Маршо Радионо бовзуьйту таханлера боцца хаамаш
Францехь теракт дан гIоьртина аьлла, Германехь лаьцна гIажаройн дипломат. Reuters агенталло хааме дакккхарца, оцу бехкашца Бельгехь лаьцна кхи а ши стаг, кхоъ лаьцна Францехь, царех ши] тIаьхьо маьршаваьккхира. ГIажаройн мухIажирийн дуьхьалонан кхеташонан съездехь эккхийтарш дан Iалашо хилла церан, чIагIдо полицино. Цу гуламехь дакъалоцуш хилла Iамеркан Цхьанатоьхначу Штатийн президентан Трамп Доналдан юрист Джулиани Руди а. Полисхоша дIалаьцна дипломат гIажаройн Венерчу векалтехь болх беш хилла, болчу хаамашца. Читать дальше...
Оффициалехь 2 проценте а ца кхочу Нохчийчохь беха керстанаш. Болх беш ю таханенна 8 килс. Ян кечлуш бу мохк кхин цхьаъ а.
Оьрсийчоьнна дозан тIехь бехачу мухIажирийн футболан турнир ю дIайоьдуш Москохарчу ЦIечу майданахь. Цу кепарчу акцица мухIажирийн ледарчу хьолана тIе тидам бахийта Iалашонца вовшахтоьхна и футболан турнир Fare цIе йолчу, Европехь расизмна дуьхьало латточу машано а, "Бахархошна гIолацар" ("Гражданское содействие") комитето а. Комитетена куьйгалхочо Ганнушкина Светланас билгалдаккхарца, тахана Оьрсийчохь бехачу мигранташлахь 592 стеган бен яц официалехь мухIажиран статус. "Цу юкъахь шиъ бен вац Шемара вахархо. Читать дальше...
Iамеркан Цхьанатоьхначу Штатийн президенте Трамп Доналде Оьрсийчоьнан президентца Путин Владимирца хиндолчу цхьанакхетарехь шога хилар дехна оппозиционеро Кара-Мурза Владимир-жимахволчо. Иштта цо доьху, Путинца къамелехь Оьрсийчохь латточу политикан тутмакхийн хьолах а дийцар. Оршотдийнахь Женевехь Цхьанакхеттачу Къаьмнийн Кхеташонан гуламехь, шаьш бевллачохь, Кара-Мурзас къадош элира Трампе, цунна хьашт дац "аьтто боцуш нисделлачу, Цхьанатоьхначу Штатийн президентийн шина партига ладогIаран ламастца" ваха. Читать дальше...
Пачхьалкхан Думан информацин политикан Комитето "арахьарчу агентех" низамехь хийцамаш бар луьстур ду шинаридийнахь. Хаамийн гIирсаш "арахьарчу агентийн" статусе баьхна ца Iаш, цаьрца юкъарлонаш лелораш а оцу тептаре бахар хьоьху цара. "Ведомости" хьостано бо и хаам, Думан депутатийн а, аппаратан белхахойн хаамашна тIе а тевжаш. ТIедогIучу кIиранах тIеэца тарло и документ. Низаман проекто "арахьара агент" лорур ю муьлхха а оцу хьостанийн материалаш яржийна структура я стаг, нагахь ахчанах пайда а оьцуш артиклаш язъеш гIо лацахь а. Читать дальше...
Соьлжа-ГIаларчу "Мемориал" офисан куьйгалхочун Титиев Аюбан довхаттар дозанал а арахьа хилийтар доьху цуьнан адвокаташа Заикин Петра а, Новиков Ильяс а, хаамбо "Кавказ.Реалиис". Цхьаболчу нехан Титиевна тIехь бехк бита интерес тIехсов хиларна, ву царлахь Кадыров Рамзан а, ду шайн и дехар аьлла адвокаташа. Шинаридийнахь Шеларчу кхелехь дIаяхьа лерина кхеташо дIатеттина суьдхоша, адвокатийн дехар бахьана долуш. Кху шеран Iай дуьйнна лаьцна ву Титиев Аюб, полисхоша цуьнан машенчуьра наркотикаш яьхна аьлла, бехке а вина. Читать дальше...
ГIалгIайчоьнан Къилбарчу кIошташкахь кху кIиранчохь цIераш йийла кхерам бу аьлла, дIахьедина мехкан орцан министралло. Хьаннашкахь а, ярташкахь а цIераш йийла тарло аьлла, меттигерчу бахархошка а, регионан хьешашка а ларлуш хилар доьху министраллан векалша. Синоптикийн хаамашца, Малгобекан кIоштарчу Сагопшехь 35 градус йовхо лаьттар ю шинаридийнахь, ткъа буса 25.
