ТIахь-тIаьхьа лагIлуш бу Нохчийчуьра дахар, нехан гIайгIанаш, Iедалера долу дика-вон дуьненна довзийта журналистийн хуьлу аьтто. Оьрсийчоьнан бахархоша емалъеш йолчу "пенсин реформах" хетарг нахе хатта аравелира Маршо Радион Нохчийчуьра корреспондент. Ткъа данделларг хIара ду…
Алина Пинчук, Маршо Радио (оьрсийн редакци) "Новая Газета" ("Керла Газет") дара Ярославан махкарчу №1 набахтехь тутмакхна етташ яьккхина видео дуьххьара гайтийнарг. Иза яьржинчул тIаьхьа 6 набахтин белхахо лаьцна Iедало. "Юкъараллин вердикт" фондера адвокат Бирюкова Ирина яра Макаров Евгенийна рогI-рогIехь етташ хьийза Iедалхой нахала баьхнарг – цуьнан цул тIаьхьа сихонца яда дезна Оьрсийчуьра, Талламан комитете шена хадар а доьхуш. Набахтешкахь тутмакхашна етташ хиларх лаьцна баржочу хаамаша цец ца воккху цхьа а. Читать дальше...
Кху шеран гурахь хинболчу мехкан куьйгалхочун харжамашкахь дакъалацийта Евкуров Юнус-Бекан кандидатура тидамеэцар деха сацамбина "Цхьаалин Оьрсийчоь" партин инарла кхеташоно Оьрсийчоьнан президенте Путин Владимире. Стигалкъекъа-баттахь Петарбухахь йоьдучу дуьненаюкъарчу экономикан форумехь Евкурвос дIахьедира, кхи дIа а ГIалгIайчоьнан урхаллехь виса кийча ву ша, нагахь Оьрсийчоьнан президенто шен кандидатура парламенте кховдаяхь аьлла. "Тхо тешна ду, Евкуровс урхалла а деш, кхи дIа а тхан республика экономикехь а... Читать дальше...
Желтойчоьнан хьаннашкахь цIераш йийлина мел лаххара а 50 стаг велла, бIе сов ву чевнаш хилларг. Царех доккхахдолу дакъа чолхечу хьелашкахь ду. Меттигерчу Iедалхоша бина и хаам шинаридийнахь. Масех регионехь чолхечу хьолан раж кхайкхийна. Афинашна гена йоццучу курортан кIоштахь яьлла уггар а йоккха цIе, цигахь 24 стаг ваьгна велла. БIеннашкахь орцанхой а, эскархой а бу цIе яйа тIеоьзна. Евробертан пачхьалкхашка орца дехна желтоша. ТIаьххьарчу иттех шерашкахь уггар яккхий лоруш ю кхушарахь йийлина цIераш. Читать дальше...
Нохчийчоьнан муфтин гIовсан Хетиев Ансаран цхьанакхетар хилла Дагестанерчу динан урхаллерчу маслаIатан декъан куьйгалхочуьнца Арсланалиев Мохьмадца а, цуьнан белхахошца а. Цара дийцаредира чIирхошна юкъара дов дIадаккхарх доьзна хеттарш, хаамбо Нохчийчоьнан муфтиятан пресс-гIуллакххоша. Хетиевс билгалдаккхарца, Нохчийчохь кхоьллинчу маслаIатан тобан коьрта Iалашо ю мостагIалла юкъадеанчу шина а агIонна, уьш берта бахийта хьелаш кхоллар. Нохчийчохь боьхна доьзалш юха вовшахтухуш маслаIатан комисси а ю кхоьллина... Читать дальше...
Кхаъ эцарна а, полицин стационаран постехула стаг чекхваккхарна а талламхоша шеконашка эцна гIалгIайн полисхо. Талламчийн версица, кху беттан 19-чохь некъан полисхойн постехь автомобил дехьа йолуьйтург машенлелорхочуьнгара 24 эзар сом ахча эцна полисхочо "Кавказ" олучу коьртачу новкъахь. Ахча схьаэцначул тIаьхьа дIалаьцнера полисхо. Регионерчу чоьхьарчу гIуллакхийн министралло талламаш болийна, цул тIаьхьа балхара вохор волуш ву бехкевийриг аьлла, яздина ду ГIалгIайчоьнан чоьхьарчу гIуллакхийн министраллан сайтехь. Читать дальше...
