Новости за 06.07.2025

د روسیې له لوري د طالبانو د حکومت د رسمیت پېژندلو په وړاندې د غبرګونونو په دوام د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنټ ویلي، د روسیې دغه پرېکړې ناهیلی کړی او دا اقدام یې اندېښمنونکی بللی دی. نوموړي پرون د جولای په ۵ مه په خپله اېکس پاڼه په یو بیان کې ویلي، طالبان باید تر هغه وخته عادي ونه بلل شي چې د بشري حقونو په ځانګړي ډول د ښځو او نجونو د حقونو په اړه یې پایښتي او د تایید وړ پرمختګ نه وي کړی. ښاغلي بینیټ ټینګار کړی چې د روسیې دغه پرېکړه یو خطرناکه بېلګه... Читать дальше...

د محرم میاشتې لسمه د عاشورا ورځ په پلارمینې کابل کې هم شعیه ویر کونکو نمانځلي. خو یو شمیر دوی تور پورې کوي چې د طالبانو حکومت د امنیت په نوم په مراسمو محدودیتونه لګولي دي. دوی ازادي راډيو سره په خبرو کې دا ادعا هم وکړه چې په لوړ غږ د مرثیو په خپرولو او د خیمو او تورو بیرغونو د لګولو په ګډون د مراسمو په بېلابیلو بڼو محدودیت هغه څه دي چې د سږ کال د عاشورا مراسم یې پیکه کړي دي. په کابل کې یو شیعه ویر کوونکې چې نه یې غوښتل نوم یې په راپور کې خپور شي د غږ د بدلون په شرط ازادي راډيو ته وویل، "طالبانو د... Читать дальше...

د کراچۍ د سوېلي ضلعې انتظامي مشر (ډېپټي کمېشنر) غلام نبي کوسو د جولای پر شپږمه خبریالانو ته وویل، په وژل شویو کې ۱۴ ښځې او یوه ۱۰ میاشتنۍ ماشومه هم شامله ده.

په بلوچستان کې یوشمېر ګوندونو دعوه کړې چې صوبايي حکومت د پښتو، بلوڅۍ او براهوۍ څانګې تړل غواړي. دوی وايي، له دې سره به د مورنیو ژبو زده کړو او په اړه یې څېړنو ته لوی زیان ورسوي. د بلوچستان حکومت لا د ګوندونو دې دعوو په غبرګون کې څه نه دي ویلي خو د بلوچستان پوهنتون چارواکي وايي چې حکومت لا ورته داسې امر نه دی کړی. تفصیل په دې رپورټ کې.

د طالبانو حکومت د ویاند له دې خبرې ورسته چې د دوی اړوندو ادارو د افغاني الاصله امریکایي محمود شاه حبیبي د عریضي پر بنسټ څیړنه کړې او نوموړی ورسره نشته، د حبیبي ورور ادعا کوي چې د طالبانو حکومت د دوی هیڅ کومه عریضه نه ده منلې او ور مسترد کړې یې ده. احمد شاه حبیبي د شنبې په ورځ (د جولای پنځمه) ازادي رادیو سره په خبرو کې وویل، "زما ورور له دوی (طالبانو) سره دی او د دوی په بند کې دی او دوی یې باید برخلیک معلوم کړي، موږ خو طالبانو کې عریضې ډېرو ځایونو ته کړي خو له بده مرغه دوی زموږ عریضې نه دي منلي او... Читать дальше...

وفاقي او صوبايي حکومتونو د امنیت په موخه د پېښور، کواټ، ډېره اسماعیل خان، بنو، کوټې، اسلام اباد، کراچۍ او لاهور په ګډون په یوشمېر ښارونو کې د موبایل ټېلېفون او انټرنېټ خدمات ځنډولي دي.

د ملګرو ملتونو کارپوهانو د نیول شویو کسانو د قضیو چټکولو په اړه د ایرانیو چارواکو پر بیانونو هم زښته اندېښنه ښوولې ده او ویلي یې دي چې له دې سره هغه کسان د مناسب قانوني بهیر له ترسره کېدو پرته د اعدام یا سزا له لا زیات خطر سره مخامخ شوي دي.

۲۲ کلنه مینا ګل د ګوزڼ (پولیو) له وجې په یوه پښه معذوره ده خو نوموړې وايي، خپله معیوبي د ژوند د لارې خنډ نه بولي او د لاسي صنایعو، درزیتوب (خیاطۍ) تر څنګ د سینګارتوکو جوړولو زده کړو ترلاسه کولو وروسته اوس د معذورانو په یو مرکز کې نورو نجونو او ښځو ته تعلیم ورکوي. نور په ویډیويي رپورټ کې.

