د امریکا ولسمشر دونالد ټرمپ، د دوشنبې په ورځ، د جولای ۱۴مه، خبرداری ورکړ چې که کرملین د ۵۰ ورځو په موده کې له اوکراین سره د اوربند توافق ته ونه رسېږي، نو امریکا به پر هغو هېوادونو سختې ګمرکي تعرفې ولګوي چې له روسیې سره سوداګري کوي.
د چین په هونان ولایت کې د نړۍ له تر ټولو لوړ لېفټه د ټوپ وهنې سیالي شوې ده. د بایلونګ لېفټ ۶۹۱ میټره لوړ دی او خلکو د مزي په مرسته ورڅخه ټوپ وهلی. د اسوشيېټېډ پرېس اژانس له ویډیو جوړ لنډ رپورټ.
د ایران د کار، همکارۍ او ټولنیزې هوساینې وزارت ویلي افغانستان ته د افغان کډوالو د ستنېدلو پر وسه له ننګونو سره مخ ده.
یو لوړپوړی اوکراییني چارواکی وايي، د اوکرایین لپاره د ولسمشر ټرمپ ځانګړی استازی کیت کیلاګ نن دوشنبې کیف ته رسیدلی دی. دا سفر داسې مهال دی چې د اوکرایین د درې کلنې جګړې په اړه د امریکا د ولسمشر ډونالډ ټرمپ پالیسۍ د بدلون په حال کې دي. ټرمپ چې د خپلو ټاکنیزو منډو تړو پر مهال يې په یوه ورځ کې د اوکرایین د جګړې د دریدو ژمنه کړې وه، په وروستیو کې يې په ځلونو د روسیې د ولسمشر ولادیمیر پوتین پر کلک دریځ نیوکې کړې او هغه ته يې د "لیوني" خطاب کړی دی. ټرمپ همدارنګه اوکرایین ته د پاټرویټ دفاعي وسلو د ورکړې خبره هم کړې ده. Читать дальше...
په امریکا کې د مېشتو یو شمېر افغان کډوالو د «لنډ مهاله خوندیتوب حیثیت یا حالت» (ټي پي اېس) پروګرام موده نن دوشنبه پای ته رسېږي. په دې سره شاوخوا ۱۱ زره هغه افغانان چې په متحده ایالاتو کې لنډ مهاله خوندیتوب ورکړل شوی وو، له دې هېواده د ایستلو له ګواښ سره مخ کېږي.
د افغانستان له نیمایي زیاتو ولایتونو او ولسوالیو کې خلک امبولانسونو ته لاسرسی نه لري. د بېلابېلو سیمو، ولسوالیو، ولایتونو او حتی د ځینو لویو ښارونو اوسېدونکو ازادي راډیو سره په خبرو کې شکایتونه وکړل چې ځایي روغتیایي مرکزونو او روغتونونو ته د خپلو عاجلو ناروغانو د انتقال پر مهال له ننګونو سره مخ وي.
د اسراییلو صدراعظم بنیامین نتانیاهو وايي، د امریکا او ایران له هغې احتمالي هوکړې ملاتړ کوي چې په کې د یورانیم پخول او د ۴۸۰ کیلومټره لیرې واټن ویشتونکو توغندیو تولید شامل نه وي. د هغه په ټکو، "که چیرته داسې یو هوکړه کیږي چې د اسراییلو شرطونه په کې منل شوي وي، ترې ملاتړ کوي". هغه وړاندې له ایرانه وغوښتل چې په سیمه کې دې د وسله والو ډلو له ملاتړه لاس واخلي. نتانیاهو دا څرګندونې داسې مهال کوي چې تمه ده د تهران او واشنګټن ترمنځ د خبرو اترو شپږ پړاو په عمان کې پیل شي. تراوسه د دې خبرو اترو دقیقه نیټه معلومه نه ده. Читать дальше...
په سوریه کې په یوې فرقه ییز نښته کې ۳۰کسان وژل شوي او له ۱۰۰ ډیر ټپیان دي. رویترز خبري اژانس نن دوشنبې د سوریې د کورنیو چارو وزارت په حواله لیکلي، نښته په سویدا ولایت کې وروسته له هغې پیل شوه چې د تیرې جمعې په ورځ د دمشق او سویدا ترمنځ په غځیدلې لویه لار یو شمیر سوداګر وتښول شول. دا لومړی ځل دی چې د سوریې په سویدا ولایت کې دغه ډول فرقه ییز نښته کیږي. له دې وړاندې په تیره اپریل میاشت کې د دمشق په جنوب خیتځ کې د سني جنګیالیو او وسله والو ترمنځ نښته کې دواړو خواوو ته مرګژوبله اوښتې وه.
