په پاکستان کې میشت یو شمېر افغان کډوال وايي پاکستاني حکومت په وروستیو کې د دوی د ویزو د تمدید غوښتنې له کوم واضح دلیل پرته رد کړي چې له امله یې دوی د پولیسو د نیولو او ځورولو سره مخ دي.
د طالبانو حکومت خپله پنځه کلنه پراختیايي تګلاره یا ملي ستراتیژي اعلان کړه. د طالبانو حکومت ویاند ذبیح الله مجاهد د اګسټ ۲۶ په کابل کې په یو خبري کنفرانس کې وویل چې دا ستراتېږي د دوی مشر ملا هبت الله اخندزاده منظوره کړې او پلي کېدل یې هم پیل شوي. مجاهد وړاندې د دې تګلارې په اړه وویل: "دا تګلاره هغه جامع اوږمهاله سند دی چې د راتلونکو پنځه کلونو لپاره د هیواد د بنسټیزو موخو د ترلاسه کولو په پار چمتو او ټولې امارتي سرچینې یو مسیر ته رهبري کوي، دغه شان دا تګلاره د حکومت د موخو د تحقق لپاره د ټولو وزارتونو... Читать дальше...
په پنجاب کې د طبیعي ناورینونو پر وړاندې د صوبايي ادارې (پي ډی اېم اې) په وینا په ستلج سیند کې د اوبو د کچې لوړېدو له وجې یې خوندي سیمو ته د خلکو د ویستلو عملیات پیل کړي دي.
ډونالډ ټرمپ، د امریکا متحده ایالاتو ولسمشر، څلور کاله وړاندې د کابل د هوايي ډګر مخې ته د شوي ځانمرګي برید چې په کې د ۱۳ امریکایي سرتېرو په ګډون لسګونه کسان وژل شوي وو، د امریکا په تاریخ کې "تر ټولو بد ورځ" وبلله.
چارواکي وايي په بلوچستان کې د بلوڅو د یو پخواني مشر نواب اکبر خان بګټي د ۱۹م تلین پر مهال سخت امنیتي تدابیر نیول شوي دي.جمهوري وطن ګوند د اګست پر ۲۶مه د بلوچستان په سرښار کوټه، ډېره بګټي، نصیر اباد او نورو سیمو کې د نواب اکبر خان بګټي د تلین غونډې جوړې کړې دي. د بلوچستان حکومت په کوټه او ځینو نورو بلوڅ مېشتو ښارونو کې سخت امنیتي تدابیر نیولي دي او د کومې ناوړې پېښې د مخنیوي په موخه یې د ښار پر سړکونو د پولیسو شمېر زیات کړی دی. د بلوچستان د پولیسو چارواکو د اګست پر ۲۶مه مشال راډیو ته وویل چې د امنیتي... Читать дальше...
نوابزاده صبح صادق صادق د پښتو ژبې یو له هغو شاعرانو څخه دی چې د ښې شاعرۍ کولو باوجود د خلکو زیات پام نه دی ور اوښتی. هغه د کرک د ټیري د نوابانو په کورنۍ کې نړۍ ته سترګې غړولې وې. نوموړي په خپله خټکواله لهجه کې شاعري کړې او یو کتاب یې چاپ دی خو ډېره ناچاپه شاعري هم لري. پښتانه ادبپوهان وايي د نوابزاده صبح صادق صادق د نه مشهورتیا عمده لامل دا هم دی چې هغه په خپله لهجه کې شاعري کړې چې ښايي د نورو سیمو پښتانه به یې په شاعرۍ په اسانه نه وي پوه شوي. پر شاعرۍ سربېره نوابزاده صبح صادق صادق د خدايي خدمتګار... Читать дальше...
د اوکرایني ولسمشر یو لوړپوړي سلاکار میخایلو پودولیاک ویلي چې روسیه د سولې لپاره هېڅ دلچسپي نه لري.پودولیاک د اګست پر ۲۵مه د ازادې اروپا/ ازادۍ راډيو کرنټ ټايم تلویزون سره په ځانګړي مرکه کې وويل، اوکراین له لویدیځو متحدینو سره په فعاله توګه مشورې کوي چې د جګړې د دوام پر مهال د وسلو لېږدول ورته زیات شي. نوموړي وړاندې وویل، دوی په دې پوهېږي چې روسيه اوس څومره مصرفونه کوي او څه پلان لري؟ د ده په خبره همدغه وجه ده چې دوی د اوږده واټن د ویشتونکو توغندیو او بې پیلوټه الوتکو یا ډرونونو د ترلاسه کولو هڅه... Читать дальше...
ملګرو ملتونو د ښځو لپاره د مصنوعي زیرکتیا یا ذهانت پرلیکه (انلاین) ښوونځی پرانیستی دی. دا په داسې حال کې ده چې د پاکستان په ګډون د نړۍ په یوشمېر برخو کې وخت په وخت د نازېبا او جعلي ویډیوګانو جوړولو او خپرولو له لارې د ښځو او نجونو د ځورولو پېښې کېږي. ملګري ملتونه وايي، د مصنوعي زیرکتیا په مرسته د جنسیتي توپیر او ځورونو پر وړاندې اقدامات کوي او ښځې ځواکمنوي. د اسوشیېټېډ پرېس، رویټرز او فرانسې خبري اژانسونو له ویډیوګانو جوړ رپورټ وګورئ.
