Махкара коьрта хи бехдаларо сагатдойту Нохчийчоьне Москварчу хьаькамаша хи цIандеш гIодан дош делла. Кадыров Рамзана догдоху хи денден федералан программа юкъаяккхаре. Хьалхо а хазийра Нохчийчоьнан куьйгалхочо шена хих лаьцна хетарг - 2017-чу шарахь. Амма хIетахь дина къамел спортах а, политиках а доьзна дара, ткъа Терканна "гIаж кхийтира" махкарчу футболан тобанна "Ахьмад" цIе тилла цунна дагадарна. "Терк нохчийн хи дац, гуьржийн хи ду. Иза Оьрсийчоьнан ялх регионах чекхдолу, ткъа стенга кхочу – суна иза ца хаьа! Читать дальше...
Туркойчоьнан арахьарчу гIуллакхийн министро Чавушоглу Мевлюта шаьш кийча хиларх лаьцна дIахьедар дина, Оьрсийчуьрчу бахархошна чоьхьарчу паспортца шайн махка бахка бакъо яларх лаьцна хаттар дийцаре дан. Цунах лаьцна хаам бо ТАСС агенталло. Туркойн дипломатин куьйгалхочо иштта хаам бина, шайн пачхьалкхан делегаци, хьалхаваьлла президент ЭрдохIан Реджеп а волуш, Оьрсийчу яха дагахь хиларх лаьцна Оханан-беттан 8-чу дийнахь. 1990 – 2000 шерашкахь Туркойчу боьлхуш Оьрсийчоьнан бахархоша виза эцара дозанехь. Читать дальше...
Ненан Де даздан а, иза Гиннесан рекордца билгалдаккха а йолчу Iалашонца арабевлира иттаннаш эзарнашкахь нах Iамманехь. Нанна хастамбеш урдунхоша яздинчу плакатан барам бу 18000 сов стикер. Бовха безам Нанна дIагайта аравелира жима а, воккха а. Акци вовшахтоьхначара бахарехь, шаьш кхоьллина зударий хестийна ца Iаш, урдунхоша кхочушйина кхин а цхьа Iалашо – Ненан дикалла юьйцуш хIоттийна плакат шен доккхаллица кхаьчна Гиннесан Книги тIе.
ГIело лан собар а кхачийча, шаьш-шайн генаш этIийна Мордоверчу набахтехь тутмакхаша. Царна иза дан бахьана дацара, аьлла Оьрсийчоьнан набахтийн урхалло. Мордоверчу №5 набахтехь тутмакхашна етта, тIехь Iазап латтадо, цигахь кхобучу нохчийн гергарчара дийцарехь. Трофимов Валерий ву луьрачу хьелашкахь таIзар токхуьйтучу оцу набахтин коьртехь. Кхелашкахь а, ницкъаллин хьукматашкахь а белхаш бина нах бохку юьйцучу набахти чохь. Гуьмсан кIоштан Комсомольское юьртарчу вахархочо Вачаев ИбрахIима дийцира "Кавказ.Реалиига" хилларг... Читать дальше...
Владимиран кIоштарчу колонехь кхелхинчу Нохчийчоьнан куьйгалхо хиллачу Кадыров Ахьмад-Хьаьжин гIаролхочуьнан Тунтуев Аюбан дегIана тIехь карийна йиттина лараш. Цунах лаьцна "Кавказский узеле" дийцина Тунтуевн гергарчара. Цара бинчу хаамца, бозуш боцучу лоьраша йинчу экспертизо гайтина тутмакх кхелхинчул тIаьхьа цуьнан пехаш а, жаннаш а схьадаьхна хилар. И хаам бакъбина Нохчийчуьрчу адамийн бакъонашкахула йолчу кхеташонан цхьана декъашхочо а. Тунтуев колонехь кхалхарх лаьцна хаам гучубелира кху беттан 12-чу дийнахь. Читать дальше...
Кадыровс куьйгалла дечу Нохчийн Республикан конституци тIеэцна 16 шо кхачар даздира Зазадоккху-беттан 23-чу дийнахь Соьлж-ГIалахь.
92 процент гергга Нохчийчуьрчу бахархойн аьтто бац ипотека эца, лаам хилча а. Цу кеппара хьал ду луларчу ГIалгIайчохь а, Дагестанехь а. Цунах лаьцна хаам бо РИА Новости агенталло. Иштта Нохчийчохь ипотекаца петар эца аьтто болуш бац 7,8 процент доьзалш а бен. ГIалгIайчохь и терахь ду 8 процент, ткъа Дагестанехь – 10,3. Иштта хьал нисдалар доьзна ду цу республикашкахь баккхийн доьзалш а, лахара алапаш а хиларца, дуьйцу говзанчаша. Ипатекаца доьзна хьал уггар гIоле ду Оьрсийчуьрчу регионашна юкъахь Ямало-Ненцойн автономан гонехь. Читать дальше...
Керстан дино вуно лоруш йолчу Истанбулерчу Сий долчу Сафиян килсах кестта маьждиг хила мегаш ду, хаам бо "Ведомости" газето. Карарчу хенахь и килс музей ю. И бахьана долуш цу чувоьдург мах боккху. И статус хийцаро аьтто бийр бу нехан цу чу мехаза баха, аьлла хета Туркойчоьнан президентана ЭрдохIан Реджепана. 6-чу бIешарахь йина Софиян килс Византин културан мемориал ю. 14-чу бIешарахь Османийн империно Константинополь дIалаьцначул тIаьхьа цу килсах динера маьждиг. Цунах музей хилира 1935-чу шарахь... Читать дальше...
Нохчийчоьнан Лаккхарчу кхело бехке лаьрра 25 шо долу Махашев Тимур Къилбаседа Хирийчуьра зуда-таксилелорхо ерна. Цунна 23 шо 6 бутт хан тоьхна суьдхоша, луьрча хьелашкахь колонехь яккха, хаам бо "Нохчийчоь тахана" зорбанан гIирсо. Кхелан материалашца а догIуш, 2018-чу шарахь Охан-беттан 21-чу буса Соьлж-ГIалахь "Лада Калина" машенчохь 19-зза урс тоьхна цу стага таксилерхочун Уртаева Стеллина. Иза оццу меттехь елла. Цул тIаьхьа цу зудчуьнан дакъа Соьлжа хи чу кхоьссина зуламхочо. Стохка Стигалкъекъа-баттахь... Читать дальше...
Нохчийчоьнан прокуратура юкъагIоьртина пурнийн ассоциаци баьпкан мах хьалабаккха гIоьртарна. И юкъаралла варе йина прокурораша, цу тайпа гIулч яккха мегар ца хиларх лаьцна. Прокуратуро бинчу хаамца, баьпкан мехаш 20% тIетохарца доьзна хаттар дийцаре дина республикерчу кхаллар дечу пурнхойн гуламехь. Амма цу хаттарехь сацам бан аьтто ца баьлла цера. Маршо Радионо хьалхо яхдина ма хиллара, кху шарахь Оьрсийчохь дазлур долуш ду кхачанан сурсаташ, уггаре хьалха шура а, бепиг а, цIен дуга а (гречка). Читать дальше...
