Нохчо чувоьллина тIеман кхело, Полисхойн хьаькам хийцина Устрада-ГIалахь (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Официалан хаамашца, кху тIаьххьарчу 7 дийнахь 8 некъан хьовзам хилла Нохчийчохь. Цу бохамашкахь лазийна 15 стаг, хаам бо Оьрсийчоьнан чоьхьарчу гIуллакхин министраллан Нохчийчуьрчу урхаллан зорбан сервиссо. Болчу хаамца, тIаьххьара некъан инцидент хилла Нохчийчохь дехьалха Соьлж-ГIаларчу Заводан кIоштахь. Коперникан цIарахчу урамехь тIеттIакхетта ВАЗ ши машен. И бахьана долуш ши а машенлелорхо дIакхачийна республикан клиникан дарбанан цIийне.
Идрисова Бирият Кавказера къонахий муха хила беза къастийра Москвахь Германерчу Гётен цIарахчу синбахаман центро а, Бёллан фондо а вовшахтоьхна барам бу Москвахь боьдуш – «Къонах хилар» цIе йолу дискуссеш. Кхин а цхьа тема ю йийцаре яьккхина: «Къам а, боьрша стеган хатI а». Зударийн а, божарийн а башхаллаш зуьйчу талламчаша Дитце Габриелес а, Костерина Иринас а йовзуьйту теманашкахь хьахийначу боьршаллин къайленаш, дуьйцу, муха лела и ниIматаш Германин а, Къилбаседа Кавказан а масалшкахь. Дитцес... Читать дальше...
Стенна ца го Москварчу урхаллашна Кадыровгара юьйлу харцонаш. Оцу хьокъехь дуьйцу бакъоларъярхоша "Кавказ. Реалиига".
Оьрсийчоьнан Къилбан тIеман гонан кхело терроризмана гIо дарна бехке лаьрра Нохчийчуьра вахархо Абубакаров Сослан, хаам бо "Интерфаксо" цу суьдан зорбан сервисна тIе а тевжаш. 2017-чу шарахь Германехь вехаш хиллачу цо интернетехула шена вевзаш волу ши стаг тIекIавеш хилла "Исламан пачхьалкх" тобанах дIакхетаре, дуьйцуш ду суьдан сацамехь. Абубакаровна 2 шо ах шо хан тоьхна, юкъара раж йолчу колонехь даккха. 19 шо долу жима стаг Оьрсийчоьнан Iедалшка дIавелира Германино кхушара Марсхьокху-бутт чекхболуш.
Романова Софья Нохчийчуьрчу хаамийн гIирсех мел теша бехархой? Деношкахь Нохчийчоьнан пачхьалкхан «Грозный» телерадиокомпанин директора Дудаев Ахьмада бовзийтина Кадыров Рамзанна, цо дина омра кхочушдеш, мехкан пресса хийцамашка ялорах лаьцна. Ткъа теший бахархой и болх пайде хиларх, меттигерчу хаамаша гойтург, дуьйцург, яздийриг нийса а бакъ а ду бохучух? «Зуламна» дуьхьаллаттар Кадыровн кхетамехь Кхушеран бIаьста медиа-хьостанийн болх тобар тIедиллира Кадыровс ша цунна къастийначу Дудаев Ахьмадна. Читать дальше...
Нохчийчохь хийцина Устрада-ГIалин полицин декъан хьаькам. Хьалха хиллачу Цакаев Алиханан метта хIоттийна цуьнан когаметта Хизриев Адам. Хизриев керла хьаькам хIоттийна хилар хоуьйтуш Оьрсийчоьнан чоьхьарчу гIуллакхин министраллан Нохчийчуьрчу урхаллан куьйгалхочо Алханов Руслана баркалла элира цу даржехь хиллачу Цакаевна, цо "хьанал а, даггара а гIуллакх дарна", хаам бо "Нохчийчоь тахана" агенталло. Кхушара Товбеца баттахь Устрада-ГIалан полицин хьаькам хIоттина хиллачу Цакаевс шен Instagram-агIонехь Стечкин-тапчин сурт хIоттийнера... Читать дальше...
ГIалгIачохь бехктакхаман гIуллакх долийна Несаркоьртахь некъ тобан баьхкинчу белхалошна травматикан тапча еттарна. И бахьана долуш лазийна ву кхо стаг. Царах цхьаъ оьхьавиллина ву хIоспитале. Бехктакхаман гIуллакх толлуш ду хуъушехь стаг лазор Iалашонца герз тохарна. Чоьхьарчу гIуллакхий министраллан ГIалгIайчуьрчу урхалло бинчу хаамца, талламхой къастош бу зуламхо мила ву а, иза волу меттиг мичахь ю а, яздо Кавказ.Реалиино. Герз а тухуш, инцидент хиллера Лахьана-беттан 30-хь ГIалгайчуьрчу... Читать дальше...
Китайрчу TikTok машане видео йиллина Азизи Ферозас. Ша цIоцкъамаш далош гойту кеп а лелош, цо дуьйцу пачхьалкхехь бусалбанаша ловчу гIелонех. И бакъдерг гайта долошшехь, дIакъевлира Ферозин аккаунт, амма хьовсархой къар ца белча, схьайиллина. TikTok – иза Китайра социалан маша бу, цо магадо хаамаш язбан а, йоцца аудио чухIотто а, онлайн-эфираш ян а. Нехан хаамаш луьттуш хьийзарна дуккхаза а емалйина наха TikTok. Махкахь уйгураша, казахаша, гIиргIазоша къизалла ловш хиларх, Iедало уьш Синьцзянерчу... Читать дальше...
1 миллиард 140 миллион сом барамехь грант лур ю Нохчийчоьнна, Iедалан органаша дика болх барна, хаам бина республикан куьйгалхочо Кадыров Рамзана. Шен ВКонтакте йолчу агIонехь цо дIахьедар дина, Нохчийчоь юха а рейтинган лидер ю аьлла. ХIинца Нохчийчоь хьалхаяьлла къоман проекташ кхочушъян республике хьажийна бюджетан ахча дайарехь, боху Кадыровс. Цо далочу терахьца, Лахьанан-бутт болалуш лаьрча, цхьацца программаш кхочушйеш Нохчийчохь дайина цу хьашташна хьажийначу финансех 77,4% ахча.
