Шӯҳрати Раҳматулло, писари Раҳматуллои Раҷаб, узви зиндонии ҳизби дар Тоҷикистон мамнӯи наҳзати исломӣ рӯзи 21 май гуфт, ки баъди тахминан як моҳи мубориза бо “коронавирус” падараш шифо ёфта аз беморхонаи зиндон озод шуд. Шӯҳрати Раҳматулло ба Радиои Озодӣ гуфт, аз хоҳараш шунид, ки падарашро дирӯз ҷавоб доданд ва ӯ ба барак ё утоқи зиндон баргашт. Раҳматуллои Раҷаб 61 сол дорад ва ба гуфтаи писараш, мутахассисони тибби Вазорати беҳдошт бар асоси томографияи компютерӣ дар зиндон гуфтанд, ки ӯ пневмонияи дутарафа дорад. Читать дальше...
Даргузашти Саидшо Акрамов, донишманд ва пизишки шинохтаи тоҷик, мавҷи андуҳро дар шабакаҳои иҷтимоӣ ба вуҷуд овард. Бахусус дар Фейсбук, ки марҳум то ҳамин чанд рӯз пеш дар он аз марги дигарон изҳори ғам ва таслият мекард. Ҳамчунин изҳори умедворӣ, ки ба зудӣ ин рӯзҳои сахт мегузаранд ва зиндагӣ ба мароми пешинааш бармегардад. Саидшо Акрамов баъд аз бемории кӯтоҳе дар 72-солагӣ даргузашт. Яке аз аввалин табибҳо аз ноҳияи дурдасти Тоҷикистон, шавҳари вакили Шӯрои олии Иттиҳоди Шӯравӣ, вале демократ... Читать дальше...
Рамазон Қодиров, раҳбари Ҷумҳурии Чеченистон, бо шубҳаи гирифторӣ ба коронавирус бистарӣ карда шудааст. Ба иттилои Baza ва "Интерфакс", Қодировро бо ҳавопаймо ба яке аз шифохонаҳои Маскав бурдаанд. Тасдиқи расмии хабар ҳанӯз нест. Оҷонси иттилоотии "Интерфакс" рӯзи 21-уми май ба нақл аз манбааш дар ниҳодҳои беҳдоштӣ гуфт, Рамазон Қодировро бо шубҳаи коронавирус зери назорати пизишкон аст."
Вазорати тандурустии Тоҷикистон гуфт, рӯзи 21-уми май шумори гирифторони COVID-19 ба 2350 нафар расид. 44 каси дигар фавтида, беш аз 100 нафар шифо ёфтаанд.
Мақомоти Вазорати корҳои дохилӣ гуфтанд, ки эътирози коргарони чинии "Ширкати саноати куҳии Тоҷикистону Чин" воқеъ дар шаҳраки Зарнисор (Олтин Топкан), 90-километрии шаҳри Хуҷандро хомӯш карданд.
Хуруҷи коронавирус бозиҳои ҷаҳонии кӯчманчиёнро, ки соли равон дар Туркия дар назар буданд, ба таъхир андохт
Қарор аст, як ҳавопаймои ширкати Turkish Airlines дар парвози чартерӣ ё ғайринақшавӣ даҳҳо шаҳрванди Тоҷикистонро аз Истанбул ба Душанбе оварда, дар роҳи бозгашт сад шаҳрванди Туркияро бибарад. Акрам Маҳмудов, шаҳрванди Тоҷикистон, ки тайи ду моҳ боз дар Истанбул дармондааст, 21-уми май ба Радиои Озодӣ гуфт, интизор меравад, парвоз рӯзи ҷумъа сурат гирад. Вай гуфт, "ҳоло аз мо хостанд, ки замони билетҳои худро иваз кунем ва омодаи парвоз бошем." Ҳамсуҳбати мо гуфт, онҳо дар моҳи март барои бозгашт... Читать дальше...
Дар ҳоле ки шумораи тасдиқшудаи гирифторон ба коронавирус рӯзи 21-уми май дар саросари ҷаҳон аз 5 миллион гузашт, чанде аз иёлоти Амрико ба сабук кардани чораҳои эҳтиётии ҷоришуда даст заданд. Дар Бразиля дар рӯз тақрибан 20 ҳазор ҳолати беморӣ ба қайд гирифта шуда, Чин ба гирдиҳамоии калони сиёсии худ омода мешавад. Дар бахшҳои Иёлоти Муттаҳида тарабхонаҳо дар ҳавои кушод бо мизҳои хӯрокхӯрӣ то 2 метр дур аз ҳамдигар аз нав кушода мешаванд. Дар Ню-Йорк иҷоза мешавад, ки то 21 нафар дар ҷамъомадҳои динӣ ширкат кунанд... Читать дальше...
Сирояти коронавирус тиҷорати бозорҳои Кӯлобро сард кард.
