د پکتیا د روحاني بابا ولسوالۍ اوسېدونکو د خپلې سیمې د سړک د یوې برخې جوړولو چارې پیل کړې دي. دوی وايي چې د بیارغونې لګښتونه بهر مېشتي ځايي مسافر پرې کوي. د سیمې اوسېدونکي وايي چې د افغانستان له بېلابېلو برخو څخه خلک روحاني بابا ته چکر او زیارت ته ورځي او سړک یې خراب وو نو ځکه یې د رغولو پرېکړه وکړه. ویډیويي رپورټ.
عبدالرازق له څه باندې ۳۵ کلونو راهیسې د بلوچستان د سرانانو د افغان کډوالو په کمپ کې اوسي او هلته د خښتو په بټۍ کې کار کوي. دی وايي، ځواني یې د بل په مزدورۍ کې تېره کړه او اوس په پاخه عمر کې هم له مجبورۍ خښتې وهي. ملګري ملتونه هر کال د جون ۲۰مه کډوالو ته ځانګړې کوي.
په خیبر کې د جون پر ۱۸مه د خبریال خليل جبران اپرېدي په وژنه د هغه شپږ بچي یتیم شوي دي. د هغه یوه لور حوره اپرېدۍ وايي چې هېڅکله یې دا فکر نه وو کړی چې په ژوند کې به یې داسې ورځ راځي. هغې د جون پر ۲۰مه مشال راډیو ته وویل چې پلار یې د کورنۍ د ګټې وټې یوازینی کس وو. نوموړې وايي، له پلاره یې ځینې دوکانونه ورپاتې دي چې ښايي د کور ګوزاره په وشي. اپرېدۍ وايي چې پلار یې لوی خبریال وو او ورباندې ویاړي. له حورې اپرېدۍ سره بشپړه مرکه واورئ.
په ماسپښین کې د مختصر وخت لپاره ویده کېدل (یا قیلوله کول) د روغتیا لپاره ګټوره ګڼل کېږي چې د پښتنو تر څنګ د عربو په کلتور او اسلامي تاریخ کې هم ځای لري. د قیلولې د اهمیت په اړه د خلکو د پوهاوي لپاره د جنوبي کوریا په سر ښار سیول کې، په یو پارک کې د مې پر ۱۸مه یوه سیالي وشوه. منورشاه د رویټرز اژانس له ویډیو څخه دا راپور جوړ کړی دی.
عبدالرازق له څه باندې ۳۵ کلونو راهیسې د بلوچستان د سرانانو د افغان کډوالو په پنډغالي یا کیمپ کې اوسي او هلته د خښتو په بټۍ کې کار کوي. دی وايي، ځواني یې د بل په مزدورۍ کې تېره کړه او اوس په پاخه عمر کې هم له مجبورۍ خښتې وهي. په پاکستان کې د عبدالرازق په څېر لکونه افغان کډوال اوسي چې په بې وزلۍ کې د ژوند شپې سبا کوي. ملګري ملتونه هر کال د جون ۲۰مه کډوالو ته ځانګړې کوي. موږ د همدې ورځې په مناسبت له عبدالرازق سره د هغه پر ژوند غږېدلي یو.
