Бишкектеги “Батуми” кафесинин айланасындагы чыр боюнча кылмыш иши козголду. Калаанын вице-мэри Нурдан Орунтаев атайын кызматка сурак берип, келтирилген чыгымды төлөп берүүгө милдеттендирилди. Бул маалымат коомчулуктун бүйүрүн кызытып, талаш-тартыш жаратты. Айрымдар Улуттук коопсуздук боюнча мамлекеттик кызматты "мэриянын ишине кийлигишти" деп сындаса, башкалары шаар бийлиги ишкерлердин укугун бузуп жатканын белгилешүүдө. 26-майда Бишкектин вице-мэри Нурдан Орунтаев “Батуми” ресторанынын бузулушуна байланыштуу УКМКда сурак берип... Читать дальше...
Токмоктогу айланма жолдо болгон кырсыкта сегиз кишинин өмүрү кыйылды. Бул тууралуу Жол кыймылынын коопсуздугун камсыздоо башкы башкармалыгы билдирди. "Honda Odissey үлгүсүндөгү автоунаа Нарындан Бишкекке жүргүнчү алып келе жатканда кырсыкка кабылган. Буга анын каршылаш жолго чыгып кетип, автоманипулятор менен кагышканы себеп болгон", - деп айтылат маалыматта. Айрым маалымат булактары каза тапкандар арасында эки бала бар экенин жазышты. Кыргызстанда соңку айларда бир канча жол кырсыгы катталды. Читать дальше...
Ош шаарында жолдорду оңдоп-түзөөдөн өткөргөн ишкананын кызматкерлери миллиондогон сомдук тендерлерди өздөрү утуп келген. Алардын алды 70 миллион сомдук тендерди утуп, бирок салган жолдору боюнча чуу чыккан. Ишкана жетекчиси өткөрүлгөн тендерлерде мыйзам бузулбаганын айтууда.
Ысык-Көлдөгү Жыргалаң союз маалында шахтерлор байырлаган кыштак катары таанылган. Эгемендик жылдары кендин иши жүрүшпөй, көптөгөн адамдар жумушсуз калган. Бирок соңку жылдары айыл эли бул көйгөйдү жеңүү үчүн Европа өлкөлөрүнөн туристтерди чакырып, жаштары англис тилин өздөштүрүүдө. Кышы узакка созулган чакан айылда азыр 16 конок үйү иштеп, кышы-жайы киреше табууга өтүштү. Бир кездерде мындагы шахтадан жылына 100 миң тонна көмүр өндүрүлүп келген. Азыр анын да иши жанданганы турат.
“Бийлик сырлары” берүүбүздүн бул жолку коногу Кыргыз Республикасынын маданиятына эмгек сиңирген ишмер, улуттук “Кабар” агенттигинин мурдагы башкы директору Кубан Таабалдиев болду. Ал маегинде алгачкы менчик басылмалар, президенттер Акаев, Бакиев, Атамбаевдин тушундагы бийликтин жалпыга маалымдоо каражаттары менен мамилеси, таасири, журналисттердин соттолушу, өлтүрүлүшүнүн себептери ж.б. суроолорго жооп берет. - Эгемендиктин алгачкы жылдары Кыргызстандагы менчик басылмалардын бири “Республика”... Читать дальше...
“Бийлик сырлары” берүүбүздүн бул жолку коногу Улуттук “Кабар” агенттигинин мурдагы башкы директору Кубан Таабалдиев болду. Ал маегинде президенттер Акаев, Бакиев, Атамбаевдин тушундагы бийликтин ЖМК менен мамилеси, таасири, журналисттердин соттолушу, өлтүрүлүшүнүн себептери ж.б. суроолорго жооп берди.
Тажикстанда узак мөөнөткө эркинен ажыратылган адвокат Бузургмехр Ёровго каршы козголгон соңку кылмыш иши тергелип бүтүп сотко өттү. Бул тууралуу "Озоди" радиосу анын апасы Хуриниссо Исхоковага шилтеме кылып жазды. Ага ылайык, иш тергелип сотко өткөнү тууралуу Ёровдун адвокаты билдирген жана кайсы сотто караларын тактаган эмес. Адвокаттын туугандарынын айтымында, алар Ёровду акыркы жолу январь айында көргөн жана учурдагы саламаттыгы тууралуу маалыматтары жок. Өткөн айда Ёровго төртүнчү кылмыш иши козголгону белгилүү болгон. Читать дальше...
