Арзиши манзили зисте, ки дар натиҷаи як низоъ дар марзи Тоҷикистону Қирғизистон оташ гирифта буд, то ҳол муайян карда нушадааст. Мақомоти ду кишвар дар сатҳи вилоят дидору гуфтугӯ карда, ба созиш расиданд, ки нофаҳмиҳоро бартараф карда, миёни сокинон корҳои фаҳмондадиҳӣ мегузаронанд. Ин манзили зисти панҷҳуҷрагии хонаводаи Маҷидовҳо, ки дар деҳаи Кок-Тош, наздикии марзи Тоҷикистон воқеъ аст, 8 май оташ гирифт. Раиси ноҳияи Бодканд Каланбек Маркаев, ки дар гуфтугӯи мақомоти ду кишвар иштирок дошт... Читать дальше...
Сарватмандтарин ширкат дар таърих - Apple - тасмим гирифт, ки ба Узбекистон ба маблағи 59,2 ҳазор доллар андоз диҳад. Ин миқдор андоз барои семоҳаи аввали соли ҷорӣ ба ҳисоб меравад. Кумитаи давлатии андози Узбекистон рӯзи 11-уми май хабар дод, ки ширкати Apple довталабона ба ҳайси пардохткунандаи андоз аз арзиши иловашуда сабти ном шудааст. Дар Узбекистон аз аввали имсол тартиби пардохти андоз аз арзиши иловашуда ба ширкатҳои хориҷие муқаррар шудааст, ки ба шахсони воқеӣ хизматрасонӣ анҷом медиҳанд. Читать дальше...
Пизишкони узбекистонӣ, ки барои кумак ба муқобила бо COVID-19 ба Тоҷикистон омадаанд, мегӯянд, бояд дар шабонарӯз дастикам аз 3 то 4 ҳазор нафарро аз ташхиси коронавирус гузаронд.
Ҳайати Созмони Ҷаҳонии Тандурустӣ, ки бештар аз 10 рӯз вазъи густариши бемории COVID-19 ва маргумир аз ин беморӣ дар Тоҷикистонро арзёбӣ мекард, гуфт, суръати густариши беморӣ нигаронкунанда аст.
Раҷаби Мирзо, рӯзноманигор ва таҳлилгар Бознашр аз веблоги "Рӯзи нав" Латту кӯби журналисти ҷавон, аммо хеле ҳирфаии тоҷик Абдуллоҳ Ғурбатӣ, ки ҷасорату маҳораташ барои баррасии масоили ҷиддӣ ва он ҳам дар шакли касбиву бо фарогирии майлонҳои нав басанда аст, як ҳушдори ҷиддист. Хоса дар ин шабу рӯз, ки дунёро масоили муҳим фаро гирифтааст ва дар ин давраву бо ин шева мушкил пеш овардан ба фаъолияти журналистон дар кишварҳои низомашон заиф қобили пешбинӣ буд. Аммо, агар мо тамоми мавридҳои... Читать дальше...
Вазорати тандурустии Тоҷикистон эълон кард, ки дар шабонарӯзи гузашта 68 каси дигар ба коронавирус мубтало шудаанд. Бо ин ҳисоб шумори умумии гирифторон ба 729 нафар расид. То ин дам 23 кас аз ин беморӣ ҷон бохтаанд.
Дмитрий Песков, сухангӯи Кремлин ва яке аз шахсони наздик ба Владимир Путин, раисҷумҳури Русия ба бемории ҳамагири COVID-19 мубтало шудааст. Расонаҳои Русия рӯзи 12-уми май навиштанд, ки ӯ феълан дар бемористон муолиҷа мегирад. Дар бораи чигунагии вазъаш гузориш дода намешавад. Худи Песков ба расонаҳо гуфтааст, "бале, ман бемор шудам ва табобат мегирам". Дмитрий Песков яке аз шахсони наздиктарин ба Путин аст ва ҳар рӯз мавқеи Кремлин ва президенти Русияро дар масоили мухталиф ба матбуот шарҳ медиҳад. Читать дальше...
