Созмони Ҷаҳонии Тандурустӣ (СҶТ) рӯзи 25 май ҳушдор дод, ки ба кишварҳои осебдида аз коронавирус бо вуҷуди камшавии мавридҳои гирифторӣ ба COVID-19 хатари “авҷгирии дубораи беморӣ” таҳдид мекунад. Биноан, мегӯяд ин ниҳоди байнулмилалӣ ҳукуматҳо набояд бо шитобзадагӣ аз чораҳои эҳтиётӣ даст кашанд.
Баъди низоъи рӯзи Иди Рамазон дар марзи Тоҷикистону Қирғизистон, намояндагони марзбонии ду кишвар гуфтугӯ ва таҳқиқи ҷудогонаи ҳодисаро шуруъ карданд. Дар ҳамин ҳол, ҳар ду кишвар фарзияи худро оид ба сар задани низоъ пешниҳод кардаанд. Дар низоъи рӯзи 24-уми май аз силоҳ истифода шуд. "Мулоқот 24-уми май баргузор шуд. Танҳо марзбонон гуфтугӯ карданд. Сабаби низоъ убури ҳайвонҳои хонагии Тоҷикистон ба ҳудуди Қирғизистон будааст. Марзбонони қирғиз рӯзи 23-юми май сокинони Тоҷикистонро огоҳ карданд... Читать дальше...
Имрӯз дар бораи як роҳи сохтаи чиниҳо дар Панҷакент, сӯҳбат мекунем, гурезогурези муҳоҷирони тоҷик дар бозори Фуд Ситии Маскавро мебинем ва ба як гӯшаи зебои Тоҷикистон меравем, ки шояд бисёриҳо надидаанд.
Ёдгор Файзов, раиси 59-солаи Вилояти Мухтори Кӯҳистони Бадахшон дар яке аз беморхонаҳои шаҳри Хоруғ бистарӣ шудааст.
Абдусаттор Бобоев, собиқ раиси бахши исфарагии Ҳизби дар Тоҷикистон мамнуи наҳзати исломӣ ва узви раёсати ин ҳизб шаби 25-уми май дар зиндони рақами 3-и низомаш сангини Хуҷанд даргузашт. Наздиконаш мегӯянд, сабаби марги ӯро сактаи қалб гуфтанд.
Вазорати тандурустии Тоҷикистон рӯзи севвум аст, ки аз коҳиши гирифторӣ ба бемории COVID-19 дар кишвар хабар медиҳад. Ин ниҳод дар гузориши тозааш шоми 26-уми май навишт, дар шабонарӯзи гузашта 166 ҳолати нави сироятёбӣ ба коронавируси навро ба қайд гирифтааст. Дар ҳоле, ки то се рӯзи пеш ин рақам ҳамарӯза аз 200 нафар бештар буд. Тибқи иттилои Вазорати тандурустӣ аз рӯзи 30-юми апрел то имрӯз гирифтории 3266 нафар ба коронавирус дар кишвар собит шуда, 1417 нафар аз ин беморӣ шифо ёфтаанд. Мақомот гуфтанд... Читать дальше...
Як сокини ноҳияи Фархор ҳангоми кандани хандақ дар наздикии қалъаи “Золи Зар” ҳайкалчаи Буддоро пайдо карда, ба осорхонаи ноҳия супурдааст. Бостоншиносон мегӯянд, Ин нахустин пайкараи сангии Буддост, ки дар ин минтақа ёфт шудааст.
Кумитаи дин ва танзими расму маросим дар Тоҷикистон ба мақомоти маҳаллии кишвар дастур додааст, ки то беҳбуди вазъият барои баргузории маросимҳои арӯсӣ ба сокинон иҷозат надиҳад.
Дар Тоҷикистон ҳанӯз охири моҳи март барои пешгирӣ ва назорати сирояти Ковид -19 телфони боварӣ фаъол карда шуд. Танҳо як моҳ баъд аз ин мақомоти тоҷик вуҷуди ин бемориро дар кишвар эътироф карданд.
Дар Тоҷикистон туй ва тамошо дар давраи сирояти коронавирус манъ мешавад.
Дар Беларус моҳи август интихобти президентӣ баргузор мешавад. Александр Лукашенко, ки аз соли 1994 раҳбарии ин кишварро бар ӯщда дорад, то ҳол нагуфтааст, ки барои ҳифзи курси президентӣ талош меварзад. Вале бо ин ҳам мухолифин талаб доранд , ӯ имкон бидиҳад, ки шахси нав сари қудрат ояд.
