدالت د تحریک انصاف بنسټګر او پخواني وزیراعظم عمران خان ته د القادر ټرسټ په نوم په یوه قضیه کې د درغلۍ په تور د ۱۴ او د هغه ښځې ته د اووه کلونو بند سزا اورولې ده. د جنورۍ پر ۱۷مه د پرېکړې پر مهال د خان پلویان او مخالفان په راولپېنډۍ کې د اډیالې زندان مخې ته ورغونډ شوي ول. خان له تېر یو نیم کال راهیسې هلته بندي دی. تحریک انصاف پر خپل بنسټګر او د هغه پر ښځې لګېدلي تورونه ردوي او وايي د پرېکړې ضد لوړ عدالت ته ځي. تفصیل په رپورټ کې.
د ملګرو ملتونو بېلابېلو بنسټونو په افغانستان کې د روان ژمي په باب اندېښنه ښوولې، چې لا یې دوې میاشتې پاتې دي.
اسرائیل او حماس ډله –چې د متحده ایالاتو او ځینو نورو هیوادونو له لوري ترهګر سازمان بلل کېږي، یوې هوکړې ته ورسېدل چې تمه کېږي له مخې به یې منځني ختیځ کې له تېرو ۱۵میاشتو پیل شوې جګړه پای ته ورسېږي. دې جګړې د لسګونه زره کسانو د قرباني کولو ترڅنګ د منځني ختیځ وضعیت هم بدل کړ.
د بخښنې نړیوال سازمان په بیان کې ویلي دي چې نوی کال په اسلام اباد کې د افغانانو لپاره له وېرې او اندېښنو سره یوځای راغی ځکه چې پولیسو شپې مهال چاپې ووهلې، ځورونې یې پیل کړې او سلګونه افغانان یې په "ناقانونه ډول په حراست" کې ساتلي دي.
د پاکستان د بهرنیو چارو وزارت پر واخان دهلېز د پاکستان د قبضې لګولو آوازې او راپورونه بې بنسټه وبلل. د دغه وزارت ویاند شفقت علي خان پرون پنجشنبه په اسلام اباد کې خبري غونډې ته وویل، واخان د افغانستان د خاورې برخه ده او دوی د افغانستان ځمکنۍ بشپړتیا ته احترام لري او په رسمیت یې پیژني.
په هسپانيا کې د متحرکو پولو (واکېنګ بارډرز) په نوم د کډوالو د حقونو ناحکومتي سازمان مشرې هېلېنا ملينو د جنورۍ پر ۱۶مه پر اېکس (پخواني ټوېټر) په بيان کې پېښه تایید کړې او ویلي یې دي چې د جنورۍ پر ۱۵مه د ډوبې شوې کښتۍ سپرلیو ۱۳ ورځې په اوقیانوس سمندر کې "وکړېدې" خو څوک يې "ژغورلو" ته ورنغلل.
د بښنې نړیوال سازمان امنیستي انټرنشنل جنوبي آسیا څانګې نن جمعه په خپله ایکس پاڼه یا پخواني ټویټرکې لیکلي چې نوی کال په اسلام آباد کې د افغان کډوالو لپاره له ویرې او اندیښنې سره مل و ځکه پولیسو د شپې چاپې او ځورونې پیل کړي او په سلګونو افغان کډوال یې په غیرقانوني توګه توقیف کړي دي.
په کابل کې د بهرنیو ژبو په زده کړه بوخت ځوانان وايي، د ژبو زده کړه مهمه ده او تر څنګ یې که بهر ته ځي هلته به ښه فرصتونه په لاس ورشي. دوی له ازادي راډیو سره خبرو کې وویل، د بهرنیو ژبو په زده کړې سره غواړي چې په بهر کې مناسبې دندې پیدا کړي او د ځان لپاره یو روښانه راتلونکې جوړه کړي.
د احتساب عدالت قاضي ناصر جاوېد رانا د جنورۍ پر ۱۷مه سهار د پرېکړې د اورولو لپاره د راولپېنډۍ اډیالې زندان ته ورغلی وو. خان په هغه زندان کې بندي دی. د اورېدنې پر مهال چارواکو د اډیالې زندان دننه او بهر سخت امنیتي تدابیر نیولي ول.
