Аъзои як хонавода дар ноҳияи Ҷалолуддини Балхӣ дар вилояти Хатлон иддао доранд, ки ба номуси духтари 16-солаи онҳо таҷовуз шудааст, вале мақомот парванда намекушоянд ва ҳодисаро одилона баррасӣ намекунанд. Хешованди ҷавон мегӯяд, робитаи ҷинсӣ бо хоҳиши тарафҳо шудааст.
Хонаводае дар вилояти Хатлон мегӯянд, қазияи таҷовузи ҷинсии духтари 16-солаи онҳо аз ҷониби мақомоти тафтишотӣ ҷиддӣ гирифта нашуд ва шахси муттаҳам дар ин ҷиноят аз ҷавобгарӣ озод мебошад. Ҳодиса сентябри соли 2022 дар деҳае рух додааст, ки муттаҳам ба таҷовуз ва ҷабрдида сокини он ҳастанд.
Рӯзи панҷшанбе ҳайати доварони додгоҳи федералии Манҳеттени Ню-Йорк Сайфулло Соиповро дар қатли 8 нафар дар соли 2017-ум муҷрим донист. Тахмин мешавад, ки ин шаҳрванди 34-солаи Узбекистон ба ҳукми қатл маҳкум мешавад. Соиповро барои куштор ва пуштибонӣ аз як гурӯҳи террористӣ гунаҳгор донистанд.
Мақомоти Тоҷикистон ҳанӯз хабар надодаанд, ки Абдуллоҳи Шамсиддин, писари яке аз фаъолони ҳизби дар Тоҷикистон мамнӯи наҳзати исломӣ, ба Душанбе расонда шудааст ва сарнавишти ӯ чӣ хоҳад шуд.
Дар паи мамнӯъ ва ғайриқонунӣ эълон кардани даҳҳо созмони ҳомии озодии баён ва ҳуқуқи башар, додгоҳе дар Маскав яке аз ташкилотҳои муътабари дигар Гурӯҳи Ҳелсинкии Маскавро ҳам баст.
Зиёда аз 90 мошини харидаи шаҳрвандони Тоҷикистон, ки дар миёнашон сарватмандону мансабдорон низ ҳастанд, дар Гурҷистон "банд мондааст". Ҳар мошин аз 12 то 100 ҳазор доллар арзиш дошта, нархи умумии онҳо ба ду миллион доллар мерасад.
Як соҳибкори тоҷик иддао дорад, 92 мошини гаронарзише, ки мансабдорони тоҷик пулашро додаанд, дар Гурҷистон банд монда. Ин мошинҳо аз 12 то 100 ҳазор доллар арзиш дошта, дар умум нархашон ба ду миллион доллар мерасад.
Додгоҳи шаҳри Бишкек рӯзи 26-уми январ ба баррасии шикояти бахши қирғизии Радиои Озодӣ - "Азаттик Медиа" пардохт.
Маҷлиси шаҳри Тошканд мандати вакилии шаҳрдори собиқи пойтахти ин кишвар Ҷаҳонгир Ортиқхоҷаевро пеш аз муҳлат бекор кард.
Раванди таъйини хати марзи давлатии Қирғизистон ва Узбекистон расман ба поён расид. Раҳбарони ду кишвар Шавкат Мирзиёев ва Содир Ҷабборов (Жапаров) санадҳои тасвибшударо табодул карданд.
Шавкат Бобозода, вазири пешини саноат ва раиси собиқи Оҷонси содироти Тоҷикистон, пас аз чаҳор моҳи ҳабс бо пардохти ҷарима озод шудааст.
Вазорати корҳои дохилии Тоҷикистон гуфт, як рӯҳонӣ ва имомхатиберо аз вилояти Хатлон барои беэҳтиромӣ ба ҷомеа танбеҳ додаанд.
26-уми январ дар шаҳри Душанбе мулоқоти роҳбарияти Федератсияи футболи Тоҷикистон бо ҳайати Ассотсиатсияи футболи Чин (CFA) баргузор шуд. Чунонки сомонаи Федератсияи футболи Тоҷикистон хабар додааст, ҷонибҳо дурнамои ҳамкориҳои минбаъдаи созмонҳои футбол, баргузории бозиҳои байналмилалии дӯстона байни мунтахабҳои гуногуни мардонаю занона, ҷавонон ва футзали ҳарду кишварро баррасӣ карданд. Ҳамчунин таҳияи барномаҳои муштараки таълими мураббигӣ, таблиғи футболи занону наврасон, ҳамкорӣ дар бахшҳои маркетинг... Читать дальше...
