Бексултанов Муса Генара зурма… Шен лулахочуьн кIанте кху чуьра йоI яийтахьара, бохуш, хIора денна бохург санна, цу наха дехаре оьхуьйту Албаст кIорда а вина: – Деллахь, хьайн десара, Албаст, и хьайн йоI яхийтахьа цаьрга, хIокху вайчул куьцехь а, гIолехь а яра хьан иза! – олуш, кхозлагIа веъча а цунна дехар ца луш, Албаст дIа а хьажийна, оцу шина дийнахь кхин кертал ара ца волуш, малхбузан ламазана молла кхойкхуш а хезна, моллина тIаьхьа акбар олуш, хIара сацавелча, лулара Асхьаб велира керта... Читать дальше...
Магомедов Назим Ставропол-махкара Холаровский Артем кегийнехан эзарнех цхьаъ ву. Университетан студент, поэт, иллешдахархо. Ткъа шен накъостех иза къаьста целебралан энашца (ICP, ДЦП) дуьненчу ваьлла хиларца. Бакъду, медицино шена буьтучул а дукха меттиг боккху цо дахарера. Цуьнца цхьаьнакхийтира "Кавказ.Реалиин" корреспондент. Еза хIума айа дихкира лоьраша Артемна. Амма цо-м ца дира пусар а – букъ тIехь а Iаш, куьйгашца хьалаайо 60 кийла йозалла. Олу ша даима а эриг – "доза данне а дац". Целебралан ан лаьцна Артема нанас ша вечу дийнахь. Читать дальше...
Идрисова Барият 2017-чу шеран аьхка ХIинжа-ГIалахь, Киркоров Филиппа концерт лучу меттехь, эккхийтар дан кечлуш хилла аьлла лецначех цхьамма дийцина талламе бахьана – цо бахарехь, артист вен дагахь хилла иза а, цуьнан го а. Шайга Киркоров мехах вер дехнарг Галкин Максим вара, дийцина лаьцначо. Бахарехь, Галкинна ца тайна Киркоровс шен зудчуьнца Пугачева Аллица тIекарло лелош. Хьалхо "Кавказ.Реалиино" яздира ДАIИШ-ера хила тарло аьлла лецначу нахах лаьцна. Ницкъхоша чIагIдарехь, 2017-чу шеран Товбеца-беттан... Читать дальше...
Оьрсийчоьнан Пачхьалкхан Думо хийцамаш бина пачхьалкхехь лелачу Криминалан кодексна тIехь, керла артикл тIе а тоьхна. Цуьнан чулацамца а догIуш, Оьрсийчохь таIзар дийр ду "зуламхойн иерархехь лаккхара меттиг даIалацарна". Цу нахана тухур ду 8-15 шо набахтехь даккха. ТIеэцначу низамо зулам лору зуламхойн юкъараллийн кхеташонашкахь дакъалацар. Иза дохийначу нахана тоха аьтто хир бу 12-20 шо набахтехь даккха. И хийцамаш бар дехнера Оьрсийчоьнан президенто Путин Владимира Чиллан-баттахь. Цо буьйцурш... Читать дальше...
Бакъонашларъярхочунна, адвокатна Сотуде Насрина дина таIзар: набахтехь даккха 38 шо а, 148-зза шад тохар а ду. Пачхьалкхерчу зударийн бакъонаш Iалашъеш, стаг вуьйш кхел кхайкхорна а дуьхьал къийсам латтабора цо. 2012-чу шарахь адамийн бакъонаш ларъярехь къахьегарна Сахаровн цIарах совгIат дира цунна. Сотуде системана дуьхьалболчаьрца бертаяхарна а, ГIажарийчоьнан лакхара лидер аьшнашварна а кхеле хIоттийна. Насринан цIийндас дийцира, шена делла пхи шо токхучу бакъонашларъярхочунна кхи тIе а набахтехь даккха 10 шо кхайкхийна аьлла. Читать дальше...
