Баъзе аз сокинони шаҳри Душанбе бо нашри наворе дар Интернет аз селофанпеч шудани чандин қабри нав дар оромгоҳҳои пойтахт нигаронӣ карданд. Мақомоти Кумитаи дини Тоҷикистон мегӯянд, қабрҳои селофанпеч ба чораҳои пешгирӣ аз бемории ҳамагир рабт надорад
Пизишкони тоҷик, ки дар сафи пеши бархӯрд бо бемории COVID-19 муҳориба мекунанд, то кунун чанде аз ҳамкорони худро аз даст додаанд. Ба иттилои расмӣ, дар ду ҳафтаи ахир дар Тоҷикистон 29 кас аз бемории ҳамагир фавтиданд, аммо гуфта намешавад, чанде аз онҳо табибонанд.
Имрӯз дар бораи фавти ногаҳонии Каромат Шарипов, ҳомии ҳуқуқи муҳоҷирони тоҷик сӯҳбат мекунем, ки бисёре аз онҳоро ғамгин кард. Муроҷиатҳои батакрор барои бозгардонидани муҳоҷирони дармонда дар марз ва жолаи вайронгар дар Панҷакенту Деваштич аз видеоҳоест, ки ҳамроҳ дар барнома мебинем.
Агар Конор Макгрегор дар рақобати тобистонӣ рақибашро мағлуб намояд, метавонад бо Ҳабиб Нурмуҳаммадов ба октагон барояд
Ба муҳоҷирони узбекистоние, ки дар Русия қарор доранд, сар аз 14-уми май кӯмаки молӣ расонида мешавад. Вазорати корҳои хориҷии Узбекистон гуфт, кӯмаки якдафъаинаи молӣ тавассути сафорат ва консулгарии Узбекистон дар шаҳри Маскав расонида мешавад. Ин кӯмакҳо на аз буҷаи давлат, балки аз суратҳисоби хайрияи сафорат пардохт мешаванд. Шаҳрвандони зерини Узбекистон ҳаққи дарёфти кӯмак доранд: - Афроди маъюб; - Заноне, ки кӯдакони то ду сола дар тарбият доранд ва ё ҳомила ҳастанд; - Касоне, ки мубталои COVID-19 шудаанд; - Донишҷӯёне... Читать дальше...
Сенати Қазоқистон лоиҳаи қонун дар бораи ҷамъомадҳои осоиштаро барои такмил ба палатаи поёнии порлумони ин кишвар бозпас фиристод. Сарсенбой Енсегенов, як узви Сенати Қазоқистон рӯзи панҷшанбе дар ҷаласа гуфт, кумитаи дахлдор ба хулосае расид, ки баъзе аз бандҳои алоҳидаи лоиҳаи қонун ба тағйирот ниёз доранд. Ба гуфтаи ӯ, дар маҷмуъ 16 пешниҳод ироа шудааст. Аз ҷумла, шумори макони баргузории ҷамъомадҳои осоишта дар ноҳияҳои марказии пойтахт, шаҳрҳои Алмато, Чимкент ва марказҳои маъмурии вилоятҳо набояд аз се камтар бошад. Читать дальше...
Садҳо тоҷири бозори марказии шаҳри Нурсултони Қазоқистон рӯзи 14-уми май дар назди дарвозаи бозор ҷамъ шуда, ба талаби маъмурияти худ эътироз баён карданд, ки хостааст, пули иҷораи дуконҳоро думоҳа пешпардохт кунанд. Тоҷирон мегӯянд, ба иллати эъломи карантин дар шаҳр бе даромад мондаанд ва ҳоло барои пардохти ҳаққи иҷора пул надоранд. "То эъломи каратин мо пули иҷораи якуниммоҳаро дода будем. Ҳоло барои моҳи май ва июн талаб доранд. Вақте мо ҳоло харҷҳои пешини худро набароварда бошем, чаро бояд барои ду моҳи дигар пул диҳем?"... Читать дальше...
Ба иттилои расмӣ дар шабонарӯзи гузашта дар Тоҷикистон шаш нафар аз коронавируси нав ҷон бохтаанд. Шумори умумии ҷонбохтагон аз бемории ҳамагир ба 29 нафар расид. Теъдоди гирифторон рӯзи 14-уми май аз 900 нафар гузашт.
Созмони ҷаҳонии кор, як ниҳоди зертоеби Созмони миллал гуфтааст, паҳншавии бемории COVID-19 миллионҳо нафарро дар саросари ҷаҳон кор мегузорад. Ин созмон гуфтааст, бархе иқтисодҳои бузурги ҷаҳон ба монанди Амрико сахтарин буҳрон баъд аз солҳои 30-юми асри гузаштаро паси сар доранд.