Сокинони шаҳри Ишқободи Туркманистон барои хонаводаҳои вилояти Лебап, ки моҳе пеш аз шамоли сахт зиён диданд, пинҳонӣ кӯмак ирсол мекунанд. Аммо мақомот бо ҳар роҳе талош доранд, ки пеши роҳи ин кӯмакҳоро бигиранд. "Сокинони Ишқобод пинҳонӣ, бо риояи эҳтиёткорӣ, ба таври худҷӯш кӯмак ҷамъоварӣ карда, тариқи қатора ба сокинони офатзадаи Туркманобод ирсол мекунанд", - гуфт як сокини Ишқобод. Асосан ин кӯмакҳо аз либос, маводи ғизоӣ иборатанд. "Мардум нисбат ба ҳукумат хайрхоҳтар аст, ки ҳамдигарро дар рӯзи вазнин танҳо нагузоштанд"... Читать дальше...
Мақомот пайвандони онҳоеро, ки аз COVID-19 фавтидаанд, аз наздик омадан ба майит ё даст расондан ба он нигоҳ медоранд. Ин амал соҳибони мурдаро норозӣ мегузорад ва ҳамзамон масъалаи риояи суннатҳои дафнро пеш овардааст, аммо мақомот мегӯянд, пешгирӣ аз сироятҳои нав бояд ҳадафи асосӣ бошад.
Мақомоти Алмато мегӯянд, 22 фавтида, ки дар мазори махсусе дафн шудаанд, қурбониёни COVID-19 ҳастанд. Аммо расонаҳои он кишвар навиштанд, ки дар он мазор шумори қабрҳои тоза ба маротиб бештар аст. Рӯзи 25-уми май теъдоди ин қабрҳо дар мазоре дар 50-километрии шаҳри Алмато ба 32 расида буд. Вале мақомоти Қазоқистон мегӯянд, на ҳамаи дафншудаҳо дар қабристони мавриди назар қурбониёни COVID-19 ҳастанд. Айжан Есмагамбетова, сарпизишки беҳдоштии Қазоқистон дар шарҳи кам будани маргу мири одамон... Читать дальше...
Созмони ҷаҳонии тандурустӣ (СҶТ) муваққатан озмоиши ҳабҳои гидроксихлорохин ва хлорохинро, ҳамчун доруҳои табобаткунандаи гирифторони вируси корона, манъ кард. Дар ин бора роҳбари СҶТ Тедрос Гебрейесус хабар дод. Вай гуфт, ин тасмим ба далели бехатарӣ рӯи даст гирифта шудааст. Чанде пеш маҷаллаи "Лансет" доир ба ин доруҳо пажуҳишеро нашр кард. Ба навиштаи маҷалла, доруҳои мазкур мумкин аст, хатари фавтро аз COVID-19 афзоиш диҳанд. Олимон баъди таҳлили вазъи даҳҳо ҳазор гирифтори вируси корона... Читать дальше...
Мақомоти вилояти мухтори куҳистони Бадахшон равуои шаҳрвандон аз ноҳияҳо ба шаҳри Хоруғро маҳдуд кардаанд. Ғолиб Ниятбеков, сухангӯи раиси вилояти Бадахшон рӯзи 26-уми май дар суҳбат ба Радиои Озоди гуфт, чунин тасмим ба хотири пешгири аз сирояти коронавирус гирифта шудааст.
Дар ҳоле, ки оташбаси серӯзаи Толибон вориди рӯзи ахири худ мешавад, ҳукумати Афғонистон дар назар дорад, ки рӯзи 26-уми май беш аз 900 зиндонии ин гурӯҳро озод кунад. Ин оташбас аз рӯзи аввали Иди Фитр - 24 май ба ҳолати иҷро даромад ва ба гуфтаи мақомот, дар бештари манотиқи ин кишвар риоя шуд. Ҳукумат дар посух ба эълони оташбаси серӯзаи Толибон посух дод, ки дар назар дорад 2000 ҷангҷӯи ин гурӯҳро аз маҳбас раҳо мекунад. "Тасмим аст, ки имрӯз 900 зиндонӣ озод шаванд",-гуфт сухангӯи Шӯрои... Читать дальше...
Мақомоти Тоҷикистон хабар доданд, ки ҳамаи шаҳрвандони кишварро аз марказҳои нигоҳдории муваққатии Русия ба ватан бармегардонанд. Ин гуруҳи муҳоҷирон асосан афроде ҳастанд, ки қарори додгоҳ барои ихроҷашон аз Русия содир шуда, аммо бо сабаби қатъи парвозҳо натавонистанд ба ватан бозгарданд. Сафорати Тоҷикистон дар Русия рӯзи 25-уми май бо нашри як иттилоия гуфт, бозгардонии шаҳрвандони Тоҷикистон, ки дар Русия дармондаанд, бар асоси як нақша сурат мегирад. Ба иттилои Сафорат, дар навбати аввал шаҳрвандоне ба Тоҷикистон фиристода мешаванд... Читать дальше...
Оташбаси гуруҳи даҳшатафкани Толибон ва ҳукумати Афғонистон дар пасманзари омодагиҳои Кобул барои озод кардани ҳудуди 2 ҳазор ҷангҷӯи гуруҳ аз зиндон рӯзи севум аст, ки ҳифз мешавад. Толибон бахшида ба Иди Рамазон дар Афғонистон аз 24-уми май оташбаси чаҳоррӯза эълом кардааст. Ҳукумати Афғонистон аз ин иқдоми гуруҳ истиқбол карда, дар бораи нақшаи раҳоии ҷангҷӯён хабар дод. Толибон ва ИМА моҳи феврал созишномаеро имзо карданд, ки ба қатъи даргириҳои чандинсола дар Афғонистон равона шудааст. Он... Читать дальше...
