Эгемендик жылдарында Кыргызстандын бюджети туш келген эң оор жагдай тууралуу финансы министри Бактыгүл Жээнбаева айтып берди.
Бишкекте соңку күндөрү «Тез жардам» кызматына бир суткада кайрылгандардын арасынан 100гө жакынына пневмония диагнозу коюлуп жатат. Бул тууралуу 10-июлда «Азаттыкка» мекеменин бөлүм башчысы Егор Борисов билдирди: «Биздин «Тез жардам» кызматы аркылуу азыр бир күндө орто эсеп менен алганда пневмония болгон 100дөй бейтап өтүүдө. Кээде андан көбүрөөк, кээде азыраак. Азырынча абал турукташты деп айта албайбыз». Кыргызстанда коронавирус эпидемиясы башталганын бийлик март айынын этегинде жарыялаган.... Читать дальше...
Кыргызстандын Тышкы иштер министрлиги (ТИМ) «Орусияда токойдо кыргыз жана тажик мигранттары жапырт көмүлгөн жер табылды» деген маалымат боюнча түшүндүрмө берди. Мекеме 10-июлда тараткан маалыматка караганда, Кыргызстандын Орусиядагы элчилиги Якутск шаарындагы кыргыздардын «Манас» диаспорасынын жетекчилиги менен байланышып, ал жер чынында эле жергиликтүү мусулмандардын кароосуз калган көрүстөнү экени тууралуу жооп алган. Диаспора өкүлдөрү ал жер убагында тосулбай, каралбай калганын, көмүлгөн беш кыргызстандыктын төртөөнүн жарандыгы кыргыз... Читать дальше...
Борбордук шайлоо комиссиясы (БШК) парламенттик шайлоого катышууну каалаган саясий партиялардын мындан аркы аракеттерине байланыштуу маалымат таратты. Анда көрсөтүлгөнгө караганда саясий партиялар 20-августка чейин БШКга талапкерлердин тизмесин, 5 миллион сом өлчөмүндөгү шайлоо күрөөсүн тапшырышы керек. БШК талапкерлердин тизмесин 4-сентябрга чейин текшерип, анын жыйынтыгына жараша партияны шайлоого талапкер катары каттайт. БШК ошондой эле саясий партиялар алдыдагы бир жарым ай ичинде курултайларын өткөрүү зарылдыгын белгилеп... Читать дальше...
Беткап жана мээлей кийген сингапурлуктар 10-июлда кезектеги парламентин шайлоого киришти. Жүздөрүн коргоочу айнектер менен жапкан шайлоо комиссиясындагылар добушканага келгендердин дене табын текшерип, аралыкты сактоону өтүнүп жатышат. Эртең мененки сааттарда улгайган жарандардын добуш беришине артыкчылык берилди. Ал эми үйүндө карантинге алынгандар жана COVID-19 илдетинен дарыланып жаткандар добуш берүүгө катыштырылган жок. Алты миллионго жакын калкы бар түштүк-чыгыш Азиядагы Сингапур коронавируска... Читать дальше...
Пандемия учурунда эмерек жасаган усталар да четте калган жок. Алар күндүзгү стационарларга керебет жасоо менен алек. Усталар жасаган керебеттер облустарга да жөнөтүлүп жатат.
Мурдагы саламаттык сактоо министри Космосбек Чолпонбаев экинчи жолку суракка барган жок. Бул тууралуу 10-июлда «Азаттыкка» Экономикалык кылмыштарга каршы күрөш боюнча мамлекеттик кызматтын (Финансы полициясы) басма сөз катчысы Анастасия Пискур билдирди. Анын айтымында, Чолпонбаев 9-июлда суракка чакырылган, бирок ден соолугуна байланыштуу бара албай турганын билдирген. Мурдагы министр бул мекемеде биринчи суракта 6-июлда болгон. Пискурдун айтымында, Чолпонбаев коррупция жана фармацевтикалык... Читать дальше...
Өзгөн районуна караштуу Куршаб ооруканасынын үй-бүлөлүк дарыгерлер борборунун башчысы Гүлмира Өмүржанова видео кайрылуу таратып, жардам сураганы үчүн кызматынан төмөндөтүлдү. Бул тууралуу Куршаб ооруканасынын жетекчисинин орун басары Тургунбай Кадыров билдирди. Анын айтымында дарыгер жамаат менен кеңешпей, туура эмес маалымат тараткан. «Кызмат орду төмөндөтүлүп, тогузунчу үй-бүлөлүк дарыгерлер тобунун башчысы болуп дайындалды. Бизде ички тартип бар да. Чындыкты айткан күндө деле биринчи администрациядан макулдук алып... Читать дальше...
Нур-Султандагы Кытайдын элчилиги 9-июлда Казакстанда COVID-19 илдетинен да катаал, «белгисиз пневмония» таралып жатканын билдирип, жарандарын сактанууга чакырды. Бул билдирүүнү айрым кытайлык гезиттер басып чыгарышкан. 10-июлда Казакстандын Тышкы иштер министрлиги бул маалыматты төгүндөдү. Ошентсе да кабар элчиликтен тарап жатканын эске албастан, «айрым кытайлык маалымдоо каражаттарында жалган маалыматтар» таралып жатканын белгиледи. Министрлик Казакстанда катталган өпкө кагыны Дүйнөлүк саламаттык... Читать дальше...