Нигаронӣ аз дафни фавтидагон зери чораҳои эҳтиётӣ.
Баъзе муҳоҷирон ба кор баргаштанд, вале аксарият ҳанӯз ҳам дар хона нишастаанд.
Пушти дари шуъбаҳои Бунёди нафақа дар бисёре аз шаҳрҳои Русия навбатпойии касоне ташкил шуд, ки мехоҳанд, барои дарёфти кӯмакпулӣ дархост диҳанд. Президенти Русия Владимир Путин ахиран ваъда дод, ки барои кӯдакон кӯмакпулӣ пардохт мешавад. Расонаҳо менависанд, дар шаҳрҳои Саратов, Красноярск, Барнаул, Чита, Сочӣ, Смоленск, Тюмен, Брянск ва ғайра чунин навбатпойиҳо дида мешаванд. Дар аксари ҳолат одамон фосилаи иҷтимоиро риоя намекунанд, ки барои эмин мондан аз гирифторӣ ба вируси корона ҳатмӣ ҳастанд. Сомонаи хадамоти давлатӣ... Читать дальше...
Мақомоти Тоҷикистон ба хабари Радиои Озодӣ дар бораи кӯшиши вайрон кардани бахше аз хона-музейи Садриддин Айнӣ, поягузори адабиёти муосир ва Қаҳрамони Тоҷикистон вокуниш карданд. Онҳо гуфтанд, "як хиште аз бинои ҳавлӣ беҷо карда намешавад". Ҳафтаи гузашта Эраҷ Айнӣ, набераи Садриддин Айнӣ, ба Радиои Озодӣ гуфт, ширкати сохтмоние, ки машғули бунёди меҳмонхона ва биноҳои нави истиқоматӣ аст, қисме аз осорхонаро барои кӯчондан омода кардааст. Абдуҷаббор Раҳмонзода, мушовири раисҷумҳури Тоҷикистон... Читать дальше...
Дар як шабонарӯзи охир дар Қирғизистон 38 ҳолати нави гирифторӣ ба вируси корона сабт шудааст. Дар ин бора муовини вазири тандурустии он кишвар Мадамин Каратаев хабар дод. Аз ин шумор 14 ҳолат ба шаҳри Бишкек, 15 ҳолат ба вилояти Норин, 2 ҳолат ба вилояти Чуй, 1 ҳолат Ӯш, 4 ҳолат Ҷалолобод ва 2 ҳолати нав миёни шаҳрвандоне сабт шудааст, ки аз Сол-Илетс баргаштаанд. Дар ҳамин ҳол, дар як шабонарӯзи охир 9 кас баъди шифо ёфтан аз бемористонҳои Қирғизистон рухсат ёфтаанд. То 14 май дар Қирғизистон 1082 ҳолати гирифторӣ сабт шудааст... Читать дальше...
Омори фавт аз коронавирус дар Беларусия дар қиёс бо аксар кишварҳои ҷаҳон камтарин аст. Дар айни замон, мавридҳои марги пизишкон дар ин кишвар бештарин дар ҷаҳон ҳисоб шудааст.
Сафорати Иёлоти Муттаҳидаи Амрико дар Тоҷикистон ҳамла ба Абдулоҳ Ғурбатӣ, хабарнигори "Азия-Плюс"-ро маҳкум кардааст. Сафорат рӯзи 14-уми май дар изҳороте гуфт, "аз идомаи ҳамлаҳо ба расонаҳои мустақили Ҷумҳурии Тоҷикистон, ба хусус аз ҳамла ба хабарнигори "Азия-Плюс" Aбдуллоҳ Ғурбатӣ изҳори нигаронӣ мекунем." Дар изҳорот аз мақомоти Тоҷикистон давъат шудааст, ки ҳамлаваронро ёфтаву ба ҷавобгарӣ кашанд. "Барои рӯзноманигорон шароите таъмин кунед, ки бе тарси интиқом тавонанд корро анҷом диҳанд", - навиштааст сафорати Амрико.
Бозиҳои панҷуми ҳамбастагии исломӣ, ки бояд соли 2021 дар Истамбули Туркия баргузор мешуд, мавқуф гузошта шуд. Дар ин бора Федератсияи варзишии ҳамбастагии исломӣ (ISFS) хабар додааст.
Генерал Саиданвар Камолов, вазири пешини амнияти Тоҷикистон ва муфаттиши ҳодисаҳои февралӣ дар КГБ-и Тоҷикистони Шӯравӣ, даргузашт. Вай 70 сол дошт ва, ба қавли наберааш Беҳрӯз, аз бемории "бронхит" ранҷ мекашид ва рӯзҳои ахир дар шифохонаи "Якум Советский"-и пойтахт бистарӣ буд.