Улуттук коопсуздук комитетинин (УКМК) төрагасы Камчыбек Ташиев жакынкы күндөрү чоң аткаминерлер камаларын билдирди. Ал бул тууралуу 25-майда "Регион" телеканалына курган маегинде айтты. Анда коррупцияга каршы күрөш, анын экинчи айлампасы тууралуу кеңири сөз кылды. Ташиевдин маегиндеги айрым карама-каршы билдирүүлөрү талкууга жем таштады. "Бул кызматта түбөлүк отурбайм" Камчыбек Ташиев өзүнө жакын "Регион" телеканалындагы маегинде адегенде Фейсбукта жазган билдирүүсү жана андагы "убактысы аз... Читать дальше...
Жалал-Абад облусунда журналисттер көзү өтүп кеткен кесиптештерин эскерүү иш-чарасын өткөрүп жатышат. Эскерүүгө президенттин Жалал-Абад облусундагы өкүлүнүн орун басары, Жалал-Абад шаарынын мэри жана медиа чөйрөсүндө жүргөндөр катышты. Анда Аким Акжолов, Орозалы Карасартов, Ырысбек Зулумбеков жана Садыралы Абдукеримов баштаган маркум журналисттердин сүрөттөрү менен өмүр баяны камтылган баннерлер илинди. Иш-чара спорттук мелдеш менен уланып, футбол, волейбол жана стол тенниси болот. Кыргызстанда... Читать дальше...
Улуттук банк соңку кездерди алардын жана башка финансы мекемелеринин атын колдонгон шылуундар көбөйгөнүн эскертти. Анда социалдык тармактарда, мессенжерлерде жана башка интернет ресурстарында банктын атынан акчалай жардам берилери, көп киреше таап, дароо байып кетүү мүмкүнчүлүгү тууралуу жалган маалыматтар байма-бай тарап жатканы айтылат. “Шылуундар элдин көңүлүн буруп, өздөрүнө кызыктыруу үчүн Улуттук банкка таандык белгилерди жана белгилүү адамдардын сүрөттөрүн колдонуп жатат. Банк жарандарды сак болууга... Читать дальше...
Президенттик администрациянын маалыматтык саясат кызматынын башчысы Дайырбек Орунбеков мектептерде акча чогултуу, коомдук фонддорду түзүүнү тыйган жарлыкты аткарбагандар жазаланарын эскертти. Ал бул тууралуу Фейсбуктагы баракчасына жазды. “Буга чейин, мектептин ремонту, керектүү жабдыктар үчүн ата-энелерден акча чогултуу болуп келген. Бир нече жолу эскертүүлөр берилгенине карабай, ата-энелердин комитетинин фонду деген шылтоо менен акча каражаты чогултулган. Бул аз камсыз болгон жана көп балалуу үй-бүлөлөр үчүн оорчулук жаратып... Читать дальше...
Президент Садыр Жапаров менен Министрлер кабинетинин төрагасы Акылбек Жапаров баштаган топ 26-майда Бишкектеги “Кыргызиндустриясы” ишканасына барды. Президенттин басма сөз кызматынын билдиришинче, алар бул ишканага таандык заводдордун, токтоп турган ишканалардын абалы менен таанышты. “Учурда “Кыргызиндустрия” ачык акционердик коому 19 долбоорду ишке ашырып, анын тогузу толук иштеп, өз продукциясын чыгара баштады. Бирок кошумча каражат берилбегендиктен калган 10 долбоорду ишке ашыруу азырынча токтоп турган. Читать дальше...
Кыргызстандын Орусиядагы элчилиги бул өлкөдө мигранттарды текшерүү үчүн рейд күчөгөнү тууралуу социалдык тармактардагы билдирүүлөргө түшүндүрмө берди. Анда мыйзамсыз миграция каршы мындай иш-чаралар такай өткөрүлүп турарын, кыргызстандык жарандар эреже-талаптарды так сакташы керектигин эскертти. “Элчилик Орусиянын тиешелүү органдары такай текшерүү жүргүзүп, чет өлкөлүк жарандардын мыйзамдуу жүрүүсүнө мониторинг кыларын эскертет. Буга байланыштуу терс кесепеттердин алдын алуу үчүн кыргызстандык... Читать дальше...
