Ҳавопаймои ширкати "Тоҷик Эйр", ки бо як парвози чартерӣ ё ғайринақшавӣ ба Маскав рафта буд, 220 шаҳрванди Тоҷикистонро аз Русия ба Душанбе меорад. Инҳо шаҳрвандоне ҳастанд, ки аз моҳи март боз дар боздоштшоҳҳои муваққатии Русия нигаҳдорӣ мешаванд ва ҳукми ихроҷ ё депортатсияашон содир шудааст.
Ҳавопаймои ширкати "Тоҷик Эйр", ки бо як парвози чартерӣ ё ғайринақшавӣ ба Маскав рафта буд, субҳи 20-уми май ба Душанбе расид. Бо ин ҳавопаймо 213 шаҳрванди Тоҷикистонро, ки бо қарори додгоҳҳои Русия ихроҷ шуда буданд, ба ватан оварданд.
Хуршеди Алидод (Хуршед Алидодов), овозхону оҳангсози шинохта ва ҳунарпешаи шоистаи Тоҷикистон, рӯзи 19-уми май дар 84-солагӣ даргузашт.
Бозиҳои IV ҷаҳонии кӯчманчиён ба иллати пандемияи коронавирус ба соли 2021 ба таъхир гузошта шуд. Ин тасмим бо мақсади ташкили Бозиҳо дар сатҳи сазовори мероси муштараки кишварҳо ва халқҳои туркзабон, инчунин ҳифзи саломатии варзишгарон ва дигар иштироккунандагон гирифта шуд. Бояд гуфт, ки Бозиҳои IV ҷаҳонии кӯчманчиён мебоист тирамоҳи соли 2020 дар Туркия баргузор мешуд. Бозиҳои қаблии ҷаҳонӣ дар шаҳри Чолпон-Отаи вилояти Иссиқкӯли Қирғизистон барпо гардида буданд. Шаш сол пеш дар нахустин Бозиҳои... Читать дальше...
Вазорати тандурустии Тоҷикистон эълон кард, ки дар шабонарӯзи гузашта 207 нафари дигар ба коронавируси нав мубтало шудаанд ва шумори умумии гирифторон рӯзи 19-уми май ба 1936 расид.
СММ рӯзи 19 май ба коҳиши билофосилаи хушунатҳо дар Афғонистон даъват ва ҳушдор дод, ки қурбонӣ аз ҳисоби мулкиҳо то рафт бештар мешавад. Даъвати Ҳайати ёрии СММ дар Афғонистон (UNAMA) ба Толибон ва ҳукумати Афғонистон дар ҳоле садо дод, ки фиристодаи ИМА дар Афғонистон бо Толибон ва ҳукумати Кобул даври нави муколамаро шурӯъ мекунад. Хушунатҳо дар Афғонистон, аз ҷумла аз ҷониби гурӯҳи “Давлати исломӣ” афзоиш ёфтааст. Ҳафтаи гузашта дар як ҳамлаи маргбор ба зоишгоҳи Кобул 24 нафар, аз ҷумла ду тифли навзоду чанд модар кушта шуданд. Читать дальше...
Кормандони корхонаи шакари "Ангрен шакар" бо нашри як муроҷиатномаи видеоӣ ба президенти Узбекистон Шавкат Мирзиёев изҳори нигаронӣ карданд, ки садҳо тонна шакари истеҳсолкардаи онҳо дар анборҳо хобидааст. Намояндаи "Ангрен шакар" гуфт, мушкили корхона баъди он ба миён омад, ки Мирзиёев фармони "Тадбирҳои навбатӣ барои дастгирии сокинон ва соҳибкорон дар давраи коронавирус"-ро имзо кард. Шакар ба рӯйхати маҳсулоте шомил карда шуд, ки ҳангоми ворид кардани он боҷи гумрукӣ ва андоз аз даромад ситонида намешавад. Читать дальше...
Вазорати умури хориҷии Узбекистон дар робита ба баҳсҳо атрофи лоиҳаи қонуни коргузорӣ дар корхонаҳои ин кишвар бо забони давлатӣ (узбекӣ) изҳорот нашр кард. Мария Захарова, намояндаи вазорати корҳои хориҷии Русия рӯзи 14-уми май дар нишасти хабарӣ гуфта буд, ки ҷонибдорони лоиҳаи қонуни ҷорӣ кардани коргузорӣ ба забони узбекӣ дар Узбекистон "ақалиятҳоянд". "Масоили марбут ба танзими бахши забони давлатӣ як ҷузъи истисноии сиёсати дохилии давлатӣ буда, дахолат ба он ғайриқобили қабул аст", - омадааст дар изҳороти ВУХ Узбекистон. Читать дальше...