د پاکستان ولسمشر اصف علي زرداري د یو لنډمهالي قانون (ارډېننس) په لاسلیکولو د فرنټییر کانسټیبلري (اېف سي) ځواک سطحه لوړه کړې او د واک او کار دایره یې پراخه کړې ده. نوموړي د جولای پر ۱۳مه په فرمان کې اېف سي ځواک د وفاقي یا فېډرالي ځواک په نوم نومولی دی. فرمان وايي، په داسې حال کې چې قامي اسمبلي او سېنېټ اوسمهال تعطیل دي، نو ځکه ولسمشر دا ارډېننس خپور کړ چې سمدستي نافذ شوی دی. اېف سي د پاکستان پولیسو تر واک لاندې یو ځواک وو چې تر دې فرمان مخکې یې پاکستان په سرحدي سیمو کې د قانون پلي کولو او امنیت دندې پرمخ لېږدولې. Читать дальше...
عبدالرحیم روغانی د پښتو معاصر دور هغه شاعر دی چې په خپلو څلوریزو (قطعاتو) په ټول وطن کې نوم لري. د هغه شاعري سندرغاړو هم ویلې ده. د نوموړي څلور شعري ټولګې او د نثر کتابونه یې چاپ شوي دي. د هغه د نثر یو کتاب انګرېزۍ او ځینې څلوریزې یې په روسۍ ژباړل شوې دي. د هغه د ژوند او کار په اړه دا خپرونه واورئ.
چلسي د پاریسن ژرمن لوبډلې په ماتولو سره د کلبونو د نړیوال جام اتل شو. دغه لوبه چې پرون شپه د امریکا د نیوجرسي په مت لایف لوبغالي کې ترسره شوه، چلسي لوبډله وتوانیده درې د صفر پر وړاندې پاریسن ژرمن ته ماتي ورکړي او د ۲۰۲۵کال د کلبونو د نړیوال جام اتله لوبډله شي. د لوبې په پای او اتلې لوبډلې ته د اتلولۍ د جام د ورکړي پرمهال د امریکا ولسمشر ډونالډ ټرمپ او د فیفا مشر اینفانتینور هم حاضر وو او غوره لوبغاړو ته يې د اتلولۍ جامونه ورکړل. د ۲۰۲۵کال د کلبونو نړیوال جام ۲۱پړاو د فیفا له خوا د ۳۲ لوبډلو ترمنځ د امریکا په کوربتوب ترسره شو.
د امریکا ولسمشر ډونالډ ټرمپ وايي، اوکرایین ته د پاټرویټ هوايي دفاعي سیسټم ورکوي، څو د روسیې د بریدونو پر وړاندې له خپلې فضا دفاع وکړي. ټرمپ دا څرګندونې پرون ماښام په واشنګټن کې خبریالانو ته کړي دي. هغه وړاندې وویل، "امریکا د ناټو له لارې اوکرایین ته دا دفاعي وسلې ورکوي او اوکرایین به يې بیه پرې کوي". ټرمپ د روسیې پر ولسمشر ولادیمیر پوتین هم سختې نیوکې وکړي او زیاته کړه چې "پوتین ښې خبرې کوي خو ماښام کې بیا پر خلکو بمبار کوي". بل پلو، د ناټو سرمنشي مارک روته واشنګټن ته تللی څو د اوکرایین د جګړې په اړه له ولسمشر ټرمپ سره خبرې وکړي. Читать дальше...
د قرغیزستان په باتکین سیمه کې ځینې خلک د کورونو جوړولو لپاره داسې خښتې کاروي چې د وریژو د پروړو او کسکرو جوړېږي. ځايي خلک وايي، له هغو خښتو جوړ کورونه په اوړي کې یخ او په ژمي کې تاوده وي او د سیمټو په څېر کاربن ډای اکسایډ نه تولیدوي نو چاپېریال هم پاک ساتي.
