افغانستان د کرکټ په روان نړیوال جام سیالیو کې د بنګلهدېش په ماتولو سره نیمه پایلوبې ته ووت. دې بریا د افغانستان په یو شمېر سیمو کې خلکو واټونو راوتلو ته اړ ایستل او دوی په پراخه کچه دغه بریا ونمانځله. نور په ویډیو کې:
د کرکټ په روان نړیوال شل اوریز جام سیالیو کې د افغانستان کرکټ ملي لوبډله نیمه پایلوبې ته ووت. له دې بریا سره جوخت د ننګرهار په ګډون په یو شمېر نورو سیمو کې افغانان سړکونو ته راووتل او په خوښیو یې دغه بریا ونمانځله.
د جون پر ۲۵مه د خوست زرګونه خلک د ښار لارو او کوڅو ته راوتلي ول او د کرکټ د روان ۲۰ اووره نړیوال جام نیمه پایلوبې ته يې د افغانستان د رسېدو خوښي ولمانځل. دا د افغانستان د کرکټ په تاريخ کې لومړی ځل دی چې د نړيوال جام سېمي فاينل ته وځي. افغانستان به د جون پر ۲۷مه له جنوبي افريقا او هند به له انګلينډ سره نيمه پايلوبې کوي. په دې اړه نور حال په ويډيويي راپور کې وګورئ.
په داسې حال کې چې خیبر پښتونخوا د بجلۍ له کمساري لوډشېډینګ سره مخامخ ده، صوابۍ اېکشن کمېټۍ د جون له ۳۰ مې د بجلۍ د بیلونو نه ورکولو اعلان کړی دی. بلخوا صوبايي حکومت وايي چې د بیا بیا خواستونو باوجود مرکزي حکومت د ستونزې په هوارولو کې مرسته نه ورسره کوي.
په پاکستان کې تېر ۲۰۲۳ز کال کې د ګوزڼ شپږ پېښې ثبت شوې وې چې ورڅخه یې څلور ماشومان د خیبر پښتونخوا او دوه د سیند اوسېدونکي ول.
د افغانستان کرکټ ملي لوبډله په لومړي ځل د شل اوریز نړیوال جام سیالیو نیمه پایلوبې ته لار پیدا کړه. د افغان لوبډلې لوبډلمشر راشدخان وايي، خوشحاله دی چې افغان لوبډله نیمه پایلوبې ته ووته. نور په ویډیو کې:
د افغانستان د ۲۰ اووره کرکټ د ملي لوبډلې مشر راشد خان وايي له بنګلادېش سره یې سیالي سخته وه خو افغان لوبغاړو په دې باور لوبه کوله چې بریا به د دوی په برخه وي. نوموړي له سیالۍ وروسته رسینو ته په وینا کې وویل چې په هغې سیالۍ کې څو واره داسې موقعې راغلې چې د کتونکو په اند دوی د بايللو خوا ته روان ول، خو د هغه په وينا بیا هم د ټولو افغان لوبغاړو په همکارۍ او همت دغه بايلل په بریا بدل شول. د جون پر ۲۵مه افغانستان بنګلادېش ته په ماتې ورکولو سره د ۲۰۲۴ز کال د ۲۰ اووره نړيوال جام نيمه پايلوبې يا سېمي فاینل ته ووت. Читать дальше...
هغه د جون پر ۲۴مه سېنېټ کې د خبرو په مهال وويل چې درې ورځې مخکې اعلان شوي، د عزم استحکام په نوم پوځي عمليات ځکه نه مني چې د ګټې پر ځای یې نقصان ډير دی
په سوېټزرلینډ (سوېس) کې یو خیریه بنسټ د هوسیو د بچیو ژغورلو لپاره بې پیلوټه الوتکه یا ډرون کاروي. په هغه هېواد کې هوسۍ ازادې ګرځي او په پټیو کې بچي زېږوي چې اکثر د فصل رېبلو یا لوونو پر مهال تر ټرېکټر لاندې کېږي او وژل کېږي. خیریه بنسټ وايي چې په هغو پېښو کې هر کال د هوسیو شاوخوا ۲،۰۰۰ بچي وژل کېږي. همدا لامل دی چې هغه بنسټ په پټیو کې د هوسیو د بچیو لیدو او ژغورلو لپاره ډرون کاروي. کروندګر وايي د هوسیو بچیو په مرګ دردېږي. د رویټرز اژانس له ویډیو جوړ رپورټ.
