په پاکستان کې د احتساب یو عدالت د تحریک انصاف بنسټګر او پخواني وزیراعظم عمران خان ته د القادر ټرسټ په نوم په یوه قضیه کې د درغلۍ په تور د ۱۴ او د هغه ښځې ته د اووه کلونو بند سزا اورولې ده. د جنورۍ پر ۱۷مه د پرېکړې پر مهال د خان پلویان او مخالفان په راولپېنډۍ کې د اډیالې زندان مخې ته ورغونډ شوي ول. خان له تېر یو نیم کال راهیسې هلته بندي دی. تحریک انصاف پر خپل بنسټګر او د هغه پر ښځې لګېدلي تورونه ردوي او وايي د پرېکړې ضد لوړ عدالت ته ځي. تفصیل په رپورټ کې.