هند او پاکستان دیوال شریک ګاونډیان دي خو اړیکې یې تل خړې پړې پاتې شوې دي. د دوی ترمینځ روان کال د ترسره شوې جګړې نه پس د دواړو خواوو هنرمندان او د فلمي صنعت سره تړلي کسان هم اغېزمن شوي دي. یو شمېر پاکستاني اداکاران او هنرمندان وايي د پولې هغې غاړې ته په هند کې یې د کار پر ننداره بندېزونه لګول شوي دي. هند وايي د امنیتي ملحوظاتو له کبله یې د پاکستاني هنرمندانو او اداکارانو پر کارونو بندېز لګولی دی. نور حال په دې راپور کې چې فرانس پرېس اژانس، ایسوشېټېډ پرېس او د رویټرز له ویډیوګانو جوړ شوی دی:

د ایران مذهبي مشر ایت الله علي خامنه یي د ایران او اسراییل له جګړې وروسته د لومړي ځل لپاره پرون ماښام ( د چنګاښ ۱۴مه) په عام محضر کې ولیدل شو. د رسنیو له خوا د خپرو شویو ویډیوګانو پر اساس خامنه یی د عاشورا شپې د عزادارۍ په مراسمو کې لیدل شوی دی. خامنه یي د ایران او اسراییل د ۱۲ ورځنۍ جګړې له پیله تراوسه د عامو خلکو له سترګو پټ و او دې موده کې یې یوازې ۳ ویډیویي پيغامونه خپاره کړي دي. د ایران او اسراییل د جګړې پر مهال د امریکا ولسمشر ډونالډ ټرمپ وویل، دوی ته د خامنه یي د پټې ځای معلوم دی، خو په خبره یې دوی یې د وژلو نیت نه لري.

د امریکا د ولسمشر یوه پخواني ملګري او د نړۍ تر ټولو شتمن کس ایلن ماسک د یوه نوي سیاسي ګوند د جوړولو خبر ورکړی دی. ماسک د " امریکا ګوند" په نوم د خپل سیاسي حزب د جوړولو هدف د متحده ایالاتو د ده په ټکو " یو ګوندي سیستم" ننګول یاد کړي دي. ماسک دغه اعلان وروسته تر هغه وکړ چې د جمعې په ورځ یې په یوه انلاین څیړنه کې له خلکو وغوښتل چې ایا غواړي امریکا کې د دوو ګوندونو یا د ځینو په باور د یوه ګوند انحصار پای ته ورسوي. دغه ګوندونه له شاوخوا دوه پیړیو راهیسې پر امریکا حاکمیت کوي. تراوسه معلومه نه ده چې د ماسک... Читать дальше...

د امریکا په تکزاس کې د ویجاړونکو سیلابونو له کبله لږ تر لږه ۴۳ تنه مړه شوي دي. اسوشیتید پریس خبري اژانس نن یکشنبه لیکلي چې په مړو شویو کې ۱۵ ماشومان شامل دي. د ژغورنې ډلو پرون شنبه د ۲۷ هغو نجونو لټه کوله چې د یوه سیند پر غاړه یې کمپ وهلی و. دغه نجونې تري تم شوي او تراوسه یې د مړي-ژوندي حال نه دی معلوم. تکزاس کې سیلابونه د جمعې په ورځ پيل شوي او دغلته د یوه لوی سیند د اوبو کچه ۸ متره لوړه شوې ده. د تکزاس والي ګریګ ابوټ ( Greg Abbott ) په یوه خبري کانفرانس کې دا وضعیت په ایالتي کچه یو ناورین یاد کړی... Читать дальше...

په روسیه کې د طالبانو د حکومت سفیر او ځانګړي استازي مولوي ګل حسن حسن پرون شنبه د خپل باور لیک یوه کاپي د روسیې د بهرنیو چارو وزارت مرستیال اندری یوریویچ رودنکو ته سپارلې ده. دا ګام وروسته تر هغه اخیستل کیږي چې د روسیې د بهرنیو چارو وزارت او په کابل کې د هغه هیواد سفیر د جولای په درېیمه اعلان وکړ چې روسیه د طالبانو حکومت په رسمیت پېژني. د طالبانو تر واک لاندې باختر اژانس په روسیه کې د خپل سفارت د یوې خبرپاڼې په حواله ویلي چې د باور لیک اصلي متن به د ځانګړو مراسمو په ترڅ کې د روسیې ولسمشر ولادمیر پوتین ته وړاندې شي. Читать дальше...

جرمني کې د ۲۰۲۵ کال لومړۍ نیمایي کې د پنا اخیستنې قضیې د تیر کال همدې مودې پرتله نژدې پنځوس فیصده کمې شوې دي. د جرمني د کډوالو او پناغوښتونکو ادارې ویلي، په دې موده کې افغانانو تر ټولو ډیرې د پنا غوښتنې ورکړي او ور پسې بیا د سوریې او نورو هېوادونو اتباع دي. د جرمني خبري اژانس (ډي.پي.اې) د شنبې په ماښام لیکلي د ۲۰۲۵ کال له پيله د جون تر وروستۍ نیټې نژدې ۷۳ زره کډوالو جرمني کې د پنا غوښتنه کړې، تیر کال دې موده کې دا شمیر څه باندې ۱۳۲ زره و. د پنا غوښتنې په شمیر کې د کموالي اساسي لاملونه د جرمني په... Читать дальше...

د ملګرو ملتونو کارپوهانو په ایران کې د افغان کډوالو او مذهبي او قومي لږکیو په وړاندې پر شته تبعیض، تاوتریخوالي او د هغوی په  نیولو اندیښنه څرګنده کړې ده. د دغو کارپوهانو په راپور کې راغلي چې په دغه هېواد کې سلګونه افغانان او د مذهبي اوقومي  لږکیو غړي د جاسوسۍ په تور نیول شوي دي.