Маршо Радион тIаьххьара керланаш
Маршо Радионо бовзуьйту таханлера боцца хаамаш
Маршо Радионо бовзуьйту таханлера боцца хаамаш
Европерчу пачхьалкхаша, шерашкахь "ойла еш" а Iай, тховкIело ца луш, даймехкашка хьийсабо мухIажирш. Цхьаберш булу шайна йинчу депортах, дIатарло цIерачу Iедал кIел баха, амма бац и некъ кхечарна. Оьрсийчу юха а хьовсийна, шайн даймахка, Нохчийчу, дIа а кхачале байнарш а, дIакхаьчначул тIахьа хIаллакбинарш а бу Европера депорт йиначаралахь. Австрига, цо цIахьажо кечвеш, лаьцна кхобу ши нохчо махкахь витар деха кечлуш бу меттигера мухIажирш.
ПIераскандийнахь Оьрсийчоьнан президенто Путин Владимира дIахьедина, ша Iамеркан Цхьанатоьхначу Штатийн президент Трамп Дональд Москох кхайкхарх. Reuters агенталло бина и хаам Йоханнесбургерехь йоьдучу БРИКС саммитера. Шаьшиъ кийча ву кхи дIа цхьанакхетарш дIадахьа, амма аьтто болу хьелаш хила деза цунна лерина аьлла Путина. Къилба Африкехь БРИКС-ан пачхьалкхийн саммитехь журналисташна хьалха вистхуьлуш Путина тоаме дац аьлла телефонехула Оьрсийчоьнан а, Вашингтонан а хилла дийцарш, цундела шина... Читать дальше...
Идрисова Барият Ненан меттанаш тIехьататта дезар ду, цхьайолчу школашкахь хьеххане а хьоьхур бац Пачхьалкхан Дума тоьлла - тIаьххьара а тIеийци цо меттанех долу низам. Меттанаш Iамор тIерадолуш дац, амма муьлха мотт шен берана Iамо беза дас, нанас къастош хир ду хIинцачул тIаьхьа. Кхо бутт хьалха Оьрсийчоьнан федералан дешарх долчу низамца хийцамаш бан беза аьлла гIаттийра депутаташа Думехь. Цул тIаьхьа ши бутт баьлча, массара а бийцаре а бина, чекхбехира хийцамаш шайн хьалхарчу дийцаршкахула. Читать дальше...
Наркотикех кхетта Куьршалара 17 жимстаг дIалаьцна аьлла, хааме даьккхина махкарчу "Грозный" телехьожийло. Полицин декъа балийначу массара а пайдаоьцуш хилла чIогIа ницкъ болчу молханех, чIагIдо меттигерчу телеканало. Кхетош-кхиоран хьехамаш бан дIалецнарш балош баьхкинчарлахь вара кIоштан администрацин куьйгалхо Кадыров Хьамзат (мехкан куьйгалхочун вешин кIант). Динан векалша а, ницкъаллийн структурийн белхахоша а кхи дIа белхаш бийр бу кегийрхошца. Нохчийчохь наркотикаш лелораш лецна меттигаш кест-кеста Iорайоху.
ГIалгIайчуьрчу ницкъаллийн структурийн ворхI белхахочунна Нальчикерчу тIеман кхело хенаш кхайкхийна. Прокуроро ехначул а кIезиг хенаш тоьхна царна. Экстремизмна дуьхьало латточу Центран (ЦПЭ) хиллачу куьйгалхочунна Хамхоев Тимурна набахтехь даккха 7 шо кхайкхийна (прокуроро 13 шо а, эпсаран майор цIарах ваккхар а дехнера иза). Ткъа цуьнан гIовс лаьттинчу Хандогин Сергейна кхачийна арахь даккха кхо шо (6 шой, полковникан чинах ваккхар дехнера иза). ЦПЭ-н декъан белхахошна Аспиев Iийсанна а, Безносюк Андрейна а 5,5 а... Читать дальше...