Додгоҳи федеролии Амрико рӯзи 26-уми январ ҳукмро нисбат ба зодаи Узбекистон Сайфулло Саипов эълон кард. Ӯ ба пахш кардани одамон бо мошини боркаш дар роҳи дучархасаворӣ дар маркази Ню-Йорк муттаҳам аст.
Дар натиҷаи ҳамла ба як посгоҳи назди сафорати Озарбойҷон дар Теҳрон як нафар кушта ва ду тани дигар захмӣ шудаанд.
Шавкат Мирзиёев, раиси ҷумҳури Узбекистон, бо як сафари расмии дурӯза вориди шаҳри Бишкек, пойтахти Қирғизистон, шуд.
Додситонии кулли Тоҷикистон баъзе аз ҷузъиёти парвандаи фаъолонро аз Вилояти Мухтори Куҳистони Бадахшон шарҳ дод.
Рақибони паҳлавонони тоҷик дар аввалин мусобиқаи имсолаи байналмилалии "фаслҳои ҷудои ҷаҳонӣ" - Grand Prix Portugal 2023, ки рӯзҳои 27-29-уми январ дар шаҳри Алмадаи Португалия баргузор мешавад, бар асоси қуръакашӣ муайян шуданд.
Мусобиқоти қаҳрамонии бокси Осиё миёни муштзанҳои то 22-сола дар шаҳри Бангкоки Тайланд 26-уми январ бо қувваазмоиҳои ниҳоӣ ба анҷом расид.
Жениш Раззоқов, муовини пешини сарвазири Қирғизистон бо гумони қаллобӣ ва сӯистифода аз мақом боздошт шудааст. Дар ин бора аз вазорати корҳои дохилии Қирғизистон хабар доданд.
Ниҳолбӣ Носирова, модари рӯзноманигори зиндаёди тоҷик Искандари Хатлонӣ, даргузашт.
Додгоҳи шаҳри Жанаозени Қазоқистон се сокини маҳаллиро, ки барои талаби кор назди ҳукумати шаҳр ҷамъ шуданд, 10-рӯзӣ ҳабс кард. Ин се сокин дар "иҷро накардани талаби пулис" айбдор шуданд. Ҳукми ҳабси маъмурии онҳо рӯзи 24-уми январ содир гардид. Додгоҳ гуфт, сокинон талош карданд назди бинои ҳукумат гирдиҳамоӣ ташкил кунанд, ҳуҷҷатҳои худро нишон надоданд ва талаби қонунии корманди пулисро иҷро накардаанд. Судшавандаҳо айбҳои эъломшударо дар додгоҳ рад карданд. Онҳо гуфтанд, назди бинои ҳукумат танҳо барои талаби кор омада буданд.
Мақомоти ҳукумати Толибон рӯзи панҷшанбеи 26-уми январ эълон карданд, ки беш аз 160 нафар бар асари сардиҳои ахир ҷон бохтаанд. Шафеъуллоҳ Раҳимӣ, сухангӯи Вазорати ҳолатҳои фавқулоддаи ҳукумати Толибон гуфт, "аз рӯзи 10-уми январ то кунун 162 нафар бинобар сармои ҳаво ҷон бохтанд". Сардиҳои ахир дар 15 соли ахир миллионҳо афғонро ҳоло ба мушкили иқтисодӣ рӯбарӯ кардааст. Аз сӯи дигар, маҳдудиятҳои ахири Толибон ба кори занон, фаъолияти бисёре аз муассисаҳои кӯмакрасонро фалаҷ кардааст. ... Читать дальше...
Муовини раиси вилояти Суғд гуфтааст, шашгоникҳо дар яке аз таваллудхонаҳои шаҳри Хуҷанд "аз бемасъулиятии масъулони ниҳодҳо, аз ҷумла духтурон", фавтидаанд. Зайнура Азимӣ ин ҳарфҳоро рӯзи 25-уми январ дар ҳузури намояндагони идораи кор бо занон ва оилаи вилоят баён дошт. Ба навиштаи хабаргузории "Азия Плюс", хонум Азимӣ аз ҳамкории зич надоштани мақомот дар минтақа ибрози ташвиш кардааст. Рӯзи 11-уми январи имсол дар таваллудхонаи вилоятии Суғд дар шаҳри Хуҷанд шашгоник ба дунё омад, вале ҳамаи онҳо як рӯз умр диданд. Читать дальше...
