Нохчийчохь вайнарг, Венехь лаьцна "теракт дан гIертарш", кегийрхойн юьхь яхар. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
ГIалгIайчуьрчу "Э" Центран куьйгалхо Эльджаркиев ИбрехIим а, цуьнан ваша а верца доьзна шеконашца цхьайттолгIа Оздоев Алихан дIалаьцна Москвахь. "Интерфакс" агенталло бина цунах лаьцна хаам, шайн хьостанна тIетевжина. Яхначу буса лаьцна Оздоев талламан изоляторехь чувоьллина ву. Хьалхо "Интерфакс" хьостано къадийра, кхин а 20 стаг ву оцу гIуллакхна тIехула лоьхуш аьлла. Карарчу беттан 6-чохь Талламан комитето хаамбира, Эльджаркиев верна бехке хеташ зуламхойн тобанан 6 декъашхо каравеана шайна аьлла. Читать дальше...
Карарчу беттан 13-чу буса 25 шо долу Нохчийчуьра Амаев Майрбек вайна аьлла, хаамбина социалан машанашкахь цуьнан гергарчу наха. Йолчу информацица, видеокамерас гайтарехь, яхначу пIераскан буса "Яндекс-Таксин" Ford Fjces-2 автомобил чу хиъна, дIавахна Амаев "Японский дворик" ресторана хьалхара. Цул тIаьхьа зIене ваьлла вац иза. Майрбекан гергарчара "Кавказ.Реалиица" хиллачу къамелехь шаьш хаамбина аьлла полицига. Ишта цара бахарехь, шайн доьзалхочух хилларг хууш дац царна тахана а.
Нохчийчуьра ши мухIажир теракташ ян Iалашо йолуш хилла аьлла, шеконашца дIалаьцна Австрин полицино, яздо "Kronen Zeiting" газетано. Талламчаша чIагIдо, 25, 31 шераш долу ши жимстаг Венехь Керлачу шеран дезачу деношкахь теракташ ян дагахь хилла бохуш. Винер-Нойштадт гIаларчу набахтехь сацийна ши нохчо. Цхьахволчун адвокато Бляшитц Вольфганга хаамбарца, иза бехкево оьккхуьйтучу гIирсах пайда а оьцуш, Керлачу шеран деношкахь зуламаш дан лерина хиллла аьлла. Ша Iалашвечун цIарах Бляшитца бакъ ца до дохку бехкаш.
Корта бахон молханаш муьйлуш бу аьлла, бехкебинчу Хьалха-Мартанарчу кегийрхошкара бехкаш даьхна Нохчийчохь. КIоштан полисхойн хьаькамо Бацилов Валида меттигерчу къедаца Амерханов Iалуца цхьана бага лейина лецна балийначу кегийрхошка. Видео Инстаграмехь яржийна "ЧП-Чечня" паблико. "Корта бахон молханаш а, хиш а моьлучу кхиазхошца дIабаьхьнарг профилактикан барам бара" мехкан куьйгалхочо Кадыров Рамзана тIедилларца аьлла, дIахьедина Бациловс. Кегийрхошца хиллачу цхьанакхетарехь дийцина, оцу молханаша а... Читать дальше...
Кху деношкахь Нохчийчоьнна коьртехь волчу Кадыров Рамзана бевзаш болчу болгершца дакъалецира йоца забарен роликашкашкахь. И видеош республикан куьйгалхочо дIахIиттийра Instagram-чу шен агIонехь, яздо Кавказ.Реалиино.
Корта бахон малар а мелла, машен хаьхкина воьдучу заманчохь некъахочунна тIе машен тоьхначу Б. Наструддин бехк тIечIагIбина Хьалха-Мартанарчу прокуратурано. Карарчу шеран Гезгмашин-баттахь билгалъяьккхинчу кIоштан вахархочо некъан низамаш а дохош, некъахула дехьайолучу йоIана тIе машен тоьхнера. Йинчу чевнех хьалха ца яьлла йоI кхелхира дарбан хIусамехь. Нохчийчоьнан прокуроран Абдул-Кадыров Шарпуддин тIедилларца, машенлелорхочунна дуьхьал даьккхина бехкзуламан гIуллакх леринчу тергонца луьстур долуш ду. Читать дальше...
Рейтинг агенталлан зерашца, юучунна уггар дукха ахча дойучех ю ГIалгIайчоь – цхьана доьзало доккхучу ахчанах 60 процент кхачана хьажадо цара. Ах бохург санна ахча дIадоьду юучух Дагестанан бахархойн а. КIезиг ахча хьажадо ГIезалойчоьнан бахархоша сурсаташна (22 %). Оццу тептарехь ю Ханты-Мансийск а, Москва а.
Дарбан хIусамашкахь кеп-кепар говзаллаш йолу лоьраш тоаме болчу регионийн рейтинг вовшахтоьхна Оьрсийчоьнан могушаллин министралло. Цуьнца а догIуш, медикийн кхачо ю Чукоткехь а, Санкт-Петербургехь а, Магаданан кIоштахь а, Къилба ХIирийчохь а, Якутехь а. Лоьрийн къоьлла латтачу мехкашлахь ю Курганан, Псковн, Владимирскан кIошташ а, ишта царлахь нисъелла Нохчийчоь а.