Пандемияи COVID-19, ки ба эътирофи мақомот 30-юми апрел ба Тоҷикистон расид, аз ин пештар ба нерӯгоҳи “Роғун”, як тарҳи азиму ҳаётӣ дар кишвар, “сироят” кардааст.
Алихон Ҷонов, роҳбари беморхонаи клиникии ба номи Бӯрӣ Воҳидови шаҳри Бохтар аз мақомаш барканор шудаст. Фармони барканории Ҷонов рӯзи 13-уми май содир шуда, ба ҷойи ӯ Шамсулло Олимов ба ин вазифа омад. Олимов то ин вақт сардори беморхонаи зидди силии вилояти Хатлон буд. Миралӣ Раҷабзода, сардори Раёсати тандурустии вилояти Хатлон дар суҳбат ба Радиои Озодӣ сабаби барканории Алихон Ҷоновро шарҳ надод ва танҳо гуфт, "зарурате пеш омад", ки ба вазифаи сардори беморхонаи вилоятӣ каси дигаро таъин кунанд. Читать дальше...
Бюрои Шӯрои Федератсияи байналмилалии футбол (FIFA) тасмим гирифт, ки қаҳрамонии футзали ҷаҳонро дар соли 2020 ба далели пандемияи коронавирус ба таъхир андозад. Дар ин бора Ассотсиатсияи мини-футболи Русия дар Twitter хабар додааст.
Президенти ИМА Доналд Трамп дар Твиттер навишт, ки муомила бо Чин як кори хеле гарон аст. "Мо чанде пеш созиши олие кардем, рангҳо нав хушк шудаанд ва ҷаҳон аз вабои Чин ранҷ мебарад", - навиштааст Трамп дар шарҳи паҳн шудани коронавирус. Раҳбари Кохи сафед ахиран гуфт, созишномаи тиҷории кунунӣ бо Чинро бознигарӣ карданӣ нест. Ба иттилои расонаҳо, Чин имкони бекор кардани созишномаро баррасӣ дошта, мехоҳад дар пасманзари ҳамагир шудани коронавирус дар ИМА ба шартҳои муфидтаре барои худ исрор варзад. Читать дальше...
Вакили порлумони Қирғизистон Эмил Токтошев дар ҷаласа ҳангоми баррасии кори ҳукумати ин кишвар дар соли 2019 пурсид, ки лоиҳаи дар ихтиёри ширкатҳои хусусӣ гузоштани фурудгоҳҳо чи гуна пеш меравад. Токтошев гуфт, ба назари ӯ, бо истифода аз таҷрибаи Тифлис ва Алмато фурудгоҳҳо бояд ба ширкатҳои хусусӣ дода шаванд. Сарвазири Қирғизистон Муҳаммадқулӣ Абилғозиев дар посух изҳор дошт, ки ин масъаларо ҳоло комиссияи байниидоравӣ баррасӣ дорад. "Мо шарики байналмилалиеро интихоб хоҳем кард, ки бо... Читать дальше...
Бонки аврупоии бозсозӣ ва рушд (БАБР) мегӯяд, иқтисоди Қазоқистонро, ки бузургтарин дар Осиёи Марказӣ шумурда мешавад, соли равон поинравӣ интизор аст. Ин пешбинӣ бо назардошти поинравии арзиши маҳсулоти хом, коҳиши истихроҷи нафт, таъсири карантин, ки бахши савдо, ҳамлу нақл ва сайёҳиро заиф месозад, сурат гирифтааст. "Маҷмуи маҳсулоти дохилӣ (ММД)-и Қазоқистон 3 дарсад поин рафта, дар соли 2021 бо назардошти қисман дубора боло рафтани арзиши нафт барқароршавӣ ба андозаи 5,5 дарсад дар назар аст"... Читать дальше...
Додгоҳии олии Қирғизистон рӯзи 13-уми май шикояти ҳомии ҳуқуқи зиндонӣ Азимҷон Аскаровро баррасӣ кард. Ҳайати мунсифаи додгоҳӣ ҳукми ҳабси абади Аскаровро бетағйир боқӣ гузошт. Ҷаласаи додгоҳӣ бе ҳузури расонаҳо баргузор шуд. Рӯзноманигорон ҷараёни додгоҳро тавассути монитор назорат карданд. Моҳи феврали соли равон маълум шуд, ки Додгоҳи олии Қирғизистон парвандаи Аскаровро бар асоси далелҳои нав бозбинӣ мекунад. Додситон 25-уми феврал аз додрас хост, барои шиносоӣ бо шикояти вакилони дифоъ барои ӯ вақт диҳад. Читать дальше...
