Бүгүн, 23-ноябрда Бишкекте "Кыргызстан - конфессиялар аралык тынчтыктын жана ынтымактын өлкөсү" деген темада эл аралык конференция өтүүдө. Буга байланыштуу президент Садыр Жапаров жыйындын катышуучуларына кайрылуу жолдоду. Кайрылууда өлкөдө дин тутуу эркиндиги барын жана ал мамлекеттик башкаруудан тышкары экенин белгилеген. Бардык конфессияларга бирдей мамиле жасалып жатканын, бул багытта атайын диний чөйрөдөгү концепция кабыл алынганын билдирген. Жапаров жыйындын катышуучуларына дүйнө тез... Читать дальше...
24-ноябрда түнкүсүн Ысык-Көл облусунун айрым жерлеринде жаан карга айланат, тоолуу райондорунда кар жаайт, калган аймактарда жаан-чачын болбойт. Күндүз жаан-чачын жаабайт. Чыгыштан соккон шамалдын ылдамдыгы секундасына 5-10 метрге жетет. Абанын температурасы: Чүй өрөөнүндө түнкүсүн -2…+3, күндүз 11…16; Талас жергесинде түнкүсүн -3…+2, күндүз 11…16; Баткен, Ош, Жалал-Абад аймактарында түнкүсүн 0…5, күндүз 10…15; Ысык-Көл дубанында түнкүсүн 0…-5, күндүз 2…7; Нарын облусунда түнкүсүн -5…-10, күндүз 3…8; Бишкекте жаан жаабайт. Читать дальше...
Улуттук коопсуздук боюнча мамлекеттик комитеттин төрагасы Камчыбек Ташиев криминалдык топтор менен күрөштөн түшкөн каражаттар кантип пайдаланылып жатканын түшүндүрдү. Бул тууралуу ал 23-ноябрда Жогорку Кеңештин жыйынында айтып, криминал менен күрөштүн жыйынтыгында жалпысынан 1 миллиард 200 миллион долларлык каражат өндүрүлүп, бюджетке төгүлгөнүн билдирди. “Мунун баары УКМКнын депозиттик фондуна түшөт. Андан кийин президенттин жарлыгы менен мамлекет башчынын стабфондуна (ред: - Турукташтыруу фонду) же бюджетке которулат. Читать дальше...
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Оштогу "Женго" каймана аты бар Кадыр Досонов криминалдык аракетин улантып жатканын билдирди. Бул тууралуу Ташиев парламенттин 23-ноябрдагы жыйынында айтты. Ташиевдин маалыматы боюнча, Досонов "уюшкан кылмыштуу топтордон кайттым" деп буга чейин убада кылганы менен дагы деле криминалдык аракетин улантып жаткан: «Женгону Бишкекке алдырып жатам. Ал буга чейин экран алдында убада бергени менен дагы деле кылмыштуу аракетин улантып жатканы белгилүү болду. Читать дальше...
"Чек арасыз кабарчылар" (RSF) эл аралык уюму Кыргызстандын президенти Садыр Жапаровду иликтөөчү журналист Болот Темировго куугунтукту токтотууга жана анын кыргыз жарандыгын калыбына келтирүүгө чакырды. Уюмдун билдирүүсүндө бир жыл мурун мекенинен чыгарылган журналист Болот Темиров кыргыз жарандыгынан ажыратылып, анын медиа уюмунун каржы эсеби бөгөттөлгөнү белгиленген. Ага ылайык, Болот Темировдун Temirov Live каналына каржылык көмөк көрсөтүлүүчү "Мбанк" төлөм системасындагы эсептери удаа бөгөттөлгөн. Читать дальше...
Жогорку Кеңештин 23-ноябрдагы жыйынында өкмөттүн курамында аял кишилердин аз экени айтылды. Депутат Акбөкөн Таштанбеков өкмөттүн курамына аял жетекчилерди да кошууну сунуштады. “Бюджетиңиз аябай сонун, командаңыз да көздү сүйүндүрө тургандай экен. Бир эле кемчилик, кыздар азыраак болуп жатат. Командаңызга кыздарды да аралаштырып, акимдикке, мэрликке да койсоңуз”, - деди Таштанбеков. Учурда төрага Акылбек Жапаров жана анын орун басарларын, министрлерди кошкондо, Министрлер кабинетинин 21 мүчөсү бар. Читать дальше...
