د بلوچستان حکومت د ماهرنګ بلوڅې د بند موده بیا وغځوله
بلوڅ يکجهتي کميټي مشران وايي د بلوچستان حکومت لخوا دا څویم ځل دی چې دماهرنګ بلوڅې او نورو مشرانو په درې ايم پي او کې د بند موده غځوي.
بلوڅ يکجهتي کميټي مشران وايي د بلوچستان حکومت لخوا دا څویم ځل دی چې دماهرنګ بلوڅې او نورو مشرانو په درې ايم پي او کې د بند موده غځوي.
یوه نوې څېړنه ښيي چې د ماشوم د زېږون په مسئله کې دا پوښتنه چې جنسیت به یې هلک وي که نجلۍ ښايي پنځوس- پنځوس نه وي. د هاروارډ پوهنتون څېړونکو په خپله وروستۍ څېړنه کې موندلې ده چې ښايي د ښځو عمر په دې برخه کې چې د ماشوم جنسیت څه ډول دی رول ولري.
د سوریې حکومت په السوېدا کې د دروز او بدویانو ترمینځ د جولای پر ۱۱مه پیل شوی جنګ درولی او د جولای پر ۱۹مه یې هلته امنیتي ځواکونه ځای پر ځای کړي خو د څو ورځو په جګړه کې د دواړو خواوو تر ۷۰۰ زیات کسان وژل شوي دي. نور تفصیل د فرانسې خبري اژانس په راپور کې.
په ایران کې د یوه بس د ټکر له امله لږ تر لږه ۱۵ تنه مړه شوي دي. د ایران دولتي رسنیو د فارس ولایت د والي مسعود عابد په قول ویلي، دا پېښه په شیراز ښار کې شوې او ۲۷ نور کسان هم پکې ټپیان شوي دي. په ایران کې د ترافیکي پېښو له امله هر کال نژدې ۱۷۰۰۰ کسان ژوند بایلي. ایران له هغو هېوادونو څخه شمېرل کېږي چې د ترافیکي پېښو مرګ ژوبلې پکې تر ټولو زیاتې دي.
د غزې د ملکي دفاع ادارې د شنبې په ورځ اعلان وکړ چې د دې سیمې په جنوب کې دوو مرستندویه مرکزونو ته نژدې د اسراییل په بریدونو کې ۲۶ تنه وژل شوي او تر ۱۰۰ ډېر نور ټپیان شوي دي. د دې ادارې ویاند محمود بصل فرانسپرس ته ویلي، چې له دې ډلې ۲۲ تنه د خانیونس په جنوب لویدیځ کې، او څلور نور د رفح په شمال لوېدیځ کې وژل شوي دي. یوه عیني شاهد ویلي: "خلک د خوړو اخیستلو لپاره راغلي وو، چې د اسراییلي سرتېرو له خوا پرې ډزې وشوې." د اسرائیل پوځ ویلي چې د دې ادعاوو په اړه پلټنې کوي. له هغه وخته چې د ۲۰۲۳ کال په اکتوبر... Читать дальше...
د ایران قضايي چارواکو د شنبې په ورځ اعلان وکړ چې درې نارینه یې د جنسي تېري په تور د هیواد په شمال کې اعدام کړي دي. د ایران د قضایيه قوې د خبري اژانس، میزان د راپور له مخې، د ګلستان ولایت د محکمې رئیس، حیدر آسیابي ویلي، دا حکم نن سهار د ګلستان ولایت د مرکز، ګرګان ښار په محبس کې دننه عملي شوی دی. د ایران د قوانینو له مخې، د قتل او جنسي تېري سزا اعدام ده. د بخښنې د نړیوال سازمان په شمول د بشري حقونو د سازمانونو په وینا، ایران له چین وروسته په نړۍ کې دوهم هېواد دی چې تر ټولو زیات اعدامونه پکې کېږي.
د سوریې د بشري حقونو د څار بنسټ د شنبې په ورځ، (د جولای ۱۹مه) د دروزي ټولنې په زړه کې د تېرې اوونۍ د مرګ ژوبلو نوې شمېره اعلان کړه. د دغه لندن مېشتيغیر حکومتي بنسټ په وینا، تر دې دمه لږ تر لږه ۷۱۸ تنه په سویدا ولایت کې وژل شوي دي. په وژل شویو کې ۱۴۶ تنه د دروزي لږکیو وسله وال او ۲۴۵ ملکي کسان شامل دي، چې ۱۶۵ تنه یې د سوریې د دفاع او کورنیو چارو وزارتونو لهخوا «په خپلسري» ډول اعدام شوي دي. دا نښتې د ۲۸۷ دولتي سرتېرو او ۱۸ بدوي جنګیالیو د وژل کېدو سبب شوي هم دي، او درې بدویان بیا د دروزي جنګیالیو لهخوا «په خپلسري» ډول اعدام شوي دي. Читать дальше...