Вазорати молияи Тоҷикистон хабар дод, ки дар Сандуқи вижаи муқобила бо коронавирус дар кишвар 6,3 миллион сомонӣ ва 12,3 ҳазор доллар ҷамъ шудааст. Нуралӣ Шоқурбонов, сардори дафтари матбуоти Вазорати молия, 12-уми май дар саҳифаи расмиаш дар Фейсбук навишт, "аз ин пулҳо ягон сомониаш харҷ нашудааст". Ба навиштаи сухангӯи Вазорати молия, пулҳоро бар асоси дастури Ситоди ҷумҳуриявии муқобила бо бемории ҳамагир ва Вазорати тандурустӣ сарф хоҳанд кард. Шоқурбонов мегӯяд, дар бораи харҷи маблағҳо... Читать дальше...
Абдуллоҳ Ғурбатӣ, хабарнигори 23-солаи оҷонси иттилоотии "Азия-Плюс", дар Душанбе мавриди ҳамлаи афроди ношинос қарор гирифтааст. Хабарнигор мегӯяд, ҳодиса шоми 11-уми май, замоне ки аз фурӯшгоҳ ба хона бармегашт, иттифоқ уфтод.
Намояндагони баландпояи ҳукумати Амрико, ки посухгӯ ба бемории ҳамагири коронавирус ҳастанд, рӯзи 12-уми май ба саволҳои Сенат ҷавоб хоҳанд дод. Онҳо дар видеоконфронсе иштирок хоҳанд кард, зеро ҳама пас аз наздикӣ бо шахсе, ки озмоишаш аз вирус мусбат баромадааст, худро карантин карданд. Сенатор Ламар Александр ҷаласаро аз дурӣ роҳбарӣ мекунад. Ӯ пас аз он ки санҷиши як кормандаш рӯзи 10-уми май мусбат баромад, хостааст, ба Вашингтон наояд. Александр бо духтури худ маслиҳат карда, ба андешае омад... Читать дальше...
Кори сартарошхонаву кошонаҳои ҳусн, нуқтаҳои фурӯши телефон ва шустушӯи мошин дар шаҳри Душанбе то 31-уми май қатъ шудааст. Шаҳрдорӣ мегӯяд, ин кор бо ҳадафи пешгирӣ аз густариши бемории COVID-19 мебошад. Ба иттилои шаҳрдории Душанбе, масъулони кошонаҳои ҳусн, сартарошхонаҳо, нуқтаҳои фурӯши телефон ва шустушӯи мошинҳо вазифадор шудаанд, то охири моҳ дар коргоҳҳои худ корҳои зиддиуфунӣ анҷом диҳанд. Аз ин пеш ҳукумати Душанбе фаъолияти ҳамаи бозорҳои фурӯши либосвориро аввал то 10-уми май ва баъдан то охири моҳ манъ кард. Читать дальше...
Табибони узбек ба мубориза бо коронавирус дар Тоҷикистон ҳамроҳ шуданд.
Ҳанс Ҳенри Клюге, мудири минтақавии Созмони Ҷаҳонии Тандурустӣ дар Аврупо гуфтааст, омодаанд ба Тоҷикистон барои муқобила бо коронавирус мутахассисони зудамал фиристанд. Клюге дар ин бора рӯзи 12-уми май ҳангоми суҳбати телефонӣ бо Ҷамолиддин Абдуллозода, вазири тандурустии Тоҷикистон, ибрози назар кардааст. Ба иттилои дафтари матбуоти Вазорати тандурустӣ, мудири минтақавии СҶТ дар Аврупо пешниҳод кардааст, ки Тоҷикистон барои санҷиши аҳолӣ бояд ташхисгоҳҳои сайёрро фаъол кунад. Маълум нест... Читать дальше...
Қирғизистон тасмим дорад, яке аз гузаргоҳҳои марзиашро бо Тоҷикистон бандад. Дар ин бора Акрам Мадумаров, муовини сарвазири Қирғизистон 12-уми май дар ҷаласаи порлумонӣ хабар дод. Таабалдӣ Тиллоев, вакили порлумони Қирғизистон пешниҳод кард, ки то ҳалли масоили марзӣ сарҳад бо Тоҷикистон баста шавад. Вакил гуфт, дар пайи низоъҳои марзӣ сокинони наздимарзӣ ва марзбонон зарар мебинанд. Акрам Мадумаров гуфт, роҳбарияти Қирғизистон бояд чунин иқдоме бигирад. "То имрӯз мо имкони истифодаи фишанги иқтисодиро аз даст додем. Читать дальше...
