Русия аз сабти беш аз 7930 мавриди нави сирояти сокинон ба коронавирус дар шабонарӯзи гузашта хабар дод. Ин рақам аз омори як рӯз пеш тақрибан 900 ҳолат бештар аст. Ҳоло шумори умумии гирифторони коронавирус дар Русия ба зиёда аз 114 ҳазор нафар расид. Маркази посухдиҳӣ ба буҳрони коронавирус дар Русия рӯзи якуми май гуфт, дар шабонарӯзи гузашта 96 нафар аз ин бемории ҳамагир ҷон бохтанд. Шумори умумии фавтидагон 1180 нафар аст. Мунтақидон теъдоди фавтидагонро аз коронавирус бештар аз омори ҳукумат медонанд. Читать дальше...
Ҷаббор Ғуломов (Ҳоҷӣ Ҷаббор), молики 55-солаи силсилаи доруфурӯшиҳо дар Кӯлоб ва қудои рӯҳонии шинохта Ҳоҷӣ Мирзо, шаби 1-уми май дар бемористони касалиҳои сироятии шаҳри Кӯлоб фавтидааст. Ӯро ду рӯз пеш бо таби баланд ва сулфаи хушк бистарӣ карда буданд. Яке аз наздикони Ҷаббор Ғуломов 1-уми май ба Радиои Озодӣ гуфт, "хостем, ҷасадашро ба хона барем, иҷозат нашуд. Баъд ба қабристон бурда, дафн карданд". Мусоҳиби мо гуфт, Ҷаббор Ғуломовро дар бемористон як писараш ҳамроҳӣ мекард ва ҳоло ӯ дар карантин аст. Читать дальше...
Ҷомеаи шаҳрвандии Тоҷикистон дар остонаи сафари ҳайати Созмони Ҷаҳонии Тандурустӣ аз ин ниҳод талаб кард, ки посухи чанд суоли муҳимро аз Вазорати тандурустӣ пурсад.
Асет Абишев, фаъоли зиндонии қазоқро аз утоқи ҷаримавӣ ба бемористони маҳбас бурданд. Гулнора Жуаспоева, вакили мудофеи Абишев рӯзи 30 апрел дар шабакаҳои иҷтимоӣ навишт, ки нафари таҳти ҳимояи ӯро "шоми дирӯз дар беморхонаи маҳбас бистарӣ кардаанд, то гуруснашинии ҳафтрӯзаашро қатъ кунад. Ӯро ба хотири талаб кардани василаҳои ҳифзи сиҳатӣ дар давраи карантин ду маротиба ба утоқи ҷаримавӣ интиқол додаанд". Аз мақомоти маҳбасҳои Қазоқистон бистарӣ шудани Абишевро тасдиқ карданд. Мақомот ҳамчунин гуруснашинии ӯро тасдиқ намуданд. Читать дальше...
Мисли аксар дӯстони воқеиву самимиам, бо Абдулло Ҳабибов бо "ҷанг" шинос шуда будам. Ошноии шахсӣ аст, албатта, манзурам, вагарна дар бораи он кас зиёд шунида будам.
Бархе аз донишҷӯён шикоят доранд, ки нархи роҳкиро аз Душанбе ба Хуҷанд афзудааст. Ин дар ҳолест, ки ба далели арзоншавии нархи нафт дар бозорҳои ҷаҳон рӯзи 1-уми май қимати сӯзишворӣ дар Тоҷикистон низ ба таври қобили мулоҳиза пойин омадааст.
Пешбинии ваҳшатноки Бонки ҷаҳонӣ аз сирояти коронавирус дар Тоҷикистон.
Дар нуқтаҳои фурӯши сӯзишвории Душанбе нархи бензин то андозае поийн рафтааст. Ҳарчанд мусофироне ки ҳоло ба самти шимол сафар доранд, аз баръакс гарон шудани нархи роҳкиро гила мекунанд.
Вокуниши аввалини сокинони Душанбе ба сирояти коронавирус .
Вокуниши сокинони вилояти ҷанубии Хатлон ба сирояти коронавирус аз тарафи хабарнигори Радиои Озодӣ Орзуи карим таҳқиқ шуда, дар як гузориш пешкаш шудааст.
