د صوابۍ د ګدون په دالوړۍ کلي کي خلک لا هم د ډبرو او خاورو خځلو لاندې د ایسار پاتې کسانو لټون کوي. په دغه کلي کې د اګست پر ١٩مه خلکو مشال راډیو ته وویل، یوه ورځ وړاندې د اوبو تندر (چړک) پرېوتو له وجې ځیني کورونه تر ډبرو لاندې شول. د کلي خلکو مشال راډیو ته وویل، تراوسه د ۲۰ کسانو جسدونه یې وېستي دي خو د هغوی په وینا تر ۲۰ پورې نور کسان لا هم د خاورو خځلو او ډبرو لاندې ایسار پاتې دي. له صوابۍ وړاندې په بونېر کې هم د اوبو تندر (چړک) پرېوتو لسګونو کسانو ته مرګ ژوبله اړولې وه. دا په داسې حال کې ده... Читать дальше...
په افغانستان کې پرلپسې باربانونو او سیلابونو خلکو ته مالي او ځاني زیانونه اړولي دي. د طالبانو د حکومت پېښو سره د مبارزې ملي ادارې ویلي چې د دې اونۍ له پیل راهیسي د افغانستان په نهه ولایتونو کې سیلابونو خلک له ستونزو سره مخ کړي دي. د دې ادارې د اطلاعاتو او عامه اړیکو رییس محمد یوسف حماد پرون دوشنبه د اګسټ ۱۸ مه په یوه ویډیويي بیان کې ویلي چې د دې سیلابونو له امله څلور کسان مړه شوي او یو کس ټپي شوی دی، خو نوموړي نه دي ویلي چې دغه تلفات په کومو ولایتونو کې اوښتي دي. "له بده مرغه د دې بارانونو او سیلابونو... Читать дальше...
نن د اسد یا زمري ۲۸ مه د افغانستان د سیاسي خپلواکۍ د بېرته ترلاسه کولو ۱۰۶ مه کلیزه ده. دا ورځ به د تېر جمهوري حکومت پر مهال په پراخه کچه په رسمي او ولسي ډول نمانځل کېده خو پر افغانستان د طالبانو تر بیا ځلې واکمنېدو وروسته په دې ورځ لنډ رسمي مراسم ترسره کیږي. سږ کال د طالبانو حکومت د دې ورځې په ویاړ په ټول افغانستان کې عمومي رخصتي اعلان کړې. د طالبانو د حکومت ویاند ذبیح الله مجاهد په دې اړه په یوه اعلامیه کې د خپلواکۍ په اخیستلو کې د افغانانو سرشندنې یادې کړي خو د افغانستان د خپلواکۍ ګټونکي پاچا غازي امیر امان الله خان نوم پکې نه دی یاد شوی. Читать дальше...
په باجوړ کې ولسي مشران وايي په لوی ماموند سیمه کې د پاکستان د پوځ د عملیاتو په درشل کې له ۱۰۰،۰۰۰ زیات خلک تر دې مهاله نورو خوندي سیمو ته کډه شوي دي. له خپلو کورونو بې ځایه شوي خلک وايي چې حکومت ورته سهولتونه نه دي برابر کړي. بل پلو، حکومت وايي چې په عارضي توګه د کډوالو شویو خلکو مرستو ته ژمن دی. په ماموندو کې د عوامي نېشنل ګوند یو مخکښ او د کډوالو په خدمت بوخت حکمت الله ماموند وايي خلک له ستونزو سره لاس او ګرېوان دي. نور حال په دې مرکه کې واورئ.
