اریا صدیقي او ایدا صدیقي هغه خویندې دي چې پر افغانستان د طالبانو د بیا واکمنېدو وروسته له زدهکړو محرومې شوې. خو هغوی هڅې پرېنهښودې او په دې جریان کې یې د شبکهکارۍ هنر زده کړ. په دې تصویري راپور کې د دې هنرمندو خویندو د کارونو یوه څنډه کتلی شئ:
یوه فلسطینۍ نجلۍ رهف ناصر د جګړه ځپلې غزې تړانګې په کوڅو کې ګرځي او د سولې سندرې وايي. هغې د جګړې پر مهال د موسیقۍ الات له لاسه ورکړل، خو اوس یې د خپل پلار له ملګري ګیتار اخیستی دی او د سندرو له لارې نړۍ ته خپل پیغام رسوي. د رویټرز اژانس له ویډیو جوړ رپورټ.
د برازيل په ځينو برخو کې په ځنګلونو کې لګېدلي اور که يو خوا د خلکو ژوند اغېزمن کړی دی نو بلخوا چاپيريال ته هم زيان رسوي. په هغه اور کې سلګونه زره ځنګلي ژوي له مينځه تللي دي. د رويټرز اژانس له ويډيوګانو جوړ رپورټ.
د دې اونۍ د "هارون باچا هنري ګړۍ" خپرونې مېلمه د پېښور يو ځوان هنرمند يمي خان دی. نوموړی په هم هغه ښار کې د "يمي سټوډيو" په نوم د موسيقۍ د ثبت يو ځای لري چې د ده په خبره، د پښتو تقريباً ټولو پېژندليو سندرغاړو ته يې پکې سندرې جوړې کړې دي. يمي خان زياتوي، اوسمهال موسيقي ډېجېټل یا کمپیوټري شوې خو ده کوښښ کړی دی چې په پښتو سندرو کې د سيمې روايتي سازونه وکاروي. نوموړی خپله هم کله نا کله سندره وايي او د ټولنيزو شبکو له لارې يې خلکو ته رسوي. په خپرونه کې د يمي خان د ژوند او هنر په اړه د ده خبرې او ځينې سندرې يې اورېدای شئ.
۱۷ کلنه فصاحت عزیزي له هغو نجونو ده چې د طالبانو په بیا واکمنېدو سره له ښوونځي محرومه شوه. له پیدا شوې رواني ستونزې سره د مبارزې په موخه یې نقاشۍ ته مخه کړه. هغه وايي، نقاشي یې د خوښې رشته نه ده او غواړي چې اقتصاد ولولي. نن له شپږم ټولګي پورته د نجونو د ښوونځیو د بندېدو ۱۰۰۰ ورځې پوره شوې.
د ابادۍ له پلوه د پاکستان په تر ټولو لوی ښار کراچۍ کې د لوی اختر د قربانۍ لپاره د اوښانو ځانګړې منډیي جوړه شوې ده چې ورته کاروباریانو د بېلابېلو نسلونو شاوخوا ۴،۵۰۰ اوښان وروستي دي. په منډیۍ کې د ښکلا لپاره د اوښانو پر پوستکي نقاشي کېږي. ویډیويي رپورټ.
د جون پر ۱۲مه د عوامي نيشنل ګوند، پښتونخوا نيشنل عوامي پارټۍ او د ملي جمهوري غورځنګ پلويانو د لاريون پر مهال د ښار له بېلا بېلو سیمو څخه تر تېرېدو وروسته د کوټې په باچا خان څلور لاره کې مظاهره وکړه.
د نیپال د یو کلي اوسېدونکي وایي د ماحولیاتي بدلون اثراتو د هغوی د شاتو د مچیو کاروبار هم اغېزمن کړی. د دوی په خبره، د ځنګلونو له کمېدو، سېلابونو او ګرمۍ زیاتېدو سره اوس د هغوی کلي ته د شاتو مچۍ په کم شمېر کې ورځي. په دې اړه فرخندې اسد د رویټرز اژانس ویډیو راپور جوړ کړی دی.
د سازمان مشر عرفان حسین بابک د جون پر ۱۲مه مشال راډيو ته وويل چې په سوات کې د ښځو د وژلو پېښې مخ په زیاتېدو دي. نوموړي وويل چې د روان ۲۰۲۴ز کال د جون تر ۱۰ مې پورې په سوات کې ۲۶ ښځې وژل شوې دي.
