Абдуллоҳ Ғурбатӣ (Авазмад Ғурбатов), хабарнигори "Азия-Плюс", ки рӯзи 29-уми май ҳангоми таҳияи гузориш аз маҳалли офатзадаи ноҳияи Хуросони вилояти Хатлон аз ҷониби афроди номаълум латукӯб шудааст, мегӯяд, гузориши Вазорати корҳои дохилии Тоҷикистон дар бораи ин воқеа асос надорад.
Чанде аз созмонҳои байналмилалӣ ва кишварҳои алоҳида ба Тоҷикистон барои муқобила бо бемории COVID-19 миллионҳо доллар кумак карданд. Ёрии бархе аз давлатҳо аз тестҳои санҷиши беморӣ, хӯрокворӣ, дору ва либосҳои муҳофизатӣ иборат буд.
Чанде аз созмонҳои байнулмилалӣ ва кишварҳои алоҳида ба Тоҷикистон барои муқобила бо бемории COVID-19 миллионҳо доллар кумак карданд. Ёрии бархе аз давлатҳо аз тестҳои санҷиши беморӣ, хӯрокворӣ, дору ва либосҳои муҳофизатӣ иборат буд.
Мақомоти Русия 25 мусофири ҳавопаймои ширкати “Уралские авиалинии”-ро, ки аз Душанбе ба Маскав рафтанд, дар фурудгоҳи “Шереметево” то даҳ соат нигоҳ дошта, ду ҳазор рублӣ ҷарима бастаанд.
Сайфиддин Тӯраев, сиёсатмадори саршиноси солҳои 90, собиқ номзади раёсатҷумҳурӣ ва ноиби аввали раиси Шӯрои Олии Тоҷикистн 30-юми май дар 75-солагӣ аз ҷаҳон гузашт. Шокирҷон Ҳакимов, ҳуқуқдони шинохта ва ҳамкори пешини Тӯраев, дар бораи кору зиндагии ӯ назарашро баён дошт. Дар инҷо бишнавед.
Вазорати тандурустии Тоҷикистон гуфт, дар шабонарӯзи гузашта 121 каси дигар ба коронавируси нав гирифтор шуданд ва шумори умумии беморон то 30-юми май ба 3807 нафар расид. Мақомот мегӯянд, то ин дам беш аз 1800 нафар аз бемории ҳамагир шифо ёфтаанд. Ба иттилои расмӣ дар чаҳор рӯзи гузашта касе аз коронавируси нав нафавтидааст. Теъдоди расмии ҷонбохтагон аз ин беморӣ дар Тоҷикистон 47 нафар аст, вале дар феҳрасти ғайрирасмӣ дар Интернет шумори ҷонбохтагон аз коронавирус ва "илтиҳоби шуш" то 30-уми май зиёда аз 360 кас ҳисоб шудааст. Читать дальше...
Гузоришҳои хабарнигорони Радиои Аврупои Озод/Радиои Озодӣ дар замони пандемияи коронавируси нав ошкор кард, ки фиребу пинҳонкорӣ кори маъмулии бисёре аз кишварҳост.
Ҳукумати шаҳри Душанбе дастур додааст, ки бозорҳои фурӯши либос, кошонаҳои ҳусн, сартарошхонаҳо, нуқтаҳои шустушӯи мошинҳо ва фурӯши телефон то 15-уми июн баста бимонанд.
Дерлим Ҳезир, намояндаи Созмони Амнияту Ҳамкории Аврупо дар умури озодии матбуот, аз қарори Додгоҳи олии Тоҷикистон барои бастани сомонаи "Ахбор" дар ҳудуди кишвар ҷиддан ибрози нигаронӣ кард. Вай 29-уми май дар изҳороте гуфт, "аз маҳдуд кардани дастрасӣ ба сомонаи хабарии "Ахбор" дар қаламрави Тоҷикистон изҳори нигаронӣ мекунам." Дерлим Ҳезир афзуд, "ба сурати давомдор масдуд кардани сомонаи хабарӣ дар Интернет нақзи ҷиддии озодии баён буда, аз чорчӯби дархости аз сомона бардоштани матлаби мушаххас хеле фаротар меравад. Читать дальше...
