18-nji iýulda Owganystanyň Stambuldaky baş konsulhanasynyň öňünde protest geçiren owgan türkmenleri, türkmenistanly we türkiýeli aktiwistler geçen ýylyň oktiýabrynda Owganystanyň Mazari Şerif şäherinde gaçyrylan dokuz ýaşly Awdulraufyň boşadylmagyny talap etdiler.
Türkmenistanda koronawirusa garşy girizilen hereket çäklendirmeleri gök-bakja ekinlerini ýetişdirýän kärendeçi daýhanlara ýaramaz täsir ýetirýär. Lebaply kärendeçiler çäklendirmeler sebäpli gawun, garpyz we pomidor ýaly gök-bakja önümlerini beýleki sebitlere satyp bilmeýärler. Bu bolsa azyk önümleriniň çüýräp, zaýa bolmagyna we kärendeçileriň uly maddy zyýan çekmegine getirýär. Bu barada Azatlyk Radiosynyň habarçysy ýurduň gündogar welaýatyndan maglumat berýär.
Gurban baýramynyň öňüsyrasynda, Mary welaýatynda häkimiýetler koronawirusa garşy petikleme çärelerini gaýtadan ýaýbaňlandyrýar. Azatlygyň habarçysyna görä, welaýat resmileri baýramçylygyň dowamynda köp adamly ýygnanyşyklaryň öňüni almak boýunça ýygnak geçirýär. Sebitde petiklemeleriň gerimini gaýtadan giňeltmek göz öňünde tutulýar. Bular barada Azatlyk Radiosynyň habarçylary sebitden habar berýärler.
Türkmenistanda näbelli ýagdaýlarda azyndan iki ofiser bilen birlikde 18 harby gullukçy öldi. Asly Lebap welaýatyndan bolan alty harby gullukçynyň jesedi 18-nji iýul gijesinde hossarlaryna gowşuryldy. Bu habar Azatlyk Radiosynyň şu wagta çenli ygtybarly maglumat berýän iki çeşmesi tarapyndan tassyklandy. Mundan başga-da, Lebap welaýatyndaky Azatlygyň habarçysy pida bolanlaryň ikisiniň obasyna, ýagny iki oba baryp gördüler hem harby gullukçylaryň 19-njy iýulda günortan jaýlanandygyny tassykladylar.
Türkmen häkimiýetleri bäş çagaly gelni gorkuzyp, Türkiýedäki dogany bilen gürleşmez ýaly etdiler, internetde hökümeti tankytlýan aktiwistiň özi ýaly migrant giýewisi bolsa, häkimiýetler aýalyndan telefon nomerini alansoň, gaýnyny 'dönüklikde' aýyplap, gümürtik adamlar bilen haýbat atmaga başlady.
Azat Ýewropa/Azatlyk Radiosynyň prezidenti we baş müdiri Jeými Flaý Azatlyk Radiosynyň azyndan bäş sany öňki we häzirki žurnalistiniň akylly telefonlarynyň “Pegasus” içalyçylyk programmasy arkaly nyşana alynan bolmagynyň mümkindigi barada üsti açylan maglumatlara gahar-gazap beýan etdi. “XXI asyrda örän köp sanly hökümetiň erkin pikiri petiklemek üçin hem-de žurnalistleriň öz watandaşlaryny obýektiw habar we maglumat bilen üpjün etmeginiň öňüni almak üçin synanyşyk etmegi örän uly gabahat” diýip... Читать дальше...