Кыргызстанда мектеп окуучуларынын республикалык олимпиадасынын жыйынтыгы жарыяланды. Билим берүү жана илим министрлиги 10-июлда кабарлагандай, пандемияга байланыштуу быйыл олимпиаданын 3-турунда мыкты аталгандар республикалык таймаштын жеңүүчүлөрү деп таанылды. 17 сабак боюнча мектеп аралык, аймактык, райондук акыл таймаштарын жеңип келген 483 окуучу облустук турда I, II жана III орундарга ээ болушкан. Министрликтин маалыматына караганда, I орунду алган 160 окуучу ноутбук жана диплом, II жана... Читать дальше...
COVID-19 пандемиясына байланыштуу Кыргызстанда мечиттерге чогулууга кайрадан чектөө киргизиле баштады. Муфтият мечитке келип сыйынуунун, маркумду акыркы сапарга узатуунун жаңы эрежелерин киргизүүдө.
Тажикстандын Ички иштер министрлиги «Азия-Плюс» маалымат агенттигинин журналисти Абдулло Гурбатини мамлекеттик коргоого алуудан баш тартты. Май айында эки жолу кол салууга кабылган журналистти мамлекеттик коргоого алуу тууралуу өтүнүч менен адвокат Абдурахмон Шарипов ИИМге кайрылган. Мекеменин тергөө башкармалыгынын 10-июлда адвокатка жиберген жообунда жабырлануучуну коргоого алууга «негиздүү себептер жок экени» жазылган. Адвокат Абдурахмон Шарипов журналист алгачкы жолу кол салууга кабылгандан кийин ИИМге расмий түрдө кайрылып... Читать дальше...
АКШнын инфекциялык оорулар боюнча башкы дарыгери Кошмо Штаттары коронавируска каршы күрөштүн эң оор баскычына жеткенин билдирди.
11-июлда Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Чүй, Талас облустарынын кээ бир райондорунда жаан жаап, күн күркүрөп, бийик тоолордо кар жаашы ыктымал. Батыш тараптан соккон шамалдын ылдамдыгы секундасына 4-9 метрге, кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 14…19, күндүз 27…32; Талас жергесинде түнкүсүн 12...17, күндүз 25…30; Баткен, Ош, Жалал-Абад дубандарында түнкүсүн 16…21, күндүз 28…33; Ысык-Көл облусунда түнкүсүн 8…13... Читать дальше...
Бишкек шаардык «Тез жардам» кызматынын жумуш жүгү эпидемияга чейинки мезгилге салыштырганда төрт эсе көбөйдү. Бул тууралуу 10-июлда «Азаттыкка» кызматтын реанимация бөлүмүнүн башчысы Егор Борисов билдирди. Анын айтымында, азыркы тапта 101 кызматкер ооруп, үйүндө жатат, алардын 30у дарыгер. Киши жетишпей жаткандыктан эмгек өргүүсүндө жүргөн 14 кызматкерди чакыртып алышкан. Борисов белгилегендей, азыр автомашина жагынан маселе анча курч болбой калды. «Азыр биринчи планда техника эмес, кадрлардын жетишсиздиги болуп жатат. Читать дальше...
Өзбекстандын Кашкадарыя облусунда синтетикалык күйүүчү май өндүрүүчү «Uzbekistan GTL» заводун куруп жаткан жумушчулардын 127синен коронавирус табылды. Бул тууралуу өлкөнүн Саламаттык сактоо министрлигинин басма сөз кызматы билдирди. Ушу тапта вирустун жайылышына жол бербөө максатында заводдун курулуш аянтчасында тиешелүү чаралар көрүлүүдө. Өзбекстанда коронавирус пандемиясы маалында заводдор менен ири ишканалар ишин токтоткон эмес. Буга чейин өлкөдөгү бир нече заводдун жумушчулары карантинге байланыштуу эки жума үйлөрүнө барбай... Читать дальше...
Түштүк Кореяда 10-июлга караган түнү Сеулдун мэри Пак Вон Сундун сөөгү табылды. Ал 9-июлдан бери изделип жаткан. Андан мурда мэрди катчысы жыныстык ыдык көрсөткөн деп айыптап, полицияга арыз жазганын жергиликтүү «Рёнхап» маалымат агенттиги кабарлады. Полиция Пак Вон Сун өз өмүрүнө кол салган болушу мүмкүн деп болжолдоп жатат. 10-июлда Сеул мэриясынын өкүлү Ко Хан Сюк мэр үстөлүнө калтырып кеткен деген катты окуду. «Мен баарыңардан кечирим сурайм. Өмүрүмдө мени менен чогуу болгондорго ыраазымын. Читать дальше...
Эксперттер илдет күчөп турган маалда эң алыскы райондорго алдын ала көңүл буруу зарылдыгын, антпесе кесепети кооптуу болорун эскертип жатышат.
