Оьрсийчуьра 2 агент араваьккхина Германино, Шемахь байна зударий карийна (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
ГIалгIайн масийтта юрт йоьлху Iедало некъан компанина магочух. Несар-Коьртехула, Дошлакх-Юьртахула, Яндарехула, Буро-КIалехула, ГIази-Коахула чекхболу М-29 некъ шорбархьама йохош ю нехан керташ. Шайн ков-керташ, бошмаш некъа буха яхийта ца лууш, аьрзнаш до бахархоша. ДIахьошу некъо йистошца лаьтта кафеш а, машенаш юьлу меттигаш а – напха даккха таро йоцуш буьту бахархой. Я бахамаш а, я тIедогIуш рицкъ а доцуш Гуламашкахь бу резабоцу бахархой. Некъ я ярташна юьстахбаккха беза, я, къастийначу сизца дIахьош белахь... Читать дальше...
Зуламаш махкахь, ерриг а Оьрсийчоьнца дуьстича, 5-зза, 6-зза кIезиг до, элира Нохчийчоьнан куьйгалхочо деношкахь полицин а, Росгвардин а хьаькамашна хьалха. Юристаш а, бакъоларъярхой а ца теша цо далийначу терахьех.
Кхушара Марсхьокху-баттахь Берлинехь вийна Хангошвили Зелимха дакъалаьцна хилла ву цхьамогIа Оьрсийчохь динчу тIелетаршкахь, яздо Кавказ.Реалиино "Интерфаксана" тIе а тевжаш. Дийцарехь, Хангошвили ГIалгIайчохь динчу тIелетаршна юкъахь хилла аьлла шеко йолуш цуьнан гIуллакх лелош яра цу республикера экстремизмаца къийсам латторан центр ("Э"центр). Хангошвилис дакъалоцуш 2004-чу шарахь динчу цхьана тIелатарехь вийнера ФСБ-н "Вымпел" тобанан кхо декъашхо. Цундела бекхам беш Оьрсийчоьнан лерринчу... Читать дальше...
Iаламат маса кхуьуш го дуьненчохь техникан прогресс. ХIоранна а чохь шиъ-кхоъ компьютер ю тахана, ткъа интернетера цхьа информаци эшахь, цу чуьра иза схьаэца а ма оьшу дуккха а кехат. Ткъа хьаннаш ца хьаькхча аьтто бац кехат дан. Иштта хIора а аьлча санна, хIусамехь шиъ-кхоъ машен ю лелош. Соьлжа-гIалин некъаш тIера хьал тергалдича, ванах, адамел а дукхох ю-кх машенаш олий, ойла кхоллало хьан. Хууш делара царна массарна а, оцу технико ягочу коьчаллийн кIур вуно зуламе буйла адамна а, Iаламна а. Читать дальше...
Оьрсийчуьрчу бахархошна муха го нах бехказбийла шена тIекхуьйлу Нохчийчуьра Iедал? Реза буй уьш Кадыровн ноу-хау шайн регионашка кхачийта, шайна тIехь яржаяйта? Нохчаша, телекамершна хьалха а хIуьттуш, мехкан хьаькамаш шайгара яьллачу ледарлонашна къинтIерабоху видео гича, боьлу Оьрсийчуьра бахархой, кхаьрда Нохчийчоьнах. Амма дац хедаш нохчий шайн махкахь бехказбийлийтарш. ХIора кIиранах цхьаъ я масийтта кхачаво «Грозный» телеканале шена я шен гергарчарна лен. Оцу эфирашка самукъадолуш хьовсу цхьаберш... Читать дальше...
Нохчийчуьрчу вахархочо Мутаев Адама видеокхайкхам бинера Гуьмсерчу кIоштан дарбанан цIийнехь медикаменташ тоьаш яц аьлла. Амма дукха хан ялале цо шена бехк цабиллар дехна "Грозный" телеканалан эфирехь. Мутаевн ваша охьавиллина хиллера Гуьмрсерчу дарбанан цIийнан травматологин декъе, кӀажин пха хадар бахьана долуш. Дарбанан цIийнехь тай ца хилла чов дIатега. И бахьана долуш иза эца дезна хилар дийцинера видеороликехь Мутаевс. Де-буьйса далале иза а, цуьнан ваша а "Грозный" телеэфирехь гучуваьлла... Читать дальше...
Шемахь байна зударий а, бераш а карийна Алеппона 70 гергга километр къилбаседехьа Туркойчоьнан дозанца Iуьллучу Ал-Раи гIаларчу набахтехь. Цунах лаьцна хаам бина Нохчийчоьнан куьйгалхочо Iуналла дечу адамийн бакъонашкахула йолчу кхеташонан декъашхочо Саратова Хедас. Хьалхо хаамаш баьржинера шайн берашца цхьаьна 17 жима зуда яйна Шемарчу гIум-арехь аьлла, яздо "Нохчийчоь тахана" агенталло. Болчу хаамца, шаьш лоьхуш хилар хиина царах дIакъаьстина хилла цхьа зуда зIене яьлла хилла Саратоваца... Читать дальше...
Германино махкара аравоккху оьрсийн ши дипломат ву Оьрсийчоьнан арахьарчу талламан сервисан ши агент. Цунах лаьцна яздо Suddeutsche Zeitung газето, Iедалерчу хьасташна тIе а тевжаш. Болчу хаамца, Оьрсийчоьнан векалаллан белхахой шайн статусца доцург лело агенташ хилар хьокъехь шеко кхоллаеллира кхушара Марсхьокху-баттахь Берлинехь Хангошвили Зелимха вийначул тIаьхьа. Хьалхо зорбанан гIирсаш яздира, Хангошвилина тIелатар дарна лаьцна волу Красиков Вадим цIе йолу зуламхо воьзна хила мега Оьрсийчоьнан лерринчу сервисашца аьлла. Читать дальше...
Кадыров Ахьмад-Хьаьжин цIарх 20 орден а, мидал а еш 4,6 миллион сом дойур ду Нохчийчуьрчу Iедало. Уьш дашо хир ю, бриллианташца а, рубинашца а, изумрудашца а кечйина а хир ю. Цунах лаьцна хаам бо "МБХ медиа" зорбан гIирсо, Оьрсийчохь Iедалан цIарх цхьацца сурсташ оьцучу порталана тIе а тевжаш. Цу хаамца, "Кадыров Ахьмад-Хьаьжин безамна" 10 мидал йийр ю 750 проба йолчу дешех. Уьш кечйина хир ю 54 изумрудца, 18 бриллиантца а, 36 рубинца а. 10 орден а йийр ю оццу дешех. Орденан йозалла хир ю 58 грамм.