Улуттук коопсуздук боюнча мамлекеттик комитеттин (УКМК) төрагасы Камчыбек Ташиевдин өзүнүн да, үй-бүлөсүнүн да коопсуздугу толук камсыздаларын бүгүн 23-ноябрда Жогорку Кеңеште Министрлер кабинетинин төрагасы Акылбек Жапаров билдирди. Ал депутат Акбөкөн Таштанбековдун Ташиевдин коопсуздугу боюнча көтөргөн маселесине «Урматтуу Садыр Нуркожоевич атайын өзгөчө көңүл бөлүп жатат. Камчыбек Кыдыршаевичтин өзүнө да, үй-бүлөсүнө да биз бир да тал чачын жерге түшүргөнгө мүмкүнчүлүк бербейбиз эч кимге”, - деп жооп берди. Читать дальше...
Министрлер кабинетинин төрагасы Акылбек Жапаров Жогорку Кеңештин депутаттарынын алдында сүйлөгөн сөзүндө Кыргызстанда саясий коррупция жана уюшкан кылмыштуулук жоюлганын билдирди. Ал саясий коррупция болгон жерде уюшкан кылмыштуулук да сөзсүз аралашарын айтып, бардык жерде тазалануу иштери жүрүп жатканын белгиледи. "Садыр Нургожоевич (президент Садыр Жапаров - ред) мамлекетти иретке келтирүү үчүн экономиканы мага, күч блогун Камчыбек Ташиевге берген. Уюшкан кылмыш топторуна каршы аёосуз күрөш - бул мамлекетке салык төлөтпөй... Читать дальше...
Орусияда клининг компанияларда иштеген кыргызстандык кыз-келиндер арасында алдамчылыкка, уурулукка шек саналып кармалган учурлар көбөйгөнү айтылууда. Адвокаттар мындай жагдайга кабылгандардын көбү бөтөн жерде ашыкча убара тартуудан качып, айыптаган тараптын талабын аткарууга мажбур болуп жатканын белгилейт. "Байке, чынын айтсам, аябай коркуп жатам. Жардам кылып койгулачы. Мындай нерсеге өмүрүмдө кабылган эмесмин. Төрт балам кимде калат деп ойлонуп жатам. Күйөөмдүн көзү өтүп кеткен. Жардам берип койгулачы, байке". Читать дальше...
16-ноябрда Бишкектин Биринчи май райондук соттун чечими менен Грек-рим күрөшү боюнча федерациянын вице-президенти Ахрор Иминов сыртка чыкпоо жөнүндө тил кат менен камактан бошотулду. Бул тууралуу “Азаттыкка” райондук соттун басма сөз кызматы билдирди. Маалыматка ылайык, Иминовду бошотуу боюнча Улуттук коопсуздук комитетинин тергөөчүсү өтүнүч келтирген. УКМК Иминовду кримтөбөл Камчы Көлбаевдин кылмыштуу тобунун айрым мүчөлөрүн каржылап келген деп айыптап, 11-октябрда Кылмыш-жаза кодексинин “Уюшкан... Читать дальше...
Министрлер кабинетинин төрагасы Акылбек Жапаров Кыргызстанда жүргүзүлүп жаткан пенсиялык реформанын натыйжасында пенсиялык фондго акча төкпөгөн жарандар карыя курагында жөлөкпул менен гана жашай турганын билдирди. Жапаров бул тууралуу парламент депутаттарынын алдында баяндама жасап жатып билдирди. "Биз элибизге карылыгы үчүн өзү гана кам көрүүгө милдеттүү экенин көрсөттүк. Быйыл 1-октябрда пенсиянын камсыздандыруу бөлүгүн 38% көбөйттүк, андан пенсиялык фондго көп акча төккөн адамдар гана татыктуу пенсия ала алышары көрүндү. Читать дальше...