Өлкөдөгү кризистик кырдаалга байланыштуу мамлекеттик бюджеттин киреше бөлүгү толбой жаткандыктан, сырттан келген каражаттын басымдуу бөлүгү аны толуктоого жумшалууда. Бул тууралуу вице-премьер-министр Эркин Асрандиев бүгүн, 10-июлда брифингде билдирди. Анын айтымында, эл аралык донорлордон келип түшкөн 321 млн. доллардын 170 млн. доллары бюджеттик кызматкерлердин айлык акысын, пенсия, жөлөк пулун берүүгө жана дары-дармек сатып алууга жумшалды. «Ал эми коронавирус менен күрөшүүдө 3,3 млн. доллар... Читать дальше...
Ысык-Көл облусунда жол кырсыгынан үч адамдын өмүрү кыйылды. Өзгөчө кырдаалдар министрлигинин маалыматына караганда, каргашалуу окуя 9-июлда Тоң районунда Балыкчы-Кочкор автожолунун 4-чакырымында болгон. «Volkswagen Passat» жеңил машинасы менен оор жүк ташуучу «Shacman» машинеси сүзүшө кеткен. Жол кырсыгынан 46 жаштагы эркек, 42 жаштагы аял жана 12 жаштагы бала каза болду. Дагы үч киши жабыркап, Балыкчы шаардык ооруканасына жаткырылды. Социалдык түйүндөрдөгү маалыматка караганда, каза болгондор бир үй-бүлөнүн мүчөлөрү ... Читать дальше...
Алматы облусунун башкы санитардык дарыгери Кайрат Баймухамбетов өпкөсү кагынып каза болду. «Бүгүн биз Кайрат Кажымановичти жоготтук. Пневмония», деп облус акиминин басма сөз катчысы Галымурат Жукел 10-июлда билдирди. 56 жаштагы Кайрат Баймухамбетов өткөн жылдын май айынан тартып Алматы облусунун товар жана тейлөөлөрдүн сапаты менен коопсуздугу боюнча департаментти жетектеп келген. Алматынын акими Амандык Баталов «Фейсбуктагы» барагына көңүл айткан билдирүү жазды. Аким өзү да коронавирус жуктуруп алып, ооруканада жатат. Читать дальше...
Кыргызстанда быйыл пневмониядан каза болгондор былтыркыга караганда дээрлик эки эсе көп. Саламаттык сактоо министрлигинин бөлүм башчысы Айнура Акматова 10-июлда Коронавируска каршы ыкчам штабдын онлайн брифингинде билдиргендей, былтыр жылдын алгачкы алты айында бул илдеттен 318 бейтап кайтыш болгон. Быйыл коронавирус эпидемиясы башталган 3,5 айдан бери пневмониядан көз жумгандардын саны 10-июлга карата 350 адам болду. Эпидемия башталганын бийлик март айынын соңунда жарыялаган. Ошондон бери пневмония деген диагноз 3829 адамга коюлду. Читать дальше...
Белгилүү сүрөтчү Асан Турсункулов 1961-жылы Аксы районунун Сары-Кашка айылында туулган. Ал сүрөттөрүн кыргыз элинин нарк-насил, санжырасын, тарыхын терең философиялык көз караш менен тарткан. Анын атайын түрмөктөргө бөлгөн "Улуу эл", "Элдин мүлкү", "Жети", "Бийлик мифологиясы", "Манас ааламы", "Кут кармаган аял", "Алтын кылымдын асыл адамдары", "Буюккан жылдыздар", "Кудайдын мыйзамы" деген сүрөттөрү менен белгилүү.
Мурдагы вице-премьер-министр Алтынай Өмүрбекова коррупцияга жана айрым фармацевтикалык компаниялардын кызыкчылыгын көздөө фактысына байланыштуу иш боюнча суракка чакырылды. Бул тууралуу Экономикалык кылмыштарга каршы күрөшүү кызматы (Финпол) 9-июлда маалымдады. Финпол ошондой эле коррупция жана айрым фармацевтикалык компаниялардын кызыкчылыгына иштөө фактысы боюнча иш бирдиктүү реестрге март айында катталып, сотко чейинки өндүрүшкө алынган. Ошонун негизинде тергөө жүрүп жатат. Экс-вице-премьер-министр... Читать дальше...
Бүгүн, 10-июлда Новосибирск-Бишкек каттамындагы чартердик учак менен 192 кыргызстандык жаран учуп келди. Алардын арасында жаш балдар да бар. 26-июнда кабыл алынган чечимге ылайык, чет жактан кайтып келгендер эгер оорунун белгилери жок болсо аэропорттон үйүнө коё берилет, ал эми оорусу байкалгандар дарыланууга жөнөтүлөт же ооруканага жаткырылат. Кыргызстанда коронавирус алгач 18-мартта Сауд Арабиясынан ажылыктан кайткан адамдардан табылган. Ошондон кийин чек аралар жабылып, аэропортко конгон ар... Читать дальше...