د عوامي نيشنل ګوند صوبايي مشر میا افتخار حسین وايي، د هغوی ګوند د خپل یو مخکښ مشر مولانا خانزېب له وژل کېدو وروسته، د جولای پر ۲۶مه یوه جرګه په پام کې نیولې ده چې ورکې به په خیبر پښتونخوا صوبه کې د امنیت په اړه مهمې پرېکړې کېږي. نوموړي د جولای پر ۱۶مه په یوه ځانګړې مرکه کې مشال راډیو ته وویل، د عوامي نیشنل ګوند مشران وخت په وخت په نښه کېږي او ریاست خاموشه دی. هغه وايي، ریاست دې یا وژونکي ونیسي او یا دې هم ځان پړ وبولي. بل پلو د پاکستان حکومتي او پوځي چارواکو وخت په وخت ویلي دي چې د ولسي خلکو ترڅنګ د سیاستوالو او قامي مشرانو ساتنې ته ژمن دي. Читать дальше...
د پاکستان د کورنیو چارو وزیر محسن نقوي وویل، د دغه هېواد حکومت پرېکړه کړې چې د افغان کډوالو د لنډمهالې استوګنې کارتونه (PoR) نور تمدید نه کړي. نوموړي خبرداری ورکړی؛ هغه افغانان به، چې له پاکستان څخه ایستل کېږي، په تور لېست کې شامل شي او بیا به پاکستان ته د ننوتو اجازه ونه لري. محسن نقوي د جمعې په ورځ په اسلامآباد کې خبریالانو ته وویل، دا پرېکړه د پاکستان د نوې ملي تګلارې یوه برخه ده. هغه ټینګار وکړ چې له غیرقانوني مهاجرت، په ځانګړي ډول له افغان اتباعو سره به هېڅ ډول نرمي و نه شي. نوموړي زیاته کړه... Читать дальше...
د ملګرو ملتونو د بشري حقونو ځانګړو راپور ورکوونکو له ایران او پاکستان څخه د افغان وګړو د جبري ایستلو لړۍ په کلکه غندلې او خبرداری یې ورکړی چې دا عمل نه یوازې د نړیوالو قوانینو سرغړونه ده، بلکې شړل شوي کسان له جدي خطرونو سره مخ کوي.
د برینانیا ایسپکس پوهنتون افغان نابینا ځغاستونکي او لامبو زن ولي محمد نوري ته افتخاري ډکټورا ورکړه. دا خبر دغه پوهنتون په خپله فیس بوک پاڼه خپور کړی دی. ولي محمد نوري ازادي راډیو سره په خبرو کې له دې امله خوښي وښوده ویې ویل، دا ډکټورا د ده د ټولو لاسته راوړونو تایدي ده. ده وړاندې ازادي راډیو ته وویل، سره له دې چې دی د برېټانیا د معلولینو د ځغاستې او لامبو په ملي ټیم کې دی، هڅونکې ویناوې کوي او د بشري مرستو په برخه کې هم فعال دی. ده د خپلو دې کارونو او فعالیتونو له امله مخکې ګڼې جایزې او مډالونه هم ګتلې دي. Читать дальше...
د جولای پر ۱۸مه، د مومندو په میامنډیۍ او د کورمې په صده کې د امن پاڅونونه وشول. په دواړو سیمو کې خلکو واضحه کړه چې د بل ځل لپاره یې څوک د عملیاتو په پلمه د کډو بارولو ته نه شي مجبورولی. دوی وايي، پولیس او امنیتي ادارې دې د امن راوستلو لپاره لاس په کارشي خو په داسې انداز کې چې خلک په تکلیف نه کړي. دوی دا هم وویل چې پر ټولو وسلوالو ډلو هم غږ کوي چې په ولسي خلکو دې حملې نه کوي. نور حال د مشال راډیو د خبریال په راپور کې.
په پېښور کې د افغان کډوالو او پاکستانیانو ترمینځ د لامبو یو ورځنۍ سیالۍ شوې دي. د سیالیو انتظام د خیبر پښتونخوا د سپورټي چارو ادارې او افغان کمېشنرېټ کړی وو. منتظمین وايي، د دې کار موخه د افغان کډوالو او ځايي خلکو ترمینځ پیوستون ته وده ورکول دي. په سیالیو کې ۱۲ افغان لامبوزنو برخه واخیسته. ویډيويي رپورټ.