Бишкекте бүгүн, 23-ноябрда "Кыргызстан - конфессиялар аралык тынчтыктын жана ынтымактын өлкөсү" деген аталышта жыйын өтүп жатат. Иш-чараны Дин иштери боюнча мамлекеттик комиссия уюштурууда. Маалыматка ылайык, жыйын мурдараак өткөн диний жааттагы эл аралык диалогдун уландысы болуп саналат. Жыйындын алкагында диний тармактагы бир катар маселелер көтөрүлөт. Ошондой эле мамлекеттик жана конфессиялар аралык ынтымакты бекемдөө, өлкөдө, коомдо туруктуулукту сактоо жаатындагы маанилүү маселелер ортого салынат. Читать дальше...
Министрлер кабинетинин төрагасы Акылбек Жапаров баштаган бардык мүчөлөрү бүгүн, 23-ноябрда Жогорку Кеңеште 2022-жылдын мамлекеттик бюджетинин аткарылышы боюнча отчет берип жатат. Бүгүнкү отурумда ошондой эле 2023-жылдын бюджетине өзгөртүүлөрдү киргизүү маселеси жана келерки 2024-жылдын мамлекеттик бюджетинин долбоору да каралат. Депутаттардын алдына өкмөт башчы Акылбек Жапаров чыгып сүйлөп, өлкө экономикасында акыркы эки-үч жылдан бери жүрүп жаткан өнүгүүлөр, өзгөрүүлөр тууралуу баяндама жасап жатат. Читать дальше...
“Кумтөрдөгү” миллиондогон сомдук коррупцияга айыпталган ишкананын мурдагы тышкы башкаруучусу Тенгиз Бөлтүрүк боюнча сот чечими чыгып, 800 миң сом айыппул чегерилди. Буга чейин Бөлтүрүк тергөө менен кызматташып казынага 10 млн. сом төгүп берген.
Бишкек-Ош жолундагы "Сосновка", "Арал" өткөрмө бекеттеринде оор жүк ташуучу автоунааларга чектөө киргизилди. Транспорт жана коммуникациялар министрлигинин басма сөз кызматы кабарлагандай, чектөө бүгүн, 23-ноябрда таңкы саат 4:30дан тарта киргизилди. Буга аба ырайы кескин өзгөрүп, ашууларда бурганактап кар жаап жатканы себеп. Маалыматка ылайык, учурда Бишкек-Ош жолунда кар катуу жаап жатат. Жол тейлөө ишканаларынын кызматчылары жолго кум, шагыл чачып, өздөрүнө бөлүнгөн аймактарды, ашууларды толук көзөмөлдөп жатат. Читать дальше...
Финляндиянын бийлиги Орусия менен чек арасындагы бир гана - түндүктөгү эң ыраак өткөрмө бекетинен башка бардык бекеттерин жабууну чечти. Бул тууралуу Финляндиянын премьер-министри Петтери Орппо шаршембиде билдирди. Фин-орус чек арасындагы бир гана "Райа-Йоосеппи" көзөмөл өткөрмө бекети ачык болот. Аталган бекет Орусиянын Мурманск шаарынан 240 чакырым алыстыкта жайгашкан. Калган чек ара бекеттери 25-ноябрдан кеминде 23-декабрга чейин жабылат. Хельсинки Москва үчүнчү өлкөлөрдүн жарандарын атайылап фин тарапка өткөрүп жатат деп эсептейт. Читать дальше...
Коомдук ишмер, тарыхчы Алмаз Кулматовдун блогу. Автордун пикири "Азаттыктын" көз карашын чагылдырбайт. “Мага Америка эмне кылды деп сурабай, өлкөмө кандай кызмат кылдым деп өзүңдөн сура” (Ж.Ф. Кеннеди). 60 жыл мурда, 1963-жылы 22-ноябрда Американын тарыхындагы эң таасирлүү президентти атып өлтүрүштү. Жон Кеннеди президент болуп 1960-жылы 8-ноябрда шайланып, туура 3 жыл 14 күндөн соң курман болду. Даллас шаарында, чак түштө. Калың элдин көзүнчө бир нече жолу башка ок жеп, каза тапты. Читать дальше...
