Полицин хьаькамна Ирасхановна – санкцеш, Хьан байина ЭльджаркиевгIар? Вахийтаклубе Нанга! (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Тахана, ГIура-беттан 11-чу дийнахь, 25 шо кхаьчна Нохчийчохь хьалхара тIом болабелла. Сихха, дукха цIий а ца Iанош, чекхдевр ду шаьш Нохчийн Маршо хьаьшна, аьлла баьхкинчу инарлашна хетарг ца хилира. БIеннаш эзар нах байира, лазийра. Оццул мах бала дезна хьаькамийн харц политиках нохчийн къоман.
Соьлжа-ГIаларчу герзахошна буьйр дина къийгаш яйа. ТIех сов даьржинчу оцу олхазаршна тоьпаш йиттина шинарин сарахь, Чернышевскийн урамна гонах. Иштта бара гIалин бахархоша «Кавказ.Реалиига» бина хаам. «Е ЕЕ» ноьмарш йолчу машенашкахь («КРА» а санна, Iедалхоша лелош йолу ноьмарш - Ред) веанера иттех герзахо, барзакъна тIехь «Ахмат» йоза дара церан .Шиъ вара могIархойн, вайн санна духар долуш. Уьш цIеххьана севцира къигаш тIехь Iачу дитта уллехь, буьйлабелира автоматаш етта. Лазийна, охьаэгна олхазарш хьоьшура когашца»... Читать дальше...
Ставропол-мехкан прокуратура толлуш ю, стенна ца вуьту сакъоьручу меттигашна чу, садаIа охьахаа Анголера веана, Ставрополехь доьшуш волу Нанга Эжидиу. Низамалла тергалдечу хьуматна тIе а тевжаш, иштта хаам баржийна "Интерфаксо". "Кавказ.Реалиино" дийцина ма-хиллара, пхи шо ду Нанга Ставрополехь доьшуш волу. Амма цо ша бахарехь, дилхан бос бахьанехь чувуьтуш вац иза гIалин бахархоша садоIучу меттигашка: я ресторанашка а, я хелхарш дечу клубашка а. "Тхоьца цхьаьна оьрси хуьлий, тIаккха чудуьту тхо. Читать дальше...
Москварчу Басманный кхело уьтталгIа стаг лаьцна ГIалгIайчуьрчу «Э» центран куйгалхо Эльджаркиев ИбрахIим а, цуьнан ваша а вийнарш лохуш хьочу талламца доьзна – Чаниев Мохьмад-ГIази. "Интерфакс" агенталло бина и хаам, кхелан пресс-гIоьнчас Морозова Иринас еллачу информацица. Лаьцна кхаба магийна Чаниев кхаа баттахь. «Кавказ.Реалиино» яздина ма-хиллара, оццу Басманный кхело массех де хьалха лаьцна латто магийра дуьйцу зулам бахьанехь изоляторехь кхобуш волу 6 стаг. Лецна кхобу бу ши бутт гергга... Читать дальше...
Территореш кхиоран «Урбаника» институто 100 гIала теллина Оьрсийчохь, нахана баха муьлханиг тоьлуш ю хьожуш, яздо РБК-но. Оцу бIе гIалех 5 къастийна институто шена чуьрачу хьелашца, дахаран мехаца уггаре дикачех ю аьлла. Хьалхарниг (тоьлларг) ю Краснодар, цул тIаьхьа йогIу Сургут, Санкт-Петербург, Тюмень, Калуга. Рейтинго гайтарца, стагна ваха аттачех лара тарло миллион стаг чохь вехачех йолу 7 гIала: Санкт-Петербург, Уфа, Екатеринбург, Ростов, Самара, Воронеж, Казань. Кавказерчу гIаланашлахь... Читать дальше...
Американ Цхьаьнатоьхначу Штатийн Пачхьалкхан департаменто санкцеш яьхна Соьлжа-ГIаларчу полицин коьртерчу Ирасханов Асланна дуьхьал, «кхел а йоцуш 27 стаг верна». Иштта боху департаментан сайто. Кадыров Ахьмадан цIарх долчу хадаран-постийн декъах (ППС) цо куьйгалла дечу муьрехь байина нах, билгалдоккху Цхьаьнатоьхначу Штатийн Пачхьалкхан департаменто. "Тхо саготта ду Нохчийчохь адамийн бакъонаш эшош а, наханна тIехь къизалла яллош а, йина кхел а йоцуш, низамца ца догIучу кепехь адамаш лоьцуш, лечкъош, хIаллакдеш хиларна. Читать дальше...
Кинорежиссера Сокуров Александра, юхаяккха еза Нохчийчоьнан куьйгаллехь Iийначу Кадыров Ахьмадна а, тахана мехкан коьртехь волчу цуьнан кIантанна Рамзанна а елла «Оьрсийчоьнан турпал» цIе, аьлла, динчу дIахьедарна жоп делла президента Путин Владимира, хаамбо Интерфакс агенталло. Президентан гонерчу адамийн бакъонаш ларъечу кхеташонехь Сокуровс аьлларг иштта дара: «Ойла ян езаш хьал ду Оьрсийчоьнан Турпалан статусна гонах. Иза муха хуьлу, турпалхойн цIерш лелочу Псковерчу дивизина дуьхьал тIом бина КадыровгIар а турпалхой ларар? Читать дальше...