Дар ҳамлаҳои ҷудогона дар вилояти ҷанубуғарбии Балуҷистони Покистон ҳафт узви гурӯҳҳои ниманизомӣ кушта шуданд. Сарбози ҳаштум дар паи таркиши бомбаи сарироҳӣ дар шимолуғарби кишвар ҷон дод. Замоне, ки ниманизомиён савори мошин дар минтақаи Бӯлони Балуҷистон бо гаштугузори шабона машғул буданд, мошин ба бомбаи сарироҳӣ бархӯрд ва дар натиҷа, шаш узви гурӯҳи низомӣ кушта ва чор нафарашон маҷрӯҳ шуданд. Ҳодиса рӯзи 17 май дар 80-километрии ҷанубушарқи Кветта – шаҳри марказии вилоят рух дод. Масъулияти... Читать дальше...
Тоҷирони бозори қисмҳои эҳтиётии мошинҳои "Көл-Auto" дар шаҳри Оқтеппаи Қазоқистон талаби сабук кардани карантин ва боз шудани бозорро доранд. Даҳҳо тан аз тоҷирони ҷамъшуда гуфтанд, ки аз 30-юми март ба ин тараф дар хона мешинанд ва гирифтори мушкили иқтисодӣ шудаанд. Тоҷирон мегӯянд, барояшон муаамост, ки чаро 5-уми май бозор боз ва дубора рӯзи 7-уми май баста шуд. "Комисияи ҳукумати шаҳр омад, бозорро санҷид ва хулоса дод, ки "ба талаботи беҳдоштӣ мувофиқ аст". Мо дарҳои бозорро боз кардем... Читать дальше...
Кумитаи умури қонуни конститутсионӣ, сохтори давлатӣ, масоили додгоҳиву ҳуқуқии порлумони Қирғизистон рӯзи 19-уми май тарҳи қонун дар бораи пойин овардани ҳадди интихоботии 5%-ро баррасӣ кард. Гуруҳе аз вакилон пешниҳод карданд, ки ба қонун дар бораи интихоботи президент ва вакилони порлумони Қирғизистон тағйирот ворид шавад. Пешниҳоди вакилон марбут ба меъёре буд, ки тибқи он ҳизбҳои сиёсие, ки дар интихобот 5 дарсади раъйи сокинонро ба даст меоранд, шомили порлумон мешаванд. Ба ҷуз ин, вакилон пешниҳод карда буданд... Читать дальше...
Масъулони ширкати "Тоҷик Эйр" дар суҳбат бо Радиои Озодӣ тасдиқ карданд, ки як ҳавопаймои ширкат шоми 19-уми май аз Душанбе ба Маскав меравад. Сомонаи расмии фурудгоҳи "Домодедово" гузориш дод, ки ҳавопаймои "Тоҷик Эйр" соати ёздаҳи шаб фуруд меояд.
Муҳоҷирон дар марзи Русия бо Қазоқистон банд мондаанд.
Табибе аз ноҳияи Фархор пули барои ҳаҷ ҷамънамудаашро барои кумак ба ҳамкасбонаш масраф кард.
Пайвандони Маҳмадалӣ Ҳайит, муовини зиндонии раиси Ҳизби феълан дар Тоҷикистон мамнӯи наҳзати исломӣ, мегӯянд, ки мақомот намегузоранд, бо ӯ телефонӣ тамос гиранд. Вай ба ҳабси абад маҳкум шудааст. Маҳмадалӣ Ҳайит ва наздиконаш ҳукмро сиёсӣ медонанд.
Доналд Трамп, президенти ИМА гуфт, дар сурате агар Созмони ҷаҳонии тандурустӣ (СҶТ) уҳдадор нашавад, ки давоми 30 рӯзи оянда фаъолияташро беҳ мекунад, вай маблағгузории созмони мазкурро кам хоҳад кард. Трамп гуфт, дар сурати ғайр вай узвияти кишварашро дар СҶТ бозбинӣ ва сармоягузорӣ ба созмонро муваққатан қатъ хоҳад кард. Президенти ИМА ин хабаррро дар твиттер нашр кард. Ба гуфтаи вай, роҳи ягона барои СҶТ - ин ба намоиш гузоштани мустақилӣ аз Чин аст. Трамп пештар СҶТ-ро "лухтак"-и Чин унвон карда буд. Читать дальше...
Владимир Путин, президенти Русия вазъ дар минтақаи Доғистони ин кишварро "вазнин" унвон кард. Ин дар ҳолест, ки пештар аз ин муфтии Доғистон мубориза бо COVID-19-ро дар Доғистон бо мубориза зидди фоҷиа баробар карда буд. Путин дар як ҷаласаи видеоӣ бо мақомоти Доғистон рӯзи 18-уми май гуфт, ки вазъи паҳншавии вируси корона дар Русия ҳамоно хатарнок аст ва дар Доғистон вазъият душвортар мешавад. Ба бовари Путин, сабаби асосӣ он аст, ки сокинони Доғистон "ба худтабобат машғул шуда, ба табибон дер муроҷиат мекунанд". Читать дальше...
