Идрисова Барият Набахтешна тIехьожу белхахой лецна Дагестанехь. Иза доладелира цигахь 2005-2017-чу шерашкахь хьаькам а лаьттина, Ростовхь набахтешна тIехьожуш волу Даххаев Муслим, пачхьалкхан къайленаш ястина аьлла, лацарца. Дагестанехь дуьххьара лаьцнарг вара ХIинжа-ГIаларчу №1 изоляторан хьаькам Давыдов Дауд. Кхаъ эцарна, аьлла, вигара иза. Ши бехк тIебаьхьина цунна: «белхан бакъонех пайда а оьцуш, зулам дар», «кхаьънаш бахар». Советски кхело шина баттахь лаьцна латто магийна иза. Кхело иза... Читать дальше...
Нохчий а, гIалгIай а летта, Лахара алапа оьцуш бу Нохчийчохь, Супрунован сийлахь артист цIе елла (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Бусалба дин тIеэцна "Исламан пачхьалкх" тобанах дIакхета Шема яхана, цигахь тIемало хилачу Британин махкахочуьнгахь марехь хилла Ирландин махкахо лаьцна цу пачхьалкхан коьртачу гIалин Дублинан аэропортехь. Шема яхале хьалха Ирландин тIеман-хIаваан ницкъашкаш гIуллакх дина йолчу 38 шо долчу Смит Лайзина цуьнан 2 шо дочу йоIаца цхьаьна депортаци йира Туркойчоьно. "Дублинехь цунна дуьхьалбаьхкинера Ирландин полицин белхахой", - хаам бина цу мехкан юстицин министро Фланаган Чарлис. Ирландин... Читать дальше...
Спортан ловзар девне дерзийна ГIалгIайчохь самбисташа а, цаьрга хьажа баьхкинчара а. Дов эккхийтина ГIалгIайчуьра а, Нохчийчуьрчу а ши самбист леташ спортан бакъо йохийна аьлла хеттачара.
Ненан мотт нахана марзбан а иза кхион а, цунна гIортор ян а боккха болх бу дIахьош Нохчийчохь. Цунах лаьцна дIахьедар дина реапубликан куьйгалхочо Кадыров Рамзана, хаам бо Sevkavportal.ru портало. Кадыровс дийцарехь, Нохчийчохь кечйина ю нохчийн мотт а, нохчийн йоза кхион а, гIортор ян а программаш, ткъа иштта кхоьллина ю экспертийн кхеташо. Цо билгалдаккхарехь, цу кхеташонан Iалашонех цхьаъ ю нохчийн мотт кхин дIа кхион а, цунна пропаганда ян а. Цу юкъахь бу бевзаш болу Iилманчаш а, яздархой а... Читать дальше...
Романова Софья Стенна ца го Москварчу урхаллашна Кадыровгара юьйлу харцонаш. Оцу хьокъехь дуьйцу бакъоларъярхоша "Кавказ. Реалиига" Шена а, шен гонна а критика ен нах «байа, чубохка, кхерабе», аьлла, Нохчийчоьнан куьйгалхочо Кадыров Рамзана бина кхайкхам зуламе бу, цо низам дохадо, боху «Мемориал» центро а, «Москварчу ХIелсинкин тобано» а Оьрсийчоьнан Талламан комитетан буьйранчига Бастрыкин Александре шаьш дахьийтинчу дIахьедарехь. Iедалхойн кхеташонехь Кадыровс дина къамел Нохчийчуьрчу телеканало гайтира байначу беттан 5-чу дийнахь. Читать дальше...
28,8% белхахой 15 эзар соьмал лахара алапа оьцуш бу Нохчийчохь. Цу гайтамехь уггар гIаддайначу 5 республикана юкъахь 5-гIа меттиг дIалоцуш ю иза. РИА Новости агенталло бинчу талламца, Оьрсийчохь 15 эзар соьме ца кхучуш алапа долуш бу 11% белхахой. Уггар ледара хьал ду Къилбаседа Кавказехь. Цигахь уггар лахара белхан алапа оьцуш бу Дагестанера белхахой - 34%. Цунна тIаьхьа ю Кхарачой-Чергазийчоь (33%), ГIалгIайчоь (29,6%), Къилбаседа ХIирийчоь (29%) тIаккха Нохчийчоь (юьхьенца ма аллара 28,8%). "Регнум" агенталло дийцарехь... Читать дальше...
Нохчийчоьнан куьйгалхочо Кадыров Рамзана "Нохчийн Республикан сийлахь артист" цIе елла Супрунова Алисина. Цунах лаьцна хаам бина Соьлж-ГIаларчу Нурадиловн театрехь хиллачу концертехь дакъалоцучу йиш лакхархочунна совгIат дIадала веанчу Госдуман депутато Саралиев Шамсаила, яздо "Нохчийчоь тахана" агенталло. Оьрсийчоьнан телевизионан "Керла тулгIе" проектан декъашхо хилла Петарбухера Супрунова Алиса гIараелира Нохчийчохь, вевзаш волчу бардан Муцураев Тимуран "Дахар - сихалла" йиш лекхначуул тIаьхьа. Читать дальше...
ГIалгIайчохь самбон турнир дIайхьош дуккха а нах вовшахлетта спортан комплексехь. Цунах лаьцна хаам бо шен Telegram-каналехь Baza зорбан гIирсо. Вовшахтасадалар доладелла ГIалгIайчуьра а, Нохчийчуьра спортхошна юкъахь. Бахьана хIун хилла дуьйцуш дац, амма буй-тIарина юкъаозийна хилла шатш самбох латархой а, хьажархой а, цхьаболчу хаамашца, тренерш а. ТАСС агенталло бинчу хаамца, конфликтан декъашхой сихха дIасабаха аьтто балла турнир дIайоьдучу спорткомплексан кхерамазаллин сервисан белхахойн. Читать дальше...