Киев кайрадан ракетадан жапырт аткылоого кабылды. Элдик курултайдын Аксакалдар кеңешинин төрагасы Кадыр Кошалиевдин мурунку президент Курманбек Бакиевден алган интервьюсу жарыяланды. Кыргызстанда кызмат учурунда курман болгон прокурордун үй-бүлөсүнө 21 миллион сом төлөнүп берилет.
Бокс боюнча дүйнө чемпионатында коло медал уткан кыргызстандык мушкер Мунарбек Сейитбек уулун 16-майда президент Садыр Жапаров элдин жана өзүнүн атынан куттуктап, бул Кыргызстандын жаңы тарыхында бокс боюнча дүйнө чемпионатындагы биринчи байгелүү орун экенин белгиледи. “Мушкерибиз көпчүлүккө Союз маалында атагы алыска кеткен кыргыз бокс мектебинин кайра жандануусунан кабар бергендей таасир калтырды десем жаңылышпайм. Спортто өйдө-ылдый болуп турат. Коло болсо да бул кыргыз спорту, айрыкча жаш спортчулар үчүн чоң дем... Читать дальше...
"Эркин Европа/Азаттык радиосунун" (Radio Free Europe/Radio Liberty - RFE/RL) президенти жана башкы директору Жейми Флай 30-июнда кызматтан кетерин жарыялады. Эл аралык медиа компаниянын башчысы үй-бүлөсүн АКШга кайра көчүрүп, жеке иштери менен алектенерин билдирди. “Эркин Европа/Азаттык радиосунун” башкаруучулар кеңеши туруктуу президент тапканга чейин корпорацияны Жеффри Гедмин убактылуу башкарат. Гедмин 2007-2011-жылдары корпорацияны башкарган, учурда Башкаруучулар кеңешинин мүчөсү. Башкаруучулар кеңешинин төрагасы... Читать дальше...
Бишкекте менчик бала бакча ачып, иштетүүнү көздөгөн ишкер аялдар үчүн атайын окутуу уюштурулуп жатканын 16-майда мэриянын басма сөз кызматы билдирди. Үй шартында бала бакча уюштурууну каалаган аялдарды саламаттык сактоо, өрт коопсуздугу, мектепке чейинки билим берүү багыттары боюнча атайын даярдыктан өткөн тренерлер окутуп жатышат. Окуу аяктагандан кийин аларга үй шартында бала бакча ачып, иштетүүгө укук берүүчү сертификат тапшырылат. Мэрия белгилегендей, бул долбоор алкагында уруксат кагазы... Читать дальше...
Ысык-Көлдө жергиликтүү сот органынын мыйзамсыз чечиминен улам мамлекетке 42 миллион сомдон ашуун зыян келтирилгенин бүгүн, 16-майда Улуттук коопсуздук боюнча мамлекеттик комитеттин (УКМК) басма сөз кызматы билдирди. Мекеменин маалыматына караганда, окуя 2015-жылы Ысык-Көл районунда болгон, Чок-Тал айылынын аймагында жайгашкан Royal Beach мейманканасынын аймагында 8,19 гектар жер тилкеси жеке колго мыйзамсыз өтүп кеткен. Атайын кызмат буга Ысык-Көл райондук сотунун ошол кездеги чыгарган чечими негиз болгонун... Читать дальше...
Элдик курултайдын Аксакалдар кеңешинин төрагасы Кадыр Кошалиевдин Курманбек Бакиев менен интервьюсу жарыяланды. Беларустан башпаанек тапкан мурдагы президент 2010-жылкы Апрель окуясы жана анын бийлиги тушундагы буюртма киши өлтүрүүлөр тууралуу суроолорго жооп берген. Сыртынан 30 жылга кесилген мурунку президентке мындай деңгээлде аянтча уюштурулуп жатканын апрелчилер кескин сындап, "Бакиевдерди актоо аракети" деп сыпатташууда. Бакиевдин актануусу 2010-жылы элдик толкундоолордон кийин бийликтен кетип... Читать дальше...