Тоҷирони "Ҳулбук", бозори калонтарини минтақаи Кӯлоб мегӯянд, хуруҷи пандемияи коронавирус тиҷораташонро заъиф кардааст. Бозори мазкур ҳар рӯзи ҷумъаи фаъол аст ва сокинони навоҳии минтақаи Кулоб барои хариду фурӯш ба инҷо зиёд меоянд.
Қосимҷомарт Тоқаев, президенти Қазоқистон рӯзи 25-уми май тағйирот ва иловаҳоро ба қонун дар бораи ҳизбҳои сиёсӣ ва интихобот имзо кард. Тағйирот кам кардани шумори ҳатмии аъзоро барои сабти ҳизби сиёсӣ - аз 40 то 20 ҳазор - пешбинӣ мекунад. Ба ҷуз ин, дар рӯйхати интихоботии ҳизбҳои сиёсӣ барои занон ва ҷавонон квота ҷорӣ мешавад. Бино ба тағйироти қабулшуда, ҳамакнун на камтар аз 30 дарсади номзадҳои ҳизбҳоро бояд ҷавонон ва занон ташкил диҳанд. Коршиносон ва фаъолони маданӣ ин тағйиротро зоҳирӣ унвон карданд. Читать дальше...
Мусобиқаи қаҳрамонии футболи Олмон, ки ба далели пандемияи коронавирус мавқуф гузошта шуда буд, бо бозиҳои даври 27-ум азнав оғоз ёфт. Дар нахустин бозии даври 27-уми Бундеслига ду дастаи Берлин - «Герта» ва «Унион» - бо ҳам рақобат карданд. Бозӣ бо пирӯзии «Герта» бо ҳисоби бузурги 4:0 хотима ёфт. Рӯзи шанбе «Боруссия»-и Дортмунд «Вольфсбург»-ро бо ҳисоби 2:0 шикаст дод. «Боруссия»-и Менхенгладбах аз «Байер» бо ҳисоби 1:3 мағлуб шуд. «Бавария»-и Мюнхен бар «Айнтрахт» бо ҳисоби 5:2 ғолиб омад. Читать дальше...
Байни Туркия ва Қирғизистон масири нави рафту омади мошинҳои борбар ва қатора боз шуд. Ин масир аз ҳудуди Қирғизистон, Узбекистон, Туркманистон, Озарбойҷон ва Туркия мегузарад ва Қазоқистонро канор мегузорад. Дар ин бора Талантбек Маткерим уулу, раиси Палатаи савдо ва саноати Қирғизистон хабар дод. Вай афзуд, гуфтугӯҳои таъсиси ин масир бештар аз ду сол давом кардааст. "Барои амалисозии ин тарҳ вақт ва маблағи зиёде харҷ шудааст. Чанде пеш 40 контейнер аз ин масир расид ва расидани 60 контейнери дигар дар назар аст. Читать дальше...
Қубодбек Боронов, муовини сарвазири Қирғизистон дар як ҷаласаи ҳукуматӣ гуфт, ки бидуни ниқоб ҳозир шудан дар ҷойҳои ҷамъиятӣ ва нақлиёти умумӣ ҷавобгарӣ дар пай дорад. Боронов афзуд, кормандони бехатарии марказҳои тиҷорӣ ва мағозаҳо масъулият доранд, ки риояи меъёрҳои беҳдоштиро аз сӯи муштариҳо ва кормандони ин муассисаҳо назорат кунанд. "Сар аз 25-уми май бархе аз муассисаҳо дубора ба фаъолият пардохтанд, нақлиёт дар шаҳрҳо ба гардиш даромад. Кормандони мақомоти шаҳрҳо, роҳбарони муассисаҳои нақлиёти ҷамъиятӣ вазифадоранд... Читать дальше...
Гуруҳе аз сокинони ноҳияи Рӯшони Вилояти Мухтори Кӯҳистони Бадахшон (ВМКБ) рӯзи 25 май бо эътироз аз боздошти ду ҷавони деҳаи Барӯшони ин ноҳия даст ба тазоҳурот задаанд. Мақомоти вилоят аз додани маълумот дар ин бора худдорӣ карданд, вале як манбаи наздик ба Вазорати корҳои дохилии Тоҷикистон бо тасдиқи хабар гуфт, эътирозҳо ба қазияи сокини ин деҳа Шароф Қобилов рабт доранд, ки 22 май ба гумони даст доштан дар қочоқи маводи мухаддир боздошт шудаааст. "Кормандони амният талош карданд ду узви гуруҳи Қобиловро дастгир кунанд... Читать дальше...