د طالبانو د حکومت د اقتصاد وزیر د ملګرو ملتونو او مرستندویه ادارو په ګډون پر نړیوالې ټولنې غږ کړی چې له افغانستان سره د بشري مرستو د دوام تر څنګ پر پراختیايي پروژو تمرکز وکړي، څو خلکو ته د کار زمینه برابره شي او د کورنیو له اقتصاده ملاتړ وشي. د طالبانو د حکومت د اقتصاد وزارت په خپل ایکس پاڼه تازه خپره کړې خبرپاڼه کې لیکلي چې دین محمد حنیف دغه غوښتنه په افغانستان کې د ملګرو ملتونو مرستندویه ماموریت (یوناما) له مشرې روزا اوتونبایوا او د افغانستان لپاره د د دې یاد سازمان د سرمنشي له ځانګړي استازې روزا اوتونبایوا سره د کتنې پر مهال مطرح کړې ده. Читать дальше...
د امریکا په اوریګان ایالت کې د اورلګیدنې له کبله یو شمیر کورونو اور اخیستی او په زرهاوو نورو د سوځیدو له ګواښ سره مخ دي. د سیمې اوسیدنکو ته پرون دوشنبې د تخلیې امر شوی دی. د چارواکو په خبره، دا اورلګیدنه چې د وچې او ګرمې هوا له کبله رامنځته شوي اوسمهال د اوروژنې کارکوونکو یو څه مهار کړې ده. له وړاندې د امریکا په بیلابیلو ایالاتونو کې د اورلګیدنې له کبله په زرهاوو کورونه سوځیدلي وو.
د امریکا ولسمشر ډونالډ ټرمپ وايي، "سږکال غواړم د شمالي کوریا له مشر کیم جونګ اون سره وګورم". هغه پرون دوشنبې په سپینه ماڼې کې خبریالانونو ته وویل، له کیم سره د خبرو اترو لپاره چمتو دی او په مناسب وخت کې به ورسره وګوري. د رویترز خبري اژانس د راپور له مخې، ولسمشر ټرمپ په خپله مخکېنۍ دوره کې د کیم جون اون سره لومړنۍ لیدنه په داسې حال کې درلوده چې د امریکا او شمالي کوریا اړیکې کړکیچنې وې. هغه مهال د دواړو لورو ترمنځ یو سوداګریز تړون هم لاسلیک شوی و، خو د اټومي انرژۍ، پوځي لګښتونو او د تړون په جزیاتو کې دواړو خواوو اختلافات درلودل.
اسراييلي ځواکونو پرون دوشنبې په خان یونس کې پر ناصر روغتون په دوو بریدونو کې ۲۰کسان وژلي دي. په سیمه کې روغتیايي کارکوونکو وايي، له لومړي برید وروسته سیمه ته د روغتیايي کارکوونکو او خبریالانو له رسیدو سره سم دویم برید وشو چې لږ تر لږ ۲۰کسان په کې ووژل شول. د اسوشیېټېډ پرېس خبري اژانس د راپور له مخې، په وژل شویو کې پنځه خبریالان هم شامل دي. په خبریالانو کې ۳۳کلنې مریم داګا له اسوشیېټېډ پرېس خبري اژانس سره د خبریالې په توګه کار کاوه. د اسراییلو د صدراعظم بنیامین نتانیاهو دفتر دغه برید "یو غمجنه... Читать дальше...
په کابل کې د اندراګاندي روغتون داکټران وايي، " په تیرو دوو میاشتو کې د ماشومانو ترمنځ خوارځواکۍ د نورو وختونو پرتله زیاته شوې ده". د دغه روغتون داکټرانو پرون دوشنبې د افغانستان کورنیو رسنیو سره خبرو کې ویلي،" په هرو لسو ماشومانو کې درې يې د سختې خوارځواکۍ له کبله بستریږي". له دې وړاندې د ملګرو ملتونو د خوړو نړیوال پروګرام او یو شمیر نورو نړیوالو سازمانو په خپلو راپورونو کې ویلي وو چې په افغانستان کې څه باندې درې نیم میلیونه له پنځو کالونو کم عمره ماشومان په خوارځواکۍ اخته دي. د دغو نړیوالو ادارو... Читать дальше...
د ازادو سیالیو لوبغاړي بازمحمدمبارز پرون دوشنبې د لومړی ځل لپاره د موی ټای په برخه کې خپل ایراني اصله بحریني سیال ته ماتې ورکړه. دغه سیالۍ چې د ټایلنډ په پوکیت ښار کې ترسره شوه، باز محمد په کې له دریو پړاوو وروسته خپل سیال ماتی کړ. د موی ټای په سیالۍ کې هر پړاو درې دقیقې وي. مبارز چې له دې وړاندې د ازاد سیالیو په برخه کې افغانستان ته ویاړونه راوړي او دا يې لومړی ځل دی چې د موی ټای په برخه کې بریا ترلاسه کوي.
