د ملګرو ملتونو د بشري چارو د همغږۍ دفتر (اوچا) وايي چې نږدې ۴۰ سلنه کورنۍ په دې هېواد کې د اوبو له کمښت سره مخ دي. د افغانستان په بېلابېلو ولایتونو کې یو شمیرخلک هم وايي چې د اوبو سطحه یې په سیمو کې ډیره ټیټه شوې او دوی په دې برخه کې له جدي ستونزو سره مخ دي.
د پاکستان د بهرنیو چارو وزارت هیله څرګنده کړې د هغو افغان کډوالو د لېږد بهیر بېرته پيل شي چې د امریکا متحده ایالاتو ته د تګ شرایط پوره کوي. د یاد وزارت ویاند، شفقت علي خان، د پنجشنبې په ورځ اعلان وکړ چې د دې موضوع په اړه د واشنګټن او اسلام اباد ترمنځ خبرې روانې دي.
د اروپايي ټولنې د بهرني سیاست مشرې کایا کالاس د جمعې په ورځ وویل چې اروپايي ټولنې د غزې او مصر ترمنځ د غزې د رفح پر پوله خپل څارونکی ماموریت بیا پیل کړی دی. دغه پوله غزې ته د ننوتلو او وتلو یوه مهمه لاره ده.
په لغمان کې د طالبانو د امنیې قومندانۍ رسنیز دفتر په یوه خبر پاڼه کې ویلې چې د جمعې ورځ ۱۱ بجې د علیشنګ ولسوالۍ اړوند اړېنې کلي سره نږدې په دریو ماشومانو ناچاودې مرمۍ انفجار کړی او پکې دریواړو ژوند بایللی دی.
په ایران کې د بې اسنادو کډوالو د نیولو او شړلو په دوام د دغه هیواد یو شمیر امنیتي چارواکو په دې وروستیو کې اعلان کړی چې په کردستان او هرمزګان ولایتونو کې یې ۱۳۵۲ افغان کډوال نیولي دي. د نیول شويو او شړل شویو افغان کډوالو کورنۍ په دغه هیواد کې له ناوړه وضعیت څخه شکایت کوي.
د جرمونو د نړیوالې محکمې (ICC) څارنوال کریم خان غوښتنه کړی چې د طالبانو د مشر ملاهیبت الله اخوندزاده او د طالبانو د سترې محکمې د ريیس عبدالحکیم حقاني د نیولو حکم دې صادر شي. د هغه په وینا معقول دلایل شته چې د طالبانو دا دوه مشران د جنسیت پر اساس د بشریت ضد جنایتونو جرمي مسوولیت په غاړه لري. يو شمېر د بشري حقونو فعالانو، د معترضو ښځو بېلابېلو بنسټونو او يو شمېر نړيوالو سازمانونو له دې پرېکړې تود هرکلى کړى او د دې حکم د عملي کېدو غوښتنه یې کړې ده. طالبانو د نړیوالې جنايي محکمې له خوا د دوی د رهبر هیبت... Читать дальше...
د خوړو نړیوال پروګرام ډبلیو اف پي وايي، د ډالرو په وړاندې د افغانیو د بیې په لا پریوتو سره د خوراکي توکو بیې لوړې شوې دي، چې اقتصادي بېثباتي یې نوره هم زیاته کړې ده. د دې ادارې د معلوماتو له مخې، تېره اوونۍ د افغانۍ ارزښت د امریکايي ډالر په وړاندې نږدې اته فیصده کم شوی دی.
د روغتیا نړیوال سازمان خبرداری ورکړی چې د امریکا د متحدو ایالتونو د مرستو ځنډېدل په افغانستان او پاکستان کې د پولیو د له منځه وړلو پروګرامونه ګواښي. د دغه سازمان یوې لوړ پوړې چارواکي حنان بلخي د روغتیا له نړیوال سازمان څخه د امریکا پر وتلو هم خواشیني ښودلې.
د اسراییل او حماس ترمنځ د شوي اوربند په ترڅ کې به د شنبې په ورځ حماس درې نوراسراییلي یرغمل خوشې کړي. اسراییل یې هم په بدل کې په لسګونو فلسطیني بندیان خوشې کوي. تراوسه له لسو زیات اسراییلي اوپنځه ټایلنډي یرغمل خوشې شوي خو د اسراییلي چارواکو په وینا تراوسه له اتیاوو زیات یرغمل له حماس سره دي.