Рӯзи душанбеи 11 май ба Палатаи намояндагони Конгресси ИМА тарҳи қонуне ворид шуд, ки зиндонисозии рӯзноманигорони мустақил, мухолифони давлат, намояндагони ҷомеаи шаҳрвандӣ ва созмонҳои диниро дар Русия маҳкум мекунад. Дар тарҳи қонуни мазкур аз сесад маҳбуси сиёсӣ, ки дар Русия зиндонӣ ва ҳабси хонагӣ шудаанд ёд гардидааст. Дар тарҳ ҳамчунин номи шаш тан аз ҷумла: Алексей Пичугин, Игор Рудников, Константин Котов, Анастасия Шевченко, Юрий Дмитриев ва Деннис Кристенсен зикр ёфтааст. Дар ҳуҷҷат аз мақомоти Русия даъват шудааст... Читать дальше...
Як амалиёти хурди маъмурони милиса дар пойтахти Тоҷикистон нишон додааст, ки ҳанӯз бахше аз аҳолӣ дар кӯчаву хиёбонҳо бе ниқоби тиббӣ мегарданд.
Зуҳур Ёров, геологи шинохтаи тоҷик, рӯзи 12-уми май дар 82-солагӣ даргузашт. Наздиконаш гуфтанд, ӯ чанд вақти ахир аз фишорбаландӣ ранҷ мебурд ва дар аввали моҳи апрел зукоми сахтеро паси сар карда буд. Ба гуфтаи пайвандон, маросими видоъ бо Зуҳур Ёров дар манзилаш дар Душанбе баргузор шуда, ӯро дар оромгоҳи маҳаллаи "Калинин" дафн мекунанд. Зуҳур Ёров соли 1938 дар деҳаи Ғуҷовасти ноҳияи Ванҷ ба дунё омада, аз геологҳои шинохтаи кишвар буд. Ӯ академики Академияи муҳандисии Тоҷикистон буд.... Читать дальше...
Вазорати мудофиаи Тоҷикистон қисмҳои ҳарбии зери итоаташро ба карантин гирифта, аз ҷумла вохӯрии волидонро бо сарбозон муваққатан манъ кардааст. Вале сарфи назар аз пандемияи коронавирус маъракаи даъвати баҳории ҷавонон ба артиши Тоҷикистон идома дорад.
Нирӯҳои ҳукуматӣ дар Афғонистон гуфтанд, се узви баландпояи ҷиноҳи Осиёи Ҷанубии гурӯҳи даҳшатафкани "Давлати исломӣ", аз ҷумла раҳбари ин бахш Абу Умар Хуросониро дастгир кардаанд. Ба иттилои Вазорати корҳои дохилии Афғонистон, онҳо чанде пеш дар рафти як амалиёт дар Кобул боздошт шуданд. Раёсати амнияти миллии Афғонистон хабар дод, ки ҳамроҳ бо Абу Умар Хуросонӣ раҳбари бахши иктишофӣ ва равобити ҷамъиятии гурӯҳи даҳшатафкани "Давлати исломӣ" дар Афғонистон низ ба даст афтодааст. Аз ин пеш... Читать дальше...
Ҷастин Гэйҷи, размикори амрикоӣ оид ба муҳорибаи омехта (MMA), ҳамватани худ Тони Фергюсонро дар раунди панҷуми мубориза барои унвони муваққатии қаҳрамонии UFC дар вазни сабук шикаст дод. Дар ин бора ТАСС хабар додааст. Ба иттилои ин манбаъ, мусобиқаи UFC 249 дар Ҷексонвилл (Флорида, ИМА) дар пасманзари пандемияи коронавирус дар саросари ҷаҳон бе ҳузури тамошогарон доир гардид. Мақомоти иёлоти Флорида ва комиссияи варзишӣ ба мусобиқа иҷозат доданд, ки тибқи қоидаҳои муайян ва муоинаи ҳаррӯзаи ташхиси тиббии зарурӣ баргузор карда шавад. Читать дальше...
