Нохчийчоь ю уггар къона регион, Прописка ярна гIуда тоьхна, Хашогги верна кхел йина (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Шен хIусамехь харц прописка ярна кхеле озийна Ножай-Юьртан кIоштара вахархо. Цу стага шен хIусамехь вехаш санна мехах дIаязвина хилла Узбекистанан махкахо. Кхело 100 эзар сом барамехь гIуда тоьхна цунна низам дохорна
Джалилов Камал Кегийрхой тIемалойн могIаршка ца хIиттийта хIун дан деза? Ишта дара Дагестанан Iедалерчу антитерроран кхеташоно деношкахь дийцаредина хаттар. Билгалдаьккхина цигахь дандезарг. …Амма кхаьрда цунах эксперташ. «Иракъехь а, Шемахь а болчу махкахойн бераш цIадерзор, уьш даймахках долийтар» бу Дагестанан коьрталазам», дIахьедира чоьхьарчу гIуллакхийн министран гIовсан декхарш кхочушдечу Гутыря Дмитрийс. Амма хьаькамо ца дийцира, хIун дина оцу новкъахь. Даймахка схьакхоччушехь, набахтешка... Читать дальше...
СаIудийн Iаьрбийн пачхьалкхехь кхел кхайкхийна журналист Хашогги (Хашакджи) Джамал къиза вийначу нахана. Цунах лаьцна хаам бина Bloomberg агенталло. СаIудийн пачхьалкхан прокуроро дIакхайкхийна суьдхоша вен кхел йина хиларх лаьцна журналист вуьйш дакъалаьцначу 5 стагана. Кхин а кхо стаг чувоьллина, 24 шо набахтехь даккха хан а тоьхна. Верриг а цу бехктакхаман гIуллакхна юкъаозийна вара 11 стаг. The Washington Post газетан колумнист Хашогги Джамал вийра 2018-чу шарахь ГIадужу-беттан юьххьехь Истанбулерчу консулаллехь. Читать дальше...
Оьрсийчоьнан президентан зорбан секретаро Песков Дмитрийс аьлла, дIадаханчу кIиранах Москвахь Лубянка майданахь хилла федералан кхерамазаллин сервисан (ФСБ) белхахошна герз деттар "хьеравалар гучудалар" а, "бохаме хилам" а бара аьлла. Цо дийцарехь, Кремлера комментари ян оьшуш хилам бац иза. Песковс тIечIагIдина и инцидент хуьлуш Путин ФСБ-н директорца Бортников Александарца цхьаьна пачхьалкхан кхерамазаллин органийн денна леринчу концертехь вара хилар. Цо дийцарехь, президент а, ФСБ-н директор а... Читать дальше...
Оьрсийчохь веха "юккъерастатистикан" вахархо ву 40 шо долуш, ткъа Нохчийчоь ю уггара "къона" регион, хаам бо Росстато. Нохчийн Республикехь демографин хьал жимма гIоле ду ерриг а пачхьалкхехь долчул а. Росстато дийцарехь, карарчу хенахь цигахь бехаш бу юккъерчу барамехь 29 шо долу нах. Массарел а сиха къанлуш бу Тамбовн кIоштара бахархой. Цигахь и гайтам бу 43 шо.
Оьрсийчоьнан Iедалша харцхьадоккхуш ду ШолгIачу дуьненерчу тIеман сурт, дIахьедар дина Польшин арахьарчу гIуллакхийн министралло. Цу кепара комментарий йина Варшаво Оьрсийчоьнан президенто Путин Владимира тIом болалуш хIоьттина хиллачу хьоах лаьцна дийцинчун. Чиллан-беттан 19-хь Оьрсийчоьнан президенто дIахьедар динера, Советан Союз тIаьххьара пачхьалкх яра Германица вовшашна тIелетар дац аьлла барт бинарг. Путина иштта дIахьедар дира "Польша дакъалоцуш яра Чехословаки йоькъуш" аьлла. Польшин... Читать дальше...
Нохчийчоьнан куьйгалхочо ша тIеман аренашкахь гайтина «хьуьнарш» дийца даьхча, бела бахьана долу нахана, яздо "Кавказ.Реалиино" Оьрсийчоьнан президента Путин Владимира хастийна Нохчийчоьнан куьйгалхо. Ша хIора шарахь хIотточу «Йоккхачу пресс-конференцехь» цо дийцира, стенна елла Кадыров Рамзанна «Оьрсийчоьнан Турпалхо» цIе: «даьндаргашна кIел гIерта, сацалуш вац, мел IадIе аларх а». Президентан багара и дешнаш довллушехь, хаийтира Кадыровс ша цуьнан дуьхьа муьлххачу а хенахь вуйла дерриг а дан кийча. Читать дальше...
Машенах цIеялар бахьана долуш ши стаг вагийна Нохчийчохь, хаам бо чоьхьарчу гIуллакхийн министраллан республикерчу урхаллан зорбан сервисо. И бохам хилла Хьалха-МартантIерчу ГIойтIахь. Меттигерчу вахархочун кертахь лаьттачу машенах цIеяьлла вагийна 33 шо долу Соьлж-ГIалара вахархо а, 34 шо долу цу эвлара вахархо а. ЦIе сихха дIаяйа аьтто баьлла орцахбевллачу нехан. Вагийна ши дархо охьавиллина Соьлж-ГIаларчу №1 йолчу дарбанан цIийне.
Нохчийчоьнан куьйгалхочо Кадыров Рамзана хаам бина ша кийча хиларх лаьцна, уггар ирачу хатташна жоьпаш дала хIора шарахь хуьлучу шен зорбан конференцехь. Цо дийцарехь, иза хир ду, тахана, ГIуран-беттан 23-хь ЧГТРК "Грозный" студехь. Нохчийчоьнан хьалханчо чIагIдерхь, дIадаханчу шарахь баккхийн кхиамаш баьхна республикехь "экономикехь а, социалан сферехь а, юкъараллин-политикан дахарехь а". "Ша кийча ву... дог цӀена къамел дан", - яздина Кадыровс шен Инстаграмехь, хаам бо "Нохчийчоь тахана" агенталло.
Оьрсийчоьнан Президентан Путин Владимиран хIоллам хIоттийна ГIиргIазойчохь, долахь долчу хьешан цIийнан кертахь. ГIиргIазойн махкахь 4,5 эзар метр лекха болу ломан бохь а бу Путинан цIе леллош.
Кредиташ токхуш шарахь шена догIучу алапах 18,7% дакъа банкана дIадала везаш ву Нохчийчохь хIора белхахо. Цунах лаьцна дуьйцу РИА Новости агенталло. Цу гайтамехь 5-гIа меттиг дIалоцуш ю Нохчийчоь, уггар кIезиг банкера юхалург ахча эцна бахархой бехачу регионашна юкъахь. ХIалхарчу меттехь ю ГIалгIайчоь (9,9%,), цунна тIаьхьа йогIуш ю Оьрсийчоьно дIалаьцна йолу Украинин ГIирма (13,9%), тIаккха - Севастополь - 15,9%. 4-чу меттехь ю Дагестан (17,9% ). Уггар дукха кредиташ эцнарш бу ГIалмакхойн республикера бахархой - 86%.