Нохчийчоьнан статистикан урхалло чIагIдарехь, Нохчийчурчу бахархойн юккъера алапа ду карарчу хенахь 25 863.4 сом (395$). Хаам барехь, 2017-чу шарахь хиллачуьнца дуьстича, иза алсамдаьлла 10,6%. Хьалхо Къилбаседа Кавказан федералан гонехь бехачу бахархошна тIедогIу рицкъ, коьртачу декъана алапа, алсамдаьлла 2018-чу шарахь, аьлла дIахьединера Къилбаседа Кавказан гIуллакхашкахула министро Чеботарев Сергейс. Цо чIагIдарехь, Къилбаседа Кавказерчу субъекташкахь алапаш алсамдевлла 18%, шо хьалха хиллачуьнца дуьстича. Читать дальше...
Нохчийчуьрчу статистикан урхалло далочу терахьашца, 2019-гIа шо долалуш лаьрча республикерчу бахархойн терахь дара 1 457 000 стаг, хаам бо Grozny-inform.ru сайто. Цу кепара бахархойн терахь цхьана шарахь алсамдаьлла 20 эзар стагана.
Нохчийчоьнан куьйгалхочо Кадыров Рамзана комментарий йина шена дуьхьал Iамерко керла санкцеш кхайкхор хьокъехь. Царца а догIуш, Iамеркан финансийн министралло лаха дезаш ду Кадыровс махкал арахьа, коьртачу декъана Гергарчу Малхбалерчу пачхьалкхашкахь, латтош долу ахча а, кхин болу бахам а. Нохчийчоьнан куьйгалхочунна хетарехь, иза доьзна ду Вашингтонан цуьнга а, цуьнан говрашка а цабезам хиларца. "Сан цхьа а активаш цкъа а хилла а яц, хIинца а яц я Гергарчу Малхбалехь а, я Европехь а, я Iамеркехь а. Читать дальше...
Къилбаседа Кавказерчу республикашна а, мехкашна а Оьрсийчоьнан федералан бюджетера ахчадалар алсам дац пачхьалкхарчу кхечу субъекташна лучулла а аьлла, дIахьедар дина Къилбаседа Кавказан гIуллакхашкахула волчу министро Чеботарев Сергейс. Цунах лаьцна хаам бо ТАСС агенталло. Нохчийчоьнна бюджетера ахчадалар а ду, Къилбаседа Кавказерчу кхечу субъекташна ма даллара, боху министро. Чеботаревс дийцарехь, бюджетера финансаш ло Нохчийн Республикана, цигара бахархойн терахь а, цигахь кхочуш йон проекташ а тидаме оьцуш. Читать дальше...
Мисарахь вайначу студентан Дугиев Хизиран нанас чIагIдо: ГIалгIайчоьнан омбудсмено Оздоев Джамбулата шен кIант карийна аьлла, ша куьйгъяздина цкъа официалан кехат даийтина, тIаьхьа иза харцдина бохуш. Вайначу пхеа студентех цхьаннан кхолламах хууш дац хIинца а. Кехат ду, кIант вац Карарчу беттан 6-чохь Дугиев Хизиран дега, нене кехат деара, мехкан бахархойн бакъонаш ларъян векал винчу Оздоев Джамбулата шен куьйг а яздина, КъIахIирерчу цхьана набахтехь карийна шун кIант Хизир аьлла. Хазахетаран кхаъ бара иза гергарчарна... Читать дальше...
Къилбаседа Кавказан федералан гонехь бехачу бахархошна тIедогIу рицкъ, коьртачу декъана алапа, алсамдаьлла 2018-чу шарахь, дIахьедина Къилбаседа Кавказан гIуллакхашкахула министро Чеботарев Сергейс. Цо чIагIдарехь, уьш алсамдевлла 18%, шо хьалха хиллачуьнца дуьстича. Чеботаревс дийцарехь, цу регионерчу бахархой алапа ду хIинца юккъерчу барамехь 26 эзар сом. Делахь а иза 1,5-зза кIезиг ду Оьрсийчохь юккъерчу барамехь долчул а, боху министро. Чеботаревс дийцарехь, экономика кхиарца Къилбаседа Кавказан... Читать дальше...