Федератсияи байналмилалии футбол (FIFA) эълом кард, ки пас аз идома ёфтани мавсим шумораи таъвиз дар даста дар ҷараёни бозӣ аз се ба панҷ зиёд карда мешавад. Дар ин бора сомонаи расмии FIFA хабар медиҳад. То ин дам дастаҳои футбол ҳақ доштанд дар ҷараёни бозӣ то се бозигари худро иваз кунанд. Аммо бар асоси тартиби нави эълонкардаи FIFA дастаҳо акнун метавонанд то панҷ бозигари худро дар ҷараёни сабқат иваз намоянд. Ин тағйирот тамоми мусобиқаҳои футболро то охири соли тақвимӣ дарбар мегирад. Читать дальше...
Ду ҳизби сиёсии Белорус, ки худро мухолифи президент Александр Лукашенко меноманд, аз иштирок дар интихоботи президентии ин кишвар даст кашиданд. Сухан аз ҳизбҳои "Ҷабҳаи мардумии Белорус" ва "Ҷаҳони одил" меравад. "Баргузории маъракаҳои интихоботӣ дар шароити ҳамагир шудани коронавирус хатарнок ва бемасъулиятӣ аст. Ин ҳам дар ҳоле, ки кишварҳои дигари аврупоӣ тасмими ба таъир гузоштани интихоботро асоснок мешуморанд", - изҳор доштанд масъулони "Ҷабҳаи мардумии Белорус" дар нишасти онлайнии худ. Читать дальше...
Сенаторҳои Узбекистон рӯзи 11-уми май масъалаи ҳамкориҳои ин кишвар бо Иттиҳоди иқтисодии Авруосиёро баррасӣ карданд. "Баъди баҳсҳои ошкор сенаторҳо пешниҳоди ҳукумати Узбекистонро дар бораи ширкат дар Иттиҳоди иқтисодии Авруосиё ба ҳайси кишвари нозирро қабул карданд", - иттилоъ медиҳад маркази матбуотии палатаи болоии порлумони Узбекистон. Ҷонибдорони шомил шудан ба ИИАО дар сенати Узбекистон гуфтаанд, ки шомил шудан ба ин созмон ҳаҷми савдои хориҷиро меафзояд, тарҳҳои бузурги сармоягузориро ҷалб мекунад... Читать дальше...
Қирғизистон рӯзи 11-уми май ба шаҳрвандони Узбекистон, ки дар пайи рахна шудани садди обанбори Сардобин зиён дида буданд, кумаки башарӣ ирсол кард. Ин кумакҳо дарбаргирандаи 1000 тона семент, 100 тона биринҷ ва 10 тона равғани растанӣ ҳастанд. Дар натиҷаи рахна шудани садди обанбори Сардобин дар ноҳияҳои Сардобин, Акалтин ва Мирзоободи Узбекистон бештар аз 71 ҳазор сокин ба ҷои амн кӯч дода шуданд. Хабар дода мешавад, ки 10-уми май онҳо ба манзилҳояшон баргаштанд. Дар натиҷаи рахна шудани обанбор... Читать дальше...
Дар Қазоқистон низоми ҳолати фавқулода, ки ба далели густариши вируси корона эълом шудааст, дар додгоҳ ҳамчун ҳолати форс-мажор ё ғайриинтизор эътироф карда мешавад. Дар ин бора президенти Қазоқистон Қосимҷомарт Тоқаев хабар дод. "Мутаассифона, мо имкон наёфтем, ки ҳамаи корхонаҳо, ҷойҳои кориро ҳифз ва устувории тиҷоратро таъмин намоем. Аз ҳамин хотир дар сатҳи қонунгузорӣ эътироф кардани ҳолати фавқулода ҳамчун форс-мажор зарур аст", - гуфт Тоқаев. Вай ҳамчунин илова кард, ки ҳоло ҳимоят... Читать дальше...