د افغانستان د کرکټ ملي ټيم همدا جمعه د جون ۱۴مه سهار وختي له پاپوا نیوګینه سره لوبه کوي. د دوی لوبه د ترینداد په ښار کې ترسره کېږي. افغانستان په دوو بریاوو او لوړ اوسط د سي ډلي مخکښ دی. په دې ویډیو کې د افغانستان او پاپوا نیوګینې د لوبې په اړه لا زیات معلومات وړاندې شوي
په کراچۍ کې د قربانۍ لپاره د څارویو منډۍ جوړ شوی، چې تر اوسه ورته نږدې دوه لکه څاروي وروستل شوي دي. اخيستونکي وايي، سږکال څاروي ګران دي، خو د څارويو سوداګر بیا وايي چې د څارويو خوراک، د ګاډو کرايه او نور لګښتونه یې زیات شوي دي نو ځکه څاروي ګران خرڅوي. د کراچۍ څارویو منډۍ د پاکستان په کچه تر ټولو لویه او مشهوره منډۍ ده، چې هر کال د لوی اختر په مناسبت جوړېږي. په منډۍ کې د څارویو لپاره ځانګړې ځایونه، اوبه، خوراک او امنیتي تدابیر برابر شوي دي. سوداګر د پاکستان له بېلابېلو برخو څاروي هلته ورولي او اخيستونکي... Читать дальше...
محمد اورنګزېب پرداسې مهال د بجټ قانوني مسوده وړاندې کړې چې پاکستان له اقتصادي او مالي مشکلاتو سره مخامخ دی او د پیسو له نړیوال صندوق (ای اېم اېف) څخه د بل پور اخیستو په لټه کې دی.
د پاکستان د سرکاري ادارو کارکوونکو د جون پر ۱۲مه د ګرانۍ په تناسب د تنخاګانو زیاتولو لپاره مظاهره کړې ده. د پارلېمان ودانۍ مخې ته احتجاج ته د هېواد له بېلابېلو برخو څخه سرکاري ملازمان ورغلي ول. دا مظاهره پر داسې مهال شوې چې حکومت قامي اسمبلۍ ته بودیجه وړاندې کړه چې پکې یې د تنخاګانو زیاتولو وړاندیز هم کړی دی. ویډیويي رپورټ.
هما حشمت په خیبرپښتونخوا کې په ګوتو شمار یو له موټرسایکل چلونکو څخه ده. هغه وايي، د موټرسایکل چلول ورته د ازادۍ او خپلواکۍ حس ورکوي.
د دې اونۍ "د مشال تر رڼا لاندې" کې د خيبر پښتونخوا په جنوبي ضلعو کې د وسلوالو د زیاتېدونکیو فعالیتونو بېلابېل اړخونه بحث شوی دي.
د هند د اوړیسا (اوډیشا) ایالت چارواکي وايي چې په وروستیو کې د سختې ګرمۍ څپې ۴۱ تنه وژلي دي. اخوا په نوي دلي او د مهارشټرا ایالت په ځینو برخو کې د سختې ګرمۍ له وجې خلک د څښاک اوبو په ترلاسه کولو کې له ستونزو سره مخامخ دي. د رویټرز اژانس له ویډیوګانو جوړ رپورټ.
د خزانې وزیر تر دې وروسته هغه رپورټ په اسلام اباد کې خبریالانو ته وړاندې کړ چې له مخې یې حکومت د سخت اقتصادي او مالي وضعیت له وجې په ختمېدونکي مالي کال کې ډېری اهداف نه دي ترلاسه کړي.
د انډونيزيا د اچې صوبې په دماران بارو کلي کې اکثره د ټولنیزو بندیزونو او سختدریځه فکر له امله ښځې ځینې کارونه نه شي کولای خو پر دې حالاتو سربېره په هغه سیمه کې د ښځو یوه ډله ځنګلونه ساتي. دوی هڅه کوي چې ځنګلونه د ماحولیاتي بدلون او له غیر قانوني پرې کولو څخه خوندي کړي. د اسوشيېټېډ پرېس اژانس له ویډيو جوړ راپور
