Türkmenistanda döwlet edara-kärhanalarynda işleýän raýatlara garşy täze talap güýje girizildi. Dil üsti bilen edilýän bu talaba laýykda, býujet işgärlerine biometriki pasportlarynyň möhletini uzaltmak gadagan edilýär. Raýatlaryň biometriki pasportlary elinden alynýar. Bu barada Azatlyk Radiosynyň biri-birinden garaşsyz dört habarçysy maglumat berýär. Lebapdaky habarçymyzyň maglumatyna görä, Darganata, Dänew we Farap etraplaryndaky býujet işgärleriniň ençemesine biometrik pasporty almazlyk tabşyryldy. Читать дальше...
Owganystanda ekstremistik toparlaryň barha işjeňleşýändigini günbatarly resmiler aýdýarlar. Jihädçi toparlaryň Demirgazyk Owganystanda toplanýandygyny olar ýerlerdäki çeşmelere salgylanyp habar berýärler. Häzirki wagtda Owganystanda 20-den gowurak jeňçi toparlaryň hereket edýändigini owgan resmileri hem tassyklaýar. Jeňçi söweşiji toparlaryň arasynda daşary ýurtly harbylaryň bardygy mundan öň hem aýdylyp gelindi. “Talyban” hüjümçileri geçen bir aýyň içinde Demirgazyk Owganystanda çak edilmedik ýagdaýda, ençeme ýeňiş gazandy. Читать дальше...
Türkmenistanda howanyň temperaturasy 50 gradusa çenli golaýlaýan wagtynda Lebabyň Farap etrabynda birnäçe sagat Günüň aşagynda bolan bir ýaşaýjy aradan çykdy. Lukmanlar yssy howa zerarly onlarça adamyň aradan çykandygyny we gün urup keselhana düşýän çagalaryň köpelýändigini aýdýarlar. Ýurtda dowam edýän aşa yssy howanyň fonunda, raýatlaryň elektrik üpjünçiligi we içimlik suw problemasy hem günsaýyn ýitileşýär. Bu ýagdaýlar barada Azatlyk Radiosynyň habarçylary Marydan we Lebapdan maglumat berýärler.
Şu ýyl Türkmenistanyň Balkan, Ahal, Mary we Lebap welaýatlarynda 24-nji martda, Daşoguz welaýatynda 31-nji martda resmi taýdan gowaça ekişine girişildi. Aradan üç aýdan gowrak wagt geçdi, ýöne Azatlyk Radiosynyň habarçysy Lebap welaýatynyň Farap, Dänew, Çärjew, Saýat we Darganata etraplarynda gowaça ekişiniň heniz hem dowam edýändigini habar berýär.
Lebap welaýatynyň Farap etrabynyň häkimiýetleri sebitdäki hususy awtohyzmat kärhanalarynyň tas ählisini näbelli möhlete çenli ýapdylar. Ýerli häkimiýetler bu çäräniň ýurduň täze içeri işler ministriniň buýrugy bilen amal edilýändigini aýdýarlar. Bu barada Azatlyk Radiosynyň sebitdäki habarçysy habar berýär.
28 adamy alyp barýan rus uçary ýitirim boldy Orsýetiň resmileriniň habar bermegine görä, 28 adamy alyp barýan AN-26 uçary ýurduň Uzak Gündogar regionyndaky Kamçatkada radarlardan ýitirim bolupdyr. Sebitiň paýtagty Petropawlowsk-Kamçatskiden Palana şäherine uçýan uçar, gonmaga synanyşanda howa hereketine gözegçilik edýän gulluk bilen aragatnaşygyny ýitirdi. Orsýetiň Adatdan daşary ýagdaýlar ministrliginiň sebit bölümi uçarda 22 ýolagçynyň we ekipažyň alty agzasynyň bardygyny aýtdy. Uçar "Kamçatka... Читать дальше...
ABŞ-nyň dünýäde on müňlerçe müşderili programma üpjünçiligini dörediji kompaniýasyny nyşana alan rus jenaýatçylary bilen baglanyşykly pul talap ediji hüjümi barada has giňişleýin maglumat ýüze çykdy. Howpsuzlyk hünärmenleri 5-nji iýulda pul talap ediji programmalaryň rus dilli sindikaty "REvil" topary bilen baglanyşykly hakerler tarapyndan edilen hüjümiň ýetiren zyýanlaryna baha bermegi dowam etdirdiler. Kiber jenaýatçylary nyşana alnan kompaniýalaryň maglumatlarynyň şifrlerini bermek üçin deregine 70 million dollar bitkoin talap etdiler... Читать дальше...
Belarusyň sudy prezidentlige öňki dalaşgär Wiktar Babarykany korrupsiýa aýyplamasy bilen 14 ýyl azatlykdan mahrum etdi diýip, ýerli metbugat 6-njy iýulda habar berdi. Russiýanyň eýeçiligindäki "Belgazprombankyň" öňki başlygy Babaryka geçen ýylyň iýun aýynda prezidentlik saýlawlary üçin awtoritar hökümdar Alýaksandr Lukaşenka garşy dalaşgär hökmünde hasaba durjak bolanda tussag edilipdi. Prokuror Sýarheý Hirhel Minskdäki suddan Babarykany para almak we pul ýuwmak aýyplamasy esasynda 15 ýyl azatlykdan mahrum etmegi sorady. Читать дальше...
Nýu-Yorkyň we Ysraýylyň saglygy saklaýyş edaralary koronawirusyň "Delta" görnüşi bilen baglanyşykly maglumatlary yzarlaýarlar. Has ýokanç ştammyň ýaýramagy bütin dünýäde aladalary artdyrýar. Soňky maglumatlarda Nýu-Yorkda koronawirusyň ýaýramagy bilen bagly ýagdaýlaryň birnäçe hepdäniň dowamynda ýokarlanandygy, Ysraýylda bolsa, Pfizer waksinasynyň berýän goragynyň peselendigi aýdylýar. Emma bu görkezijiler bilen bir wagtda, Nýu-Yorka degişli beýleki koronawirus statistikalarynyň köpüsi peselýär. Читать дальше...
Germaniýanyň daşary işler ministrliginiň metbugat sekretary Berlinde Germaniýanyň Owganystandaky güýçlerine kömek eden we häzirki wagtda gorag gözleýän owgan işgärlerine 2400 wiza berdi. 20 ýyla golaý wagtlap Owganystanda gulluk eden german esgerleriniň soňky topary halkara güýçleriniň ýurtdan çykarylmagynyň çäginde 29-njy iýunda Owganystany terk etdi. Germaniýa Owganystanda ýerleşdirilen halkara goşunlarynyň çäginde gulluk eden harbylarynyň sany boýunça ABŞ-dan soň ikinji orunda durýar. Aprel... Читать дальше...