Маркази фармондеҳии Амрико дар Африқо иддаои Маскавро рад кард, ки гӯё ҳавопаймоҳои ҷангии ин кишвар дар Либия ҷойгир нашудаанд. Генерал Грегори Ҳэдфилд гуфт, бар асоси назорати Иёлоти Муттаҳида, 14 ҳавопаймои ҷангии навъи МиГ-29 ва Су-24 пас аз парвоз аз Русия дар пойгоҳи ҳавоии Ал-Ҷуфра дар Либия нишастанд. Ин пойгоҳ дар ҳоли ҳозир аз муҳимтарин марказҳои Халифа Ҳафтар, фармондеҳи Артиши Миллии Либия ба шумор меравад. Муовини фармондеҳи Маркази фармондеҳии Амрико дар Африқо рӯзи 29-уми май ба хабарнигорон гуфт... Читать дальше...
Дерек Чаувин, маъмури пулис дар аёлати Миннесота, ба қатли як марди сиёҳпӯсти амрикоӣ муттаҳам шудааст. Мақомот рӯзи 29-уми май гуфтанд, ки Чаувин аввал Ҷорҷ Флойдро боздошт кардаву дасташро бастааст ва сипас ба замин хобонда, зонуяшро ба гулӯи дувумӣ гузоштааст. Шахсе, ки аз наздикии маҳалли ҳодиса мегузашт, ин саҳнаро сабт карда ва дар шабакаҳои иҷтимоӣ гузошт. Дар видео марди 46-сола батакрор аз пулис мехоҳад, то пойи худро аз гулӯи ӯ бигирад, вале пулис тавваҷуҳ намекунад. Мард дертар дар шифохона ҷон додааст. Читать дальше...
Худдории озмоишгоҳҳо аз додани натиҷаи ташхиси тестӣ ба гирифторони COVID-19 нигаронии афроди сироятдидаро бештар кардааст. Мақомот мегуянд, беморон бо СМС-паёмак огоҳ карда мешаванд.
Бархе аз соҳибназарон дар Тоҷикистон қарори президенти Амрикоро дар бораи танзими кори шабакаҳои иҷтимоӣ танқид карданд. Онҳо мегӯянд, ҳатто дар сурати рад шудани қарор аз тарафи Конгресс ва додгоҳ, он "дастаке" ба ҳукуматҳои поймолкунандаи озодиҳои сиёсӣ хоҳад шуд.
Як ҳавопаймои ширкати "Сомон Эйр" 188 шаҳрванди бандмондаи Тоҷикистонро аз маркази Имороти Муттаҳидаи Араб ба Душанбе овард. Парвози чартерӣ ё ғайринақшавӣ шоми 29-уми май сурат гирифт. Мақомоти Тоҷикистон гуфтанд, теъдоди дигаре аз шаҳрвандони дармондаро ҳавопаймои ширкати Fly Dubai рӯзи 31-уми май меорад. Тоҷикистон аз нимаи дувуми моҳи март бо ҳадафи пешгирӣ аз сирояти коронавируси нав парвозҳои байналмилалиро қатъ кард. Ба ин сабаб садҳо шаҳрванди кишвар дар Русияву Туркия, Қазоқистону Ҳиндустон, Олмон ва Дубай дармонданд. Читать дальше...
Сайфиддин Тӯраев, сиёсатмадори саршиноси солҳои 1990-и Тоҷикистон, собиқ номзади раёсатҷумҳурӣ ва ноиби аввали раиси Шӯрои Олии Тоҷикистон рӯзи 30 май дар зодгоҳаш шаҳри Истаравшан дар синни 75-солагӣ аз ҷаҳон гузашт.
Бархе аз соҳибназарон дар Тоҷикистон қарори президенти Амрикоро дар бораи танзими кори шабакаҳои иҷтимоӣ танқид карданд. Онҳо мегӯянд, ҳатто дар сурати рад шудани қарор аз тарафи Конгресс ва додгоҳ, он "дастаке" ба ҳукуматҳои поймолкунандаи озодиҳои сиёсӣ хоҳад шуд.