د ناروې د کډوالو شورا مشر یان ایګلند وايي، د هیوادونو استازي دې د میرمنو د حقونو د مبارزې لپاره باید کابل او کندهار ته سفر وکړي. فرانسې خبري اژانس سره په مرکه کې ویلي، نړیوالې ټولنې په افغانستان د طالبانو تر بیا واکمنېدو ورسته د دغه هیواد خلکو ته شا کړې.
د اسراییل پوځ نن جمعه وویل چې هوایي ځواکونو یې د لبنان په ختیځ کې د حزب الله پرتاسیساتو بمباري کړې ده.
د افغانستان کام ایر هوایي خصوصي شرکت د پنجشنبې په ورخ له کابل څخه د خوست نړیوال هوایي ډګرته لومړنۍ مستقیمه الوتنه ترسره کړه.
د افغانستان د بشري حقونو لپاره د ملګروملتونو ځانګړی راپورورکونکی ریچارډ بینیټ وایي، افغان ښځینه لوبغاړې په کوردننه او ټوله نړۍ کې په سپورټ پورې تړلې دي.
ګڼو خبري اژانسونو د جنورۍ پر ۳۰مه د امريکايي چارواکو له خولې ليکلي چې تر دې دمه د شاوخوا ۲۰ کسانو مړي له پوټامېک سيند څخه راايستل شوي دي او د نورو لټون لا هم روان دی.
د بلوچستان د بلوڅ مېشتې حب ضلعې انتظامي مشرې یا ډېپټي کمېشنرې روحانه ګل کاکړې د جنورۍ پر ۳۰مه تر هغه سمدستي وروسته د عامه نظم د ګډوډۍ په تور د نوموړي د نيولو امر وکړ چې ځايي عدالت د علي وزير خلاف په وروستۍ مقدمه کې هم د هغه د خوشې کولو حکم وکړ.
د جنورۍ پر ۲۹مه د خوست په مرکز او ولسوالیو کې د هغو څلورو روغتیايي مرکزونو ودانیزې چارې بیا پیل شوې، چې د تېر جمهوري نظام تر سقوط وروسته نیمګړې پاتې شوې وې. د طالبانو حکومت روغتیایي چارواکي وايي، د هېواد په کچ د دا ډول ټولو روغتیايي مرکزونو شمېر ۱۷۴ دی، چې اوس يې د بشپړولو لپاره څه د پاسه څلور نیم مېلیارده (اربه) افغانۍ منظورې شوې دي.
د امریکا د متحدوایالتونو ولسمشر ډونالډ ټرمپ، پرون (پنجشنبې، د جنورۍ ۳۰مه) وویل چې امریکا له هغو هیوادونو چې د بریکس سازمان غړي دي، غواړي چې ژمنه وکړي چې نه به د بریکس نوې اسعار جوړوي او نه به د امریکايي ډالر د بدیل په توګه د نورو اسعارو ملاتړ کوي، که نه نو د ۱۰۰ سلنه تعرفو (مالیاتو) له ګواښ سره به مخامخ شي. د رویټرز خبري آژانس د راپور له مخې، ټرمپ مخکې له دې، د بریکس سازمان غړو هېوادونو، برازیل، روسیې، هند، چین، او جنوبي افریقا ته د امریکايي ډالر د بدیل په اړه خبرداری ورکړی و. د بریکس د غړیو... Читать дальше...
د حماس افراطي ډلې د پنجشنبې په ورځ (د سلواغې ۱۱مه) اته تنه برمته شوي کسان، چې درې یې اسراییلیان او پنځه تایلندیان وو، سره صلیب ته وسپارل. په مقابل کې، ټاکل شوې وه چې ۱۱۰ فلسطینیان هم د اسراییل له زندانونو خوشې شي، خو د اسراییل د صدراعظم دفتر اعلان وکړ چې دا اقدام تر هغه وخته ځنډول شوی، چې د برمته شویو کسانو "خوندي" خوشې کېدل تضمین شي او هغوی سره صلیب ته د غزې په تړانګه کې وسپارل شي. دغه دفتر د پنجشنبې په ورځ اعلان وکړ چې دا پرېکړه د بنیامین نتانیاهو او د اسرائیل د دفاع وزیر له خوا شوې ده. د... Читать дальше...