Пизишкону парасторони тоҷик, ки дар сафи пеши мубориза бо COVID-19 қарор доранду "Фариштаҳои наҷот" ном гирифтаанд, пас аз навбатдории тӯлонӣ дар бемористон наметавонанд ба назди хонаводаҳои худ баргарданд.
Ҳукумати ИМА вазири умури дохилӣ, мақомоти баландпояи полис ва як фармондеҳи низомиро барои поймолкунии ҳуқуқи башар, аз ҷумла куштори эътирозгарони сулҳомез таҳрим кард. Вазорати молияи ИМА рӯзи 20 май гуфт, ки вазири умури дохилӣ ва раиси Шӯрои амнияти миллӣ Абдулризо Раҳмони Фазлӣ давоми солҳои гузашта ва ноябри соли 2019, замони куштори садҳо эътирозгар нирӯҳои амниятиро раҳбарӣ кардааст. Дар миёни кушташудаҳо инчунин дастикам 23 ноболиғ ҳам зикр мешаванд. Ҳафт узви аршади Нирӯҳои интизомӣ ва... Читать дальше...
Писари Аҳмадшоҳ Масъуд, пешвои муҷоҳидони зидди нирӯҳои Шӯравӣ ва Толибон гуфт, ки ӯву чанд узви хонаводааш ба коронавирус гирифтор шудаанд. Аҳмад Масъуд дар Твиттери худ рӯзи 19 май навишт, бо ин ки “нишонаҳои вирус чандон ҷиддӣ нестанд”, ин ба он маъно нест, ки вирус набояд ҷиддӣ гирифта шавад. Ӯ навишт, ки бар асоси натиҷаҳои озмоиши тестии бадастомада давоми ду ҳафта дар карантин мемонад. Масъуди 31-сола аз ҳамватанонаш даъват кард, ки ба хотири пешгирӣ аз паҳншавии вирус дастури табибонро ҷиддан риоя кунанд. Читать дальше...
Дилшод Нурматов, муҳоҷири тоҷик, ки кӯдаконаш баъди марги модар дар Русия танҳо монда буданд, аз Душанбе ба Маскав рафтааст. Мақомоти Тоҷикистон гуфтанд, сафари ӯ бо ризояти ҷониби Русия шаби 19-уми май имконпазир шуд ва ҳоло дар хонааш дар карантин аст.
Яке аз фаъолони маъруфи мухолифини Русия Алексей Навалний гуфт, бо паҳншавии бештари коронавирус дар ин кишвар эҳсосоти эътирозии мардум, бахусус табибону соҳибкорони норозӣ аз иқдомҳои ҳукумат боло меравад. Муассиси Бунёди зидди коррупсия Алексей Навалний дар як сӯҳбати видеоӣ бо Радиои Озодӣ аз Маскав рӯзи 20 май гуфт, ки шиддати тамоюлҳои эътирозии мардум “шояд аз гузаштаҳо ҳам бештар шудааст”. Ӯ гуфт, ки дар миёни шаҳрвандони норозӣ табибон, намояндагони сохторҳои тиҷоратӣ ва ширкатҳои хурд мебошанд ва ин қишрест... Читать дальше...
Фиристодаи ИМА барои Афғонистон Залмай Халилзод коҳиши хушунат “аз ҷониби ҳама тарафҳо”-ро тақозо кард ва гуфт, ки ҷабри ҷангро мардуми бегуноҳ мекашад. Рӯзи 20 май баъди мулоқоту гуфтугӯ бо Толибон дар Давҳа Халилзод ба Кобул рафт. Сафари ӯ дар шароите баргузор мешавад, ки шиддати хушунатҳо дар кишвар кам намешавад ва ин ҳолат созиши сулҳи миёни ИМА ва Толибонро, ки охири моҳи феврал имзо шуд, таҳти хатар мегузорад. Халилзод дар Твиттер навишт, ки раҳбарони Толибон ба иҷрои ӯҳдадориҳои худ тааҳҳуд карданд. Читать дальше...
Вираҷ Сингҳ, сафири Ҳиндустон гуфтааст, қарор аст, ду ҳавопаймо охири моҳи май якуним ҳазор шаҳрванди ин кишварро аз Тоҷикистон баргардонанд. Вираҷ Сингҳ рӯзи 20-уми май ба вебсайти хабарии wionews дар Ҳинд гуфтааст, ки “Айни замон ширкати ҳавопаймоии Индиа Эйр ду парвози махсус аз Деҳлӣ ба Душанберо дар рӯзҳои 27 ва 28-уми май барномарезӣ кардааст.” Ба қавли сафир дар Тоҷикистон 1500 шаҳрванди Ҳинд зиндагӣ мекунанд ва тақрибан 1300 нафарашон донишҷӯ ҳастанд. Дар шаҳри Деҳлӣ низ даҳҳо шаҳрванди... Читать дальше...