Рӯзи 1-уми май сарбанди обанбори Сардобин, воқеъ дар вилояти Сирдарёи Узбекистон, рахна шуд. Кормандони вазорати ҳолатҳои фавқулодаи он кишвар сокинони маҳаллиро ба ҷои амн кӯчониданд. Шоҳидон гуфтанд, об баъзе аз минтақаҳои аҳолинишинро зер кардааст. "Соати 6-и субҳ бонги хатар зада шуд. Кормандони милиса фарёд мезаданд: "Бархезед, сӯи Ҷиззах шитобед, сарбанди обанбори Сардобин рахна шудааст". Манзили мо дар фосилаи як километр аз обанбор ҷойгир аст. Мо ҳуҷҷатҳоямонро гирифта, ба кӯча баромадем. Читать дальше...
Вакилони порлумони Қирғизистон лоиҳаи қонуни афви маҳбусонро бахшида ба 75-солагии Иди Ғалаба (пирӯзӣ дар Ҷанги Дувуми Ҷаҳонӣ) ва 10-солагии Инқилоби апрелӣ қабул карданд. Қонун аз маҳбас озод кардани мардоне, ки синнашон аз 60 гузаштааст, занони синнашон аз 55 боло, маъюбони гуруҳҳои 1-ум, 2-юм, ноновари хона ё шахсони дорои фарзанди маъюбро пешбинӣ мекунад. Ҳамчунин онҳое, ки ҷинояти сабук содир кардаанд, модарони серфарзанд ва танҳо, ноболиғон ва заноне, ки дар замони қабули қонуни мазкур 1 соли муҳлати ҷазояшон мондааст... Читать дальше...
Созмони Гузоришгарони бидуни марз (RSF) аз мақомоти Қазоқистон даъват кардааст, тақиби рӯзноманигоронеро қатъ кунад, ки масъалаҳои вобаста коронавирусро бозтоб медиҳанд. Масъулони созмон бозпурсӣ, таъқиб ва ифшои манбаъҳои махфии рӯзноманигоронро дар Қазоқистон "ғайри қобили қабул" номидаанд. "Мақомоти Қазоқистон бо баҳонаи ба таҳлука наафтидани мардум рӯзноманигорон ва блогеронеро таъқиб мекунанд, ки иттилои онҳо хилофи мавқеи расмӣ ҳастанд", - гуфт раҳбари намояндагии RSF дар Аврупои Шарқӣ ва Осиёи Марказӣ Жанна Кавеле рӯзи 30-юми апрел. Читать дальше...
Эмомалӣ Раҳмон, раиси ҷумҳури Тоҷикистон, маоши якмоҳаи худро ба маъракаи пешгирӣ аз паҳншавии COVID-19 ва мубориза бо ин бемории ҳамагир додааст. Дар ин бора дафтари матбуоти президент рӯзи 1-уми май иттилоъ дод, вале андозаи маоши ӯро эълон накард. Президент Раҳмон ҳамчунин бо дастури дигар барои кумак ба пизишконе, ки бо гирифторони КОВИД-19 ва шахсони зери карантин кор мекунанд, аз ҳисоби Фонди захиравӣ 12 миллиону 400 ҳазор сомонӣ ҷудо кардааст. Ҳукумати Тоҷикистон рӯзи 30-юми апрел эълон кард... Читать дальше...
Бонки Ҷаҳонӣ дар доираи лоиҳаи кумаки фаврӣ ба Тоҷикистон барои мубориза бо бемории COVID-19 сенарияи эҳтимолии густариши вирус ва шумораи тахминии беморон ва қурбониёнро муайян кард. Ҳукумати Тоҷикистон 30-юми апрел гуфт, ки 15 нафар ба коронавирус сироят шуданд, вале ҷузъиёт надод.
Ба андешаи ман, агар ҳамин сол нақшаи ҷашнҳои пуршукӯҳ дар кишвар бекор мегардид, иттилоот пинҳон дошта намешуд ва мардум таҳти ҳимоят қарор мегирифт, Тоҷикистон имкон дошт, ки дар мубориза бо COVID-19 то имрӯз пирӯзиашро эълон кунад.
Сафорати Тоҷикистон дар Олмон бо нашри як эълон хабар додааст, ки тоҷикони бандмонда дар Олмон ба ватан оварда мешаванд. Сафорат бо муроҷиат ба шаҳрвандони Тоҷикистон гуфтааст, имрӯз, 1-уми май ба самти Душанбе як парвоз анҷом мешавад ва таъкид кардааст, ки бояд дар зудтарин фурсат онҳо дар фурудгоҳи Франкфурт ҳозир шавад. Дар эълони худ сафорати Тоҷикистон аз парвози ҳавопаймои "Сомон – Эйр" ба самти Душанбе-Франкфурт хабар дода, таъкид кардааст, ки имкон дорад ин ҳавопаймо дар роҳи бозгашт "мусофиронро аз Франкфурт ба Душанбе барад". Читать дальше...