د ننګرهار ولایت یو ۳۹ کلن اوسېدونکی چې اوس په ختیځه حوزه کې د طالبانو د حکومت د استخباراتو له مسولینو دی، وايي، د جمهوري نظام د کارکوونکو د وژلو لپاره ځانمرګي برید ته چمتو و. ده د موضوع د حساسیت له امله نه غوښتل په راپور کې یې نوم خپور شي او د غږ بدلولو په شرط یې له ازادي راډیو سره په خبرو کې د طالبانو له لیکو سره د یو ځای کېدو په اړه وویل: "کله چې امریکایانو پر افغانستان یرغل وکړ، ما ته دا احساس وشو چې د طالبانو له اسلامي تحریک سره یو ځای شم، ۱۳۸۳ کال مې عمر د ۱۸ کلونو و خو ږیره مې لا نه وه." دی... Читать дальше...
د خوړو نړیوال پروګرام په افغانستان کې د قحطي د مخنیوي لپاره د مرستې غوښتنه کوي. په افغانستان کې د ملګرو ملتونو ددغې ادارې مشر ازادي راډیو ته وویل چې له WFP او نورو مرستندویو موسسو سره د نړیوالو مرستو د کمیدو له امله د وی نشي کولای چې د هغو سلګونو زرو کسانولاس نیوی وکړي چې دوی ته مراجعه کوي.
د اوکراین متحدانو له هغه هېواد سره د دوامدارو مرستو ژمنه کړې ده خو په دې اړه یې لا نور تفصیلات نه دي ورکړي. دا پرمختګ د اګست پر ۱۸مه په واشنګټن کې د امریکا د ولسمشر ډانلډ ټرمپ، د اوکراین د ولسمشر وولودومیر زېلېنسکي او د اروپايي مشرانو ترمینځ د یوې غونډې پر مهال شوی دی. د بهرنۍ پالیسۍ یو شنونکی وايي د لویدیځ لخوا اوکراین ته د امنیتي ژمنو وړاندیزونه د سولې په راتلونکو خبرو کې د زېلېنسکي دریځ قوي کولای شی. د مشال راډيو د خبر مرکزي څانګې د بېلا بېلو نړیوالو اژانسونو په مټ دا راپور جوړ کړی دی.
د چین په ګوانګژو کې د کایوا په نوم د تکنالوژۍ شرکت د نړۍ لومړنی انسان نما روباټ جوړ کړی چې مصنوعي رحم يې په تګنالوژۍ سمبال دی. دغه روباټ به په ۲۰۲۶کال کې بازار ته وړاندې شي او بیه به يې ۱۰۰زره یوان چې ۱۳۹۰۰ ډالر کیږي وي. دغه انساننما روباټ په خپلو نس کې یو مصنوعي رحم لري چې د حاملهګۍ او زیږون په جریان کې د جنین د ساتلو لپاره ډیزاین شوی دی. دغه روباټ د پخوانیو څیړنو پر بنسټ رامنځته شوی. امریکايي ساینسپوه نارس وزي په ۲۰۱۷کال کې د "ژوندۍ مایعې ډکه بیولوژیکي کڅوړه" د څو اونیو لپاره ساتلې وه، چې اوس... Читать дальше...
د طالبانو د حکومت پېښو سره د مبارزې د ملي ادارې چارواکي وايي، د شدیدو بارانونو او ناڅاپي سیلابونو له کبله په اتو ولایتونو کې څلور کسان مړه او یو تنه ټپي شوی دی. د دغې ادارې په ټکو، سیلابونو په زرهاوو کورونه او کرنیزې ځمکې هم ویجاړې کړي دي. د دې ادارې د اطلاعاتو مسول محمد یوسف حمد وايي، دغه سیلابونه په کابل، کاپیسا، پروان، پکتیکا، لوګر، ننګرهار، لغمان او کونړ ولایتونو کې راوتي، خو دا یادونه يې نه ده کړې چې ډیر زیان د کوم ولایت اوسیدنکو ته رسیدلی دی. د سیلابونو له کبله دا زیانمونه په داسې حال کې دي... Читать дальше...
