Бегоҳи 10-уми май заминларзаи шадид маркази Тоҷикистонро такон дод. Мақомоти Кумитаи ҳолатҳои фавқулода гуфтанд, ҳодиса соати 17:52 рух дода, марказаш "дар 5-километрии шарқи Душанбе, дар ҳудуди шаҳри Ваҳдат аст". Мақомот мегӯянд, нирӯи зилзила дар маркази он ба 4 - 5 дараҷаи Рихтер ва дар Душанбе ба 4 дараҷа баробар буд, вале бисёре аз сокинон дар шабакаҳои иҷтимоӣ шиддати заминларзаро дар Душанбе "хеле сахт" тасвир карданд. Умеда Юсуфӣ, сухангӯи Кумитаи ҳолатҳои фавқулодаи Тоҷикистон рӯзи якшанбе гуфт... Читать дальше...
Ҳунарпешаи шинохта Хайрӣ Назарова, ки аз ӯ ба унвони "Ҷулеттаи тоҷик" ҳам ном мебаранд, 10-уми май дар 90-солагӣ дар Душанбе даргузашт. Аҳмадшо Улфатшоев, ҳунарманди театри ба номи Абулқосим Лоҳутӣ, рӯзи якшанбе ба Радиои Озодӣ гуфт, мунтазири он ҳастанд, ки Вазорати фарҳанги Тоҷикистон дар мавриди шароити дафни Хайрӣ Назарова чӣ барнома пешниҳод мекунад. Ӯ афзуд, Хайрӣ Назарова пас аз як ҳафтаи фавти духтараш Майя аз дунё рафтааст. "Сабаби асосии марги ӯро намедонем, вале ба мо гуфтанд, ки ҳунарпешаи шинохта аз бемории қалб даргузаштааст"... Читать дальше...
Рақиби навбатии Ҳабиб Нурмуҳаммадов размикори доғистонӣ ва қаҳрамони UFC барои рақобати ояндаашд маълум гашт
Иҷлосияи Маҷлиси Намояндагон, палатаи поёнии порлумон, ки ҳар ҳафта маъмулан рӯзҳои чаҳоршанбе баргузор мешавад, ин дафъа доир нагардид.
Давлат Назрӣ, консули генералии Тоҷикистон дар Санкт-Петербург, гуфт, ба оилаи муҳоҷири фавтида дар Русия Ҷаҳонбек Азизов кумак мекунанд. Азизови 40-сола як ҳафта пеш аз бемории COVID-19 фавтид ва ҷасадаш ҳанӯз ҳам дар яке аз сардхонаҳои шаҳри Санкт-Петербург нигаҳдорӣ мешавад.
Полиси Олмон гуфт, даҳҳо нафарро дар шаҳрҳои гуногуни ин кишвар дастгир кардааст. Ба қавли мақомот, ин кор баъди он сурат гирифт, ки эътирозҳои рӯзи 9-уми май ба зидди маҳдудиятҳои ҷоришуда барои пешгирӣ аз коронавирус дар ин кишвар ба хушунат печид. Дар Берлин 86 нафарро баъди партофтани зарфҳои шишаӣ ба сӯи афсарони полис дар минтақаи “Александр Платз” боздошт кардаанд. Дар даргирии Берлин як афсар маҷруҳ шудааст. Полис мегӯяд, дар шаҳри ғарбии Дортмунд марди 23-сола дар ҷараёни тазоҳурот ба сӯи хабарнигор ҳамла кардааст. Читать дальше...
Дидбони Ҳуқуқи Башар аз Эрон хостааст, аз таъқиби афроде, ки ба хотири ҳадаф қарор додани як ҳавопаймои Украина ба зидди Сипоҳи Посдорони Инқилоби Исломӣ эътирози сулҳомезро ба роҳ монданд, даст кашад. Ҳавопаймои мусофирбарии Украина рӯзи сеюми январи имсол ҳадафи ҳамлаи мушакӣ қарор гирифт, ки дар натиҷаи он 176 кас ба ҳалокат расиданд. Ин ҳодиса пас аз он рух дод, ки Қосим Сулаймонӣ, фармондеҳи пешини Сипоҳи посдорон дар як ҳамлаи ҳавопаймои бесарнишини амрикоӣ дар Ироқ кушта шуд. Теҳрон... Читать дальше...
