Mary welaýatynyň Wekilbazar etrabynyň Atajanow geňeşliginde ilata dört aý arakesmeden soň, towuk budy gaýtadan satylyp başlandy. Döwletiň subsidirlenen bahasyndan satylýan towuk budy, öňkülerden tapawutlylykda, bu gezek üç gün bäri ilata hödürlenýär.
Koronawirus aladalarynyň arasynda 23-nji iýulda Tokioda tomusky Olimpiýa oýunlary başlanýar. 8-nji awgustda çenli dowam etjek Oýunlara dokuz türkmenistanly türgen gatnaşýar.
22-nji iýulda Ýewropa parlamentiniň bäş agzasy Türkmenistanda lukman Hursanaý Ismatullaýewanyň türkmen häkimiýetleri tarapyndan tussag edilmegine çuňňur alada bildirip, beýan çap etdi.
21-nji iýulda Özbegistan ýylyň başyndan bäri tassyklanan koronawirus hadysalarynyň gündelik ýokarlanmagynyň rekord derejesini – bir gije-gündizde 719 näsagy hasaba aldy. Şondan bir gün öň bu görkeziji 698 bolupdy. Saglyk ministrliginiň metbugat gullugynyň habaryna görä, ýüze çykarylan koronawirus hadysalarynyň umumy sany ýurtda 122 048-e ýetdi. Günüň dowamynda 492 adamda, bir gün öň bolsa 478 adamda pnewmoniýa ýüze çykaryldy. Pnewmoniýa näsaglarynyň statistikasy 5-nji iýuldan bäri çap edilýär. Читать дальше...
Birnäçe adam hukuklary guramasy žurnalist Azimjan Askarowyň tussaglykda aradan çykmagynyň ilkinji ýyl dönümine gabat gyrgyz häkimiýetlerinden adam hukuklary aktiwistiniň nähili ýagdaýda ölendigi barada "garaşsyz derňew" geçirmegini talap etdi. Askarow 2020-nji ýylyň iýulynda, 69 ýaşynda, başda aýdylmagyna görä, dem alyş ýollarynda dörän problemalar esasynda, gyrgyz türmesinde aradan çykdy. Gyrgyz resmileri soňra onuň COVID-19 sebäpli ýogalandygyny aýtdylar. Adam hukuklaryny goraýjy Human Rights Watch (HRW)... Читать дальше...
Türkmenistanda dowam edýän ykdysady kynçylyklaryň we global pandemiýanyň arasynda, Lebabyň häkimiýetleri ak reňk mejburylygyna degişli ýene bir talaby güýje girizmegi planlaşdyrýarlar. Türkmenabat we Farap şäherlerindäki köp we dört gatly ýaşaýyş jaýlarynyň girelgelerindäki gapylary ak reňke çalyşmak hem-de fasadlary ak reňke boýamak talap edilýär. Ak reňkiň propagandasyna degişli bu talaby ýaşaýjylaryň hasabyna amal etmek göz öňünde tutulýar. Azatlyk Radiosynyň sebitdäki habarçysynyň maglumatlaryna görä... Читать дальше...
Moskwa we Aşgabat howpsuzlyk boýunça ynamdar gepleşik gurdy, taraplar umumy howplar boýunça aragatnaşyk saklaýar diýip, Russiýanyň Daşary işler ministriniň orunbasary Andreý Rudenko RIA “Nowostiniň” Owganystandaky ýagdaýlaryň ýaramazlaşmagynyň fonunda Türkmenistan bilen gatnaşyk saklaýarsyňyzmy diýen soragyna jogap berende aýtdy. “Türkmenistan bilen howpsuzlyk pudagynda hem ynamdar dialogy ýola goýduk, onuň çäginde ygtyýarly bölümleriň wekilleri umumy howplar we kynçylyklar barada pikir alyşýar" diýip, Rudenko aýtdy. Читать дальше...
Gijikdirilen Tokio Olimpiýa oýunlary 23-nji iýulda, şäheriň köpelýän COVID-19 hadysalaryna garşy durýan wagtynda, ümsüm açylyş dabarasy bilen başlanar. Oýunlaryň resmi açylyş dabarasy ýerli wagt bilen sagat 20:00-a planlaşdyryldy (Pragada sagat 13:00) we onuň, dünýäde 4 milliondan gowrak adamy öldüren, 192 milliondan gowrak adama ýokuşan koronawirus ýagdaýy sebäpli, öňki ýyllardaky olimpiýa açylyşlary ýaly dabaraly bolmagyna garaşylmaýar. Guramaçylar bu dabara barada jikme-jik maglumat bermediler... Читать дальше...