Бүгүн 16-майда Бишкекте Улуттук телерадио корпорациясы (УТРК) Улуттук “Манас” театры менен биргеликте уюштурган төкмө акындардын республикалык “Айтыш төр” телесынагы жыйынтыкталып, жеңүүчүлөргө сыйлык тапшырылды. Өкмөттүн басма сөз кызматы маалымдагандай, таймаштын финалына көрүүчү катары катышкан Министрлер кабинетинин төрагасы Акылбек Жапаров “Айтыш төрдүн” байге фонду 3 миллион сомду түзгөнүн билдирди. 1 миллион сомдук баш байге Акматбек Султан уулуна тийди. 1-орун жана 500 миң сом Кубат Тукешовго... Читать дальше...
Багдаддагы "Русафа" аялдар түрмөсүнүн администрациясы ачкачылык жарыялаган орус жарандарын Орусиянын колонияларына которууга убада бергени кабарланууда. Бул тууралуу Kavkaz.Realii сайтына түрмөдөгү нааразылык акциясына катышкандардын бири кабарлады. Абактагы чет өлкөлүк ондогон аял өздөрүнө козголгон кылмыш иштерин кайра карап чыгууну жана мекенине жөнөтүүнү талап кылып, үч жума мурун ачкачылык жарыялашкан. Арасында кыргызстандыктар да бар. "Азаттык" радиосуна байланышкан кыргызстандык аялдар ачкачылык акциясы 16-майда токтогонун... Читать дальше...
Жогорку Кеңештин Транспорт, коммуникациялар, архитектура жана курулуш комитети 16-майдагы жыйынында "Анык эмес (жалган) маалыматтан коргоо жөнүндө" мыйзамга өзгөртүү киргизүү долбоорун жактырды. Документтин авторлору азыркы мыйзамда сөз эркиндигине коркунуч жараткан бир катар жагдайлар бар экенин белгилешкен. Кыргыз өкмөтү "учурдагы мыйзамды өзгөртүү зарылчылыгы жок" деген корутунду бергени белгилүү болгон. 2021-жылы августта кабыл алынган бул мыйзамдын негизинде "Азаттыктын" сайты бөгөттөлүп... Читать дальше...
“Жалпыга маалымдоо каражаттары жөнүндө” мыйзам долбоору боюнча бүгүн 16-майга белгиленген талкуу үзгүлтүккө учурады. Буга долбоорду иштеп чыгуу үчүн түзүлгөн жумуш тобундагы медиа тармактын өкүлдөрүнүн президенттик администрацияга нааразылыгы себеп болду. Жыйынга төрагалык кылган президенттин жана өкмөттүн укуктук камсыздоо бөлүмүнүн башчысы Алмаз Айылчиев мыйзам долбоору бир күн мурда коомдук талкууга чыгарылганын, бирок талкууну уланта берсе болорун айтып, ар бир берене боюнча ишти баштоону сунуш... Читать дальше...
Пакистандын Хайбер-Пахтунхва аймагындагы көмүр кенин талашуудан жаралган куралдуу кагылышта 16 киши мерт болуп, үчөө жараат алды. Полициянын басма сөз кызматы “Азаттыктын” Пакистан кызматына билдиргендей, Дара Адам Хел районунда жергиликтүү Суннит-хел жана Заргун-хел урууларынын ортосунда атышуу болду. Эки уруунун өкүлдөрү ондогон жылга созулган талаш-тартышты чечүү максатында чогулганда чыр тутанган. Көмүр - бул райондогу тургундардын маанилүү киреше булагы.
Жогорку Кеңештеги "Бүтүн Кыргызстан" фракциясы акыйкатчы кызматына Бакыт Рысбековдун талапкерлигин сунуштай турганын 16-майда жарыялады. Бул тууралуу фракциянын катчылыгынын консультанты Мирбек Мунарбек уулу билдирди. Бакыт Рысбеков 2020-жылдын август айынан бери Кыйноолорду алдын алуу боюнча улуттук борбордун директору кызматын ээлеп турат. Ушул эле күнү парламенттеги Конституциялык мыйзамдар, мамлекеттик түзүлүш, сот укук маселелер боюнча комитети акыйкатчы кызматына эки талапкерди карап, колдоду. Читать дальше...