سویسي پیلوټ رافایل دومیان (Raphael Domjan)د لمریز برېښنايي الوتکې په مرسته د الوتنې لوړ ریکارډ مات او د سمندر له سطحې ۹۵۲۱مټره لوړ والوت. د سي بي اس تلویزیوني شبکې د راپور له مخې، دومیان د تیرې سه شنبې په ورځ د سویس په جنوب په سیون هوايي ډګر کې د سولرسټراتوس لمریز الوتکې په مرسته دغه تاریخي الوتنه کړې ده. وړاندې راغلي، د الوتکې انرژي د هوا له تودوخي اخیستل شوې وه چې په مرسته يې د ۱۵کلونو ریکارډ مات شو. له دې وړاندې د لمریز بريښنايي الوتکې د الوتنې لوړوالی تر ۹۲۳۵مټرو پورې ثبت شوی وو. دومیان ویلي،"غواړي... Читать дальше...
د اوکراین متحدانو له هغه هېواد سره د دوامدارو مرستو ژمنه کړې ده خو په دې اړه یې لا نور تفصیلات نه دي ورکړي. دا پرمختګ د اګست پر ۱۸مه په واشنګټن کې د امریکا د ولسمشر ډانلډ ټرمپ، د اوکراین د ولسمشر وولودومیر زېلېنسکي او د اروپايي مشرانو ترمینځ د یوې غونډې پر مهال شوی دی. د بهرنۍ پالیسۍ یو شنونکی وايي د لویدیځ لخوا اوکراین ته د امنیتي ژمنو وړاندیزونه د سولې په راتلونکو خبرو کې د زېلېنسکي دریځ قوي کولای شی. د مشال راډيو د خبر مرکزي څانګې د بېلا بېلو نړیوالو اژانسونو په مټ دا راپور جوړ کړی دی.
د امریکا ولسمشر ډونالډ ټرمپ په سپینه ماڼې کې د اوکرایین له ولسمشر ولادیمیرزلنسکي سره تر ناستې وروسته د روسیې له ولسمشر ولادیمیر پوتین سره اړیکې نیولې څو له ولادیمیر زلنسکي سره يې د مستقیمې کتنې زمینه برابره کړي. ټرمپ وړاندې ویلي، په سپینه ماڼې کې د فرانسې، جرمني، ایټالیا، فنلاند او ناټو له مشرانو د کوربتوب وروسته يې پوتین سره اړیکه نیولي او د اوکرایین د ولسمشر ولادیمیر زلنسکي سره يې د احتمالي کتنې په اړه خبرې کړي دي. د ټرمپ په ټکو، "د پوتین او زلنسکي کتنه د اوکرایین د څلور کلنې جګړې د پایته رسولو لپاره ډير ښه اقدام دی". Читать дальше...
له پاکستانه د افغانانو خپل هېواد ته د تګ سلسله روانه ده. په اسلام اباد کې د افغان کډوالو د ټولنې مشر حاجي راز محمد سلیمانخېل هم خپله کډه بار کړې ده. د پاکستان د کورنیو چارو وزارت د اګست په لومړۍ اونۍ کې د ملګرو ملتونو د کډوالو ادارې (یو اېن اېچ سي ار) د مهاجرت کارډ (پروف اف رجسټرېشن یا پي او ار) لرونکو افغانانو ته د میاشتې تر پای پورې د هېواد پرېښودو سپارښتنه وکړه. اسلام اباد وايي، له سېپټېمبر څخه د پي او ار کارډ لرونکو افغانستان ته د لېږد بل پړاو پیلوي. یو اېن اېچ سي ار وايي، په پاکستان کې څه باندې ۱،۳۰۰،۰۰۰ افغانان پي او ار کارډونه لري. Читать дальше...
د بخښنې نړیوال سازمان د جنوبي آسیا څانګې په خپله ایکس پاڼه کې له خلکو وغوښتل چې د دې سازمان د اوږده غوښتنلیک په لاسلیک کولو دې د طالبانو د حساب ورکونې او له ښځو او نجونو د ملاتړ لپاره نړیوال فشارونه زیات کړي.
