Новости за 21.03.2019

Карелерчу Медвежьегорск гIалара 27 шо долу меттигера яхархо бехкейина, стохка гурахь Архангельскерчу ФСБ-н гIишло чохь дина теракт бакъдарна. ЙоьIан цIе а хьулъеш, хаамбина цунах лаьцна "Республика" хьостано. Зорбанашкахь яздарца, еарин Iуьйранна бехкеечун хIусамах хьоьвисна Карелин ФСБ а, экстремизмна дуьхьало латточу Центран белхахой а. Бахьана хIоьттина хилла, "ВКонтактерчу" социалан машанехь оцу йоIа, Архангельскехь эккхийтар дина Жлобицкий Михаил бакъвеш язйина публикаци гучуяьлча. "Шен дахар а ца кхоош... Читать дальше...

Къоьллехь бохку пенсхой "малончаш" а, "къаьркъанчаш" а бу аьлла "Единая Россия" партин цIарах Волгоградан кIоштан депутат волу Набиев Гасан мандатах ваьккхина. Кху беттан 14-чохь шен бакъонаш охьайохкуш цо чуделла кехат къобалдина регионерчу парламенто. Цул а ши де хьалха "Единая Россия" партин этикехула йолчу комиссино Набиев партин могIаршкара дIаваккхар хьийхира, цо адам сийсаздеш къамел дарна. КIоштарчу думехь депутата дина къамел карарчу беттан юьххьехь зорбане даккхарх ду дуьйцург. Регионерчу дахаран минимумах дуьйцучу заманчохь... Читать дальше...

23 шо долчу жимчу стеган дакъа карийна Малгобекан кIоштарчу СоагIапчан йистехь дахначу оршотдийнахь аьлла, хаамбо ГIалгIайчоьнан Талламан комитетан пресс-гIуллакххоша. Полисхой тешна бу, иза вийна хиларх. Цуьнан дегIах хьоьвсича къаьстина, иза нуьцкъала вийна хилар. Зуламан Кодексан 105-чу артиклца гIуллакх долийна, кхи дIа талламаш дIахьош бу вийначун гонах аьлла, информаци йитина Талламан комитетан сайтехь.

Алиханова Алина Къилбаседа ХIирийчоьнан шахьарна юьстахарчу ярташкахь къен бехачу нахана гIо до волонтёраша СагIанаш дар даьржаш ду Къилбаседа ХIирийчохь. Наханна гIодарца берриг махканна евза жигархочо, операн йишъалархочо Чельдиев Вадима кхоьллина "Ирон Жеу" фонд. И санна фондаш шайн-шайн кIошташкахь буьйлабелла кхолла къехойх дог лозурш.  Ирафан кIоштахь "Дигорон Жеу" фонд схьайиллина 3 бутт бу, амма кхиина иза хIинцале 30 доьзална гIо кхачо. КIоштан Iедало хIусам а елла цунна. Иза ханна бен яцахь а... Читать дальше...

Нохчийчуьра вахархо лецира Украинерчу Харков областан Лозовски кIоштахь криминалан полицино. Мичахь ву а къастийна, лаьцна Оьрсийчохь 5 стаг верна бехке лоруш волу 32 шо долу Нохчийчохь вина стаг, хаам бира цу пачхьалкхан къоман полицино шен сайтана тIехь.

Казахстанан коьртачу шахьаран администрацина гергахь Астана гIалин цIе Нурсултан аьлла, хийцарна протесте бевллачарех 20 гергга стаг дIалаьцна полицино. "Настоящее время" телеканало бина и хаам. Хьалхо хиллачу информацица, иттех вара дIавигинарг. Дарж охьадиллинчу президентан Назарбаев Нурсултанан цIарах Астана шахьаран цIе хийцарна духьал бу аьлла, 20 гергга вахархо дIалаьцна аьлла, Iорадаьккхира Reuters агенталло а. Еарин Iуьйранна иттех стаг гулвеллера Астанан мэрина хьалхарчу майданахь, гIалин цIе хуьйцуш... Читать дальше...

Ала тарлац мел дукха акхарой ю бахархоша шайн хIусмашкахь латтош. Тахана муьлхха а акха дийнат интернетехь эца аьтто бу, компьютер а, йийбар а санна. 2020 шарахь дуьйна хIусамашкахь акха дийнаташ лелор доьхкур ду Оьрсийчохь.

Кхааридийнахь президентан дарж охьадиллинчу Казахстанан урхалхочун Назарбаев Нурсултанан цIарах масех гIаланашкарчу урамашна цуьнан цIераш тохкур ю аьлла, хаамбина шахьарийн Iедалхоша. Усть-Каменогорскерчу а, Павлодарерчу а, Уральскерчу а, Шымкентерчу а, Петропавловскерчу а урамийн цIераш хийца сацамбина хIинцале а. Ханна президентан декхарш кхочушдан къобалвинчу Токаев Касым-Жомартан инициативаца, Казахстанан парламент реза хилла пачхьалкхан шахьаран Астана цIе Нурсултан аьлла, хийца. 30 шарахь... Читать дальше...

Оьрсийчоьнан 800 вахархочунна а, 300 хьукматна а дуьхьал санкцеш яьхна Украинас. ДогIучу омрана куьйгъяздина Украинан президенто Порошенко Петра, хаамбина пачхьалкхан къоман кхерамзаллан Кхеташоно шен сайтехь. Шайн сацамехь цара билгалдаьккхина, санкцеш Пачхьалкхан думан а, парламентан шина а палатийн спикерех а хьакхалург хилар. Цул совнах, дозанаш тоьхна 4 банкна, Евроберто а, Iамерко а, Канадас а санкцеш тоьхначу кеп-кепарчу хьукматашна а. ГIирман тIай дарна а, Керчан гечонехь стохка гурахь... Читать дальше...

Вологодскан кхеле Караулова Варвара хенал а хьалха араяккхар доьхуш, кехаташ чуделла аьлла, хаамбина цуьнан адвокато Бадамшин Сергейс. Оьрсийчоьнан Лакхарчу кхело 2017-чу шарахь дуьхьало йира изза дехар кхочушдан, набахтехь 4,5 шо хан токхучу Караулова Варварин. Вологодскан кIоштарчу колонехь таIзар токхуш ю Караулова. Адвокато кхелахошка чуделлачу кехат тIехь билгалдаьккхина, ша хIинццалц чохь яьккхинчу хеначохь набахтен низамаш ца дохош, колонин администрацино совгIаташ деш, кхечу тутмакхашца девне а йоцуш, схьайогIуш ю йоI аьлла. Читать дальше...

Арахь даккха кхо шо хан кхайкхийна Нохчийчуьрчу вахархочунна, ницкъаллийн структурашкарчу белхахочунна кхаъ бала гIортарна, хаамбо республикерчу прокуратурано. Хьукматан информацица, корта бахон молханех пайдаэцна ву аьлла, шеконашца полисхойн декъе валийна иза 11 эзар сом ахча а делла, бехказавала хьаьжна хилла. Кхааридийнахь Грозненск кIоштан кхело арахь даккха кхо шо хан кхайкхийна меттигерчу вахархочунна.