Президент Садыр Жапаров 31-мартка карата Кыргызстандын тышкы карызы 4,5 млрд. долларга жеткенин, мамлекетте аны төлөөгө кудурети бар экенин айтты. Бирок тышкы карыздын дээрлик баары 20 жылдан 40 жылга чейин жеңилдетилген, пайыздык чендери 0,75 - 2% менен алынганын билдирип, аны мөөнөтүнөн мурда төлөсө, ашыкча чыгым болорун кошумчалады. Бул тууралуу Садыр Жапаров “Кабар” улуттук агенттигине курган маегинде айтты. “Мисалы, тышкы карызга 2004-жылы 3,1 млрд. сом, 2008-жылы 5 млрд. сом, 2011-жылы 9,4 млрд. Читать дальше...
Кыргызстандын жарандары турак жайга болгон укугу бузулуп, баш калкалоочу жайга жетпей жатканы утур-утур айтылып келет. “Азаттык” үйгө муктаж адамдардын арыз-мууңун угуп, өкмөттүн жообуна кызыгып көрдү.
Александр Лукашенконун басма сөз кызматы башкарган "Пул первого" Telegram каналы дүйшөмбүдө Беларустун авторитардык лидеринин аскер кийимчен сүрөтүн таратты. Ал 15-майда Лукашенконун армия жетекчилиги менен жолугушканда тартылганы айтылат. Кийинчерээк ошол жерден тартылган видео да жарыяланды. Сүрөт жана видеолордо анын сол колу таңылуу экени көрүнүп турат. Лукашенко дээрлик бир аптадан бери элге көрүнбөй калгандыктан, саламаттыгына байланыштуу кеп-сөз тараган. Журналисттер 9-майда Москвадагы... Читать дальше...
Жалпыга маалымдоо каражаттары (ЖМК) жалган маалымат тараткан деген жүйө менен Маданият, маалымат, спорт жана жаштар саясаты министрлигине 2022-жылдан бери 22 арыз түшкөн. Бул тууралуу министрдин орун басары Чыңгыз Эсенгул уулу 16-майда Жогорку Кеңештин Транспорт, коммуникациялар, архитектура жана курулуш боюнча комитетинин жыйынында айтты. Арыздар “Анык эмес (жалган) маалыматтан коргоо жөнүндө” мыйзамдын негизинде берилген. “Жыйынтыгында үч сайттын ишин эки айга токтотуу чечими чыгарылды. respublica.kg... Читать дальше...
Президенттин администрациясы “Жалпыга маалымдоо каражаттары” жөнүндө мыйзам долбоорун документти иштеп чыгуу боюнча түзүлгөн жумушчу топтун мүчөлөрү менен макулдашпай коомдук талкууга чыгарды. Долбоор koomtalkuu.gov.kg сайтына 15-майда жарыяланган. Мыйзам долбоорунда жалпыга маалымдоо каражатын каттоо жөнүндө арыз Юстиция министрлигине же Санариптик өнүктүрүү министрлигине берилери жазылган. Ошондой эле веб-сайттар Санариптик өнүктүрүү министрлигине тармактык ЖМК катары каттоодон өтүшү керек. Читать дальше...
Казакстандын Жаңы-Өзөн шаарында 15-майда жүздөн ашуун жумушсуз мунайчылар президент Касым-Жомарт Токаевге кайрылышты. Алар бир жарым айдан ашык убакыт өтсө да туруктуу жана татыктуу акы төлөнүүчү жумушка орноштуруу талаптары аткарыла электигин айтууда. Нааразылыкка чыккандар апрелден бери "Өзөнмунайгаз" ишканасынын имаратынын алдында күн сайын чогулуп жатканын белгилешти. 10-апрелде "Берали Маңгыстау" компаниясынын мурдагы 82 кызматкери Астанага келип, Энергетика министрлигинин алдына чогулган. Читать дальше...
Кыргызстандын президенти Садыр Жапаров 18-20-май күндөрү Кытайга мамлекеттик сапар менен барат. Бул тууралуу мамлекет башчынын басма сөз кызматы президенттин администрациясынын тышкы саясат бөлүмүнүн башчысы Муратбек Азымбакиевге шилтеме берип билдирди. Ал Садыр Жапаров Кытайдын төрагасы Си Цзинпин менен эки тараптуу сүйлөшүүлөрдү өткөрөрүн жана эки өлкөнүн кызматташтыгын арттыруу боюнча маселе талкууланарын айтты. Садыр Жапаров андан тышкары Кытайдын Мамлекеттик кеңешинин премьери Ли Цян,... Читать дальше...