ټاکل شوې ده چې د طالبانو، پاکستان او چین د بهرنیو چارو وزیران سبا په کابل کې سره وګوري. د پاکستان جیو نیوز د راپور له مخې د طالبانو د بهرنیو چارو وزیر امیر خان متقي، د چین د بهرنیو چارو وزیر وانګ یی او د پاکستان د بهرنیو چارو وزیر او مرستیال صدراعظم اسحاق ډار به د ترهګرۍ پر وړاندې د مبارزې او د چین-پاکستان د اقتصادي دهلیز ( سپک) پروژې د پراختیا په لارو چارو بحث وکړي. د اګست په پیل کې، ټاکل شوې وه چې امیرخان متقي په دې درې اړخیزه غونډه کې د ګډون لپاره پاکستان ته سفر وکړي، خو هغه مهال دا غونډه وروسته... Читать дальше...
د ناټو عمومي منشي مارک روته وایي، د اوکراین لپاره د داسې امنیتي تضمینونو د ورکړې بحثونه روان دي لکه د ناټو غړیو هیوادونو چې ترلاسه کړې دي. ښاغلي روته په سپینه ماڼۍ کې د دوشنبې په ورځ د متحده ایالاتو له ولسمشر ډونالډ ټرمپ، د اوکراین له ولسمشر ولادیمیر زیلینسکي او اروپایي مشرانو سره تر غونډې وروسته فاکس نیوز ته وویل چې واشنګتن د اوکراین لپاره په امنیتي تضمینونو کې لیوالتیا ښودلې ده، چې د ناټو د پنځمې مادې په څير به وي. روته زیاته کړه، په هغه څه چې بحث روان دی د ناټو غړیتوب نه دی، خو د ناټو د غړیو هیوادو... Читать дальше...
د طالبانو د کانونو او پترولیم وزارت د دوشنبې په ورځ وویل چې د لوګر په محمد اغه ولسوالي کې یې د عینک د مسو د کان د اکتشاف او استخراج تړون د پنځلسو نورو کلونو په مخه تمدید کړ. په دې ډول د دې کان تړون تر پنځه څلویښت کلونو پورې وغځول شو. د وزارت ویاند همایون افغان په کابل کې رسنیو ته وویل چې د تړون له تمدیدو سره په شرایطو کې څه بدلون نه دی راغلی. دا پروژه اوولس کاله مخکې د ( ایم سي سي) په نوم یو چینایي شرکت ته سپارل شوې وه خو تر دې دمه د دې کان د استخراج په چارو کې د پام وړ پرمختګ نه ترسترګو کیږي.
د جرمني د بهرنیو چارو وزارت د معلوماتو له مخې، ۲۱۱ افغانان چې جرمني یې د کډوالو په توګه د منلو ژمنه کړې وه، په زور له پاکستان څخه افغانستان ته شړل شوي دي. د دې وزارت یوه ویاند پرون په برلین کې وویل چې ۴۵۰ افغانان په پاکستان کې نیول شوي او د شړلو له خطر سره مخ دي. جرمني ویلي چې له پاکستاني چارواکو سره په تماس کې دي ترڅو ډاډ ترلاسه شي چې دا کسان له خپلې خاورې څخه نه ایستل کیږي. د جرمني د بهرنیو چارو وزارت تیره اونۍ وویل چې ۲۴۵ افغانان چې د پاکستاني پولیسو لخوا په کمپونو کې ځای پر ځای شوي وو د دې هڅو په پایله کې خوشې شوي دي. Читать дальше...
د امریکا د متحد ایالتونو د ولسمشر ډونالډ ټرمپ او د اوکراین د ولسمشر ولادیمیر زیلینسکي تر خبرو وروسته په سپینه ماڼۍ کې اروپایي مشرانو له ټرمپ سره د اوکراین په اړه خبرې وکړې.