د دې اونۍ د "هارون باچا هنري ګړۍ" خپرونې مېلمه شاعر او سندرغاړی، خورشيد عالم صابر دی. نوموړی د خيبر پښتونخوا د مردان دی، خو ۱۵ کاله يې په سعودي عرب کې مساپري کړې او اوسمهال د متحده عربي اماراتو په شارجه کې کار روزګار کوي. صابر زياتره خپل شعرونه سندره کړي چې ځينې يې مشهور شوي هم دي. نوموړی وايي چې شعر او موسيقي يو انسان ته د يوه معتدل ژوند تېرولو لارې چارې ښيي. د خورشيد عالم صابر دا خبرې او ځينې سندرې يې په خپرونه کې اورېدای شئ، چې کوربه يې هارون باچا دی.