17-майга караган түнү Чүй облусунун айрым жерлеринде өткүн өтүп, күн күркүрөшү, бийик тоолуу райондордо кар жаашы мүмкүн. Күндүз жаан-чачын жаабайт. Батыштан соккон шамалдын ылдамдыгы секундасына 4-9 метрден, күндүз Чүй, Талас облустарынын айрым жерлеринде 15-20 метрге жетет. Абанын температурасы: Чүйдө түнкүсүн 12…17, күндүз 27…32; Таласта түнкүсүн 9…14, күндүз 23…28; Баткен, Ош, Жалал-Абад облустарында түнкүсүн 12…17, күндүз 25…30; Ысык-Көлдө түнкүсүн 7…12, күндүз 20…25; Нарын облусунда түнкүсүн 5…10... Читать дальше...
Кыргызстанда жарандарга пенсиялык топтоо фондундагы каражатка турак жай сатып алууга жол берген мыйзам долбоору 15-майда коомдук талкууга коюлду. Жогорку Кеңештин сайтына жарыяланган долбоор жарандын пенсиялык фонддогу каражатын жеке курулуш компанияларга салып, үй алуусуна шарт түзөрү жазылган. “Мыйзам долбоору менен жарандарга ар кандай курулуш субъекттеринен (курулушчудан, курулуш компаниясынан) турак жай сатып алууда топтолмо пенсиялык фонддогу өз каражаттарын баштапкы төлөм катары пайдаланууга мүмкүндүк берери болжолдонууда. Читать дальше...
Бала комуз черткенди билчү эмес. Баарын баласын учкаштырып үйүнө келген карыядан көрүп, атасынын комузчулук өнөрүн билди, анын жалгыз күүсүн да ошол чоочун адам чертип берген. Дүйнөдөн эрте өткөн Окин Кулматовдун кырчын курагында жазган “Жалгыз күү” аңгемеси 1963-жылы “Жаш ленинчи” журналына жарыяланган экен. Бир түп кара жыгач, терек Окин Кулматовдун аңгемеси балдар журналына жарыяланганын уулу Алмаз билгендерден угуп кыйла жыл издеген, таберик чыгарма акыры табылды. Социализм заманында балдардын... Читать дальше...
16-майда Жогорку Кеңештин Транспорт, коммуникациялар, архитектура жана курулуш боюнча комитети “Анык эмес (жалган) маалыматтан коргоо жөнүндө” мыйзамга өзгөртүү киргизүү тууралуу долбоорду биринчи окууда колдоду. Документтин авторлору мыйзамдын азыркы редакциясында карама-каршылыктар жана коррупциялык коркунучтар бар экенин, бардык укуктар ЖМКга каршы арыздангандарга гана берилип калганын жана мамлекеттик органдар анын арызынын негизинде эле сайтты бөгөттөп коюп жатканын айтышкан. Мыйзам долбоорунун... Читать дальше...
Ош шаардык ички иштер башкармалыгынын кызматкерлери 16-майга караган түнү куралды мыйзамсыз алып жүргөн кылмыштуу топ кармалганын билдирди. Шектүүлөр бараткан “Мерседес-Бенц” үлгүсүндөгү автоунаадан АКСУ-74У үлгүсүндөгү автомат (төрт огу менен), бир тапанча (үч огу менен) алынган. Кармоо учурунда алар милиция кызматкерлерине каршылык көрсөтүп, качууга аракет кылган. Жыйынтыгында 27, 30, 29 жаштагы үч киши кармалып, Ош шаардык ички иштер башкармалыгына алынып келген. Тергөө жүрүп жатат. Кармалгандардын... Читать дальше...
16-майда Жогорку Кеңештин Конституциялык мыйзамдар, мамлекеттик түзүлүш, сот укук маселелер боюнча комитети акыйкатчы кызматына талапкерлерди карап, экөөнү тең колдоду. Маселе 17-майда парламенттин жалпы жыйынында талкууланат. “Мекенчил” депутаттык тобу жана “Ата-Журт Кыргызстан” фракциясы Жамиля Жаманбаеванын талапкерлигин көрсөттү. 46 жаштагы Жамиля Жаманбаева эмгек жолун 1998-жылы Бишкек шаарындагы райондук прокуратура бөлүмдөрүндө стажер, прокурордун жардамчысы, прокурордун улук жардамчысы болуудан баштаган. Читать дальше...