Ша къайлах республике баккхийчу барамашкахь духадохка дагахь чудеана йий дIаIанадайтина Гуьмсерчу вахархочуьнга Халадов Ризване. Инстаграмерчу eldit_net паблико Iораяьккхина, иза полисхоша дIалаьцна, майданахь шишанашчуьра малар лаьтта Iенош видео. Махкарчу хаамийн гIирсаша яздарехь, маларш дохкар, эцар дихкина ду Нохчийчохь. Соьлжа-ГIаларчу цхьана супермаркетехь дийнахь шина сахьтехь бен дохка бакъо ца йитина алкоголан продукци. Ткъа меттигерчу бахархошна магош дац оцу туьканара къаьркъа эца, полисхой хуьлу ха деш супермаркетехь.
Туркойчоьнна дуьхьал "яккхий санкцеш" яха дагахь ву Iамеркан Цхьанатоьхначу Штатийн президент Трамп Доналд, нагахь Iедалхоша дIасавалар дихкина латто Iамеркан мозгIар Брансон Эндрю маьрша ца ваккхахь. Твиттерехь яздина цунах Iамеркан президенто. "ЧIогIа бала хьоьгуш ву и стаг. Бехк-гунахь доцуш, динца лелаш стаг ву Брансон, катоьхна маьршаваккха веза иза", - аьлла, яздо Трампа. Цу кепара дIахьедар дира президенто, вице - президента Пенс Майка Хонкарна дуьхьал санкцеш яха тарло аьлла, изза дIахьедар дина цхьа сахьт даьллачул тIаьхьа. Читать дальше...
2000-чу шарахь Басаев Шемалан а, Хаттабан а тобанашца Псковра еанчу дивизина тIелатар дина бу аьлла, шеконашца лаьцначийн довхаттар доьрзуш ду пIераскандийнахь. Къилбаседа Кавказан тIеман кхело шайн сацам бовзуьйтур бу тахана. Талламчийн версица, Ушаев Артур а, Наматов Руслан а дIакхетта хилла Нохчийчохь лелачу гIаттамхойн тобанех. 2000-чу шеран Iай Шуьйта кIоштарчу Улус-Кертахь Псковерчу десантникех 84 эскархо а вуьйш, тIелатар динчу 200 тIемалошлахь дакъалацар ду царна бехкедуьллург.
Соьлжа-ГIалин думан депутаташа еаридийнахь шахьаран мэран даржехь тIечIагIвина Нохчийчоьнан куьйгалхочун йишин кIант Закриев ИбрехIим. ХIинццалц гIалин мэр лаьттина Хучиев Муслим байначу беттан 25-охь парламенто премьер-министран гIента магийра. Оццу дийнахь ханна мэран декхарш кхочушдан хьалхатеттира 28 шо долу мехкан куьйгалхочун йишин кIант Закриев ИбрехIим. Оьрсийн "Би-би-си" хьостан зерашца, Нохчийчохь Iедалан даржашкахь волчу 158 стагах 30 процент Кадыровн гергарнаш бу, 23 % цуьнан юьртахой, 12 процент доттагIий а, церан гергара нах а.
Бакъонашларъярхо Титиев Аюб эхашарна чохь вуьтуш кхелахоша бинчу сацамна цуьнан адвокаташа дина арз юхатоьхна Нохчийчуьрчу Лакхарчу кхело. Адвокатийн аргументаш тергал ца еш, лаьцна вуьсу Титиев. Эхашарна бакъонашларъярхо чохь латто бух бац, цхьа а тоьшалла а дац иза къайлавер ву, я тешашна цо тIеIаткъам бийр бу ала аьлла, дIахьедира кхеташонехь адвокато Дубровина Маринас. Прокуроран рапортан бух тIехь ша лаьцна латтош ву аларх кхеташ вац ша Титиев а, цунна гайтина дац и документ. Иштта тIаьхьа ца кхуьу иза... Читать дальше...
Назранерчу Экажево эвлара 34 шо долу вахархо Магасехь лачкъийна, вигина хилла туьтмIаьжгаш йоьхна, герзашца хиллачу 15-х стага. ГIалгIайчуьрчу чоьхьарчу гIуллакхийн пресс-гIуллакххоша хаамбарца, Несарарчу дарбан цIийне валийнера иза кхаарин буса кеп-кепара дегIа тIехь йинчу чевнашца. Буса исс сахьт долучу хенахь муьлш бу цахуучу наха лачкъийнера ша аьлла цо. Зуламна бехке ву аьлла, Назранан кIоштарчу Барсуки эвлара ши стаг лаьцна полисхоша.