Ширин Назирмадова, пизишки 60-сола, дар бемористони марказии ноҳияи Фархори вилояти Хатлон кор мекунад. Вай бо нияти сафари ҳаҷ пул ҷамъ карда буд, вале густариши коронависи нав дар ҷаҳон, аз ҷумла Тоҷикистон ва баста будани роҳҳо аз нияташ гашт.
Дар нимҷазираи аз ҷониби Русия ишғолшудаи Қрим ва дар Украина рӯзи 18 май бузургдошти хотири қурбониёни ихроҷи тоторҳои Қрим дар соли 1944 баргузор шуд. Дар Киев ва чанд шаҳри дигар маросимҳои мотам барпо шуд. Инчунин шурӯъ аз дирӯз дар Украина ҳафтаи ҳамраъйӣ бо мардуми тоторҳои Қрим оғоз мешавад. Шабакаҳои иҷтимоӣ ҳам флешмоб ё маъракаҳои иттилоотии худро роҳандозӣ кардаанд. Дар шаҳри ишғолшудаи Севастопол шаҳрдор Михаил Развозжаев дар назди ҳайкали ёдгории ихроҷшудаҳои Қрим гулчанбар гузошт. Читать дальше...
Қарор аст Залмай Халилзод, фиристодаи ИМА барои Афғонистон бо намояндагони Толибон ва мақомоти Афғонистон барои суръат бахшидан ба музокироти сулҳ бар пояи созиши 29 феврал имзошуда гуфтугӯ анҷом диҳад. Дар изҳороти Департаменти давлатии ИМА рӯзи 18 май гуфта шуд, ки мулоқоти Халилзод бо Толибон дар Давҳа баргузор ва дар ҷараёни он иҷрои созиши сулҳ “ва таъкид ба иқдомҳои зарурӣ дар амри роҳандозии музокираҳои байни афғонҳо, аз ҷумла коҳиши ҷиддии хушунатҳо” муҳокима мешавад. Мулоқоти Халилзод бо Толибон дар ҳоле барпо хоҳад шуд... Читать дальше...
Президенти ИМА Доналд Трамп гуфт, ба хотири коҳиши нишонаҳои коронавирус маводи дорувори зидди малярияро истеъмол мекунад, ҳарчанд ҳанӯз далели амну бехатар ва муассир будани ин мавод дар даст нест. Трамп рӯзи 18 май гуфт, ки давоми якуним ҳафтаи гузашта гидроксихлорохин ва рӯҳ истеъмол кард ва эҳсос накард, ки ин мавод кадом таъсири манфӣ бар ҷой гузошт. Ӯ гуфт, “ҳоло ҳаминро гуфта метавонам, ки ман хубам”. Трамп гуфт, ки дар чанд рӯз як бор аз санҷиши коронавирус мегузарад. Санҷиши саломатии президенти ИМА баъди он шурӯъ шуд... Читать дальше...
Дар рӯзи аввали кори Маҷмааи умумии Созмони Ҷаҳонии Тандурустӣ интиқодҳо аз амалкарди созмон дар баробари паҳншавии коронавируси нав зиёд шуд.
Бунёди Федератсияи байналмилалии футбол (FIFA) оид ба кор бо лоиҳаҳои рушди иҷтимоӣ барои ҷамъоварии маблағ дар мубориза бо пандемияи коронавирус бозии хайриявӣ ташкил мекунад. Дар ин бора дафтари матбуоти FIFA хабар додааст. Маблағҳои ҷамъшуда ба рушди технологияҳои гуногуни табобати бемориҳо аз коронавирус, беҳтар кардани ташхис, табобат ва эҷоди ваксинаҳо равона карда мешавад. "Мо бояд ҳамбастагиро нишон диҳем ва тамоми саъю кӯшишамонро дар мубориза бар зидди пандемия идома диҳем, - гуфт президенти FIFA Ҷанни Инфантино. Читать дальше...
Шаҳрвандони Қирғизистон, ки 10 рӯзи ахир бо гумони мубталошавӣ ба коронавирус дар пойгоҳи ҳавоии пешини "Гансӣ"-и ин кишвар зери назоратанд, бо нишони эътироз даст ба бетартибӣ заданд. Онҳо аз мақомот талаб доранд, ки ба ҷои интиқол ба беморхонаи касалиҳои сироятӣ ба хонаҳояшон фиристода шаванд. Видеои бетартибиҳо дар Интернет нашр шудааст. "Беморон рафторҳои хушунатомез доранд. Баъзе ҳолатҳое буд, ки ба табибон ҳамла карданд. Имрӯз ба самти мошини "ёрии таъҷилӣ" сангпартоӣ карданд. Намояндагони... Читать дальше...