Mary şäheriniň ýaşaýjysy, 26-njy iýulda ýaşaýan jaýynda turan ýangyndan soň keselhana ýerleşdirilen aýal aradan çykdy. Azatlyk geçen birinji gün Marynyň merkezindäki köp kwartiraly jaýda turan ýangyn netijesinde orta agyrlykda ýaralanan aýalyň hassahana ýerleşdirilendigini habar beripdi.
Türk mediasy Bileçikdäki towuk fermasynda işleýän iki türkmeniň arasynda bolan dawadan soň olaryň biriniň hassahanada pyçak ýarasyndan jan berendigini, beýlekisiniň bolsa pyçagy bilen tussag edilendigini habar berdi. Türkmen ilçihanalary adatça bu hili habarlara reaksiýa bildirmeýär.
Orsýet Türkmenistandaky raýatlaryny bu ýurtdan çykarmak üçin 30-njy iýulda ýene-de bir çarter uçuşyny gurnady diýip, “Trend” neşiri Russiýanyň Türkmenistandaky ilçihanasyna salgylanyp habar berdi. Neşir bu gezek S7 howaýollary bilen Türkmenabaddan Orsýete 175 adamyň uçandygyny aýdýar. Bu Türkmenistan COVID-19 pandemiýasy sebäpli Orsýet bilen aradaky yzygiderli uçar gatnawlaryny 2020-nji ýylyň mart aýynda togtadaly bäri Türkmenistandan Orsýete guralan on sekizinji uçuşdyr.
Hepdäniň esasy temalaryna gysgaça synymyzy; Türkmenistanda öz iş, hünär haklaryny talap edýän lukman kezzapçylykda aýyplanýar; Azerbaýjanly blogçy Tbiliside öli tapyldy; Täjigistandaky we Türkmenistandaky ‘ýegenler’; Owganystandaky howpsuzlyk ýagdaýy we etniki türkmen çagalarynyň okuw aladasy baradaky söhbetlerimizi diňläp, öz pikirleriňizi aýtmaga çagyrýarys.
Belarusyň dolandyryjysy Aleksandr Lukaşenka sebit resmileri bilen bolan duşuşygynda ýurtdaky söz azatlygynyň, onuň pikiriçe, “ekstremist işjeňligine” öwrülendigini aýtdy. BelTA habar gullugy bu duşuşygyň Minskiň merkezindäki resmi rezidensiýada geçirilendigini habar berýär. Lukaşenkanyň sözlerine görä, ýurtdaky köpçülikleýin habar beriş serişdeleri "gozgalaňa we ganly haklaşyga çagyrýar", "gorky atmosferasyny döredýär". Ol, anyklaşdyrmazdan, häkimiýetleriň "maglumat pudagyndaky ulgamlaýyn işleri tamamlaýandygyny" hem sözüne goşdy. Читать дальше...
Bileçikdäki towuk fermasynda bolan pyçakly söweşde bir türkmen raýaty öldi we beýleki biri tussag edildi diýip, Türkiýäniň “SonDakyka.com” neşiri habar berýär. Neşiriň maglumatyna görä, merkeze garaşly Bekdemir obasyndaky towuk fermasynda işleýän 43 ýaşly türkmenistanly G.G. we 35 ýaşly R.K. öz aralarynda dörän meseleleri sözde çözüp bilmän, dawanyň has gyzmagy netijesinde, pyçak bilen çözjek bolana meňzeýär. Habarda olaryň näme üstünde dawalaşandygy anyklaşdyrylmaýar. Netijede, pyçak ýarasyny... Читать дальше...
Hytaýyň gündogar şäheri Nanjingiň häkimiýetleri Moskwadan gelen “Air China” ýolagçy uçarynyň pandemiýa başlanaly bäri COVID-19 ýokanjynyň iň uly çeşmesi bolandygyny aýdýar diýip, Russiýanyň döwlet habar gullugy RIA Nowosti habar berdi. Şähere ýaýran wirus azyndan 200 adama ýokuşdy. Hoňkoňyň “South China Morning Post” gazetiniň ýazmagyna görä, wirus eýýäm ýurduň 15 welaýatynyň 26 şäherçesine ýaýrady. HHR-iň döwlet habar beriş serişdeleriniň maglumatyna görä, bu wirus ýokuşmalary koronawirusyň... Читать дальше...
“Gündogar” neşiri suwda ýüzüji Merdan Ataýewiň Olimpiadany oňa gatnaşyjylaryň arasynda iň erbet netije bilen terk edendigini habar berýär. Hökümetçi “Türkmenportal” neşiri 28-nji iýulda 26 ýaşyndaky türgeniň 200 metr aralygy 2 minut 03,68 sekuntda geçip, ozalkylaryndan 3,38 sekund gowy netije görkezendigini habar berdi. Emma “Gündogar” 30-njy iýulda Tokiodaky Tomusky Olimpiýa oýunlarynyň açylyş dabaralarynda Türkmenistanyň baýdagyny göteren türgeniň 200 metr aralyga arkan ýüzmek boýunça geçirilen... Читать дальше...