Марсхьокхучу-беттан юьххьехь Нальчикехь дIаяхьа лерина Оьрсийчоьнан дрэг-рейсинган чемпионатан шолгIа этап Соьлжа-ГIалахь дIаяхьа бартхилла, Нальчикера автодром кийча ца хиларна. 2015-чу шарахь Нохчийчоьнан коьртачу шахьарахь схьайиллира 1600 хьовсархо чу а хоьуш автодром. "Юьхьанца чемпионат ГIебарта-Балкхаройчохь керлачу автодромехь хIотто лаам бара, амма белхаш кхачо йоллуш бирзина цахиларна Соьлжа-ГIалахь дIахьур ду къийсадаларш", - аьлла Оьрсийчоьнан автомобилан федерацин дрэг- рейсинган комитетан куьйгалхочо Сеферян Тиграна. Читать дальше...
Нохчийчохь прокуратуро тIедилларца, дIакъевлина "догхантерийн" сайт. Интернетан агIонашкахь мониторинг ечу хенахь гучудаьлла яржо йихкина дийнаташца къизаллаш муха лело еза хьоьху материалаш зорбане яьхна хилар. Масала, хьоьхура жIаьлин юучух хIун тоха еза, иза дерхьама. Иштта дийцаре а деш, форумехь кхайкхамаш бора, дай боцу жIаьлеш хIаллакдан деза бохуш. Кхеле иск чуелла прокуратурано, и сайт дIакъовлар тIедожош. "Карарчу хенахь оцу сайте вуьгу некъаш дихкина ду", - аьлла, хааме даьккхина Нохчийчуьрчу прокуратурано шайн сайтехь.
ГIирмана Оьрсийчоь аннекци ян гIортар къобал ца до Iамеркан Цхьанатоьхначу Штаташа, иштта дагахь бац санкцеш юхаяха, Украинана ахгIайре цо юхаерззолц. Цу кепара дIахьедар дина оршотдийнахь КIайчу цIийнан пресс-секретаро Сандерс Сэрас. Дахначу пIераскандийнахь Трамп Доналде, Iамерка тIетовр юй Оьрсийчоьно ГIирма шен долаерзорна аьлла, деллачу хаттарна президенто "хьовсур ду вай" аьлла, жоп деллера. ХIетахь Iамерко шен позицеш хийца тарло аьлла хетта, оцу хьокъехь комментареш йийхира Трампан администрацин векалшкара. Читать дальше...
Нохчийчу вало аьчка некъ билла ахча федералан бюджетера хила а тарло, я кеп-кепарчу корпорацийн, иштта инвесторийн фондийн а аьлла, дийцина РБК-н агенталле мехкан куьйгалхочун пресс-секретаро Каримов Iалвис. "Дуьненчохь ахча дукха ду. Цу кепара проект цхьана регионе кхочуш ца яло, цундела ахчанаш дала тарло инвесторийн фондаша а, кеп-кепарчу компанеша а. Я масех регионе а кхочушъялур йолуш яц и йоккха федералан проект. Уггар коьртаниг ду –и аьчкан некъ оьшуш хилар хаар", - аьлла Каримовс. Краснодарера... Читать дальше...
Петарбухарчу Петроградан кIоштахь нохчийн "Ахмат" латаран клубан дакъа схьадиллина. "ВКонтактерчу" шен агIон тIехь бина и хаам Нохчийчоьнан куьйгалхочо Кадыров Рамзана. "Боккха кхаъ бу Петарбухахь "Ахматан" 120 стаг чутарлуш клубан филиал схьаеллар. Цу чохь спорт лело таро хир ю буоберийн а", - яздо Кадыровс. Цо бахарехь хIинцале а болх болийна пхеа тренеро, юкъ-кара дуьненан спортхоша мастер-классаш гойтур ю цу клубехь. Петарбухан губернатор Полтавченко Георгий Нохчийчу веанчу хенахь Петарбухан цIарах урам схьабиллира Соьлжа-ГIалахь.
Макажахь а, Хойхь а маьждигашкахь талламаш болийна кху деношкахь Ведана кIошатан къедас, муфтиятан тIедилларца. "Зеран коьрта Iалашо ю маьждигийн хьоле хьажар, ламаз оьцу чоьнаш а, кешнийн дозанаш а, имамаша шайн декхарш муха кхочушдо таллар а", - аьлла, дIахьедина Нохчийчуьрчу муфтиятехь.
Соьлжа-ГIаларчу "Мемориалан" офисан куьйгалхочун Титиев Аюбан гIуллакхан ладегIарш дIахьош ду шинаридийнахь Нохчийчохь. Кхелан кхеташо къевлинчу неIаршкахь хир йолуш ю, делахь а адвокаташ дехар дан дагахь бу кхелахочуьнга цхьадолу дакъа диллина хилийта аьлла, нагахь бакъоларъярхо чохь вуьтуш сацам тIеоьцуш белахь муххале а, дийцина "Мемориалан" пресс-гIуллакххоша. Карладоккху, Дечкен-баттахь дуьйнна лаьцна латтош ву Титиев Аюб. Цуьнан машен чохь марихуана карийна аьлла, бехкево иза Iедало. Бакъонашларърхочо а... Читать дальше...
