Türkmenistanda täze içeri işler ministriniň wezipä bellenilmegi bilen, Azatlyk Radiosynyň habarçylary we çeşmeleri ýurtda raýatlaryň hereketine girizilen çäklendirmelere gözegçiligiň güýçlendirilýändigini habar berýärler.
Türkmenistanda dowam edýän ykdysady kynçylyklaryň, giň ýaýran işsizligiň we bazarlardaky gymmatçylygyň fonunda, Aşgabat şäherinde talaňçylyk we ogurlyk hadysalary köpelýär. Bu hadysalarda adamlaryň öldürilmegi bilen bagly wakalar hem ýüze çykýar. Azatlyk Radiosynyň habarçysy bilen söhbetdeş bolan aşgabatlylar polisiýanyň bu meselä çemeleşinden nägile bolýar.
6-njy iýulda Lebap welaýatynyň Türkmenabat şäherindäki köp gatly ýaşaýyş jaýynda partlama boldy. Bu barada garaşsyz "Türkmenistanyň Hronikasy" we türkmen.news neşirleri habar berýärler. Şäherde Internet arabaglanyşygy kesildi we Azatlyk Radiosy heniz-de habarçylary bilen habarlaşyp bilmeýär.
Human Rights Watch gazak häkimiýetlerini hökümet tankytçylaryny gorkuzmak we jogapkärçilige çekmek üçin “ekstremizm” jenaýaty bilen bagly gümürtik we artykmaç jenaýat aýyplamalaryndan barha köp hyýanatly peýdalanmakda aýyplady.
Belarus diýdimzory Aleksandr Lukaşenka Brýusseliň girizen sanksiýalaryndan ar almak üçin, Ýewropa Bileleşiginiň harytlarynyň öz ýurdunyň üstünden tranzit geçirilmegini togtatmak bilen haýbat atýar. 6-njy iýulda geçirilen hökümet maslahatynda Lukaşenka Günbataryň, hususan-da Ýewropa Bileleşiginiň girizen sanksiýalaryny “urşa” meňzetdi we Belarus bileleşigiň harytlarynyň öz üstünden gündogara tranzit geçirilmegini togtadyp biler diýdi. Belarus maý aýynda oppozisiýa žurnalistini tussag etmek üçin bir ýewropa uçarynyň ugruny üýtgedenden soňra... Читать дальше...
Gazagystanyň iň iri şäherinde ýokarlanýan bahalara we hytaý täsirine protest bildirmek üçin geçirilen kiçi göwrümli demonstrasiýa polisiýa bilen bolan dawa-jenjelden soň gutardy. Almatynyň merkezinde 6-njy iýulda geçirilen rugsat berilmedik demonstrasiýa Gazagystanyň oppozisiýa Demokratik partiýasyny döretmäge çalyşýan bir toparyň lideri Žanbolat Mamaý tarapyndan guramalaşdyryldy. Onlarça tarapdar Mamaýa goldaw bermek üçin geldi. Olar heniz hem perdäniň aňyrsynda ýurdy dolandyrýar hasaplanylýan... Читать дальше...
Estoniýa özüniň Russiýadaky konsulynyň Sankt Peterburgda tussag edilmegini “gurnalan” we “prowakasiýa” atlandyrdy. 6-njy iýulda Russiýanyň Federal howpsuzlyk gullugy (FSB) eston konsulyny, göýä, gizlin dokument kabul etmekde ele salandan soň, ony tussag edendigini mälim etdi. FSB konsul Mart Latteniň hereketleriniň “diplomatik işgäriň statusyna kybap gelmeýändigini we Russiýa garşy aç-açan duşmançylyklydygyny” öňe sürdi. Agentlik konsulyň kimden ýa-da näme kabul edendigi barada hiç hili maglumat bermedi. Читать дальше...
Owgan häkimiýetleri “Talybanyň” gözegçiligi ele geçiren ähli etraplaryny gaýtadan yzyna almagy wada berýär. Pentagon ABŞ güýçleriniň ýurtdan çekilmeginiň tamamlanyp barýandygyny aýdýar. 6-njy iýulda ýüzlerçe owgan ýörite güýçleri we hökümete tarapdar milisiýa söweşijileri gozgalaňçylaryň hüjümlerine garşy göreşmek üçin demirgazyk sebitlere ýerleşdirildi diýip, owgan häkimiýetleri aýtdy. Şol bir wagtda, ABŞ-nyň Merkezi komandowaniýesi amerikan güýçleriniň Owganystandan çekilmek işleriniň 90 göterim tamamlanandygyny aýtdy. Читать дальше...
Türkiýe Respublikasynyň prezidenti Rejep Taýyp Erdogan Orhan Inandynyň Türkiýä getirilendigini habar berdi. Ol muny 5-nji iýulda halka ýüzlenmesinde aýtdy. Erdoganyň sözüne görä, Türkiýäniň ýörite gulluklarynyň wekilleri Orhan Inandyny ýurda getiripdirler. Erdogan ony FETO-nyň Merkezi Aziýadaky dolandyryjysy atlandyryp, jogapkärçilige çekilmelidigini aýtdy. “Ol FETO-nyň ýokary ýolbaşçy toparyna girýär we guramanyň hapa pullaryny Merkezi Aziýa iberdi. Biz FETO bilen göreşimizi, şol sanda beýleki... Читать дальше...