Нохчийчуьрчу миграцин урхаллан куьйгалхо лаьттинчу Дудуркаев Асун йоьIан Дудуркаева Седин кхел карабогIучу баттахь хир йолуш ю Истанбулехь аьлла, хаамбина цуьнан нанас "Кавказан узел" агенталле. Шемарчу даIишхойх дIакхетарна бехкеен Седа шен шина бераца Истанбулерчу набахтехь латтош ю. Масех шо хьалха Шема дIаяхана Дудуркаева Седа Туркойчохь лацарх хаамбира зорбанашкахь кху беттан 20-чохь. Верриг а Истанбулехь антитерроран рейдашкахь дIалаьцнарг ву пхи стаг. "Седа лаьцна юьтуш кхело сацамбина дахначу оршотдийнахь. Читать дальше...
Махкарчу прокуратурано къайлахчу сервисашца юкъахь талламаш дIахьо, Интернет машанахь экстремистийн материалаш яржораш, экстремистийн организацийн атрибутикна я символикана пропаганда йийраш а Iорабохуш. Интернетехь мониторинг ечу хенахь гучудаьлла махкарчу цхьана жимчу стага "ВКонтактерчу" шен агIон тIехь кхелан сацамца экстремизме лерина, федералан тептаре яьхна артиклаш яржош хиллийла. Оцу бахьанашца цунна дуьхьал айдинчу административан гIуллакхца а догIуш, гIуда хьарчор ду вахархочух. Билгалъяьккхинчу... Читать дальше...
ХIора шарахь хьехархойн дийнахь Оьрсийчуьрчу эзар хьехархочунна 200 эзар ахчан барамехь премеш дIасадоькъур ду пачхьалкхан президентан Путин Владимиран омраца. Тоьлла хехархой къастор бу конкурсехь хиллачу жамIашца. Цу къовсамехь дакъалаца таро хир ю кхаа шарахь школехь болх бинчу муьллхачу а хьехархочун. Цкъа конкурсехь хиллачун бакъо хир яц пхи шо ца даьлча, юха а барамехь шен корматалла къовса. Федералан бюджетера лур долуш ду хьехархошна совгIатна аьлла, билгалдаьккхина 200 миллион ахча.
Нохчийчуьрчу беран а, ненан а могушалла ларъяран клиникан центран лор-реаниматолог Кисиев Бекхан цIе ца йоккху лазарца къийсам латтош ву еххачу хенахь. Социалан машанашкахь цунна дарбанна ахчанца гIо доьхуш хаамаш баьржина. Кху деношкахь махкарчу могушаллин министраллан куьйгалхочо Сулейманов Элхана шена тIе лаьцна Кисиевна дарбадар. Могушаллин министарллан сайт тIехь бина и хаам.
Зуламаш дар лахделлла, ткъа уьш таллар 88, 5 проценте хьалалаьлла аьлла махкарчу чоьхьарчу гIуллакхийн министро Алханов Руслана Кадыровца хиллачу цхьанакхетарехь. "Дика гайтамаш бу, махкарчу полисхойн корматалла лакхара хиларан билгало ю иза. Вай регион уггар а кхерамза, маьрша республика ю, ишта хила езаш а ю", - аьлла, тIечIагIдина Кадыровс.
Алименташ тIехьарчийнарш машен лело бакъо лучу экзамене тIе ца буьтуш низаман проект кечъеш ю юридикан министреллехь аьлла, хаамбина йоьдучу горгачу стоьлехь Оьрсийчуьрчу пурстоьпийн урхаллан куьйгалхочо Аристов Дмитрийс. "Стенна воьду хьо машен Iамо а, нагахь и эца таро хьайн ца хилча, хьо декхаршлахь хилча? Айхьа декхар дIатаккхалц гIаш лела, я ахча кхоа а деш, юкъарчу транспорт тIехь дIасалела", - аьлла Аристовс. Цо бахарехь, юкъадалочу низамна тIетайна чоьхьарчу гIуллакхийн министралла а.
Мехкан куьйгалхо Кадыров Рамзан тIетайна туризман Комитетах министралла еш кховдийначу дехарна. Туризман министралла а кхуллур ю, керла вице-премьеран дарж юкъадалош ду аьлла, бина хаам бу мехкан куьйгалхочун официалан сайт тIехь. Керла хаьржинчу вице-премьеро уьйраш латтор ю регионерчу экономикан блокан а, пачхьалкхан бахаман а, энергетикан а, Iаламах пайдаоьцучеран а. Иштта дIайохор ю туризмехула а, бизнес кхиорехуда а йолу комитеташ. Бан леринчу хийцамашна тIе а товш, Кадыровс билгалдаьккхина... Читать дальше...
