Казахийн вевзаш волу канкеш хохкуш фигурахо Тен Денис велла Алма-Атарчу дарбанан хIусамехь, урс диттина шена йиначу чевнех. Спортхочунна тIелатар дина цуьнан машенан куьзганаш даха гIоьртинчу шина стага. Казахстанан могушаллан министралехь бинчу хаамца, жима стаг велла дукха цIий дIаэхарна (кхо литр сов). Културан министралло дIахьедар дина спортхо кхалхар вуно боккха бохам бу, тIеэца хала болу аьлла. Зуламхой лацарх лаьцна хаам кхаьчна бац. Тен Денис пхоьазза чемпион хIоьттинера Казахстанехь. Читать дальше...
Нохчийчохь махьарла бахначу кIенташа кхерамаш туьйсу дозанал а арахьа "болтать" дечаьрга.Маршо Радион ладогIархоша ватсапехула яийтита хIара видео.
Кхушарахь Стигалкъекъа-беттан 12-чу дийнахь боксеро Батиров Анвара буй тоьхна кхетамчуьра ваьккхинера Москох лоьрийн дешар доьшу студент Абумуслимов Амир. Цу хенахь дуьйна комехь хилла жима стаг кхетамчу веана. Цунах лаьцна хаам бина "Дош" журнало, дархочуьнан дас Абумуслимов Кудрата аьллачунна тIе а тевжаш. Цо дийцарехь, Амир карарчу хенахь Солнечногорскан кIоштарчу клиникехь реабилитацин центрехь ву. Шен кIант кхетамчу веана, амма къамел далуш вац иза, боху цо. Маршо Радионо хьалхо хаам бина ма хиллара... Читать дальше...
Хьалхарчу ешарехь пенсин реформах лаьцначу низаман проект тIеэцна Оьрсийчоьнан Пачхьалкхан Думо. Цуьнца а догIуш, тIетухуш ю пенсе воьду хан. Низаман проект тIеэцарехьа кхаж тесна 328 депутато, дуьхьал хилла 104. Цу кепара, хьалхарчу ешарехь проектана гIортор йинарг ю ша цхьа "Цхьааллин Оьрсийчоь" партин фракци. Думера оппозици – КПРФ а, ЛДПР а, "Нийсонан Оьрсийчоь" а дуьхьал хилла.
Евробартана тIаьххье Албанино а, Гуьржийчоьно а, Украино а, Черногорино а яхйина нуцкъала Украинин ГIирма дIалацарна Оьрсийчоьнна кхайкхийна санкцеш. Уьш болх беш хир ю 2019-чу шеран Мангал-беттан 23-чу дийне кхаччалц. Цунах лаьцна хаам гучубаьлла Евробартан сайта тIехь. Оьрсийчоьно шех дIатуьйхира ГIирма 2014-чу шарахь, оьрсийн эскархоша Iуналла а деш, Украинин низамаш а дохош, дIаяьхьначу референдумо бина сацам кхочуш бон аьлла. Украино а, Малхбузерчу пачхьалкхаша а иза дуьненаюкъара низам дохор лоруш санкцеш кхайкхийна Кремлна дуьхьал. Читать дальше...
"Исламан пачхьалкх" тобано дIалаьцна латтийначу территорина тIера Шемара а, Иракъера а Оьрсийчуьра зударий а, бераш а цIадерзоран болх, ма дарра аьлча, сецна, хаам бо ББС-но, Нохчийчуьрчу бакъонашларяърхочунна Саратова Хедина тIе а тевжаш. Цкъачунна цIабарзо аьтто боцуш Иракъехь дуьсуш ду дай-наноша "Исламан пачхьлкхах" дIакхета боьлхуш Оьрсийчуьра дIадигина лаххара а 25 бер. Оьшуш долу кехаташ доллушехь БагIададерчу набахтехь латтош ду уьш. Иракъера а, Шемара а зударий а, бераш а цIадерзоран болх сецира 2017-чу шеран ГIура-баттахь. Читать дальше...
Британин полицина хетарехь, церан аьтто баьлла шалха агент хиллачу Скрипаль Сергейна а, цуьнан йоIанна Юлияна а Британерчу Солсберехь дIаьвшен тIелатар динарш билгалбаха. Цунах лаьцна хаам бина Малхбузерчу хааман агенталлаша, полицерчу хьастана тIе а тевжаш. Талламхоша билгалбаьхна шеко йолу нах, Солсберехь видеокамераш дIаязйинчу видеох пайда а оьцуш. Церан сурташ цара дуьхь-дуьхьал хIиттийна дIаьвшен тIелатар дале хьалха Британе баьхкинчу нехан сурташца. Цул тIаьхьа полицино сацам бина дIавшен... Читать дальше...
Иттех дийнахь лийхира бераш, цул тIаьхьа кIирнах сов 4 метар кIоргачу, хих дуьзначу ор чуьра уьш кIелхьарабохуш, къахьийгира орцанхоша. Цхьана беран эшам ца беш, уьш кIелхьарабахарна цецдаьлла доллу дуьне а.
Iамеркехь 2016-чу шарахь хиллачу президентан харжамашна юкъагIертарна жоьпаллехь Оьрсийчоьнан президент Путин Владимир хета шена аьлла, дIахьедар дина Iамеркан президенто Трамп Доналда. Ша жоьпаллехь хета шена Цхьаьнатоьхначу Штаташкахь хуьлучунна, иштта, пачхьалкхан хьалханча санна, Путин а жоьпаллехь лара мегар ду, Оьрсийчоьно лелочунна, аьлла Трампа, CBS телеканалана еллачу интервьюхь. Цул сов, цо бакъдина ша тешаш хилар Оьрсийчоь Iамеркерчу харжамашна юкъагIиртина аьлла, Цхьаьнатоьхначу Штатийн талламан сервисаша бинчу сацамах.
Нохчийчоьнан куьйгалхочо Кадыров Рамзана, президентан Путин Владимиран а, Трамп Доналдан а цхьаьнакхетарна комментари еш, билгалдаьккхина, вуно мехала жамI "и диалог хилар" ду аьлла. "Шина политикна доьналла карийна цхьаьнакхета", - яздина Кадыровс шен Телеграм каналехь, хаам бо Оьрсийчуьрчу зорбанан гIирсаша. Нохчийчоьнан куьйгалхочунна хетарехь, "хьалхара гIулчаш яьхна шина агIонан уьйраш кхин дIа а Iинах яхар юхатоха". Кадыровс емал дина цу цхьаьнакхетаран жамIашна цхьаболу политикаш луьш хилар. Читать дальше...