Созмони Ҷаҳонии Тандурустӣ мегӯяд, дар шабонарӯзи гузашта дар ҷаҳон бештарин шумори сироятшудаҳо ба вируси нави корона сабт шудааст. Ин созмон гуфтааст, дар 24 соати гузашта 106 ҳазор мавриди нави гирифторӣ ба COVID-19 ошкор шудааст, ки аз замони пайдоиши пандемия бесобиқа будааст.
Дар вилояти Лебапи Туркманистон барои нигаҳдории ҳосили гандум дар мавсими ҷамъоварӣ гуруҳи махсусеро аз ҳисоби кормандони вазоратҳои умури дохилӣ, амнияти миллӣ ва мудофиа омода доранд. Ба иттилои хабарнигори бахши туркмании Радиои Озодӣ, мақомоти Лебап нигаронанд, ки бо наздик шудани мавсими ҷамъоварии ҳосили гандум ҳолатҳои дуздӣ дар саҳроҳо афзоиш меёбад. "Дар ноҳияҳои Керкӣ ва Хоҷамбаз барои муҳофизати ҳосили гандум гуруҳи махсусеро аз ҳисоби кормандони пулис, амният ва низомиён омода мекунанд", - иттилоъ дод хабарнигор. Читать дальше...
Дар шаҳри Душанбе бемористони сайёр барои муолиҷаи гирифторони COVID-19 ба қабули беморон оғоз кард. Дармонгоҳи муваққатӣ, ки дар 144 "контейнер"-е бунёд шудааст, ки Узбекистон ҳамчун кӯмаки башардӯстона ба Тоҷикистон дода буд. Бемористони сайёр дар варзишгоҳи "Бофанда" ҷойгир шудааст. Ба иттилои шаҳрдори Душанбе, ҳайати пизишкони дармонгоҳро Раёсати тандурустии шаҳр муайян карда, онҳо лавозимоти зарурӣ барои муолиҷаи гирифтони COVID 19 таъмин шудаанд. Кӯмак ба Тоҷикистон бо дастури Шавкат Мирзиёев, президенти Ӯзбекистон сурат гирифтааст. Читать дальше...
Саидшо Акрамов, донишманд ва пизишки шинохтаи тоҷик дар синни 72-солагӣ даргузашт. Наздиконаш мегӯянд, ӯ чанд вақти ахир аз бемории илтиҳоби шуш ё пневмония ранҷ мекашид. Наздикони Саидшо Акрамов дар суҳбат ба Радиои Озодӣ гуфтанд, марҳум чаҳор рӯзи ахир дар беморхонаи ноҳияи Мастчоҳ беҳуш буд ва субҳи 21-уми май вафот кард. Музаффархон Баҳодуров, сардухтури Беморхонаи ноҳияи Мастчоҳ ба Радиои Озодӣ гуфт, Саидшоҳ Акрамов аз хунрезии майнаи сар вафот карданд. Баҳодуров гуфт, марҳум ду рӯзи ахир дар шуъбаи эҳёгарӣ бистарӣ буд. Читать дальше...
Элис Уэллс, муовини аввали ёвари Котиби давлатии ИМА дар умури Осиёи Ҷанубӣ ва Марказӣ мегӯяд, дар давраи бӯҳрони беҳдоштӣ мардуми Тоҷикистон бояд ба иттилои воқеиву шаффоф дастрасӣ дошта бошанд ва матбуот битавонад вазифаи худро иҷро кунад.
Хадамоти иктишофии Ироқ аз боздошти раҳбари гуруҳи даҳшатафкани "Давлати исломӣ" (ДИ) хабар додааст. Ба иттилои хадамот, шахси боздоштшуда баъди куштори Абубакр Бағдодӣ аз сӯи низомиёни амрикоӣ дар моҳи октябри соли гузашта, раҳбари ДИ интихоб шуда буд. ДИ дар иттилоияҳояш Абуиброҳим ал-Ҳошимӣ ал-Қурайширо раҳбари худ меномид. Ба иттилои "Садои Амрико", дар Вашингтон бар инанд, ки зери ин ном яке аз бунёдгузорон ва идеологҳои гуруҳ Амир Муҳаммад Абдурраҳмон ал-Мауля пинҳон аст. Хадамоти иктишофии Ироқ мегӯяд... Читать дальше...
Дар давраи пандемияи COVID-19, ки ба зиндагии одамон дар тамоми ҷаҳон таъсир мерасонад, Кумитаи байналмилалии олимпӣ (КБО) ва Созмони ҷаҳонии тандурустӣ (СҶТ) саъю кӯшиши худро барои тарғиби тарзи ҳаёти солим, аз ҷумла тарбияи ҷисмонӣ, варзиш ва фаъолиятҳои беруна, ҳамчун як василаи таблиғи солимӣ дар саросари ҷаҳон вусъат медиҳанд. Тавассути Созишномаи нави ҳамкорӣ, ки дар қароргоҳи Созмони ҷаҳонии тандурустӣ дар Женева ба имзо расидааст, КБО ва СҶТ ҷонибдории муштараки худро дар рушди ҷомеаи... Читать дальше...