Рӯзномаи "Вашингтон пост" рӯзи панҷшанбеи 30-юми апрел ба нақл аз мақомҳои амрикоӣ гузориш дод, ки ҳукумати Доналд Трамп дар ҳоли баррасии роҳҳое барои муҷозоти Чин бинобар шеваҳои муборизаи ин кишвар бо паҳншавии коронавирус аст.
Михаил Мишустин, нахуствазири Русия эълом кард, ки гирифтори коронавирус шудааст ва аз ин рӯ худро карантин кардааст. Расонаҳои Русия рӯзи панҷшанбеи 30-юми апрел гузориш доданд, ки Мишустин дар гуфтугӯи видеоӣ бо Владимир Путин, президенти он кишвар, ин хабарро ба ӯ расонд ва Андрей Белоусовро ба унвони ҷониши муваққатии худ муаррифӣ кард. Ҳамчунин бинобар баёнияи Кремл, Путин бо имзои ҳукми сарпарастии Андрей Белоусов, ибрози умедворӣ кардааст, ки нахуствазир беҳбуд ёбад ва ба талошҳояш дар... Читать дальше...
Нашрияи The Financial Times бо истинод ба Маркази ғайридавлатии мониторинги иқтисоди Ҳиндустон навиштааст, ки ҳудуди 140 миллион сокини ин кишвар дар пайи чораҳои мақомот барои мубориза бар зидди коронавирус бе ҷои кор мондаанд. Ин барканориҳо сатҳи бекориро дар Ҳиндустон аз 8 то ба 26 дарсад боло бурдааст. Дар Ҳиндустон, ки беш аз 1 миллиарду 300 миллион аҳолӣ дорад, 35 рӯз мешавад, карантини сахт эълом шудааст. То ҳол 33 ҳазор сокини ин кишвар ба коронавирус мубтало шуда, 1074 кас ҷон бохтаанд. Читать дальше...
Муовини вазири умури дохилии Қирғизистон Мирлан Каниметов дар ҷаласаи Ситоди ҷумҳуриявӣ иттилоъ дод, ки парвандаи 6 сокин барои нақзи карантини хонагӣ ба додгоҳ фиристода шудааст. Ба гуфтаи ӯ, 8 шаҳрванди Қирғизистон барои қасдан вайрон кардани қоидаҳои санитарӣ-эпидемиологӣ ба ҷавобгарии ҷиноӣ кашида шудаанд. "21 нафари дигар низ сеҳазорсомӣ (беш аз 35-долларӣ) ҷарима карда шуданд. Дар умум 36 шаҳрванд барои нақзи карантини хонагӣ муҷозот шуданд", - иттилоъ дод муовини вазир. Мақомоти Қирғизистон... Читать дальше...
Узбекистон бо назардошти таҷрибаи кишварҳои хориҷӣ дар пайи паҳн шудани коронавирус тасмим дорад, имтиҳонҳои хатми донишгоҳҳоро тариқи онлайнӣ баргузор кунад. Дар ин бора президенти Узбекистон Шавкат Мирзиёев 30 апрел дар як ҷаласа иттилоъ дод. Ба огаҳии хадамоти матбуотии президенти Узбекистон, дар ҷаласа ба зарурати такмили низоми қабули ҳуҷҷатҳо дар муассисаҳои таълимӣ ва имкони супоридани фосилавии ҳуҷҷатҳо тариқи интернет таъкид шудааст. Мирзиёев ба шахсони масъул дастур додааст, ки ташкили... Читать дальше...
Бархе аз сокинони шаҳри Кӯлоб аз он нигаронанд, ки кӯчаву хиёбон ва маҳалҳои зисти мардум "дезинфексия" ва ё поккорӣ нашудааст. Дар ҳоле ки, ба гуфтаи онҳо, мақомот вуҷуди коронавируси навро дар кишвар тасдиқ карда, ба чораҳои пешгирӣ аз густариши он дастур доданд. Баҳодур Сафаров, масъули "дезинфексия"-и шаҳри Кӯлоб, 30-юми апрел ба Радиои Озодӣ гуфт, корҳои безараргардонӣ аввал дар мактабу боғчаи кӯдакон ва масоҷид оғоз шуда, акнун навбат ба кӯчаву хонаҳои мардум расидааст. "Пеш аз сафари нахуствазир Қоҳир Расулзода ба Кӯлоб... Читать дальше...
