د سوات په ودوديه هال کې د ګرځنده تهيټر تر سوري لاندې د منزلونو په نوم د پښتو سټيج ډرامه وړاندې شوه چې ورته د کالج په سلګونو زده کوونکي ناست وو. په دې اړه د نياز احمد خان ویډیويي رپورټ وګورئ.
د افغانستان په جلال اباد ښار کې د وژل شوي جاپاني الاصل افغان خيريه کارکوونکي ډاکټر تیڅوناکامورا مړی نن [د ډېسېمبر پر اوومه] په کابل کې تر سرکاري اعزاز وروسته د هغه کورنۍ ته وسپارل شو. د ٧٣ کلن ناکامورا هغه کارونه چې د اوبو د مديريت، کرنې او د اوبولګولو په برخه کې کړي، د پام وړ ګڼل کېږي. احمد شاه اعظمي په دې اړه ويډيويي راپور لري.
د پېښور قیصه خوانۍ یو له هغو پخوانیو تاریخي بازارونو ده چې له کالونو راهيسې د دې سیمې د اوسېدونکو لوی تاریخي او کلتوري مرکز و. دا چې دا بازار ولې مشهور شوی او څه تاريخي ارزښت لري؟ په دې اړه د شبیر احمد خان ویډیويي راپور وګورئ.
په افغانستان کې د امن لپاره د امریکا او طالبانو ترمنځ خبرې اترې د قطر په پلازمينه دوحه کې بیا پیل شوې دي.
پاکستاني ټرانسپورټرانو په چمن پوله د پاکستان غاړې ته خپل کانټینرونه د احتجاج په توګه درولي دي.
د پاکستان په قامي اسمبلۍ کې اپوزشن ګوندونه وايي، د پارليماني چارو پرمخ وړلو په وړاندې لوی خنډ واکمن تحریک انصاف ګوند دی.
د افغانستان ولسمشر د خيريه کارکوونکي، ډاکټر ټيټسو ناکامورا له لور او مېرمنې سره په کتنه کې د هغه مړينه يوه غميزه بللې ده.