Кишварҳое, ки дар Осиёву Аврупо ва Амрикои Шимолӣ аз бемории ҳамагири COVID-19 сахт осеб дидаанд, талош доранд, ки ҳам маҳдудиятҳои ҷоришударо камтар кунанд ва ҳам аз паҳншавии дубораи вирус пешгирӣ намоянд. Мақомҳо дар Сеул, пойтахти Куриёи Ҷанубӣ, дар пайи мавридҳои нави сирояти коронавирус рӯзи 9-уми май 2100 майхонаву ҷойҳои дигари таҷаммӯи одамонро бастанд. Аз мавридҳои нави сироятшавӣ дар Олмон ҳам гузориш дода шуд. Мақомҳои Итолиё аз наздик шудани мардум ба якдигар махсусан бегоҳиҳо иброз нигаронӣ карданд. Читать дальше...
Гурӯҳе аз муҳаққиқон дар Санкт-Петербург талош доранд, муайян кунанд, ки то куҷо тибби Русия барои муқобила бо пандемияи коронавирус омода буд? Ва пушти рақамҳое, ки мансабдорон пешниҳод мекунанд, чӣ меистад?
Бино ба гузориши расонаҳои Русия, дар сӯхтори шифохонае, ки дар он гирифторони коронавируси нав муолиҷа мешаванд, дастикам як нафар ба ҳалокат расидааст. Хабаргузории ТАСС навишт, сӯхтор шоми 9-уми май дар шифохонаи ба номи Спасокукотский дар шимолу ғарби Маскав рух дод. Ба иттилои Вазорати ҳолатҳои фавқулодаи Русия, беморонро ба берун бароварда, сӯхторро хомӯш кардаанд. Шифохонаи ба номи Спасокукотский яке аз марказҳои ангуштшумор дар пойтахти Русия аст, ки ба таври хос барои муолиҷаи беморони мубтало ба коронавирус ихтисос дода шудааст.
Афроди наздик ба Абдулфайз Раҷабов, зиндонии 47-сола, гуфтанд, ки ӯ рӯзи 9-уми май дар маҳбаси рақами яки шаҳри Душанбе фавтидааст. Ба иттилои онҳо, мақомот сабаби маргашро илтиҳоби шуш ё пневмония гуфтаанд, вале наздикон бовар доранд, ӯ аз бемории COVID-19 ҷон бохтааст.
Тони Фергюсон Размикори амрикоӣ дар мусобиқаи UFC 249 барои дарёфти камарбанди муваққатии қаҳрамонӣ аз ҳамватани худ Ҷастин Гэтжи шикаст хӯрд.
Гурҷистон ба нишони эътироз аз тасмими ахири Киев дар мавриди номзадии Михаил Саакашвили дар як ниҳоди ислоҳоти давлатӣ, сафирашро аз Украина бозхондааст. Давид Залкалиани, вазири корҳои хориҷии Гурҷистон гуфт, Теймураз Шарашанидзе, сафири ин кишвар дар Украина барои мушовара ба Тифлис (Тбилиси) фарохонда шудааст. Ин тасмими ҳукумати Гурҷистон як рӯз баъд аз он эълом шуд, ки Владимир Зеленский, раиси ҷумҳури Украина, Михаил Саакашвили – президенти пешини Гурҷистонро ба раёсати Кумитаи иҷроии шӯрои ислоҳоти миллии Украина номзад кард. Читать дальше...
Донишгоҳи давлатии тиббии Тоҷикистон 60 дарсади донишҷӯёнашро бо сабаби зиёд шудани беморон ва камбуди табибону парасторон барои кумак ба бемористонҳои пойтахт фиристодааст.