په غزې تړانګه او تل ابیب کې ګڼو خلکو د حماس او اسراییلو ترمینځ د اوربند او د یرغملیانو د خوشې کولو موافقې په غبرګون کې خوشالي کړې. امریکا او اروپايي ټولنه حماس یوه ترهګره ډله بولي. هغه موافقه قطر او امریکا د جنورۍ پر ۱۵مه اعلان کړه او و یې ویل چې اوربند به د جنورۍ له ۱۹مې څخه عملي کېږي. په همدې حال کې د غزې ځینې اوسېدونکي لا هم د غیر یقیني وضعیت له وجې اندېښمن دي. د رویټرز اژانس له ویډیوګانو جوړ رپورټ.
د اسراییل کابینه به نن جمعه په غزه کې د اوربند او د یرغمل شویو کسانو د خوشې کولو لپاره د حماس وسله والې ډلې سره د یوې موافقې د وروستي تصویب لپاره غونډه وکړي. دا په داسې حال کې ده چې د دغه اوربند چې د چهارشنبې په ورځ اعلان شوی، د احتمالي ځنډیدو په اړه اندیښنې راپورته شوې دي.
په ارزګان ولایت کې د افغانستان له ګاونډي هیواد پاکستان څخه راکډه شوي کډوال د سختو او نامساعدو شرایطو سره مخ دي. چارواکي وايي چې د دې کډوالو لپاره په دې ولایت کې پر ۲۰۰۰ جریبه ځمکه د سرپناه جوړولو یوه پروژه په پام کې نیول شوې ده.
په شمالي مقدونیا کې له تېرو ۱،۴۰۰ کلونو راهیسې دوديزه ژمنۍ مېله کېږي چې ګڼ خلک ګډون پکې کوي. د وېوچاني کلي په نوم په یادېدونکې مېله کې خلک دودیزې جامې اغوندي او ډاروونکې څېرې یا مصنوعي مخونه لګوي. د دې مېلې لیدو ته له نورو هېوادونو هم سیلانیان ورځي. شمالي مقدونیا د یونان په ګاونډ کې پروت اروپايي هېواد دی چې خواوشا ۱،۸ مېليونه نفوس لري چې څه باندې ۳۲ سلنه يې مسلمانان دي. د اسوشييېټېډ پرېس اژانس له ویډيو جوړ رپورټ
د چین د ګرځندوی وزارت د جمعې په ورځ وویل چې په نږدې راتلونکي کې یې د شانګهای او فوجیان ولایت څخه ټایوان ته د سیلانیانو د ډله ایزو سفرونو د بیا پیل لپاره چمتووالی پیل کړی او ټایپي ویلي چې د دې اقدام هرکلی کوي.
په پاکستان کې یوې محکمې پخوانی صدراعظم عمران خان او د هغه د میرمنه بشرا بي بي د فساد په یوه تاریخي قضیه کې مجرم ګڼلي دي.
په هند کې د کومب په نوم لویه دیني مېله پیل شوې چې د فبرورۍ تر ۲۶مې پورې به روانه وي. مېله په پرایاګراج کې په هغه ځای کې کېږي چې پکې د هندوانو ګنګا، جمنا او افسانوي سرسوتي سیندونه یوځای کېږي. چارواکي اټکل کوي چې په مېله کې به شاوخوا ۴۰۰ مېلیونه کسان ګډون وکړي. په دې اړه تفصیل د اسوشيېټېډ پرېس اژانس له ویډیوګانو په جوړ رپورټ کې.
په دې انځوریز البوم کې، تېرو ۱۰۰ کالو کې د امریکا متحده ایالاتو د ولسمشرانو د لوړې مراسمو ته کتنه شوې ده.
د ملګرو ملتونو د خوړو نړیوال پروګرام وايي، دا مهال په افغانستان کې شا و خوا ۱۵ ملیونه وګړي د ژوندي پاتې کېدو لپاره اضطراري غذايي مرستو ته اړ دي. په افغانستان کې د دغه پروګرام مرستیال ویاند ضیاالدین صافي پرون پنج شنبه له ازادۍ راډیو سره په خبرو کې وویل، په ژمي کې د ۶ ملیونه کسانو د ملاتړ لپاره هڅې زیاتې شوي دي: "د بودیجې کموالي ته په پام سره، دا د هغو خلکو له نیمایي څخه کم نفوس دی چې مرستې ته اړتیا لري. همداراز د خوړو نړیوال پروګرام سږ کال د ژمي په موسم کې د افغانستان له ډېرو زیانګالو کورنیو سره... Читать дальше...